~*Hadith Of The Day*~(DAILY UPDATE)

[.]

Re: ~*Hadith Of The Day*~(DAILY UPDATE)

ایک مرتبہ مدینہ منورہ میں سخت قحط پڑا، بارش ہو نہیں رہی تھی۔ لوگ پریشان ہو کر اُم المُومنین حضرت عائشہ رضی اللہ عنہا کی خدمت میں حاضر ہوئے اور عرض کیا:"اے اُم المومنین! بارش نہیں ہوتی، قحط پڑ گیا۔ آپ رضی اللہ عنہا کے پاس حاضر ہوئے ہیں، فرمائیں کیا کیا جائے؟"۔
اُم المومنین رضی اللہ عنہا نے فرمایا، حضور صلی اللہ علیہ وسلم کی قبرِ انور پر جاؤ ، قبر شریف کے حجرہ مبارکہ کی جو چھت ہے ، اُس میں سے چند ایک مقامات سے مٹی ہٹا کر روشن دان بناؤ، تاکہ قبر شریف اور آسمان کے درمیان کوئی پردہ نہ رہے اور آسمان کو قبر شریف نظر آنے لگے۔ آسمان جب قبرِ انور کو دیکھے گا تو رونے لگے گا اور بارش ہونے لگے گی۔
اُم المومنین کی اس تدبیر پر صحابہ کرام نے عمل کیا اور روضہ شریف کی چھت میں کچھ روشن دان بنائے تو آسمان کو قبر شریف نظر آنے لگی اور بارش شروع ہو گئی۔ اتنی بارش ہوئی کہ گھاس اُگ آئی۔ اونٹ موٹے ہو گئے۔ اور اُن میں اتنی چربی اور گوشت پیدا ہو گیا کہ گویا وہ موٹاپے سے پھٹنے لگے۔ اس سال کا نام ارزانی( کثرت والا مال) رکھا گیا۔
(مشکوہ۔ ص نمبر 637)

[.]

Re: ~*Hadith Of The Day*~(DAILY UPDATE)

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا وہ دینار جس کو تو اللہ کے راستہ میں خرچ کرتا ہے اور وہ دینار جس کو تو غلام پر خرچ کرتا ہے اور وہ دینار جو تو نے مسکین پر خیرات کردیا اور وہ دینار جو تو نے اپنے اہل وعیال پر خرچ کیا ہے ان میں سب سے زیادہ ثواب اس دینار کا ہے جو تو اپنے اہل وعیال پر خرچ کرتا ہے۔
صحیح مسلم:جلد اول:حدیث نمبر2304

[.]

Re: ~*Hadith Of The Day*~(DAILY UPDATE)

سیدنا عامربن سعدرضی اللہ عنہما اپنے والد سے روایت کرتے ہیں کہ رسول اللہ صلی اللہ علیہ وسلم میری سخت بیماری میں جو مجھے حجۃ الوداع میں ہوگئی تھی عیادت کو تشریف لائے تو میں نے عرض کیا کہ میرے پاس وہ چیز پہنچ گئی ہے جو آپ دیکھ رہے ہیں اور میں مال والا ہوں اور اپنا وارث صرف ایک بیٹی کو چھوڑ رہا ہوں کیا میں اپنا دوتہائی مال وقف کردوں؟ آپ نے فرمایا کہ نہیں میں نے عرض کیا کہ کیا نصف آپ نے فرمایا کہ نہیں میں نے عرض کیا تہائی آپ نے فرمایا تہائی بھی زیادہ ہے اپنے وارثوں کو مالدار چھوڑنا تیرے لئے اس سے بہتر ہے کہ ان کو محتاج چھوڑے کہ لوگوں کے پاس دست سوال دراز کرتے پھریں اور اللہ تعالیٰ کی رضامندی کے لئے تو جو بھی خرچ کرے گا تجھے اس کا اجر دیا جائے گا یہاں تک کہ وہ (لقمہ بھی) جو تو اپنی بیوی کے منہ میں ڈالتا ہے۔
صحیح بخاری:جلد سوم:حدیث نمبر 635

[.]

