Ashaar jin meiN lafz ► ALLAH,RAB, MAULA,KHUDA ◄ ho

[pErIsH_BoY]

aaiye dosto iss maah se nayaa lafz diyaa jaa rahaa hai aour us par aap sab naye-naye ash'aar pesh kar iss ''thred'' ki raunakeN baRhayeiN.....lafz hai...

Khudaa

aour merii janib se aap sab ki nazr ye sher haazir hai...


khudaa ke vaaste daad is junooN-e-shauq ki denaa
ke us ke dar pe pahuNchte haiN, naama-bar se ham aage

<

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

khudaa hamko aisi khudaai naa de,
ki apane sivaa kuchh dikhaaii naa de...

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

ai Khudaa shikva-e-arbaab-e-vafaa bhi sun le
Khoogar-e-hamd se thoRhaa sa gilaa bhi sun le

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

ae khuda rait k sehra ko samandar kar de
ya chalakte howe aankhooN ko bhi patharr kar de

tum ko daikha nahi mehsoos kiya hai maiN ne
aa kisi din mere aehsaas ko yaqeeN kar de

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Khuda jaane kahaaN hai ''Asghar"-e-diivaana barsoN se
ki usko DhooNDhte haiN Kaaba-o-but-Khaana barsoN se

''Asghar'' goNDavi

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

manzilaiN bhi uski theeN 'raasta bhi uska tha
ek maiN aklei thi 'qaafla bhi uska tha
saath saath chalne ki soch bhi uski thi
raasta badalne ka faisla bhi uska tha
aaj maiN akeli hooN to dil sawaal karta hai
log to us k the kiya khuda bhi uska tha....?

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

khudaa-e-bartar terii zamii.n par, zamii.n kii khaatir ye ja.ng kyo.n hai
har ek fatah-o-zafar ke daaman pe khUn-e-iinsaa.n kaa ra.ng kyo.n hai.....
Sahir Ludhianvi....

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Nikal kar dair-o-kaabaa se agar miltaa na mai-khaanaa
To thukaraaye hue insaan khudaa jaane kahaan jaatey

Qateel Shifai

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

haan vo nahiin Khudaaparast, jaao vo bevafaa sahii
jisako ho diin-o-dil aziiz, usakii galii mein jaaye kyuun

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

kaabe me.n jaa.N_balab the ham duurii-e-butaa.N se
aaye hai.n phir ke yaaro.n ab ke Khudaa ke yaa.N se

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Khudaa wo waqt na laaye ki soGawaar ho tuu
sukuun kii niind tujhe bhii haraam ho jaaye
terii masarrat-e-paiham tamaam ho jaaye
terii hayaat tujhe talKh jaam ho jaaye

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Khuda nasiib kare un ko daaimi khushiyaaN
''adam'' jo log hameiN be-qaraar rakhte haiN

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Pathar ke khuda patahar ke sanam
pathar ke hi insaan paaye hain

tuum shehr e mohabat kehte thea
hum jaan bacha kar aaye hain

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

Khudaa kare ki muhabbat me.n vo mukaam aaye
kisii kaa naam luu.N lab pe tumhaaraa naam aaye

[pErIsH_BoY]

Re: Ashaar jin meiN lafz ► ALLAH,RAB, MAULA,KHUDA ◄ ho

NahiN milte na miliye khair koi mar na jaayega
Khuda ka shukra hai pahle mohabbat aapne kam ki