Announcement

. · 12 January 2014, 21:17

Re: ~*Hadith Of The Day*~(DAILY UPDATE)

مسجد بنانے کا ثواب
اللہ کی رضا کیلئے مسجد بنوانا
(حدیث عثمان رضی اللہ عنہ) آنحضرت صلی اللہ علیہ وسلم نے ارشاد فرمایا :جو شخص اللہ عزوجل کی رضا کی جستجو میں کوئی مسجد تعمیر کرائے اللہ تعالیٰ اس کیلئے جنت میں محل بناتے ہیں۔(بخاری،مسلم)

. · 12 January 2014, 21:18

Re: ~*Hadith Of The Day*~(DAILY UPDATE)

جنت میں یاقوت کا محل
(حدیث)حضرت ابو ہریرہ رضی اللہ عنہ فرماتے ہیں کہ جناب رسول صلی اللہ علیہ وسلم نے ارشاد فرمایا : جو شخص کوئی ایسی مسجد حلال مال سے تعمیر کرے جس میں اللہ تعالیٰ کی عبادت کی جائے تو اللہ تعالیٰ اس شخص کیلئے جنت میں موتی اور یاقوت سے محل بناتے ہیں۔ (طبرانی، بزار)

(حدیث انس رضی اللہ عنہ)جناب رسول صلی اللہ علیہ وسلم نے ارشاد فرمایا: جو شخص اللہ کیلئے چھوٹی مسجد بنائے یا بڑی اللہ تعالیٰ اس کیلئے جنت میں محل بناتے ہیں۔(ترمذی باسنادہ)

. · 13 January 2014, 11:39

Re: ~*Hadith Of The Day*~(DAILY UPDATE)

مریض کی عیادت
جہنم سے دوری کا ذریعہ
حضرت انسؓ سے روایت ہے کہ رسولﷺ نے ارشاد فرمایا:۔
جو شخص اچھی طرح کر کے وضو کر کے اللہ سبحانہ وتعالیٰ سے اجروثواب کا یقین رکھتے ہوئے اپنے مسلمان بھائی کی عیادت کرتا ہے تو اُسے جہنم سے 70سال کی مسافت کے برابر دور کر دیا جاتا ہے۔
سنن ابی دائود

. · 14 January 2014, 10:00

Re: ~*Hadith Of The Day*~(DAILY UPDATE)

صبح کی نماز حفاظت کا ذریعہ
رسول اللہ صلی اللہ علیہ وسلم نے فرمایا:

مَن صَلَّى الصُّبحَ فَهُوَ فِي ذِمَّةِ اللَّهِ ، فَلا يَطلُبَنَّكُمُ اللَّهُ مِن ذِمَّتِهِ بِشَيْءٍ فَيُدرِكَهُ فَيَكُبَّهُ فِي نَارِ جَهَنَّمَ رواه مسلم
جس نے صبح کی نماز پڑھی وہ اللہ کی پناہ میں ہے ، سو اللہ اپنی پناہ کا حق جس سے طلب کرے گا اس کو نہ چھوڑے گا اور اس کو جہنم میں ڈال دے گا ۔ صحیح مسلم 1493

. · 14 January 2014, 10:01

Re: ~*Hadith Of The Day*~(DAILY UPDATE)

رسول صلی اللہ علیہ وسلم نے فرمایا ! رشتہ داری عرش کے ساتھ معلق ہے وہ علان کرتی ہے کہ جو مجھے ملائے گا اسے اللہ پاک (اپنے ساتھ ) ملائے گا اور جو مجھے توڑے گا اللہ پاک اس سے قطع تعلق کرے گا -

****** صحیح بخاری # ٥٩٨٤ ******

. · 15 January 2014, 12:47