sarfraz chouhdary,s most wanted

[sarfraz_qamar]

Re: sarfraz chouhdary,s most wanted

dekhanaa bhii to u.nhe.n duur se dekhaa karanaa
shevaa-e-ishq nahii.n husn ko rusavaa karanaa

[shevaa = tradition/way]

ik nazar hii terii kaafii thii ki ai raahat-e-jaan
kuchh bhii dushvaar na thaa mujhako shikebaa karanaa

[raahat = relief; shikebaa = console/to make one patient]

un ko yaa.N vaade pe aa lene de ai abr-e-bahaar
jis tarah chaahanaa phir baad me.n barasaa karanaa

[yaa.N = here]

kuchh samajh me.n nahii.n aataa ki ye kyaa hai "Hasrat"
un se milakar bhii na izhaar-e-tamannaa karanaa

[sarfraz_qamar]

Re: sarfraz chouhdary,s most wanted

yaad hai.n saare vo aish-e-baafaraaGat ke maze
dil abhii bhulaa nahii.n aaGaaz-e-ulfat ke maze

[aaGaaz-e-ulfat = beginning of love]

vo saraapaa naaz thaa begaanaa-e-rasm-e-jafaa
aur mujhe haasil the lutf-e-benihaayat ke maze

[saraapaa = from head to toe]

husn se apane vo Gaafil thaa mai.n apane ishq se
ab kahaa.N se laauu.N vo naa-vaaqfiyat ke maze

[naa-vaaqfiyat = ignorance]

merii jaanib se nigaah-e-shauq kii betaabiyaa.N
yaar kii jaanib se aaGaaz-e-sharaart ke maze

[sarfraz_qamar]

Re: sarfraz chouhdary,s most wanted

phuulo.n kii Tahaniyo.n pe nasheman banaa_iiye
bijalii gire to jashn-e-charaaGaa.N manaa_iiye

[nasheman = nest; jashn--charaaGaa.N = celebration of lights]

kaliyo.n ke ang ang me.n miThaa saa dard hai
biimaar nikahato.n ko zaraa gud-gudaa_iiye

[nikahat = fragrance]

kab se sulag rahii hai javaanii kii garm raat
zulfe.n bikher kar mere pahaluu me.n aa_iiye

bahakii hu_ii siyah ghaTaao.n ke saath saath
jii chaahataa hai shaam-e-abad tak to jaa_iiye

[shaam-e-abad = unending evening]

sun kar jise havaas me.n Tha.nDak sii aa base
aisii ko_ii udaas kahaanii sunaa_iiye

[havaas = sense and sensibility]

raste pe har qadam pe Kharaabaat hai.n "Adam"
ye haal ho to kis tarah daaman bachaa_iiye

[sarfraz_qamar]

Re: sarfraz chouhdary,s most wanted

mariiz-e-muhabbat u.nhii.n kaa fasaanaa sunaataa rahaa dam nikalate nikalate
magar zikr-e-shaam-e-alam jab bhii aayaa chiraaG-e-sahar bujh gayaa jalate jalate

iraadaa thaa tark-e-muhabbat kaa lekin fareb-e-tabassum me.n phir aa gaye ham
abhii khaake Thokar sambhalane na paaye ki phir khaa_ii Thokar sambhalate sambhalate

u.nhe.n Khat me.n likhaa thaa dil muztarib hai javaab un kaa aayaa muhabbat na karate
tumhe.n dil lagaane ko kisane kahaa thaa bahal jaayegaa dil bahalate bahalate

vo mehamaa.N rahe bhii to kab tak hamaare hu_ii shammaa gul aur Duube sitaare
"Qamar" is qadar un ko jaldii thii ghar kii vo ghar chal diye chaa.Ndanii Dhalate Dhalate

[sarfraz_qamar]

Re: sarfraz chouhdary,s most wanted

hairat se tak rahaa hai jahaan-e-vafaa mujhe
tum ne banaa diyaa hai mohabbat me.n kyaa mujhe

[hairat = amazement; takanaa = to stare]

**reminds me of a sher by Nasir:

ab mere diid kii duniyaa bhii tamaashaa_ii hai
tuu ne kyaa mujhako muhabbat me.n banaa rakhaa hai**


har ma.nzil-e-hayaat se gum kar gayaa mujhe
mu.D mu.D ke raah me.n vo teraa dekhanaa mujhe