Re: ~*Hadith Of The Day*~(DAILY UPDATE)

حضرت براء بن عازب رضی اﷲ عنہ سے کسی نے پوچھا کہ کیا رسول اﷲ صلی اﷲ علیہ وسلم کا چہرہ (چمک دمک میں) تلوار کی مانند تھا ؟ تو آپ رضی اللہ عنہ نے فرمایا کہ نہیں بلکہ آپ صلی اللہ علیہ وسلم کا چہرہ چاند کے مثل تھا۔
حضرت علی رضی اﷲ عنہ نے آپ صلی اللہ علیہ وسلم کے حلیہ مبارکہ کو بیان کرتے ہوئے یہ کہا کہ جو آپ صلی اللہ وسلم کو اچانک دیکھتا وہ آپ کے رعب داب سے ڈر جاتا اور پہچاننے کے بعد آپ سے ملتا وہ آپ سے محبت کرنے لگتا تھا۔
حضرت براء بن عازب رضی اﷲ عنہ کا قول ہے کہ رسول اﷲ صلی اﷲ علیہ وسلم تمام انسانوں سے بڑھ کر خوبرو اور سب سے زیادہ اچھے اخلاق والے تھے۔
حضرت عبداﷲ بن سلام رضی اﷲ عنہ نے آپ کے چہرہ انور کے بارے میں کہا کہ میں نے جب حضور صلی اﷲ علیہ وسلم کے چہرہ انور کو بغور دیکھا تو میں نے پہچان لیا کہ آپ کا چہرہ کسی جھوٹے آدمی کا چہرہ نہیں ہے۔
(بخاری ج۱ ص۵۰۲ باب صفة النبی صلی اﷲ تعالیٰ علیه وسلم)
(مشکوٰۃ ج۱ ص۱۶۸ باب فضل الصدقه)
(شمائل ترمذی ص۲)

[.]

Re: ~*Hadith Of The Day*~(DAILY UPDATE)

ایک مرتبہ حضرت علی کرم اللہ وجہہ آنسو بہاتے ہوئے حضور صلی اللہ علیہ وسلم کی خدمت میں حاضر ہوئے اور کپڑے کے کونے سے آنسو پونچھتے ہوئے عرض کیا ’’یا رسول اللہ! آپ صلی اللہ علیہ وسلم نے اپنے ساتھیوں (مہاجرین اور انصار) کے درمیان رشتہ اخوت و بھائی چارہ قائم کیا لیکن مجھے کسی کا بھائی نہیں بنایا؟‘‘
ان کا یہ محبت بھرا شکوہ سن کر حضور صلی اللہ علیہ وسلم مسکرائے، انہیں اپنے ساتھ بٹھایا پھر اپنے سینہ سے لگا کر فرمایا ’’تم دنیا و آخرت میں میرے بھائی ہو۔‘‘ پھر آپ صلی اللہ علیہ وسلم نے لوگوں کے مجمع عام میں خطاب کر کے اعلان فرمایا:
’’لوگو! یہ علی میرا بھائی ہے یہ علی میرا بھائی ہے‘‘
(رواہ الترمذی ۳۶۵۴)

[.]

Re: ~*Hadith Of The Day*~(DAILY UPDATE)

حضرت عبداللہ بن بسر رضی اللہ عنہ فرماتے ہیں کہ ایک آدمی نے نبی اکرم صلی اللہ علیہ وسلم کی خدمت میں عرض کیا ۔
يَا رَسُولَ اللَّهِ اِنَّ شَرَائِعَ الإِسْلاَمِ قَدْ كَثُرَتْ عَلَىَّ فَاَخْبِرْنِي بِشَيْءٍ اَتَشَبَّثُ بِهِ
اے اللہ کے رسول ! اسلامی شرائع (احکامِ الٰہی) تو بکثرت ہیں مجھے تو کوئی ایسی چیز بتائیں جسے میں اچھی طرح اپنالوں (اور نجات پاجاؤں)
اس پر نبی اکرم صلی اللہ علیہ وسلم نے فرمایا ۔
" لاَ يَزَالُ لِسَانُكَ رَطْبًا مِنْ ذِكْرِ اللَّهِ " (صحیح سنن ترمذی ، حدیث نمبر 2687)
اپنی زبان کو ہر حالت میں ذکرِ الٰہی میں مشغول رکھو ۔

[.]

