sarfraz chouhdary,s most wanted

[sarfraz_qamar]

Re: sarfraz chouhdary,s most wanted

saa.Ns lete huye bhii Darataa huu.N
ye na samajhe.n ki aah karataa huu.N

bahar-e-hastii me.n huu.N misaal-e-hubaab
miT hii jaataa huu.N jab ubharataa huu.N

itanii aazaadii bhii Ganimat hai
saa.Ns letaa huu.N baat karataa huu.N

sheKh saahab Khudaa se darate ho
mai.n to a.ngrezo.n hii se Darataa huu.N

aap kyaa puuchhate hai.n meraa mizaaj
shukr allaah kaa hai marataa huu.N

ye ba.Daa aib mujh me.n hai 'akbar'
dil me.n jo aaye kah guzarataa huu.N

[sarfraz_qamar]

Re: sarfraz chouhdary,s most wanted

saaGar se lab lagaa ke bahut Khush hai zi.ndagii
sahan-e-chaman me.n aake bahut Khush hai zi.ndagii


aa jaao aur bhii zaraa nazadiik jaan-e-man
tum ko qariib paake bahut Khush hai zi.ndagii

hotaa ko_ii mahal bhii to kyaa puuchhate ho phir
be-vajah muskuraa ke bahut Khush hai zi.ndagii


saahil pe bhii to itanii shagufataa ravish na thii
tuufaa.N ke biich aake bahut Khush hai zi.ndagii



viiraan dil hai aur "Adam" zi.ndagii kaa raqs
ja.ngal me.n ghar banaake bahut Khush hai zi.ndagii

[sarfraz_qamar]

Re: sarfraz chouhdary,s most wanted

saaqii kii har nigaah pe balakhaa ke pii gayaa
laharo.ns e khelataa huaa laharaa ke pii gayaa

bekaifiyo.n ke kaif se ghabaraa ke pii gayaa
taubaa ko to.D taa.D ke tharraa ke pii gayaa

zaahid ye merii shoKhii-e-ri.ndaanaa dekhanaa
rahamat ko baato.n baato.n me.n bahalaa ke pii gayaa


ai rahamat-e-tamaam merii har Khataa mua'af
mai.n i.ntahaa-e-shauq se ghabaraa ke pii gayaa

piitaa beGair izan ye kab thii merii majaal
dar-pardaa chashm-e-yaar shah paa ke pii gayaa

[sarfraz_qamar]

Re: sarfraz chouhdary,s most wanted

saaqii par ilzaam na aaye
chaahe tujh tak jaam na aaye

tere sivaa jo kii ho muhabbat
merii javaanii kaam na aaye

jin ke liye mar bhii gaye ham
vo chal kar do gaam na aaye

ishq kaa saudaa itanaa garaa.N hai
i.nhe.n ham se kaam na aaye


maiKhaane me.n sab hii to aaye
lekin "Jigar" kaa naam na aaye

[sarfraz_qamar]

Re: sarfraz chouhdary,s most wanted

saaman-e-tijaarat meraa imaan nahii.n hai
har dar pe jhuke sar ye merii shaan nahii.n hai

har lafz ko siine me.n basaa lo to bane baat
taako.n me.n sajaane ko ye quraan nahii.n hai

allaah merii rizq kii barakat na chalii jaaye
do roz se ghar me.n ko_ii mahamaan nahii.n hai


ham ne to banaaye hai.n samandar me.n bhii raste
yuu.N ham ko miTaana ko_ii aasaan nahii.n hai

jis ko buzurgo.n kii rivaayat na rahe yaad
us shaKhs kii logo.n ko_ii pahachaan nahii.n hai

[sarfraz_qamar]

