sarfraz chouhdary,s most wanted

[sarfraz_qamar]

Re: sarfraz chouhdary,s most wanted

aavaaraa hai.n galiyo.n me.n mai.n aur merii tanahaa_ii
jaaye.N to kahaa.N jaaye.N har mo.D pe rusavaa_ii
mai.n aur merii tanahaa_ii

ye phuul se chehare hai.n ha.Nsate huye guladaste
ko_ii bhii nahii.n apanaa begaane hai.n sab raste
raahe.n bhii tamaashaa_ii raahii bhii tamaashaa_ii
mai.n aur merii tanahaa_ii

armaan sulagate hai.n siine me.n chitaa jaise
qaatil nazar aatii hai duniyaa kii havaa jaise
rotii hai mere dil par bajatii hu_ii shahanaa_ii
mai.n aur merii tanahaa_ii

har ra.ng me.n ye duniyaa sau ra.ng badalatii hai
ro kar kabhii ha.Nsatii hai, ha.Ns kar kabhii gaatii hai
ye pyaar kii baahe.n hai.n yaa maut kii a.nga.Daa_ii
mai.n aur merii tanahaa_ii

aakaash ke maathe par taaro.n kaa charaaGaa.N hai
pahaluu me.n magar mere zaKhmo.n kaa gulistaa.N hai
aa.Nkho.n se lahuu Tapakaa daaman me.n bahaar aa_ii
mai.n aur merii tanahaa_ii

[sarfraz_qamar]

Re: sarfraz chouhdary,s most wanted

saaGar se lab lagaa ke bahut Khush hai zi.ndagii
sahan-e-chaman me.n aake bahut Khush hai zi.ndagii

[saaGar = wine-glass]

aa jaao aur bhii zaraa nazadiik jaan-e-man
tum ko qariib paake bahut Khush hai zi.ndagii

hotaa ko_ii mahal bhii to kyaa puuchhate ho phir
be-vajah muskuraa ke bahut Khush hai zi.ndagii

[mahal = opportunity or often (it has two meanings)]

saahil pe bhii to itanii shagufataa ravish na thii
tuufaa.N ke biich aake bahut Khush hai zi.ndagii

[saahil = shore; shagufataa = fresh

viiraan dil hai aur "Adam" zi.ndagii kaa raqs
ja.ngal me.n ghar banaake bahut Khush hai zi.ndagii

[sarfraz_qamar]

Re: sarfraz chouhdary,s most wanted

dekhaa huaa saa kuchh hai to sochaa huaa saa kuchh
har vaqt mere saath hai ulajhaa huaa saa kuchh

[ulajhaa huaa = tangled/confused]

hotaa hai yuu.N bhii raastaa khulataa nahii.n kahii.n
ja.ngal-saa phail jaataa hai khoyaa huaa saa kuchh

saahil kii gilii ret par bachcho.n ke khel-saa
har lamhaa mujh me.n banataa bikharataa huaa saa kuchh

[saahil = shore; giilii = wet; lamhaa = moment]

fursat ne aaj ghar ko sajaayaa kuchh is tarah
har shay se muskuraataa hai rotaa huaa saa kuchh

[fursat = leisure; shay = object/thing]

dhu.Ndhalii sii ek yaad kisii qabr kaa diyaa
aur mere aas-paas chamkataa huaa saa kuchh

[sarfraz_qamar]

Re: sarfraz chouhdary,s most wanted

raushan kahii.n bahaar ke imkaa.N huye to hai.n
gulashan me.n chaak cha.nd garebaa.N huye to hai.n

[Some signs of spring are visible now, at long last
Some flowers with torn cloaks, we can now see]

[imkaa.N = possibility; chaak = torn; garebaa.N = clothes/outer garment/cloak]


ab bhii Khizaa.N kaa raaj hai lekin kahii.n kahii.n
goshe rah-e-chaman me.n Gazal-Khvaa.N huye to hai.n

[Khizaa.N = autumn; goshaa = corner; Gazal-Khvaa.N = singing]

[Though autumn still reigns but in places, nevetheless
The sound of singing can be found in some corners of the garden]


Thaharii huyii hai shab kii siyaahii vahii.n magar
kuchh kuchh sahar ke ra.ng par-afshaa.N huye to hai.n

[sarfraz_qamar]

Re: sarfraz chouhdary,s most wanted

hai mashq-e-suKhan jaarii chakkii kii mushaqqat bhii
ek tarfaa tamaashaa hai "Hasrat" kii tabiiyat bhii