Re: ~*Hadith Of The Day*~(DAILY UPDATE)

حضور صلی اللہ علیہ وسلم نے فرمایا:

“جس کو چار چیزیں نصیب ہوں،اسے دنیاوآخرت کی دولت مل گئی ۔شکر کرنے والا دل،ذکر کرنے والی ذبان،مصیبتوں پر صبر کرنے والا جسم،اور آبرو کی حفاظت کرنے والی بیوی‘‘۔

(مشکوتہ شریف)

[.]

Re: ~*Hadith Of The Day*~(DAILY UPDATE)

Reported by Anas (RA): The Prophet (peace be upon him) said, "Whoever supports two girls till they attain maturity, he and I will come on the Day of Resurrection like this". Messenger of Allah (peace be upon him) joined his fingers illustrating this. [Muslim]

[.]

Re: ~*Hadith Of The Day*~(DAILY UPDATE)

ذکر اللہ
ترجمہ :
حضرت ابو ہریرہ رضی اللہ تعالی عنہ سے روایت ہے کہ رسول اللہ صلی اللہ علیہ وسلم نے فرمایا .
" اللہ تعالی کا ارشاد ہے کہ میرا معاملہ بندے کے ساتھ اس کے یقین کے مطابق ہے اور میں اس کے بالکل ساتھ ہوتا ہوں جب وہ مجھے یاد کرتا ہے . اگر وہ مجھے اپنے جی میں اس طرح یاد کرے کہ کسی اور کو خبر بھی نا ہو تو میں بھی اس کو اسی طرح یاد کروں گا اور اگر وہ دوسرے لوگوں کے سامنے مجھے یاد کرے تو میں ان سے بہتر بندوں کی جماعت میں اس کا ذکر کروں گا . ( یعنی ملائکہ کی جماعت میں اور ان کے سامنے ) "

( صحیح بخاری ، صحیح مسلم )

[.]

Re: ~*Hadith Of The Day*~(DAILY UPDATE)

اللہ تعالی جس شخص کے ساتھ بھلائی کا اِرادَہ کرتا ہے اسے تکلیف میں مبتلا کر دیتا ہے . ( بخاری شریف )

[.]

Re: ~*Hadith Of The Day*~(DAILY UPDATE)

حَدَّثَنَا أَبُو بَکْرِ بْنُ أَبِي شَيْبَةَ حَدَّثَنَا يَزِيدُ بْنُ هَارُونَ عَنْ شُعْبَةَ عَنْ أَبِي قَزْعَةَ عَنْ حَکِيمِ بْنِ مُعَاوِيَةَ عَنْ أَبِيهِ أَنَّ رَجُلًا سَأَلَ النَّبِيَّ صَلَّی اللَّهُ عَلَيْهِ وَسَلَّمَ مَا حَقُّ الْمَرْأَةِ عَلَی الزَّوْجِ قَالَ أَنْ يُطْعِمَهَا إِذَا طَعِمَ وَأَنْ يَکْسُوَهَا إِذَا اکْتَسَی وَلَا يَضْرِبْ الْوَجْهَ وَلَا يُقَبِّحْ وَلَا يَهْجُرْ إِلَّا فِي الْبَيْتِ

It was narrated from Hakim bin Mu' awiyah, from his father, that a man asked the Prophet P.B.U.H "What are the rights of the woman over her husband?" He said: "That he should feed her as he feeds himself and clothe her as he clothes himself; he should not strike her on the face nor disfigtue her, and he should not abandon her except in the house (as a form of discipline)." (Hasan)

ابوبکر بن ابی شیبہ، یزید بن ہارون، شعبہ، ابی قزرہ، حکیم بن معاویہ فرماتے ہیں کہ ایک مرد نے نبی سے پوچھا کہ خاوند کے ذمہ بیوی کا کیا حق ہے آپ نے فرمایا جب خود کھائے تو اسے بھی کھلائے اور جب خود پہنے تو اسے بھی پہنائے اور چہرے پر نہ مارے اور برا بھلا نہ کہے اور اسے الگ نہ سلائے مگر اپنے ہی گھر میں ۔

[.]

