sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ko_ii samajhaayiye ki kyaa ra.ng hai maiKhaane kaa
aa.Nkh saaqii kii uThe, naam ho paimaane kaa

garmii-e-shamaa kaa afasaanaa sunaanevaalo
raqs dekhaa nahii.n tum ne abhii paravaane kaa

[garmii-e-shamaa = shamaa kii garmii; raqs = dance]

chashm-e-saaqii mujhe har jaam pe yaad aatii hai
raastaa bhuul na jaauu.N kahii.n maiKhaane kaa

[chashm-e-saaqii = saaqii kii nazar]

ab to har shaam guzaratii hai isii kuuche me.n
ye natiijaa huaa naaseh tere samajhaane kaa

[kuuchaa = street; natiijaa = result; naaseh = advisor]

ab to har ma.nzil se guzarnaa to hai aasaa.N "Iqbal"
ishq hai naam Khud apane se guzar jaane kaa

[sarfraz_qamar]

Re: sarfraz chouhdary,s most wanted

ulfat kii na_ii ma.nzil ko chalaa, tuu baa.Nhe.n Daal ke baa.Nho.n me.n
dil to.Dane vaale dekh ke chal, ham bhii to pa.De hai.n raaho.n me.n

kyaa kyaa na jafaa_e.N dil pe sahii.n, par tum se ko_ii shikavaa na kiyaa
is jurm ko bhii shaamil kar lo, mere maasuum gunaaho.n me.n

(the use of maasuum and gunaah together makes this an interesting sher)

jan chaa.Ndanii raato.n me.n tum ne Khud hamase kiyaa iqaraar-e-vafaa
phir aaj hai.n ham kyo.n begaane, terii beraham nigaaho.n me.n

ham bhii hai.n vahii.n, tum bhii ho vahii, ye apanii-apanii qismat hai
tum khel rahe ho Khushiyo.n se, ham Duub gaye hai.n aaho.n me.n

[sarfraz_qamar]

Re: sarfraz chouhdary,s most wanted

apanaa Gam bhuul gaye terii jafaa bhuul gaye
ham to haar baat muhabbat ke sivaa bhuul gaye

ham akele hi nahii.n pyaar ke diivaane sanam
aap bhii nazare.n jhukaane kii adaa bhuul gaye

ab to sochaa hai ke daaman hii teraa thaame.nge
haath jab hamane uThaaye hai.n duaa bhuul gaye

shukr samajho yaa ise apanii shikaayat samajho.n
tum ne vo dard diyaa hai ke davaa bhuul gaye

[sarfraz_qamar]

Re: sarfraz chouhdary,s most wanted

sakuut-e-shaam miTaao bahut a.Ndheraa hai
suKhan kii shamaa jalaao bahut a.Ndheraa hai

[sakuut = silence]

dayaar-e-Gam me.n dil-e-beqaraar chhuuT gayaa
sambhal ke Dhuu.DHane jaao bahut a.Ndheraa hai

ye raat vo ke suujhe jahaa.N na haath ko haath
Khayaalo duur na jaao bahut a.Ndheraa hai

laTo.n ko chehare pe Daale vo so rahaa hai kahii.n
zayaa-e-ruKh ko churaao bahut a.Ndheraa hai

[zayaa = radiance]

havaae.N niim shabii ho.n ki chaadar-e-a.njum
naqaab ruKh se uThaao bahut a.Ndheraa hai

[niim shabii = midnight; chaadar-e-a.njum = sheet of stars]

shab-e-siyaah me.n gum ho ga_ii hai raah-e-hayaat
qadam sambhal ke uThaao bahut a.Ndheraa hai

[sarfraz_qamar]

Re: sarfraz chouhdary,s most wanted

saa.Ns lete huye bhii Darataa huu.N
ye na samajhe.n ki aah karataa huu.N

bahar-e-hastii me.n huu.N misaal-e-hubaab
miT hii jaataa huu.N jab ubharataa huu.N

