sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ek vaadaa hai kisii kaa jo vafaa hotaa nahii.n
mar-marii taaro.n bharii raato.n me.n kyaa hotaa nahii.n

jii me.n aataa hai ulaT de.n un ke chehare se naqaab
hausalaa karate hai.n lekin hausalaa hotaa nahii.n

shammaa jis kii aabaruu par jaan de de jhuum kar
vo pata.ngaa jal to jaataa hai fanaa hotaa nahii.n

[sarfraz_qamar]

Re: sarfraz chouhdary,s most wanted

jab se us ne shahar ko chho.Daa har rastaa sun-saan huaa
apanaa kyaa hai saare shahar kaa ik jaisaa nukasaan huaa

mere haal pe hairat kaisii dard ke tanhaa mausam me.n
patthar bhii ro pa.Date hai.n i.nsaan to phir i.nsaan huaa

us ke zaKhm chhupaa kar rakhiye Khud us shaKhs kii nazaro.n se
us se kaisaa shikavaa kiije vo to abhii naadaan huaa

yuu.N bhii kam aamez thaa "Mohsin" vo is shahar ke logo.n me.n
lekin mere saamane aakar aur hii kuchh a.njaam huaa

[aamez = social/one who mixes freely]

[sarfraz_qamar]

Re: sarfraz chouhdary,s most wanted

baat phuulo.n kii sunaa karate the
ham kabhii sher kahaa karate the

mashaale.n leke tumhaare Gam kii
ham a.ndhero.n me.n chalaa karate the

ab kahaa.N aisii tabiyat vaale
choT khaa kar jo duaa karate the

tark-e-ehasaas-e-muhabbat mushkil
haa.N magar ahal-e-vafaa karate the

bikharii bikharii zulfo.n vaale
qaafile rok liyaa karate the

aaj gulshan me.n shaguuf-e-saaGar
shaikave baad-e-sabaa se karate the

[sarfraz_qamar]

Re: sarfraz chouhdary,s most wanted

agar talaash karuu.N ko_ii mil hii jaayegaa
magar tumhaarii tarah kaun mujhako chaahegaa

tumhe.n zaruur ko_ii chaahato.n se dekhegaa
magar vo aa.Nkhe.n hamaarii kahaa.N se laayegaa

na jaane kab tere dil par na_ii sii dastak ho
makaan khaalii huaa hai to ko_ii aayegaa

mai.n apanii raah me.n diivaar ban ke baiThaa huu.N
agar vo aayaa to kis raaste se aayegaa

tumhaare saath ye mausam farishto.n jaisaa hai
tumhaare baad ye mausam bahut sataayegaa

[sarfraz_qamar]

Re: sarfraz chouhdary,s most wanted

shikave ke naam se bemehar Khafaa hotaa hai
ye bhii mat kah ke jo kahiye to gilaa hotaa hai

[shikavaa = complaint]

pur huu.N mai.n shikave se yuu.N raag se jaise baajaa
ik zaraa chhe.Diye phir dekhiye kyaa hotaa hai

[pur honaa = to be filled (with)]

go samajhataa nahii.n par husn-talaafii dekho
shikavaa-e-jaur se sar-garm-e-jafaa hotaa hai

[husn-talaafii = beautiful way of forgiveness]
[shikavaa-e-jaur = complaint about torture/oppression]
[sar-garm-e-jafaa = busy in being unfaithful (torture to the lover)]

ishq kii raah me.n hai charKh-e-makaukab kii vo chaal
sust-rau jaise ko_ii aabalaa_paa hotaa hai

[sarfraz_qamar]

Re: sarfraz chouhdary,s most wanted

qadam i.nsaa.N kaa raah-e-dahar me.n tharraa hii jaataa hai
chale kitanaa hii ko_ii bachake Thokar khaa hii jaataa hai

[raah-e-dahar = path of life]

nazar ho Khvaah kitanii hii haqaa_iq-aashnaa phir bhii
hujuum-e-kash_ma_kash me.n aadamii ghabaraa hii jaataa hai

[haqaa_iq-aashnaa = one who is in touch with reality]
[hujuum-e-kash_ma_kash = crowd of difficulties]

