sarfraz chouhdary,s most wanted

[sarfraz_qamar]

Re: sarfraz chouhdary,s most wanted

tuune ye phuul jo zulfo.n me.n lagaa rakhaa hai
ik diyaa hai jo a.Ndhero.n me.n jalaa rakhaa hai

jiit le jaaye ko_ii mujhako nasiibo.n vaalaa
zi.ndagii ne mujhe daao pe lagaa rakhaa hai

jaane kab aaye ko_ii dil me.n jhaa.Nkane vaalaa
is liye mai.n ne Girebaa.N ko khulaa rakhaa hai

imtehaa.N aur merii zabt kaa tum kyaa loge
mai.n ne dha.Dakan ko bhii siine me.n chhupaa rakhaa hai

[sarfraz_qamar]

Re: sarfraz chouhdary,s most wanted

TuuTe huye dilo.n kii duaa mere saath hai
duniyaa terii taraf hai Khudaa mere saath hai

aavaaz ghu.Ngharuuo.n kii nahii.n hai to kyaa huaa
saaGar ke TuuTane kii sadaa mere saath hai

tanhaa_ii kis ko kahate hai.n mujhako pataa nahii.n
kyaa jaane kis hasii.n kii duaa mere saath hai

paimaanaa saamane hai to kuchh Gam nahii.n "Nizam"
ab dard-e-dil kii ko_ii davaa mere saath hai

[sarfraz_qamar]

Re: sarfraz chouhdary,s most wanted

kaliyo.n kii mahak hotaa taaro.n kii ziyaa hotaa
mai.n bhii tere gulshan me.n phuulo.n kaa Khudaa hotaa

har chiiz zamaane kii aa_iinaa-e-dil hotii
Khaamosh muhabbat kaa itanaa to silaa hotaa

tum haal-e-pareshaa.N kii pursish ke liye aate
saharaa-e-tamannaa me.n melaa saa lagaa hotaa


har gaam pe kaam aaye zulfo.n ke terii saaye
ye qaafilaa-e-hastii be-rah-numaa na hotaa

[sarfraz_qamar]

Re: sarfraz chouhdary,s most wanted

bichha.D ke mujh se kabhii tuu ne ye bhii sochaa hai
adhuuraa chaa.Nd bhii kitanaa udaas lagataa hai

ye vasl kaa lamhaa hai ise raayegaa.N na samajh
ke is ke baad vahii duuriyo.n kaa saharaa hai



kuchh aur der na jha.Dataa udaasiyo.n kaa shajar
kise Khabar tere saaye me.n kaun baiThaa hai

ye rakh-rakhaao muhabbat sikhaa ga_ii us ko
vo ruuTh kar bhii mujhe muskuraa ke milataa hai


mai.n kis tarah tujhe dekhuu.N nazar jhijhakatii hai
teraa badan hai ke ye aa_iino.n kaa dariyaa hai

[sarfraz_qamar]

Re: sarfraz chouhdary,s most wanted

haa.N kis ko hai mayassar ye kaam kar guzaranaa
ik baa.Nkpan se jiinaa ik baa.Nkpan se maranaa


dariyaa kii zindagii par sadqe hazaar jaane
mujh ko nahii.n gavaaraa saahil kii maut maranaa

saahil ke lab se puuchho dariyaa ke dil se puuchho
ik mauj-e-tah-nashii.n kaa muddat ke baad ubharanaa


jo ziist ko na samajhe jo maut ko na jaane
jiinaa unhii.n kaa jiinaa maranaa unhii.n kaa maranaa

[sarfraz_qamar]

Re: sarfraz chouhdary,s most wanted

tum aur fareb khaao bayaan-e-raqiib se
tum se to kam gilaa hai ziyaadaa nasiib se

goyaa tumhaarii yaad hii meraa ilaaj hai
hotaa hai paharo.n zikr tumhaaraa tabiib se

barbaad-e-dil kaa aaKhirii saramaayaa thii ummiid
vo bhii to tum ne chhiin liyaa mujh Gariib se



dhundhalaa chalii nigaah, dam-e-vaapasii hai ab
aa paas aa ke dekh luu.N tujh ko qariib se

[sarfraz_qamar]

Re: sarfraz chouhdary,s most wanted

ab kyaa bataa_uu.N mai.n tere milane se kyaa milaa
irfaan-e-Gam huaa mujhe dil kaa pataa milaa

jab duur tak na ko_ii fakiir-aashnaa milaa
teraa niyaaz-mand tere dar se jaa milaa


manzil milii muraad milii mudda'a milaa
sab kuchh mujhe milaa jo teraa naqsh-e-paa milaa

yaa zaKhm-e-dil ko chiir ke siine se phe.nk de
yaa aitaraaf kar ki nishaan-e-vafaa milaa

[sarfraz_qamar]

