sarfraz chouhdary,s most wanted

[sarfraz_qamar]

Re: sarfraz chouhdary,s most wanted

yuu.N dostii ke naam ko rusavaa na kiijiye
tark-e-ta'alluqaat kaa charchaa na kiijiye

jurm-o-sitam kaa paas bhii ulfat me.n shart hai
palako.n ko aa.Nsuuo.n se bhigoyaa na kiijiye

aisaa na ho ummiid se rishtaa hii TuuT jaaye
har roz mujhase vaadaa-e-fardaa na kiijiye

hamdard jis ko apanaa samajhate rahe hai.n aap
us kaa hii zindagii me.n bharosaa na kiijiye

"Mahir" vafuur-e-Gam se na ghabaraa_iye kabhii
Khuddaarii-e-hayaat ko rusavaa na kiijiye

[sarfraz_qamar]

Re: sarfraz chouhdary,s most wanted

jahaa.N mai.n jaa_uu.N havaa kaa yahii ishaaraa ho
ko_ii nahii.n jo yahaa.N muntazir tumhaaraa ho

merii bujhatii hu_ii aa.Nkho.n ko raushanii baKhshe
vo phuul jo tere chehare kaa ista'araa ho

chalaa huu.N apanii hii aavaaz-e-baaz_gasht pe yuu.N
kisii ne duur se jaise mujhe pukaaraa ho

ga.Nvaa chuke ka_ii umre.n ummiid_vaar tere
kahaa.N tak aur terii beruKhii gavaaraa ho

tuu paas aate huye mujh se duur ho jaaye
ajab nahii.n ki yahii haadasaa dobaaraa ho

nazar farebii-e-rang-e-chaman se bach 'Makhmoor'
jise tuu phuul samajh le kahii.n sharaaraa ho

[sarfraz_qamar]

Re: sarfraz chouhdary,s most wanted

na raastaa na ko_ii Dagar hai yahaa.N
magar sab kii qismat safar hai yahaa.N

sunaa_ii na degii dilo.n kii sadaa
dimaaGo.n me.n vo shor-o-shar hai yahaa.N

havaao.n kii u.Ngalii paka.D kar chalo
vasilaa ik yahii motabar hai yahaa.N

na is shahar-e-behis ko seharaa kaho
suno ik hamaaraa bhii ghar hai yahaa.N

palak bhii jhapakate ho "Makhmoor" kyuu.N
tamaashaa bahut muKhtasar hai yahaa.N

[sarfraz_qamar]

Re: sarfraz chouhdary,s most wanted

ja kahiyo un se nasiim-e-sahar meraa chain gayaa merii niind ga_ii
tumhe.n merii na mujh ko tumhaarii Khabar meraa chain gayaa merii niind ga_ii

na haram me.n tumhaare yaar pataa na suraaG dair me.n hai milataa
kahaa.N jaa ke dekhuu.N mai.n jaa_uu.N kidhar meraa chain gayaa merii niind ga_ii

ai baadashaah-e-Khubaa.N-e-jahaa.N terii mohinii surat pe qurbaa.N
kii mai.n ne jo terii jabii.n pe nazar meraa chain gayaa merii niind ga_ii

huii bad-e-bahaarii chaman me.n ayaa.N gul buTii me.n baaqii rahii na fizaa
merii shaaKh-e-ummiid na laa_ii sa.Nvar meraa chain gayaa merii niind ga_ii

[sarfraz_qamar]

Re: sarfraz chouhdary,s most wanted

jaan-e-afasaanaa yahii kuchh bhii ho afasaane kaa naam
zindagii hai dil kii dha.Dakan tez ho jaane kaa naam

qataraa qataraa zindagii ke zahar kaa piinaa hai Gam
aur Khushii hai do gha.Dii pii kar bahak jaane kaa naam

i.ntazaar-e-fasl-e-gul me.n kho chuke aa.Nkho.n kaa nuur
aur bahaar-e-baaG letii hii nahii.n aane kaa naam

taab-e-naakaamii nahii.n to aarazuu karataa hai kyaa
aarazuu hai mauj ke saahil se Takaraane kaa naam

[sarfraz_qamar]

Re: sarfraz chouhdary,s most wanted

jaan-e-sukuun aa bhii jaa teraa hii intazaar hai
aa.Nkho.n se ashk hai ravaa.N jaa.N bhii beqaraar hai

hone ko fasl-e-gul bhii hai daavat-e-aish hai magar
apanii bahaar kaa mujhe aaj bhii intazaar hai

saare sahaare ishq ke TuuT chuke hai.n hijr me.n
ek tumhaarii yaad bas dard kii Gam-gusaar hai

ahad-e-vafaa kaa aap ke lutf-o-karam kaa aap ke
aur kisii ko ho na ho mujh ko aitabaar hai

luT ga_ii Gam kii aabaruu luT chukii dil kii aarazuu
'Yahya' nigaah-e-lutf kaa phir bhii ummiid_vaar hai