Re: sarfraz chouhdary,s most wanted

sadaa detii hai Khushbuu chaa.Nd taare bol pa.Date hai.n
nazar jaisii nazar ho to nazaare bol pa.Date hai.n

tumhaarii hii nigaaho.n ne kahaa hai ham se ye aksar
tumhaare jism par to rang saare bol pa.Date hai.n

mahak jaate hai.n gul jaise sabaa ke chuum lene se
agar lahare.n muKhaatib ho.n kinaare bol pa.Date hai.n

zabaa.N se baat karane me.n jahaa.N rusvaa_ii hotii hai
vahaa.N Khaamosh aa.Nkho.n ke ishaare bol pa.Date hai.n

chhupaanaa chaahate hai.n un se dil ka haal ham lekin
hamaare aa.Nsuo.n me.n gam hamaare bol pa.Date hai.n

terii paabandiyo.n se ruk nahii.n sakatii.n ye fariyaade.n
agar ham chup rahe.n to zaKhm saare bol pa.Date hai.n

[sarfraz_qamar]

Re: sarfraz chouhdary,s most wanted

sadamaa to hai mujhe bhii ki tujh se judaa huu.N mai.n
lekin ye sochataa huu.N ki ab teraa kyaa huu.N mai.n

bikharaa pa.Daa hai tere hii ghar me.n teraa vajuud
bekaar mahafilo.n me.n tujhe Dhuu.NDhataa huu.N mai.n

mai.n Khud_kushii ke jurm kaa karataa huu.n aitaraaf
apane badan kii qabr me.n kab se ga.Daa huu.N mai.n

kis-kis kaa naam laa_uu.N zabaa.N par ki tere saath
har roz ek shaKhs nayaa dekhataa huu.N mai.n

naa jaane kis adaa se liyaa tuune mera naam
duniyaa samajh rahii hai ke sab kuchh teraa huu.N mai.n

le mere tajarubo.n se sabaq ai mere raqiib
do chaar saal umr me.n tujh se ba.Daa huu.N mai.n

jaagaa huaa zamiir vo aa_iinaa hai 'Qateel'
sone se pahale roz jise dekhataa huu.N mai.n

[sarfraz_qamar]

Re: sarfraz chouhdary,s most wanted

safar me.n dhuup to hogii jo chal sako to chalo
sabhii hai.n bhii.D me.n tum bhii nikal sako to chalo

idhar udhar ka_ii manzil hai.n chal sako to chalo
bane banaaye hai.n saa.Nche jo Dhal sako to chalo

kisii ke vaasate raahe.n kahaa.N badalatii hai.n
tum apane aap ko Khud hii badal sako to chalo

yahaa.N kisii ko ko_ii raastaa nahii.n detaa
mujhe giraake agar tum sambhal sako to chalo

yahii hai zindagii kuchh Khaak chand ummiide.n
inhii.n khilauno.n se tum bhii bahal sako to chalo

har ik safar ko hai mahafuus raasto.n kii talaash
hifaazato.n kii rivaayat badal sako to chalo

kahii.n nahii.n ko_ii suuraj dhuaa.N dhuaa.N hai fizaa
Khud apane aap se baahar nikal sako to chalo

[sarfraz_qamar]

Re: sarfraz chouhdary,s most wanted

dayaar-e-Gam me.n dil-e-beqaraar chhuuT gayaa
sambhal ke Dhuu.DHane jaao bahut a.Ndheraa hai

ye raat vo ke suujhe jahaa.N na haath ko haath
Khayaalo duur na jaao bahut a.Ndheraa hai

laTo.n ko chehare pe Daale vo so rahaa hai kahii.n
zayaa-e-ruKh ko churaao bahut a.Ndheraa hai


havaae.N niim shabii ho.n ki chaadar-e-a.njum
naqaab ruKh se uThaao bahut a.Ndheraa hai


shab-e-siyaah me.n gum ho ga_ii hai raah-e-hayaat
qadam sambhal ke uThaao bahut a.Ndheraa hai

[sarfraz_qamar]

Re: sarfraz chouhdary,s most wanted

samajhaa thaa mia.n mujhe kisii qaabil banaa diyaa
ye kyaa kiyaa ki dard ko phir dil banaa diyaa