[mashq-e-suKhan = drill of poetry; jaarii = running/in operation]
[chakkii kii mushaqqat = grinding of the mill]
[ek tarfaa tamaashaa = a strange or wonderous feat/a sight to see]
tabiiyat = dispositon]

jo chaaho sazaa de do tum aur bhii khul khelo
par ham se qasam le lo kii ho jo shikaayat bhii

[khul kelo = take liberties; shikaayat = complain]

Khud ishq kii gustaaKhii sab tujh ko sikhaa degii
ai husn-e-hayaa-parvar shoKhii bhii sharaat bhii

[gustaaKhii = audacity; husn-e-hayaa-parvar = coy sweetheart]
[shoKhii = coquetry; sharaarat = mischief]

ushaaq ke dil naazuk us shoKh kii khuu naazuk
naazuk isii nisabat se hai kaar-e-muhabbat bhii

[sarfraz_qamar]

Re: sarfraz chouhdary,s most wanted

raat aadhii se ziyaadaa ga_ii thii saaraa aalam sotaa thaa
naam teraa le le kar ko_ii dard kaa maaraa rotaa thaa

chaaraagaro ye taskii.n kaisii mai.n bhii huu.N is duniyaa me.n
un ko aisaa dard kab uThaa jin ko bachanaa hotaa thaa

[chaaraagaro = physicians/healers; taskii.n = consolation]

kuchh kaa kuchh kah jaataa thaa mai.n furqat kii betaabii me.n
sunane vaale ha.Ns pa.Date the hosh mujhe tab aataa thaa

[furqat = separation/parting]

taare aksar Duub chale the, raat ke rone vaalo.n ko
aane lagii thii nii.nd sii kuchh, duniyaa me.n saveraa hotaa thaa

tark-e-muhabbat karane vaalo kaun aisaa jag jiit liyaa
ishq ke pahale ke din socho kaun ba.Daa sukh hotaa thaa

[sarfraz_qamar]

Re: sarfraz chouhdary,s most wanted

mujhe sahal ho ga_ii.n ma.nzile.n vo havaa ki ruKh bhii badal gaye
teraa haath haath me.n aa gayaa ki chiraaG raah me.n jal gaye

[sahal = easy; ruKh = direction]

vo lajaaye mere savaal par ke uThaa sake na jhukaa ke sar
u.Dii zulf chehare pe is tarah ki shabo.n ke raaz machal gaye

mere kaam aa ga_ii aaKhirash yahii kaaviishe.n yahii gardishe.n
ba.Dhii is qadar merii ma.nzile.n ki qadam ke Khaar nikal gaye

[aaKhirash = finally, in the end; kaavishe.n = difficulties]
[gardish = bad time; Khaar = thorn]

[sarfraz_qamar]

Re: sarfraz chouhdary,s most wanted

kamaal-e-ishq hai diivaanaa ho gayaa huu.N mai.n
ye kis ke haath se daaman chhu.Daa rahaa huu.n mai.n

[kamaal-e-ishq = limits of love]

tumhii.n to ho jise kahatii hai naaKhudaa duniyaa
bachaa sako to bachaa lo ki Duubataa huu.N mai.n

[naaKhudaa = boatsman]

ye mere ishq kii majabuuriyaa.N ma'az-allaah
tumhaaraa raaz tumhii.n se chhupaa rahaa huu.N mai.n

[ma'az-allah = In the protection of God/at the mercy of God]

is ik hijaab pe sau be-hijaabiyaa.N sadaqe
jahaa.N se chaahataa huu.N tumko dekhataa huu.N mai.n

[hijaab = veil]

bataane vaale vahii.n par bataate hai.n ma.nzil
hazaar baar jahaa.N se guzar chukaa huu.N mai.n

kabhii ye zom ki tuu mujhase chhup nahii.n sakataa
kabhii ye vaham ki Khud bhii chhupaa huaa huu.N mai.n

[sarfraz_qamar]

Re: sarfraz chouhdary,s most wanted

aa.Nkho.n me.n bas ke dil me.n samaa kar chale gaye
Khvaabidaa zi.ndagii thii jagaa kar chale gaye

[Khvaabidaa = lost in dreams/slumbering]

chehare tak aastiin vo laakar chale gaye
kyaa raaz thaa ki jis ko chhipaakar chale gaye

rag rag me.n is tarah vo samaa kar chale gaye
jaise mujh hii ko mujhase churaakar chale gaye

aaye the dil kii pyaas bujhaane ke vaaste
ik aag sii vo aur lagaa kar chale gaye

lab thar-tharaa ke rah gaye lekin vo ai "Jigar"
jaate huye nigaah milaakar chale gaye

[sarfraz_qamar]

Re: sarfraz chouhdary,s most wanted

mujhako maaraa hai har ek dard-o-davaa se pahale
dii sazaa ishq ne har jurm-o-Khataa se pahale

