sarfraz chouhdary,s most wanted

[sarfraz_qamar]

Re: sarfraz chouhdary,s most wanted

munsifo.n saliibo.n par faisale nahii.n hote
besabab baGaavat ke saanahe nahii.n hote

jhuuTh aur sadaaqat kii jang to azal se hai
phir bhii sach pe jiine ke hausale nahii.n hote

soch ke judaa honaa phir ke mil na paaye.nge
kyo.n ke is zamaane me.n mojeze nahii.n hote

jo bhii the gile shikave duur kar ke jaanaa thaa
kam se kam bichha.Dane par dil bure nahii.n hote

chaa.Nd se kahaa ham ne tum hii raat bhar jaago
ham se us kii yaado.n me.n rat_jage nahii.n hote

[sarfraz_qamar]

Re: sarfraz chouhdary,s most wanted

tasavvur bhii puraanaa ho gayaa hai
use dekhe zamaanaa ho gayaa hai


is tarah sataayaa hai pareshaan kiyaa hai
goyaa kii muhabbat nahii.n ehasaan kiyaa hai

sochaa thaa ki tum duusaro.n jaise nahii.n hoge
tum ne bhii vahii kaam merii jaan kiyaa hai

mushkil thaa bahuut mere liye tark-e-ta'alluq
ye kaam bhii tum ne meraa aasaa.N kiyaa hai

[sarfraz_qamar]

Re: sarfraz chouhdary,s most wanted

yaad kyaa dast-e-hunar hai ki sa.Nvarataa gayaa mai.n
us ko sochaa to use yaad hii karataa gayaa mai.n


is ko tahaziib-e-junuu.N kahiye ki mujh se pahale
jaise bikhare hai.n sabhii log bikharataa gayaa mai.n

naqsh kitane the ki maaduum hue sil_silaavaar
aur har naqsh ke pahaluu se ubharataa gayaa mai.n

ek tasviir banaa_ii thii mukammal na hu_ii
ek hii rang lahuu rang thaa bharataa gayaa mai.n

harf-e-ikraar hii kahataa rahaa beKhaufii se
yaanii inkaar ke aashob se Darataa gayaa mai.n

[sarfraz_qamar]

Re: sarfraz chouhdary,s most wanted

Khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

ek hii daastaan-e-shab ek hii sil_silaa to hai
ek diyaa jalaa huaa ek diyaa bujhaa huaa

mahafil-e-rang-o-nuur kii phir mujhe yaad aa ga_ii
phir mujhe yaad aa gayaa ek diyaa bujhaa huaa

mujh ko nishaat se fuzuu.N rasm-e-vafaa aziiz hai
meraa rafiiq-e-shab rahaa ek diyaa bujhaa huaa

dard kii kaa_inaat me.n mujh se bhii raushanii rahii
vaise merii bisaat kyaa ek diyaa bujhaa huaa

sab merii raushanii-e-jaa.N harf-e-suKhan me.n Dhal ga_ii
aur mai.n jaise rah gayaa ek diyaa bujhaa huaa

[sarfraz_qamar]

Re: sarfraz chouhdary,s most wanted

na_ii umro.n kii Khud_muKhtaariyo.n ko kaun samajhaaye
kahaa.N se bach ke chalanaa hai kahaa.N jaanaa zaruurii hai

thake haare parinde jab basere ke liye lauTe
saliiqaamand shaaKho.n kaa lachak jaanaa zaruurii hai

bahut bebaak aa.Nkho.n me.n ta'alluq Tik nahii.n paataa
muhabbat me.n kashish rakhane ko sharmaanaa zaruurii hai


saliiqaa hii nahii.n shaayad use mahasuus karane kaa
jo kahataa hai Khudaa hai to nazar aanaa zaruurii hai

mere ho.nTho.n pe apanii pyaas rakh do aur phir socho
ki is ke baad bhii duniyaa me.n kuchh paanaa zaruurii hai

[sarfraz_qamar]

Re: sarfraz chouhdary,s most wanted

terii baate.n hii sunaane aaye
dost bhii dil hii dukhaane aaye

phuul khilate hai.n to ham sochate hai.n
tere aane ke zamaane aaye

aisii kuchh chup sii lagii hai jaise
ham tujhe haal sunaane aaye

ishq tanhaa hai sar-e-manzil-e-Gam
kaun ye bojh uThaane aaye

ajanabii dost hame.n dekh ke ham
kuchh tujhe yaad dilaane aaye

ab to rone se bhii dil dukhataa hai
shaayad ab hosh Thikaane aaye

kyaa kahii.n phir ko_ii bastii uja.Dii
log kyuu.N jashn manaane aaye

so raho maut ke pahaluu me.n 'Faraz'
niind kis vaqt na jaane aaye

[sarfraz_qamar]

Re: sarfraz chouhdary,s most wanted

paao.n ke zaKhm hai.n farsh-e-gul-e-tar hone tak
raah dushvaar hai aaGaaz-e-safar hone tak


ye alag baat ke Khaamosh hai.n ahal-e-zindaa.N
varnaa ye qaid hai diivaar me.n dar hone tak


ek nazar naqsh-e-kaf-e-paa kaa hunar to dekho
kahkashaa.N sii nazar aatii hai sahar hone tak

haaye vo biij jo miTTii me.n dabaa rahataa hai
kin maraahil se guzarataa hai shajar hone tak

kyaa Khabar tum ko ki ye saqf ye diivaar hai.n kyaa
ham pe kyaa guzarii hai is chhaao.n ke ghar hone tak

[sarfraz_qamar]