[sarfraz_qamar]

Re: sarfraz chouhdary,s most wanted

jaate jaate vo mujhe achchhii nishaanii de gayaa
umr bhar doharaauu.Ngaa aisii kahanii de gayaa

us se mai.n kuchh paa sakuu.N aisii kahaa.N ummiid thii
Gam bhii vo shaayad baraa-e-meharabaanii de gayaa

sab havaaye.N le gayaa mere sama.ndar kii ko_ii
aur mujh ko ek karatii baadabaanii de gayaa

Khair mai.n pyaasaa rahaa par us ne itanaa to kiyaa
merii palako.n kii kataaro.n ko vo paanii de gayaa

[sarfraz_qamar]

Re: sarfraz chouhdary,s most wanted

jaatii hai dhuup ujale paro.n ko sameT ke
zaKhmo.n ko ab ginuu.Ngaa mai.n bistar pe leT ke

mai.n haath kii lakiire.n miTaane pe huu.N ba-zid
go jaanataa huu.N naqsh nahii.n ye sleT ke

duniyaa ko kuchh Khabar nahii.n kyaa haadasaa huaa
phe.Nkaa thaa us ne sang gulo.n me.n lapeT ke

phavvaare kii tarah na ugal de har ek baat
kam kam vo bolate hai.n jo gahare hai.n peT ke

[sarfraz_qamar]

Re: sarfraz chouhdary,s most wanted

jadaa-e-fan me.n ba.De saKht muqaam aate hai.n
mar ke rah jaataa hai fanakaar amar hone tak


kitane Gaalib the jo paidaa huye aur mar bhii gaye
qadradaan.n ko taKhallus ki kHabar hone tak


kitane iqabaal rah-e-fikr me.n uThe lekin
raastaa bhuul gaye Khatm-e-safar hone tak


kitane shabbiir hasan khaa.N na bane josh kabhii
mar gaye kitane sikander bhii jigar hone tak


faiz rang bhii ashaar me.n aa sakataa thaa
u.ngaliyaa.N saath to de.n Khuun me.n tar hone tak


cha.nd zarro.n hi ko milatii hai ziyaa-e-Khurshiid
cha.nd taare hii chamakate hai.n sahar hone tak


dil-e-shaayar pe kuchh aisii hii guzaratii hai 'figaar'
jo kisii qatare pe guzare hai guhar hone tak

[sarfraz_qamar]

Re: sarfraz chouhdary,s most wanted

jab bhii aatii hai terii yaad kabhii shaam ke baad
aur ba.D jaatii hai afsurdaadilii shaam ke baad

ab iraado.n pe bharosaa hai na taubaa pe yaqii.n
mujh ko le jaaye kahaa.N tashnaalabii shaam ke baad

yuu.N to har lamhaa terii yaad kaa bojhal guzaraa
dil ko mahasuus hu_ii terii kamii shaam ke baad

yuu.N to kuchh shaam se pahale bhii udaasii thii 'Adeeb'
ab to kuchh aur ba.Dii dil kii lagii shaam ke baad

[sarfraz_qamar]

Re: sarfraz chouhdary,s most wanted

jab bhii do aa.Nsuu nikal kar rah gaye
dard ke unavaa.N badal kar rah gaye

kitanii fariyaade.n labo.n par ruk ga_ii.n
kitane ashk aaho.n me.n Dhal kar rah gaye

ruKh badal jaataa merii taqadiir kaa
aap hii tevar badal kar rah gaye

khul ke rone kii tamannaa thii hame.n
ek do aa.Nsuu nikal kar rah gaye

[sarfraz_qamar]

Re: sarfraz chouhdary,s most wanted

dekh kar un kii jafaao.n kaa Khuluus
mai.n vafaa ke naam par sharmaa gayaa

aap ab aaye.N hai.n aa.Nsuu po.nchane
jab mere daaman pe dhabbaa aa gayaa

[sarfraz_qamar]

Re: sarfraz chouhdary,s most wanted

un pe tuufaa.N ko bhii afsos huaa karataa hai
vo safine jo kinaaro.n pe ulaT jaate hai.n


ham to aaye the rahe.n shaaKh me.n phuulo.n kii tarah
tum agar haar samajhate ho to haT jaate hai.n

[sarfraz_qamar]

Re: sarfraz chouhdary,s most wanted

dekh ai sheKh mere saaGar me.n
apanii jannat kii jalvaa-faramaa_ii

hosh me.n "Shad" jab tujhe paayaa
tujh me.n ham ne terii kamii paa_ii

[sarfraz_qamar]

Re: sarfraz chouhdary,s most wanted

ham hii na the rusavaa faqat
vo aap bhii bad_naam the

kahate hai.n kuchh arsaa huaa
qaabe me.n bhii asanaam the

anjaam kii kyaa sochate
naa-vaaqif-e-anjaam the

ahad-e-javaanii me.n "Adam"
sab log gul_andaa.m the