sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ham dostii ehasaan vafaa bhuul gaye hai.n
zi.ndaa to hai.n jiine kii adaa bhuul gaye hai.n

Khushbuu jo luTaate hai.n masalate hai.n usii ko
ehasaas kaa badalaa ye milataa hai kalii ko
ehasaas to lete hai.n silaa bhuul gaye hai.n

karate hai.n muhabbat kaa aur ehasaas kaa saudaa
matalab ke liye karate hai.n iimaan kaa saudaa
Dar maut kaa aur Khauf-e-Khudaa bhuul gaye hai.n

ab mom me.n Dhalakar ko_ii patthar nahii.n hotaa
ab ko_ii bhii qurbaan kisii par nahii.n hotaa
kyuu.N bhaTake hai.n ma.nzil kaa pataa bhuul gaye hai.n

[sarfraz_qamar]

Re: sarfraz chouhdary,s most wanted

din saliiqe se ugaa raat Thikaane se rahii
dostii apanii bhii kuchh roz zamaane se rahii

cha.nd lamho.n ko hii baa.NTii hai.n musavvir aa.Nkhe.n
zi.ndagii roz to tasviir banaane se rahii

[musavvir = artiste]

is a.ndhere me.n to Thokar hii ujaalaa degii
raat ja.gal me.n ko_ii shammaa jalaane se rahii

faasalaa chaa.Nd banaa detaa hai har patthar ko
duur kii raushanii nazadiik to aane se rahii

[faasalaa = distance]

shahar me.n sab ko kahaa.N milatii hai rone kii fursat
apanii izzat bhii yahaa.N ha.Nsane ha.Nsaane se rahii

[sarfraz_qamar]

Re: sarfraz chouhdary,s most wanted

jiinaa azaab kyuu.N hai ye kyaa ho gayaa mujhe
kis shaKhs kii lagii hai bhalaa bad-duaa mujhe

bananaa pa.Daa hai aap hii apanaa Khudaa mujhe
kis kufr kii milii hai bhalaa ye sazaa mujhe

ye kah ke mai.n ne rakkhaa hai har aa_iine kaa dil
agale janam me.n ruup milegaa nayaa mujhe

nikale the dono.n bhes badal kar to kyaa ajab
mai.n Dhuu.NDhataa Khudaa ko phiraa aur Khudaa mujhe

tuu mutama_iin nahi.n to mujhe kab hai aitaraaz
miTTii ko phir se goo.Ndh merii, phir banaa mujhe

[mutama_iin = satisfied]

[sarfraz_qamar]

Re: sarfraz chouhdary,s most wanted

kabhii kahaa na kisii se tere fasaane ko
na jaane kaise Khabar ho ga_ii zamaane ko

chaman me.n chho.Datii nahii.n kisii suurat
tarah tarah se banaataa huu.N aashiyaane ko

duaa bahaar kii maa.Ngii to itane phuul khile
kahii.n jagah na milii mere aashiyaane ko

chaman me.n jaanaa to sayyaad dekh-bhaal kar jaanaa
akelaa chho.D kar aayaa huu.N aashiyaane ko

merii lahad pe pata.ngo.n kaa Khuu.N hotaa hai
huzuur shammaa na laayaa kare.n jalaane ko

[lahad = tomb/grave]

[sarfraz_qamar]

Re: sarfraz chouhdary,s most wanted

ye kaisii muhabbat kahaa.N ke fasaane
ye piine pilaane ke sab hai.n bahaane

vo daaman ho un kaa ke sun-saan seharaa
bas ham ko to aaKhir hai.n aa.Nsuu bahaane

ye kis ne mujhe mast nazaro.n se dekhaa
lage Khud-ba-Khud hii qadam la.D-kha.Daane

chalo tum bhii 'Gumnaam' ab maikade me.n
tumhe.n dafn karane hai.n ka_ii Gam puraane

[sarfraz_qamar]

Re: sarfraz chouhdary,s most wanted

miT gayaa jab miTane vaalaa phir salaam aayaa to kyaa
dil kii barbaadii ke baad un kaa payaam aayaa to kyaa

[payaam = message]

chhuT ga_ii.n nabze.n ummide.n dene vaalii hai.n javaab
ab udhar se naamaabar leke payaam aayaa to kyaa

[naamaabar = messenger]

aaj hii miTanaa thaa ai dil hasarat-e-diidaar me.n
tuu merii naakaamiyo.n ke baad kaam aayaa to kyaa