Re: ~*Hadith Of The Day*~(DAILY UPDATE)

حضرت ابو موسیٰ اشعری رضی اللہ عنہٗ فرماتے ہیں کہ نبی کریم ﷺ نے ارشاد فرمایا: ہر مسلمان کو چاہیے کہ صدقہ دیا کرے۔ لوگوں نے دریافت کیا: اگر اس کے پاس صدقہ دینے کے لیے کچھ نہ ہو تو کیا کرے؟ ارشاد فرمایا: اپنے ہاتھوں سے محنت مزدوری کرکے اپنے آپ کو بھی فائدہ پہنچائے اور صدقہ بھی دے۔ لوگوں نے عرض کیا: اگر یہ بھی نہ کرسکے یا (کرسکتا ہو پھر بھی) نہ کرے؟ ارشاد فرمایا: کسی غمزدہ محتاج کی مدد کردے۔ عرض کیا: اگر یہ بھی نہ کرے؟ ارشاد فرمایا: تو کسی کو بھلی بات بتادے۔ عرض کیا: اگر یہ بھی نہ کرے؟ ارشاد فرمایا: تو (کم از کم) کسی کو نقصان پہنچانے سے ہی با رہے کیونکہ یہ بھی اس کیلئے صدقہ ہے۔ (بخاری)

[.]

Re: ~*Hadith Of The Day*~(DAILY UPDATE)

حَدَّثَنَا عَلِيُّ بْنُ مُحَمَّدٍ حَدَّثَنَا وَکِيعٌ عَنْ الْأَعْمَشِ عَنْ مُجَاهِدٍ عَنْ عَبْدِ الرَّحْمَنِ بْنِ أَبِي لَيْلَی عَنْ أَبِي ذَرٍّ قَالَ قَالَ لِي رَسُولُ اللَّهِ صَلَّی اللَّهُ عَلَيْهِ وَسَلَّمَ أَلَا أَدُلُّکَ عَلَی کَنْزٍ مِنْ کُنُوزِ الْجَنَّةِ قُلْتُ بَلَی يَا رَسُولَ اللَّهِ قَالَ لَا حَوْلَ وَلَا قُوَّةَ إِلَّا بِاللَّهِ

It was narrated that Abu Dharr said: “The Messenger of Allah(saw) said to me: ‘Shall I not tell you of a treasure which is one of the treasures of Paradise?’ I said: ‘Yes, O Messenger of Allah.’ He said: ‘ La hawla wa la quwwata illa billah(There is no power and no strength except with Allah).’” (Sahih)

علی بن محمد ، وکیع ، اعمش ، مجاہد ، عبدالرحمن بن ابی لیلی ، ابوذربیان فرماتے ہیں کہ نبی صلی اللہ علیہ وآلہ وسلم فرماتے ہیں کہ نبی صلی اللہ علیہ وآلہ وسلم نے فرمایا میں جنت کے خزانوں میں سے ایک کلمہ تمہیں نہ بتاؤں ؟ میں نے عرض کیا اے اللہ کے رسول !ضرور فرمائیے۔ فرمایا کہو لَا حَوْلَ وَلَا قُوَّةَ إِلَّا بِاللَّهِ۔

[.]

Re: ~*Hadith Of The Day*~(DAILY UPDATE)

حضرت ابوسعید خدری اور حضرت ابوہریرہ رضی اللہ عنہما سے روایت ہے کہ نبی کریم ﷺ نے ارشاد فرمایا: مسلمان جب بھی کسی تھکاوٹ‘ بیماری‘ فکر‘ رنج و ملال‘ تکلیف اور غم سے دوچار ہوتا ہے یہاں تک کہ اگر اسے کوئی کانٹا بھی چبھتا ہے تو اللہ تعالیٰ اس کی وجہ سے اس کے گناہوں کو معاف فرمادیتے ہیں۔ (بخاری)۔

[.]

Re: ~*Hadith Of The Day*~(DAILY UPDATE)

۔حضرت محمود بن لبید رضی اللہ عنہٗ سے روایت ہے کہ حضور نبی اکرم ﷺ نے ارشاد فرمایا: جب اللہ تعالیٰ لوگوں سے محبت فرماتے ہیں تو ان کو (مصیبتوں میں ڈال کر) آزماتے ہیں چنانچہ جو صبر کرتا ہے اس کیلئے صبر (کااجر) لکھ دیا جاتا ہے اور جو بے صبری کرتا ہے تو اس کیلئے بے صبری لکھ دی جاتی ہے (پھر وہ روتا پیٹتا ہی رہتا ہے۔) (مسنداحمد‘ مجمع الزوائد)۔