Re: sarfraz chouhdary,s most wanted

tum naGmaa-e-maah ho anjum ho tum soz-e-tamannaa kyaa jaano
tum dard-e-muhabbat kyaa samajho tum dil kaa ta.Dapanaa kyaa jaano

sau baar agar tum ruuTh gaye ham tum ko manaa hii lete the
ik baar agar ham ruuTh gaye tum ham ko manaanaa kyaa jaano

taKhriib-e-muhabbat aasaa.N hai taamiir-e-muhabbat mushkil hai
tum aag lagaanaa siikh gaye tum aag bujhaanaa kyaa jaano

tum duur kha.De dekhaa hii kiye aur Duubane vaalaa Duub gayaa
saahil ko tum manzil samajhe tum lazzat-e-dariyaa kyaa jaano

[sarfraz_qamar]

Re: sarfraz chouhdary,s most wanted

na ga.Nvaao naavak-e-niim-kash, dil-e-rezaa-rezaa ga.Nvaa diyaa
jo bache hai.n sang sameT lo, tan-e-daaG-daaG luTaa diyaa

mere chaaraagar ko naviid ho, saf-e-dushmanaa ko Khabar karo
vo jo qarz rakhate the jaan par, vo hisaab aaj chukaa diyaa

karo kaj jabii.n pe sar-e-kafan, mere qaatilo.n ko gumaa.N na ho
ki Guruur-e-ishq kaa baa.Nkapan, pas-e-marg ham ne bhulaa diyaa


jo ruke to koh-e-garaa.N the ham, jo chale to jaa.N se guzar gaye
rah-e-yaar ham ne qadam qadam, tujhe yaadagaar banaa diy

[sarfraz_qamar]

Re: sarfraz chouhdary,s most wanted

jis tarah chaahe.n karam farmaayiye
dil me.n rahiye dard banate jaayiye

sochiye to husn kaafir kuchh nahii.n
dekhiye aur dekhate rah jaayiye

ho chukii taskiin kyuu.N samajhaayiye
aap ko jaanaa hai achchhaa jaayiye

un ke ghar aur sirf un ke ghar "Raza"
jaayiye aur bin bulaaye jaayiye

[sarfraz_qamar]

Re: sarfraz chouhdary,s most wanted

na jaanaa aaj tak kyaa shai Khushii hai
hamaarii zindagii bhii zindagii hai

tere Gam se shikaayat-sii rahii hai
mujhe sach-much ba.Dii sharmindagii hai

mohabbat me.n kabhii sochaa hai yuu.N bhii
ki tujh se dostii yaa dushamanii hai

ko_ii dam kaa huu.N mehamaa.N muu.Nh na phero
abhii aa.Nkho.n me.n kuchh kuchh roshanii hai

zamaanaa zulm mujh par kar rahaa hai
tum aisaa kar sako to baat bhii hai

jhalak maasuumiyo.n me.n shoKhiyo.n kii
bahut rangiin terii saadagii hai

[sarfraz_qamar]

Re: sarfraz chouhdary,s most wanted

kyuu.N hame.n maut ke paiGaam diye jaate hai.n
ye sazaa kam hai ke jiye jaate hai.n

nashaa dono.n me.n hai saaqii mujhe Gam de yaa sharaab
mai bhii pii jaatii hai aa.Nsuu bhii piye jaate hai.n

ek tuu hai ke hamaarii nahii.n tujh ko parvaa
ek ham hai.n ke teraa naam liye jaate hai.n

zindagii apanii kashaakash me.n guzaratii hai "Shamim"
jii nahii.n chaahataa jiine ko jiye jaate hai.n

[sarfraz_qamar]

Re: sarfraz chouhdary,s most wanted

ghar chho.D ke bhii zindagii hairaaniyo.n me.n hai
shaharo.n kaa shor dasht kii viiraaniyo.n me.n hai]

kitanaa kahaa thaa us se ke daaman sameT le
ab vo bhii mere saath pareshaaniyo.n me.n hai

laharo.n me.n Dhuu.NDhataa huu.N mai.n khoye huye nagiin
cheharo.n kaa aks bahate huye paaniyo.n me.n hai

Darataa huu.N ye bhii vaqt ke haatho.n se miT na jaaye
halkee sii jo chamak abhii peshaaniyo.n me.n hai

[sarfraz_qamar]

Re: sarfraz chouhdary,s most wanted

chaa.Nd nikale kisii jaanib terii zebaa_ii kaa
rang badale kisii suurat shab-e-tanhaa_ii kaa

daulat-e-lab se phir ai Khusrav-e-shirii.n-dahan
aaj rizaa ho ko_ii harf shanaasaa_ii kaa

diidaa-o-dil ko sambhaalo ki sar-e-shaam "Firaq"
saaz-o-saamaan baham pahu.Nchaa hai rusvaa_ii kaa

[sarfraz_qamar]

Re: sarfraz chouhdary,s most wanted

saaqiyaa ik nazar jaam se pahale pahale
ham ko jaanaa hai kahii.n shaam se pahale pahale

Khush huaa ai dil ke muhabbat to nibhaa dii tuune
log uja.D jaate hai.n anjaam se pahale pahale

ab tere zikr pe ham baat badal dete hai.n
kitanii raGabat thii tere naam se pahale pahale

saamane umr pa.Dii hai shab-e-tanhaa_ii kii
vo mujhe chho.D gayaa shaam se pahale pahale