[sazaa = punishment; jurm = crime; Khataa = mistake]

aatish-e-ishq bha.Dakatii hai havaa se pahale
ho.nTh jalate hai.n muhabbat me.n duaa se pahale

[aatish = fire/ember]

ab kamii kyaa hai tere be-sar-o-saamaano.n ko
kuchh na thaa terii qasam tark-o-fanaa se pahale

[tark = to give up; fanaa = death]

ishq-e-bebaak ko daave the bahut Khalavat me.n
kho diyaa saaraa bharam sharm-o-hayaa se pahale

[sarfraz_qamar]

Re: sarfraz chouhdary,s most wanted

vo din bhii aane vaalaa hai
jab terii in kaalii aa.Nkho.n me.n
har jazbaa miT jaayegaa
tere baal ji.nhe.n dekhe.n to
saavaan kii ghanaghor ghaTaaye.n
aa.Nkho.n me.n laharaatii hai.n

ho.nTh rasiile
dhyaan me.n laakho.n phuulo.n kii
mahakaar jagaaye.n
vo din duur nahii.n jab in par
patajhar kii rut chhaa jaayegii

aur us patajhar ke mausam kii
kisii akelii shaam kii chup me.n
gaye dino.n kii yaad aayegii
jaise ko_ii kisii ja.ngal me.n
giit suhaane gaataa hai

- tujh ko paas bulaataa hai

[sarfraz_qamar]

Re: sarfraz chouhdary,s most wanted

biimaar hai.n to ab dam-e-isaa kahaa.N se aaye
us dil me.n dard-e-shauq-o-tamannaa kahaa.N se aaye

[dam-e-isaa = breath of Jesus]

bekaar sharaa-e-lafz-o-maanii se faayedaa
jab tuu nahii.n to shahar me.n tujh saa kahaa.N se aaye

har chashm sa.ng-e-Khizb-o-adaavat se surKh hai
ab aadamii ko zi.ndagii karanaa kahaa.N se aaye

[chashm = eye; sa.ng = stone; Khizb = lies; adaavat = spite; surKh = red]
[zi.ndagii karanaa = to live life; to make something of life]

vahashat havas kii chaaT ga_ii Khaak-e-jism ko
be-dar gharo.n me.n shaql kaa saayaa kahaa.N se aaye

[vahashat = terror; havas = lust; Khaak = dust]
[jism = body; be-dar = without doors; shaql = face]

ja.D se ukha.D gaye to badalatii ruto.n se kyaa
be-aab aa_iino.n me.n saraapaa kahaa.N se aaye

[sarfraz_qamar]

Re: sarfraz chouhdary,s most wanted

muhabbat me.n kare kyaa kuchh kisii se ho nahii.n sakataa
meraa maranaa bhii to merii Khushi se ho nahii.n sakataa

na ronaa hai tariiqe kaa na ha.Nsanaa hai saliiqe kaa
pareshaanii me.n ko_ii kaam jii se ho nahii.n sakataa

[saliiqaa = proper way]

Khudaa jab dost hai ai "Daag" kyaa dushman se a.ndeshaa
hamaaraa kuchh kisii kii dushmanii se ho nahii.n sakataa

[a.ndeshaa = anxiety/worry]

[sarfraz_qamar]

Re: sarfraz chouhdary,s most wanted

duaa karo ki ye paudhaa sadaa haraa hii lage
udaasiyo.n se bhii cheharaa khilaa-khilaa hii lage

ye chaa.Nd taaro.n kaa aa.Nchal usii kaa hissaa hai
ko_ii jo duusaraa o.De to duusaraa hii lage

nahii.n hai mere muqaddar me.n raushanii na sahii
ye khi.Dakii kholo zaraa subah kii havaa hii lage

ajiib shaKhs hai naaraaz hoke ha.nsataa hai
mai.n chaahataa huu.N Khafaa ho to vo Khafaa hii lage

[sarfraz_qamar]

Re: sarfraz chouhdary,s most wanted

tere dar pe vo aa hii jaate hai.n
jin ko piine kii aas ho saaqii
aaj itanii pilaa de aa.Nkho.n se
Khatm ri.ndo.n kii pyaas ho saaqii

halqaa halqaa suruur hai saaqii
baat ko_ii zaruur hai saaqii
terii aa.Nkhe.n kisii ko kyaa de.ngii
apanaa apanaa suruur hai saaqii

tere ruKh pe ye pareshaa.N zulfe.n
ik a.Ndhere me.n nuur hai saaqii
piine vaalo.n ko bhii nahii.n maaluum
mayaqadaa kitanii duur hai saaqii