Khilaaf-e-masalehat mai.n bhii samajhataa huu.N magar naaseh
vo aate hai.n to chehare par tahayyur aa hii jaataa hai

[sarfraz_qamar]

Re: sarfraz chouhdary,s most wanted

mohabbat ke liye dil Dhuu.NDh ko_ii TuuTane vaalaa
ye vo may hai jise rakhate hai.n naazuk aabagiino.n me.n

[aabagiino.n = water bubbles]

saraapaa husn ban jaataa hai jisake husn kaa aashiq
bhalaa ai dil hasii.n aisaa bhii hai ko_ii hasiino.n me.n

[saraapaa = from head to toe]

numaayaa.N ho ke dikhalaade kabhii un ko jamaal apanaa
bahut muddat se charche hai.n tere baariik biino.n me.n

[baariik biino.n = critics]

Khaamosh ai dil merii mahafil me.n chillaanaa nahii.n achchhaa
adab pahalaa kariinaa hai mohabbat ke kariino.n me

[sarfraz_qamar]

Re: sarfraz chouhdary,s most wanted

ajab vaa_iz kii diin-daarii hai yaa rab
adaavat hai ise saare jahaa.N se

[vaa_iz = preacher/learned man; diin-daarii = religious preachings]
[adaavat = enmity]

ko_ii ab tak na ye samajhaa ki i.nsaa.N
kahaa.N jaataa hai aataa hai kahaa.N se

vahii.n se raat ko zulmat milii hai
chamak taaro.n ne paa_ii hai jahaa.N se

[zulmat = darkness]

ham apanii dard-ma.ndii kaa fasaanaa
sunaa karate hai.n apane raazadaa.N se

[sarfraz_qamar]

Re: sarfraz chouhdary,s most wanted

un se hame.n kuchh kaam nahii.n hai
dil ko magar aaraam nahii.n hai

merii tabaahii meraa muqaddar
aap pe kuchh ilzaam nahii.n hai

ishq hai aisaa aalam jis me.n
subah nahii.n hai shaam nahii.n hai

[aalam = state]

husn ke jalve maa.Ngane vaalo
ishq kii daulat aam nahii.n hai

[aam = common]

ham ko na apanaa kah ke pukaaro
ye to hamaaraa naam nahii.n hai

itanaa bhii kyaa "Sheri" se takalluf
aisaa to vo badanaam nahii.n hai

[sarfraz_qamar]

Re: sarfraz chouhdary,s most wanted

kis-kis tarah se mujhako na rusvaa kiyaa gayaa
Gairo.n kaa naam mere lahuu se likhaa gayaa

nikalaa thaa mai.n sadaa-e-jaras kii talaash me.n
bhuule se is sukuut ke seharaa me.n aa gayaa

[sadaa = call/sound; jaras = bell; sukuut = silence]

kyo.n aaj usakaa zikr mujhe Khush na kar sakaa
kyo.n aaj usakaa naam meraa dil dukhaa gayaa

is haadase ko sunake karegaa yaqii.n ko_ii
suuraj ko ek jho.nkaa havaa kaa bujhaa gayaa

[sarfraz_qamar]

Re: sarfraz chouhdary,s most wanted

mohabbat tark kii mai.n ne garebaa.N sii liyaa mai.n ne
zamaane ab to Khush ho zahar ye bhii pii liyaa mai.n ne

[tark = renounce; garebaa.N = dress/clothing]

abhii zi.ndaa huu.N lekin sochataa rahataa huu.N Khalvat me.n
ki ab tak kis tamannaa ke sahaare jii liyaa mai.n ne

[Khalvat = solitude]

u.nhe.n apanaa nahii.n sakataa magar itanaa bhii kyaa kam hai
ki kuchh muddat hasii.n Khvaabo.n me.n kho kar jii liyaa mai.n ne

bas ab to daaman-e-dil chho.D do bekaar ummiido
bahut dukh sah liye mai.n ne bahut din jii liyaa mai.n ne

[sarfraz_qamar]

Re: sarfraz chouhdary,s most wanted

havas-nasiib nazar ko kahii.n qaraar nahii.n
mai.n mu.ntazir huu.N magar teraa i.ntazaar nahii.n