[hasarat-e-diidaar = desire to see]

kaash apanii zi.ndagii me.n ham ye ma.nzar dekhate
ab sar-e-turbat ko_ii mahashar-Khiraam aayaa to kyaa

[turbat = tomb; mahashar = day of judgement; Khiraam = walk (style of)

saa.Ns ukha.Dii aas TuuTii chhaa gayaa jab ra.ng-e-yaas
naamaabar laayaa to kyaa Khat mere naam aayaa to kyaa

mil gayaa vo Khaak me.n jis dil me.n thaa armaan-e-diid
ab ko_ii Khurshiid-vash baalaa-e-baam aayaa to kyaa

[sarfraz_qamar]

Re: sarfraz chouhdary,s most wanted

duur se aaye the saaqii sun ke maiKhaane ko ham
bas tarasate hii chale afasos paimaane ko ham

may bhii hai miinaa bhii hai saagar bhii hai saaqii nahii.n
dil me.n aataa hai lagaa de.n mayaKhaane ko ham

ham ko fasanaa thaa qafaz me.n kyaa gilaa sayyaad kaa
bas tarasate hii rahe hai.n aab aur daane ko ham

baaG me.n lagataa nahii.n sahraa me.n ghabarataa hai dil
ab kahaa.N le jaake baiThe.n aise diivaane ko ham

kyaa hu_ii taqasiir hamase tuu bataa de ai "Nazeer"
taaki shaadii marg samajhe.n aise mar jaane ko ham

[sarfraz_qamar]

Re: sarfraz chouhdary,s most wanted

mai.n vo majanuu.N huu.N jo nikaluu.N ku.nj-e-zi.ndaa.N chho.Dakar
seb-e-jannat tak na khaauu.N sa.ng-e-tiflaa.N chho.Dakar

[ku.nj = corner; zi.ndaa.N = prison; sa.ng-e-tiflaa.N = stones thrown by children]

mai.n huu.N vo gumanaam jab daftar me.n naam aayaa meraa
rah gayaa bas mu.nshii-e-kudarat jagah vaa.N chho.Dakar

ahal-e-jauhar ko vatan me.n rahane detaa gar falak
laal kyuu.N is ra.ng se aataa badaKhshaa.N chho.Dakar

[ahal-e-jauhar = knowledgeable people; falak = sky (here it means fate)]

ghar se bhii vaaqif nahii.n us ke ki jis ke vaaste
baiThe hai.n ghar-baar sab ham Khaanaa-viraa.N chho.Dakar

in dino.n garche dakan me.n hai ba.Dii qadr-e-suKhan
kaun jaaye "Zauq" par dillii kii galiyaa.N chho.Dakar

[qadr-e-suKhan = value poets/poetry]

[sarfraz_qamar]

Re: sarfraz chouhdary,s most wanted

ruudaad-e-muhabbat kyaa kahiye kuchh yaad rahii kuchh bhuul gaye
do din kii masarrat kyaa kahiye kuchh yaad rahii kuchh bhuul gaye

[ruudaad-e-muhabbat = Tale of love; masarrat = happiness]

jab jaam diyaa thaa saaqii ne jab daur chalaa thaa mahafil me.n
vo hosh kii sa'at kyaa kahiye kuchh yaad rahii kuchh bhuul gaye

[sa'at = moment]

ehasaas ke maiKhaane me.n kahaa.N ab fikr-o-nazar kii qa.ndiile.n
aalam kii shiddat kyaa kahiye kuchh yaad rahii kuchh bhuul gaye

[fikr-o-nazar = point of view; qa.ndile.n = lamps/candles]
[aalam = sorrow; shiddat = intensity]

ab apanii haqiiqat bhii "Sagar" berabt kahaanii lagatii hai
duniyaa kii haqiiqat kyaa kahiye kuchh yaad rahii kuchh bhuul gaye

[berabt = unrelated]

[sarfraz_qamar]

Re: sarfraz chouhdary,s most wanted

yaa rab! Gam-e-hijraa.N me.n itanaa to kiyaa hotaa
jo haath jigar pe hai vo dast-e-duaa hotaa

[Gam-e-hijraa.N = sorrow of separation]
[dast-e-duaa = hands raised in prayer]

ek ishq kaa Gam aafat aur us pe ye dil aafat
yaa Gam na diyaa hotaa yaa dil na diyaa hotaa