Re: sarfraz chouhdary,s most wanted

mai.n kaun huu.N kyaa huu.N merii tahariir kahegii
Khaamosh huaa to merii tasviir kahegii



kyuu.N surKh hai.n naqsh-e-kaf-e-paa raah-e-talab me.n
ko_ii na kahe paaon kii zanjiir kahegii


ham ko to sadaa niind me.n chalane kaa maraz hai
pahu.Nche.nge kahaa.N Khvaab kii taabiir kahegii

[sarfraz_qamar]

Re: sarfraz chouhdary,s most wanted

hameshaa der kar detaa huu.N mai.n

zaruurii baat kahanii ho
ko_ii vaadaa nibhaanaa ho
use aavaaz denii ho
use vaapas bulaanaa ho
hameshaa der kar detaa huu.N mai.n

madad karanii ho us kii
yaar kii Dhaa.Das ba.Ndhaanaa ho
bahut deriinaa raasto.n par
kisii se milane jaanaa ho
hameshaa der kar detaa huu.N mai.n

[sarfraz_qamar]

Re: sarfraz chouhdary,s most wanted

dhyaan bhii us kaa hai milate bhii nahii.n hai.n us se
jism se bair hai saaye se vafaadaarii hai


dil ko tanhaa_ii kaa ahasaas bhii baaqii na rahaa
vo bhii dhundhalaa ga_ii jo shakl bahut pyaarii hai

is tag-o-taaz me.n TuuTe hai.n sitaare kitane
aasmaa.N jiit sakaa hai na zamii.n haarii hai

ko_ii aayaa hai zaraa aa.Nkh to kholo 'Shehzad'
abhii jaage the abhii sone kii taiyaarii hai

[sarfraz_qamar]

Re: sarfraz chouhdary,s most wanted

dekhaa hai zindagii ko kuchh itanaa qariib se
chehare tamaam lagane lage hai.n ajiib se

is re.ngatii hayaat kaa kab tak uThaaye.n baar
biimaar ab ulajhane lage hai.n tabiib se

har gaam par hai majamaa-e-ushshaaq muntazir
maqtal kii raah milatii hai kuu-e-habiib se

is tarah zindagii ne diyaa hai hamaaraa saath
jaise ko_ii nibaah rahaa ho raqiib se

[sarfraz_qamar]

Re: sarfraz chouhdary,s most wanted

apane hoTho.n par sajaanaa chaahataa huu.N
aa tujhe mai.n gun_gunaanaa chaahataa huu.N

ko_ii aa.Nsuu tere daaman par giraakar
buu.Nd ko motii banaanaa chaahataa huu.N

thak gayaa mai.n karate-karate yaad tujh ko
ab tujhe mai.n yaad aanaa chaahataa huu.N

chhaa rahaa hai saarii bastii me.n andheraa
raushanii ho ghar jalaanaa chaahataa huu.N

aaKharii hichakii tere zaano.n pe aaye
maut bhi mai.n shaayaraanaa chaahataa huu.N

[sarfraz_qamar]

Re: sarfraz chouhdary,s most wanted

dard se meraa daaman bhar de yaa allaah
phir chaahe diivaanaa kar de yaa allaah

mai.n ne tujh se chaa.Nd sitaare kab maa.Nge
raushan dil bedaar nazar de yaa allaah

suuraj sii ik chiiz to ham sab dekh chuke
sach-much kii ab ko_ii sahar de yaa allaah

yaa dhartii ke zaKhmo.n par maraham rakh de
yaa meraa dil patthar kar de yaa allaah

[sarfraz_qamar]

Re: sarfraz chouhdary,s most wanted

zindagii me.n to sabhii pyaar kiyaa karate hai.n
mai.n to mar kar bhii merii jaan tujhe chaahuu.Ngaa

tuu milaa hai to ye ehasaas huaa hai mujh ko
ye merii umr mohabbat ke liye tho.Dii hai
ik zaraa saa Gam-e-dauraa.N kaa bhii haq hai jis par
mai.n ne vo saa.Ns bhii tere liye rakh chho.Dii hai
tujh pe ho jaa_uu.Ngaa qurbaan tujhe chaahuu.ngaa

apane jazbaat me.n naGmaat rachaane ke liye
mai.n ne dha.Dakan kii tarah dil me.n basaayaa hai tujhe
mai.n tasavvur bhii judaa_ii kaa bhalaa kaise karuu.N
mai.n ne qismat kii lakiiro.n se churaayaa hai tujhe
pyaar kaa ban ke nigeh_baan tujhe chaahuu.ngaa

terii har chaap se jalate hai.n Khayaalo.n me.n chiraaG
jab bhii tuu aaye jagaataa huaa jaaduu aaye
tujh ko chhuu luu.N to phir ai jaan-e-tamannaa mujh ko
der tak apane badan se terii Khushbuu aaye
tuu bahaaro.n kaa hai unavaan tujhe chaahuu.Ngaa

[sarfraz_qamar]

Re: sarfraz chouhdary,s most wanted

sadamaa to hai mujhe bhii ki tujh se judaa huu.N mai.n
lekin ye sochataa huu.N ki ab teraa kyaa huu.N mai.n

bikharaa pa.Daa hai tere hii ghar me.n teraa vajuud
bekaar mahafilo.n me.n tujhe Dhuu.NDhataa huu.N mai.n

mai.n Khud_kushii ke jurm kaa karataa huu.n aitaraaf
apane badan kii qabr me.n kab se ga.Daa huu.N mai.n

kis-kis kaa naam laa_uu.N zabaa.N par ki tere saath
har roz ek shaKhs nayaa dekhataa huu.N mai.n

naa jaane kis adaa se liyaa tuune mera naam
duniyaa samajh rahii hai ke sab kuchh teraa huu.N mai.n

le mere tajarubo.n se sabaq ai mere raqiib
do chaar saal umr me.n tujh se ba.Daa huu.N mai.n