[havas = lust]

hamii.n se ra.ng-e-gulistaa.N hamii.n se ra.ng-e-bahaar
hamii.n ko nazm-e-gulistaa.N pe iKhtiyaar nahii.n

abhii na chhe.D mohabbat ke giit ai mutarib
abhi hayaat kaa maahaul Khushgavaar nahii.n

[mutarib = singer; maahaul = surroundings/environment]

tumhaare ahad-e-vafaa ko mai.n ahad kyaa samajhuu.N
mujhe Khud apanii mohabbat kaa aitabaar nahii.n

[ahad = promise]

na jaane kitane gile is me.n muztariib hai nadiim
vo ek dil jo kisii kaa gilaa-gusaar nahii.n

gurez kaa nahii.n qaayal hayaat se lekin
jo sach kahuu.N to mujhe maut naagavaar nahii.n

[gurez = to avoid/run away; qaayal = fan/in favour of; hayaat = life]
[naagavaar = dislike]

ye kis maqaam pe pahuuu.Nchaa diyaa zamaane ne
ki ab hayaat pe teraa bhii iKhtiyaar nahii.n

[sarfraz_qamar]

Re: sarfraz chouhdary,s most wanted

kal gaye the tum jise biimaar-e-hijaraa.N chho.D kar
chal basaa vo aaj sab hastii kaa saamaa.N chho.D kar

[biimaar-e-hijaraa.N = someone suffering from the pangs of separation]

tifl-e-ashk aisaa giraa daaman-e-mizshagaa.N chho.D kar
phir na uTThaa kuuchaa-e-chaak-e-garebaa.N chho.D kar

[tifl-e-ashk = child-like tears; mizshagaa.N = eyelid]
[kuuchhaa = street; chaak = torn; garebaa.N = clothes/dress]

sard-meharii se kisii kii aag se dil sard hai
yaa.N se haT jaa dhuup ai abr-e-bahaaraa.N chho.D kar

[sarfraz_qamar]

Re: sarfraz chouhdary,s most wanted

kabhii mujh ko saath lekar, kabhii mere saath chal kar
vo badal gaye achaanak merii zi.ndagii badal kar

huye jis pe meharabaa.N tum ko_ii Khush_nasiib hogaa
merii hasarate.n to nikalii.n mere aa.Nsuuo.n me.n Dhal ke

terii zulf-o-ruKh ke qurbaa.N dil-e-zaar Dhuu.NDhataa hai
vahii champa_ii ujaale vahii surama_ii dhu.ndalake

ko_ii phuul ban gayaa hai ko_ii chaa.Nd ko_ii taaraa
jo chiraaG bujh gaye hai.n terii a.njuman me.n jal ke

mere dosto Khudaaraa mere saath tum bhii Dhuu.NDo
vo yahii.n kahii.n chhupe hai.n mere Gam kaa ruKh badal ke

terii bejhijhak ha.Nsii se na kisii kaa dil ho mailaa
ye nagar hai aa_iino.n kaa yahaa.N saa.Ns le sambhal ke

[sarfraz_qamar]

Re: sarfraz chouhdary,s most wanted

mohabbat soz bhii hai saaz bhii hai
Khaamoshii bhii hai aavaaz bhii hai

nasheman ke liye betaab taa_iir
vahaa.N paaba.ndii-e-paravaaz bhii hai

[taa_iir = bird; paaba.ndii-e-paravaaz = restrictions on flight]

Khaamoshii pe bharosaa karane vaalo
Khaamoshii Gam kaa gammaaz bhii hai

[gammaaz = symbol]

merii Khaamoshi-e-dil par na jaao
ki is me.n ruuh kii aavaaz bhii hai

dil-e-begaanaa-Khuu, duniyaa m.n teraa
ko_ii hamadam ko_ii hamaraaz bhii hai

[dil-e-begaanaa-Khuu = heart which is used to belonging to others]

hai meraaj-e-Khirad bhii arsh-e-aziim
junuu.N kaa farsh-e-paa a.ndaaz bhii hai

[meraaj-e-Khirad = height of inteliigence; arsh-e-ziim = highest (seventh) sky]