[hayaat = life]

kaif-e-Khudii ne mauj ko kashtii banaa diyaa
hosh-e-Khudaa hai ab na Gam-e-naaKhudaa mujhe

[kaif = happiness; Khudii = self; naaKhudaa = boatsman]

saaqii bane huye hai.n vo "Sagar" shab-e-visaal
is vaqt ko_ii merii qasam dekhataa mujhe

[sarfraz_qamar]

Re: sarfraz chouhdary,s most wanted

haq vafaa kaa jo ham jataane lage
aap kuchh kahake muskuraane lage

ham ko jiinaa pa.Degaa furqat me.n
vo agar himmat aazamaane lage

[furqat = separation]

Dar hai merii zubaa.N na khul jaaye
ab vo baate.n bahut banaane lage

jaan bachatii nazar nahii.n aatii
Gair ulfat bahut jataane lage

tum ko karanaa pa.Degaa uzr-e-jafaa
ham agar dard-e-dil sunaane lage

[uzr-e-jafaa = reason for being unfaithful]

bahut mushkil hai shevaa-e-tasliim
ham bhii aaKhir ko jii churaane lage

[sarfraz_qamar]

Re: sarfraz chouhdary,s most wanted

vo anjuman me.n raat ba.Dii shaan se gaye
imaan chiiz kyaa thii ka_ii jaan se gaye

mai.n to chhupaa huaa thaa hazaaro.n naqaab me.n
lekin akele dekh ke pahachaan se gaye

vo shamaa ban ke Khud hii akele jalaa kiyaa
paravaane kal kii raat pareshaan se gaye

aayaa teraa salaam na aayaa hai Khat ko_ii
ham aaKhirii safar ke bhii saamaan se gaye

"Rahi" ji.nhe.n Khudaa bhii na samajhaa sakaa kabhii
baiThe biThaaye dekh lo ab maan se gaye

[sarfraz_qamar]

Re: sarfraz chouhdary,s most wanted

saaqii par ilzaam na aaye
chaahe tujh tak jaam na aaye

tere sivaa jo kii ho muhabbat
merii javaanii kaam na aaye

jin ke liye mar bhii gaye ham
vo chal kar do gaam na aaye

ishq kaa saudaa itanaa garaa.N hai
i.nhe.n ham se kaam na aaye

[garaa.N = difficult]

maiKhaane me.n sab hii to aaye
lekin "Jigar" kaa naam na aaye

[sarfraz_qamar]

Re: sarfraz chouhdary,s most wanted

baat kar tujh pe gumaa.N hone lagaa tasviir kaa
mu.ntazir kab se hai Gair terii taqariir kaa

[gumaa.N = suspicion; mu.ntazir = waiting; taqariir = repeated speech]

raat kyaa soye ki baaqii umr kii nii.nd u.D ga_ii
Khvaab kyaa dekhaa ki dha.Dakaa lag gayaa taabiir kaa

[taabiir = realization of a dream]

kaise paayaa thaa tujhe kis tarah khoyaa tujhe
mujh-saa mu.nkir bhii to qaayal ho gayaa taqadiir kaa

[mu.nkir = one who does not believe; qaayal = fan/follower]

jaane kis aalam me.n tuu bichha.Daa hai ki tere baGair
aaj tak har naqsh fariyaadii hai merii tahariir kaa

[tahariir = writing]

[sarfraz_qamar]

Re: sarfraz chouhdary,s most wanted

mastaanaa piye jaa yuu.N hii mastaanaa piye jaa
paimaanaa to kyaa chiiz hai maiKhaanaa piye jaa

kar garq may-o-jaam Gam-e-gardish-e-ayyaam
ab ai dil-e-naakaam tuu maiKhaanaa piye jaa

[garq = drown; Gam-e-gardish-e-ayyaam = sorrow of everyday life]

may-noshii ke aadaab se aagaah nahii.n tuu
jis tarah kahe saaqii-e-maiKhaanaa piye jaa

[may-noshii = drinking; aadaab = ways/traditions/rituals; aagaah = acquianted with]

is bastii me.n hai vahashat-e-mastii hii se hastii
diivaanaa ban aur baadaa-e-diivaanaa piye jaa

maiKhaane ke ha.ngaame.n hai.n kuchh der ke mehamaa.N
hai subah qariib "Akhtar" divaanaa piye jaa

[sarfraz_qamar]