Gairo.n se kahaa tum ne Gairo.n se sunaa tum ne
kuchh ham se kahaa hotaa kuchh ham se sunaa hotaa

ummiid to ba.ndh jaatii taskii.n to ho jaatii
vaadaa na vafaa karate vaadaa to kiyaa hotaa

naakaam-e-tamannaa dil is soch me.n rahataa hai
yuu.N hotaa to kyaa hotaa yuu.N hotaa to kyaa hotaa

[sarfraz_qamar]

Re: sarfraz chouhdary,s most wanted

naaz thaa Khud par magar aisaa na thaa
aa_iine me.n jab talak dekhaa na thaa

shahar kii maharuumiyaa.N mat puuchhiye
bhii.D thii par ko_ii bhii apanaa na thaa

[maharuum = deprived]

ma.nzile.n aavaaz detii rah ga_ii.n
ham pahu.Nch jaate magar rastaa na thaa

itanii dil-kash thii kahaa.N ye zi.ndagii
ham ne jab tak aap ko chaahaa na thaa

[dil-kash = attractive]

[sarfraz_qamar]

Re: sarfraz chouhdary,s most wanted

yaaro mujhe mu'aaf karo mai.n nashe me.n huu.N
ab do to jaam khaalii hii do mai.n nashe me.n huu.N

maazuur huu.N jo paao.n mere betarah pa.De
tum sar-garaa.N to mujh se na ho mai.n nashe me.n huu.N

[maazuur = helpless; betarah = unsteady; sar-garaa.N = annoyed]

yaa haatho.n haath lo mujhe jaise ke jaam-e-may
yaa tho.Dii duur saath chalo mai.n nashe me.n huu.N

[jaam-e-may = goblet of wine]

[sarfraz_qamar]

Re: sarfraz chouhdary,s most wanted

kyaa ummiid kare ham un se jin ko vafaa maaluum nahii.n
Gam denaa maaluum hai lekin Gam kii davaa maaluum nahii.n

jin kii galii me.n umr ga.Nvaa dii jiivan bhar hairaan rahe
paas bhii aake paas na aaye jaan ke bhii a.njaan rahe
kaun sii aaKhir kii thii hamane aisii Khataa maaluum nahii.n

ai mere paagal armaano.n jhuuThe ba.ndhan to.D bhii do
ai merii zaKhmii ummiido.n dil kaa daaman chho.D bhii do
tum ko abhii is nagarii me.n jiine kii sazaa maaluum nahii.n


Before I get flooded with e-mails, yes, I know this is not a
Gazal. If you are wondering why this is not a Gazal, you should
read the classical definition of a Gazal at:

[sarfraz_qamar]

Re: sarfraz chouhdary,s most wanted

baraabar se bachakar guzar jaane vaale
ye naale nahii.n be-asar jaane vaale

[naale = sighs]

muhabbat me.n ham to jiye hai.n jiye.nge
vo ho.nge ko_ii aur mar jaane vaale

**This sher reminds me of another one that I had read a long time ago:

terii nigaah se aisii sharaab pii mai.n ne ke phir na hosh kaa daavaa kiyaa kabhii mai.n ne
vo aur ho.nge ji.nhe.n maut aa ga_ii hogii nigaah-e-yaar se paa_ii hai zi.ndagii mai.n ne

I don't know the poet. Perhaps someone in this group does. **

mere dil kii betaabiyaa.N bhii liye jaa
dabe paao.n muu.Nh pher ke jaane vaale

[sarfraz_qamar]

Re: sarfraz chouhdary,s most wanted

besan kii so.ndhii roTii par
khaTTii chaTanii jaisii maa.N
yaad aatii hai chaukaa-baasan
chimaTaa phukanii jaisii maa.N

baa.Ns kii khurrii khaaT ke uupar
har aahaT par kaan dhare
aadhii so_ii aadhii jaagii
thakii dopaharii jaisii maa.N

chi.Diyo.n ke chahakaar me.n gu.Nje
raadhaa-mohan alii-alii
murGe kii aavaaz se khulatii
ghar kii ku.nDii jaisii maa.N

bivii, beTii, bahan, pa.Dosan
tho.Dii tho.Dii sii sab me.n
din bhar ik rassii ke uupar
chalatii naTanii jaisii maa.N

baa.NT ke apanaa cheharaa, maathaa,
aa.Nkhe.n jaane kahaa.N ga_ii
phaTe puuraane ik alabam me.n
cha.nchal la.Dakii jaisii maa.N