[bahar-e-hastii = ocean of life; misaal-e-hubaab = like a bubble]

itanii aazaadii bhii Ganimat hai
saa.Ns letaa huu.N baat karataa huu.N

sheKh saahab Khudaa se darate ho
mai.n to a.ngrezo.n hii se Darataa huu.N

aap kyaa puuchhate hai.n meraa mizaaj
shukr allaah kaa hai marataa huu.N

ye ba.Daa aib mujh me.n hai 'akbar'
dil me.n jo aaye kah guzarataa huu.N

[sarfraz_qamar]

Re: sarfraz chouhdary,s most wanted

khulataa nahii.n hai haal kisii par kahe baGair
par dil kii jaan lete hai.n dilabar kahe baGair

mai.n kyuu.Nkar kahuu.N tum aao ki dil kii kashish se vah
aaye.Nge dau.De aap mere ghar kahe baGair

kyaa taab kyaa majaal hamaarii ki bosaa le.n
lab ko tumhaare lab se milaakar kahe baGair

[bosaa = kiss]

bedard tuu sune naa sune lek dard-e-dil
rahataa nahii.n hai aashiq-e-muzatar kahe baGair

[lek = but (lekin); muzatar = anxious]

taqdiir ke sivaa nahii.n milataa kahii.n se bhii
dilavaataa ai 'Zafar' hai muqaddar kahe baGair

[sarfraz_qamar]

Re: sarfraz chouhdary,s most wanted

raah aasaan ho ga_ii hogii
jaan pahachaan ho ga_ii hogii

phir palaT kar nigaah nahii.n aa_ii
tujh pe qurabaa.N ho ga_ii hogii

terii zulfo.n ko chhe.Datii thii sabaa
Khud pareshaa.N ho ga_ii hogii

maut se tere dard-ma.ndo.n kii
mushkil aasaan ho ga_ii hogii

un se bhii chhiin loge yaad apanii
jinakaa imaan ho ga_ii hogii

dil kii taskiin puuchhate hai.n aap
haa.N merii jaan! ho ga_ii hogii

[sarfraz_qamar]

Re: sarfraz chouhdary,s most wanted

Hum kasay pagel hotay thay

Ek phool ko chonay ki khater

Kantoon say zakhmi hotay thay

Jo phool jholi main aa girta

Ussay choonay say dar jatay thay

Hum kasay pagel hotay thay

K dhondaly aaeinoon main apna

Hum aks sa dhoonda kertay thay

Aor kirchayan chatkhay aaeinoon ki

Muthi main daba ker rakhtay thay

Hum kasay pagel hotay thay

Jab sadak pay chalna hota tha

Hum kashti lay ker chaltay thay

Aor beech bhanwar janay k liyey

Hum padel nikla kertay thay

Hum kasay pagel hotay thay

Jab barish barsa karti thi

Hum chatri main chup jatay thay

Aor jalti dhoop main nangay sir

Hum chatt par uchla kertay thay

Hum kasay pagel hotay thay

Jab pass woh bohat hota tha

Hum uss ko dekh na saktay thay

Jab woh door chala jata tha

Hum aahat uss ki suntay thay

Hum kasay pagel hotay thay

Jab sari dunya soti thi

Hum chand say khela kertay thay

Jab sari dunya jag utthti thi

Hum thak ker so jatay thay

Hum kasay pagel hotay thay

Hum kasay pagel hotay thay

Hum aaj b wasay pagel hain

Hum aaj b wasay pagel hain

[sarfraz_qamar]

Re: sarfraz chouhdary,s most wanted

ye zi.ndagii
aaj jo tumhaare
badan kii chhoTii-ba.Dii naso.n me.n
machal rahii hai
tumhaare pairo.n se
chal rahii hai
tumhaarii aavaaz me.n gale se
nikal rahii hai
tumhaare lafzo.n me.n
Dhal rahii hai

ye zi.ndagii
jaane kitane sadiyo.n se
yuu.N hii shakle.n
badal rahii hai

badalatii shaklo.n
badalatii jismo.n me.n
chalataa-phirataa ye ik sharaaraa
jo is gha.Dii naam hai tumhaaraa

[sarfraz_qamar]

Re: sarfraz chouhdary,s most wanted

pyaas vo dil kii bujhaane kabhii aayaa hii nahii.n
kaisaa baadal hai jisakaa ko_ii saayaa bhii nahii.n

beruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n

[This is probably the best sher of the ghazal - "husn-e-ghazal"]

roz aataa hai dar-e-dil pe vo dastak dene
aaj tak hamane jise paas bulaayaa bhii nahii.n

sun liyaa kaise Khudaa jaane zamaane bhar ne
vo fasaanaa jo kabhii hamane sunaayaa bhii nahii.n