Gam ne taGaiyuraat ke qaabil banaa diyaa
jo dard apanii had se ba.Dhaa dil banaa diyaa

itane muGaalate diye ummiid-o-biim ne
saahil ko mauj mauj ko saahil banaa diyaa


itanii ka.Dii nigaah se dekhaa na kiijiye
har rishta-e-nazar ko rag-e-dil banaa diyaa

ye kyaa banaane vaale tere jii me.n aa ga_ii
bijali banaa rahaa thaa magar dil banaa diyaa

har zarraa rahaguzar kaa to hiiraa nahii.n "Siraj"
jis me.n salaahiyat thii use dil banaa diyaa

[sarfraz_qamar]

Re: sarfraz chouhdary,s most wanted

sar gashtagii me.n aalam-e-hastii se yaas hai
taskii.n ko de naved ke marane kii aas hai

letaa nahii.n mere dil-e-aavaaraa kii Khabar
ab tak vo jaanataa hai ke mere hii paas hai

kiije bayaa.N suruur-e-tap-e-Gam kahaa.N talak
har muu mere badan pe zabaan-e-sipaas hai

hai vo Guruur-e-husn se begaanaa-e-vafaa
har-cha.nd us ke paas dil-e-haq-shanaas hai

[sarfraz_qamar]

Re: sarfraz chouhdary,s most wanted

sar me.n saudaa bhii nahii.n dil me.n tamannaa bhii nahii.n
lekin is tark-e-mohabbat kaa bharosaa bhii nahii.n


yuu.N to hangaame uThaate nahii.n diivaanaa-e-ishq
magar ai dost kuchh aiso.n kaa Thikaanaa bhii nahii.n

muddate.n guzarii.n terii yaad bhii aaii na hame.n
aur ham bhuul gae ho.n tujhe aisaa bhii nahii.n

ye bhii sach hai ke mohabbat me.n nahii.n mai.n majabuur
ye bhii sach hai ke teraa husn kuchh aisaa bhii nahii.n

dil kii gi.ntii na yagano.n me.n na begaano.n me.n
lekin is jalvaagaah-e-naaz se uThataa bhii nahii.n

[sarfraz_qamar]

Re: sarfraz chouhdary,s most wanted

sar pe saayaa saa dast-e-duaa yaad hai
apane aa.Ngan me.n ik pe.D thaa yaad hai


jis me.n apanii pari.ndo.n se tashbiih thii
tum ko skuul kii vo duaa yaad hai

aisaa lagataa hai har imtahaa.N ke liye
zi.ndagii ko hamaaraa pataa yaad hai

maikade me.n azaa.N sun ke royaa bahut
is sharaabii ko dil se Khudaa yaad hai

[sarfraz_qamar]

Re: sarfraz chouhdary,s most wanted

sar se chaadar badan se qabaa le ga_ii
zi.ndagii ham faqiiro.n se kyaa le ga_ii

merii muTThii me.n suukhe huye phuul hai.n
Khushbuuo.n ko u.Daakar havaa le ga_ii

mai.n samu.ndar ke siine me.n chaTTaan thaa
raat ek mauj aa_ii bahaa le ga_ii

ham jo kaaGaz the ashko.n se bhiige huye
kyo.n chiraaGo.n kii lau tak havaa le ga_ii

chaa.Nd ne raat mujhako jagaa kar kahaa
ek la.Dakii tumhaaraa pataa le ga_ii

merii shoharat siyaasat se mahafuus hai
ye tavaayaf bhii ismat bachaa le ga_ii

[sarfraz_qamar]

Re: sarfraz chouhdary,s most wanted

sarakatii jaaye hai ruKh se naqaab aahistaa-aahistaa
nikalataa aa rahaa hai aaftaab aahistaa-aahistaa

javaa.N hone lage jab vo to ham se kar liyaa pardaa
hayaa yakalaKht aayii aur shabaab aahistaa-aahistaa


shab-e-furqat kaa jaagaa huu.N farishto.n ab to sone do
kabhii fursat me.n kar lenaa hisaab aahistaa-aahistaa


savaal-e-vasl par unako uduu kaa Khauf hai itanaa
dabe ho.nTho.n se dete hai.n javaab aahistaa aahistaa