Ashaar jin meiN lafz ► ALLAH,RAB, MAULA,KHUDA ◄ ho

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Khuda hum ko aisii khudaaii na de
ke apne siwa kuchh dikhaaii na de

Bashiir badr

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

gawaahii kaise TooTti, mu'amla Khuda ka thaa
mera aour uss ka rabtaa to haath aur dua ka thaa

Parveen shakir

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

baaten bhii kii Khudaa ne dikhaayaa jamaal bhii
vallaah kyaa nasiib janaab-e-kaliim thaa

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Khudaa k fazl se biibii-miyaaN donoN muhazzab haiN
hijaab un ko nahiiN aataa, unheN ghussa nahiiN aataa :D

''Akbar'' allahbadi

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

ai Khuda ret ke saharaa ko samandar kar de
yaa chhalakatii aankhon ko bhii patthar kar de

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

zamaana Khuda ko Khuda jaantaa hai
yahii jaantaa hai to kyaa jaantaa hai

Khuda aise baNdoN se kyoN fir na jaaye
jo baiTha huaa maaNganaa jaantaa hai

yagaana chaNgezii

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

achchhaa yaqiin nahiin hai to kashtii Dubo ke dekh
ek tuu hii naaKhudaa nahiin zaalim, Khudaa bhii hai

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

naaKhudaa ko Khudaa kahaa hai to phir
Doob jaao ! "Khudaa-Khudaa" na karo

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

na tha kuch to khuda tha' kuch na hota to khuda hota
daboya mujh ko hone ne 'na hota maiN to kiya hota...?

asad ullah khaN ghaalib

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Ham to chalate hain lo khudaa haafiz
But-kadaa ke buton khudaa haafiz

Kar chuke tum nasiihaten ham ko
Jaao bas naaseho khudaa haafiz

Aaj kuchh aur tarah par unn kii
Sunate hain guftaguu khudaa haafiz

Bar yahii hai hameshaa zakhm pe zakhm
Dil ke chaaraagaron khudaa haafiz

Aaj hai kuchh ziyaadaa betaabii
Dil-e-betaab ko khudaa haafiz

Kyon hifaazat ham aur kii dhuundhen
Har nafas jab ki hai khudaa haafiz

Chaahe rukhsat ho raah-e-ishq men aql
Aye "zafar" jaane do khudaa haafiz


Bahadur Shah Zafar

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

zindagi apni jab is shakl se guzri Ghalib,
hum bhi kya yaad karenge kih khuda rakhte thai

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

har zarraa chamakta hai anvaar-e-Ilaahi se
har saaNs ye kehti hai ham haiN to Khuda bhi hai

''akabar'' allahabadi

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Saadiq hon apney qaul mein Ghalib Khuda gawah
kehta hon sach ke jhoot ki aadat nahi mujhe

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

ai khuda log banaye the agar patthar ke
mere ehsaas ko shiisha na banaaya hota

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

mazHab koii lauTa le, aur uskii jagah de-de
tahzeeb saleeqe kii, insaan qareene ke