[tum to shaayar ho 'Qateel' aur vo ik aam saa shaKhs
us ne chaahaa bhii tujhe aur jataayaa bhii nahii.n

[sarfraz_qamar]

Re: sarfraz chouhdary,s most wanted

jab se us ne shahar ko chho.Daa har rastaa sun_saan huaa
apanaa kyaa hai saare shahar kaa ik jaisaa nukasaan huaa

mere haal pe hairat kaisii dard ke tanhaa mausam me.n
patthar bhii ro pa.Date hai.n i.nsaan to phir i.nsaan huaa

us ke zaKhm chhupaa kar rakhiye Khud us shaKhs kii nazaro.n se
us se kaisaa shikavaa kiije vo to abhii naadaan huaa

yuu.N bhii kam aamez thaa "Mohsin" vo is shahar ke logo.n me.n
lekin mere saamane aakar aur hii kuchh a.njaam huaa

[aamez=social/one who mixes freely]

[sarfraz_qamar]

Re: sarfraz chouhdary,s most wanted

itanii muddat baad mile ho
kin socho.n me.n gum rahate ho

tez havaa ne mujh se puuchhaa
ret pe kyaa likhate rahate ho

kaun sii baat hai tum me.n aisii
itane achchhe kyo.n lagate ho

ham se na puuchho hijr ke qisse
apanii kaho ab tum kaise ho

[sarfraz_qamar]

Re: sarfraz chouhdary,s most wanted

kabhii jo nikhat-e-zulf-e-nigaar aa_ii hai
fazaa-e-murdaa-e-dil me.n bahaar aa_ii hai

[nikhat-e-zulf-e-nigaar = perfume of (her) hair]
[fazaa-e-murdaa-e-dil = (in a) dead heart's environment/air]

zaruur terii galii se guzar huaa hogaa
ki aaj baad-e-sabaa beqaraar aa_ii hai

[baad-e-sabaa = morning breeze]

ko_ii dimaaG tasavvur bhii jin kaa kar na sake
ye jaan-e-zaar vo lamahe.n guzaar aa_ii hai

[tasavvur = imagine; jaan-e-zaar = life filled with difficulties]

Khudaa gavaah ki un ke firaaq me.n "Kausar"
jo saa.Ns aa_ii hai vo sogavaar aa_ii hai

[sarfraz_qamar]

Re: sarfraz chouhdary,s most wanted

hoTho.n pe muhabbat ke fasaane nahii.n aate
saahil pe samu.ndar ke Khazaane nahii.n aate

palake.n bhii chamak uThatii hai.n sote me.n hamaarii
aa.Nkho.n ko abhii Khvaab chhupaane nahii.n aate

dil uja.Dii hu_ii ik saraaye kii tarah hai
ab log yahaa.N raat jagaane nahii.n aate

u.Dane do pari.ndo.n ko abhii shoKh havaa me.n
phir lauT ke bachapan ke zamaane nahii.n aate

[pari.ndo.n = birds]

is shahar ke baadal terii zulfo.n kii tarah hai.n
ye aag lagaate hai.n bujhaane nahii.n aate

ahabaab bhii Gairo.n kii adaa siikh gaye hai.n
aate hai.n magar dil ko dukhaane nahii.n aate

[sarfraz_qamar]

Re: sarfraz chouhdary,s most wanted

kaun kahataa hai tujhe mai.n ne bhulaa rakhaa hai
terii yaado.n ko kaleje se lagaa rakhaa hai

lab pe aahe.n bhii nahii.n aa.Nkh me.n aa.Nsuu bhii nahii.n
dil ne har raaz muhabbat kaa chhupaa rakhaa hai

tuune jo dil ke a.ndhere me.n jalaayaa thaa kabhii
vo diyaa aaj bhii siine me.n jalaa rakhaa hai

dekh jaa aake mahakate huye zaKhmo.n kii bahaar
mai.n ne ab tak tere gulashan ko sajaa rakhaa hai