sarfraz chouhdary,s most wanted

[sarfraz_qamar]

Re: sarfraz chouhdary,s most wanted

aap me.n gum hai.n magar sab kii Khabar rakhate hai.n
ghar me.n baiThe hai.n zamaane pe nazar rakhate hai.n

nuktaachii.n dekhiye kis kis pe nazar rakhate hai.n
ham bhii ai diidaavaro aib-o-hunar rakhate hai.n

ham se ab ai garadish-e-dauraa.N tumhe.n kyaa lenaa hai
ek hii dil hai so vo zer-o-zabar rakhate hai.n

[sarfraz_qamar]

Re: sarfraz chouhdary,s most wanted

aap se gilaa aap kii qasam
sochate rahe.n kar na sake ham


us kii kyaa Khataa ladavaa hai Gam
kyuu.N gilaa kare.n chaaraagar se ham


ye navaazishe.n aur ye karam
fart-w-shauq se mar na jaaye ham


khe.Nchate rahe umr bhar mujhe
el taraf Khudaa ek taraf sanam


ye agar nahii.n yaar kii galii
chalate chalate kyuu.N ruk gaye qadam

[sarfraz_qamar]

Re: sarfraz chouhdary,s most wanted

aaraa_ish-e-Khayaal bhii ho dil_kushaa bhii ho
vo dard ab kahaa.N jise jii chaahataa bhii ho

ye kyaa ke roz ek saa Gam ek sii ummiid
is ranj-e-beKhumaar kii ab intehaa bhii ho

ye kyaa ke ek taur se guzare tamaam umr
jii chaahataa hai ab ko_ii tere sivaa bhii ho

Tuute kabhii to Khvaab-e-shab-o-roz kaa tilism
itane hujuum me.n ko_ii cheharaa nayaa bhii ho

diivaangii-e-shauq ko ye dhun hai in dino.n
ghar bhii ho aur be-dar-o-diivaar saa bhii ho

[sarfraz_qamar]

Re: sarfraz chouhdary,s most wanted

aarazuu hai vafaa kare ko_ii
jii na chaahe to kyaa kare ko_ii

gar marz ho davaa kare ko_ii
marane vaale kaa kyaa kare ko_ii

koste hai.n jale hue kyaa kyaa
apane haq me.n duaa kare ko_ii

[sarfraz_qamar]

Re: sarfraz chouhdary,s most wanted

aarazuue.n hazaar rakhate hai.n
to bhii ham dil ko maar rakhate hai.n

barq kam hausalaa hai ham bhii to
dil ek beqaraar rakhate hai.n

Gair hai muuraad-e-inaayat haa_e
ham bhii to tum se pyaar rakhate hai.n

na nigaah na payaam na vaadaa
naam ko ham bhii yaar rakhate hai.n

ham se Khush zam-zamaa kahaa.N yuu.N to
lab-o-lahajaa hazaar rakhate hai.n

[sarfraz_qamar]

Re: sarfraz chouhdary,s most wanted

aas hogii na aasaraa hogaa
aane vaale dino.n me.n kyaa hogaa

mai.n tujhe bhuul jaauu.Ngaa ik din
vaqt sab kuchh badal chukaa hogaa

naam ham ne likhaa thaa aa.Nkho.n me.n
aa.nsuuo.n ne miTaa diyaa hogaa

aasamaa.N bhar gayaa pari.ndo.n se
pe.D ko_ii haraa giraa hogaa

[sarfraz_qamar]

Re: sarfraz chouhdary,s most wanted

aashiq kii bhii kaTatii hai.n kyaa Khuub tarah raate.n
do chaar gha.Dii ronaa, do chaar gha.Dii baate.n


marataa huu.N mai.n is dukh se, yaad aatii hai.n vo baate.n
kyaa din vo mubaarak the, kyaa Khuub thii.n vo raate.n


auro.n se chhuTe dilabar, diladaar hove meraa
bar haq hai agar piiro.n, kuchh tum me.n karaamaate.n

[sarfraz_qamar]

Re: sarfraz chouhdary,s most wanted

aashiqii be-dilii se mushkil hai
phir muhabbat usii se mushkil hai

ishq aaGaaz hii se mushkil hai
sabr karanaa abhii se mushkil hai

ham ?? aasaa.N hai.n aur hamaare liye
dushmanii dostii se mushkil hai

jis ko sab be-vafaa samajhate ho.n
bevafaa_ii usii se mushkil hai

ek do duusare se sahel na jaan
har ko_ii har kisii se mushkil hai

[sarfraz_qamar]