Re: sarfraz chouhdary,s most wanted

ye shab-e-firaq ye bebasii hai.n qadam qadam pe udaasiyaa.N
meraa saath ko_ii na de sakaa merii hasarate.n hai.n dhuaa.N dhuaa.N

mai.n ta.Dap ta.Dap ke jiyaa to kyaa mere Khvaab mujh se bichha.D gaye
mai.n udaas ghar kii sadaa sahii mujhe de na ko_ii tasalliyaa.N

chalii aisii dard kii aa.Ndhiyaa.N mere dil kii bastii uja.D ga_ii
ye jo raakh-sii hai bujhii bujhii hai.n isii me.n merii nishaaniyaa.N

ye fizaa jo gard-o-Gubaar hai merii bekasii kaa mazaar hai
mai.n vo phuul huu.N jo na khil sakaa merii zi.ndagii me.n vafaa kahaa.N

[sarfraz_qamar]

Re: sarfraz chouhdary,s most wanted

yaaro kisii qaatil se kabhii pyaar na maa.Ngo
apane hii gale ke liye talavaar na maa.Ngo

gir jaaoge tum apane masiihaa kii nazar se
mar kar bhii ilaaj-e-dil-e-biimaar na maa.Ngo

khul jaayegaa is tarah nigaaho.n kaa bharam bii
kaa.NTo.n se kabhii phuul kii mahakaar na maa.Ngo

[mahakaar = fragrance]

sach baat pe milataa hai sadaa zahar kaa pyaalaa
jiinaa hai to phir jiine ke izahaar na maa.Ngo

us chiiz kaa kyaa zikr jo mumkin hii nahii.n hai
seharaa me.n kabhii saayaa-e-diivaar naa maa.Ngo

[seharaa = desert/wilderness]

[sarfraz_qamar]

Re: sarfraz chouhdary,s most wanted

terii hii tarah hame.n yaad aane vaalaa ho
tere sivaa bhii ko_ii to sataane vaalaa ho

har ek subah yahii dil me.n huuk uThatii hai
hame.n bhii naaz se ko_ii jagane vaalaa ho

vo kis ummiid me.n ghar me.n rahe.n ki jis ghar me.n
na aane vaalaa ho ko_ii na jaane vaalaa ho

har ek se nazare.n milaa_ii hai.n un ke kuuche me.n
ki jaise ab ko_ii ham ko bulaane vaalaa ho

hai dosto ke liye aa_iinaa nazar merii
nazar milaaye jo nazare.n milaane vaalaa ho

ki jaise ko_ii balaa mujhape aane vaalii hai
haraas kahataa hai ko_ii bachaane vaalaa ho

[haraas = fear]

hamaare shahar me.n kyaa kyaa saje-sajaaye hai.n ghar
hamaare ghar ko bhii ko_ii sajaane vaala ho

[sarfraz_qamar]

Re: sarfraz chouhdary,s most wanted

tuu kisii aur kii jaagiir hai ai jaan-e-Gazal
log tuufaan uThaa de.nge mere saath na chal

pahalaa haq thaa terii chaahat ke chaman par meraa
pahalaa haq thaa terii Khushbuu-e-badan par meraa
ab meraa pyaar tere pyaar kaa haqadaar nahii.n
ab kisii aur ke shaano.n pe hai teraa aa.Nchal

[**Looking at the structure of this nazm, it seems like
the fourth line is missing from the above stanza. Does
anyone know if this is so?**]

mai.n tere pyaar se ghar apanaa basaauu.N kaise
mai.n terii maa.Ng sitaaro.n se sajaauu.N kaise
merii qismat me.n nahii.n pyaar kii Khushbuu shaayad
mere haatho.n kii lakiiro.n me.n nahii.n tuu shaayad
apanii taqadiir banaa meraa muqaddar na badal

[sarfraz_qamar]

Re: sarfraz chouhdary,s most wanted

aa chaa.Ndanii bhii merii tarah jaag rahii hai
palako.n pe sitaaro.n ko liye raat kha.Dii hai

ye baat ki suurat ke bhale dil ke bure ho.n
allaah kare jhuuTh ho bahuto.n se suunii hai

vo maathe kaa matalaa ho ki ho.nTho.n ke do misare
bachapan kii Gazal hii merii mahabuub rahii hai

Gazalo.n ne vahii.n zulfo.n ke phailaa diye saaye
jin raaho.n pe dekhaa hai bahut dhuup ka.Dii hai

ham dillii bhii ho aaye hai.n laahaur bhii ghume
ai yaar magar terii galii terii galii hai

[laahaur = Lahore]