Re: sarfraz chouhdary,s most wanted


aashiyaa.N jal gayaa gul_sitaa.N luT gayaa ham qafas se nikal kar kidhar jaaye.nge
itane maanuus sayyaad se ho gaye ab rihaa_ii milegii to mar jaaye.nge

aur kuchh din ye dastuur-e-maiKhaanaa hai tashnaakaamii ke ye din guzar jaaye.nge
mere saaqii ko nazare.n uThaane to do jitane Khaalii hai.n sab jaam bhar jaaye.nge

ai nasiim-e-sahar tujh ko un kii qasam un se jaakar na kahanaa meraa haal-e-Gam
apane miTane kaa Gam to nahii.n hai magar Dar ye hai un ke gesuu bikhar jaaye.nge

ashk-e-Gam leke aaKhir kahaa.N jaaye.n ham aa.Nsuuo.n kii yahaa.N ko_ii qiimat nahii.n
aap hii apanaa daaman ba.Daa diijiiye varanaa motii zamii.n par bikhar jaaye.nge

[sarfraz_qamar]

Re: sarfraz chouhdary,s most wanted

aataa hai kis andaaz se tuk naaz to dekho
kis dhaj se qadam pa.Dataa hai andaaz to dekho

karataa huu.N mai.n duz_diidaa nazar gar kabhii us par
nazaro.n me.n paraKh le hai nazar_baaz to dekho

mai.n kanguraa-e-arsh se par maar ke guzaraa
allaah re rasaa_ii merii paravaaz to dekho]

ab_tar hai ye diivaa.N miyaa.N 'Mussahfi' saaraa
anjaam ko kyaa kahate ho aaGaaz to dekho

[sarfraz_qamar]

Re: sarfraz chouhdary,s most wanted

aataa hai yaad mujhako guzaraa huaa zamaanaa
vo baaG kii bahaare.n vo sab ka chah-chahaanaa


aazaadiyaa.N kahaa.N vo ab apane gho.Nsale kii
apanii Khushii se aanaa apanii Khushii se jaanaa


lagatii ho choT dil par, aataa hai yaad jis dam
shabanam ke aa.Nsuuo.n par kaliyo.n kaa muskuraanaa


vo pyaarii pyaarii surat, vo kaamiinii sii muurat
aabaad jis ke dam se thaa meraa aashiyaanaa

[sarfraz_qamar]

Re: sarfraz chouhdary,s most wanted


aate aate meraa naam saa rah gayaa
us ke ho.nTho.n pe kuchh kaa.Npataa rah gayaa

vo mere saamane hii gayaa aur mai.n
raaste kii tarah dekhataa rah gayaa

jhuuTh vaale kahii.n se kahii.n ba.Dh gaye
aur mai.n thaa ki sach bolataa rah gayaa

aa.Ndhiyo.n ke iraade to achchhe na the
ye diyaa kaise jalataa huaa rah gayaa

[sarfraz_qamar]

Re: sarfraz chouhdary,s most wanted

shahar kii raat aur mai.n naashaad-o-naakaaraa phiruu.N
jag_magaatii jaagatii sa.Dako.n pe aavaaraa phiruu.N
Gair kii bastii hai kab tak dar badar maraa phiruu.N

ai Gam-e-dil kyaa karuu.N ai vahashat-e-dil kyaa karuu.N

jhil_milate qum_qumo.n kii raah me.n zanjiir sii
raat ke haatho.n me.n din kii mohanii tasviir sii
mere siine par magar chalatii hu_ii shamashiir sii

ai Gam-e-dil kyaa karuu.N ai vahashat-e-dil kyaa karuu.N

ye rupahalii chhaao.N ye aakaash par taaro.n kaa jaal
jaise suufii kaa tasavvur jaise aashiq kaa Khayaal
aah lekin kaun jaane kaun samajhe jii kaa haal

[sarfraz_qamar]

Re: sarfraz chouhdary,s most wanted

aavaara hai.n galiyo.n me.n mai.n aur merii tanhaa_ii
jaaye.n to kahaa.N jaaye.n har mo.D pe rusavaa_ii

ye phuul se chehare hai.n ha.Nste hue gul_daste
ko_ii bhii nahii.n apanaa begaane hai.n sab raste
raahe.n hai.n tamaashaa_ii rahii bhii tamashaa_ii

mai.n aur merii tanhaa_ii

armaan sulagate hai.n siine me.n chitaa jaise
qaatil nazar aatii hai duniyaa kii havaa jaise
rotii hai mere dil par bajatii hu_ii shahanaa_ii

[sarfraz_qamar]

Re: sarfraz chouhdary,s most wanted

ik yahii soz-e-nihaa.N kul meraa sarmaayaa hai
dosto mai.n kise ye soz-e-nihaa.N nazr karuu.N
ko_ii qaatil sar-e-maqtal nazar aataa hii nahii.n
kis ko dil nazr karuu.N aur kise jaa.N nazr karuu.N?

tum bhii mahaboob mere tum bhii ho dil_daar mere
aashnaa mujh se magar tum bhii nahii.n tum bhii nahii.n
Khatm hai tum pe masiihaa_nafasii chaaraagarii
meharam-e-dard-e-jigar tum bhii nahii.n tum bhii nahii.n

apanii laash aap uThaanaa ko_ii aasaan nahii.n
dast-o-baazuu mere naakaaraa hue jaate hai.n
jin se har daur me.n chamakii hai tumhaarii dahaliiz
aaj sajde vohii aavaaraa hue jaate hai.N