Aik Ehsaas - Aik Biyaan - Aik Shi'r

[Masood]

Re: Aik Ehsaas - Aik Biyaan - Aik Shi'r

wohi jhuki hui bailein wohi dareecha tha
magar woh phool'sa chehra nazar na aata tha
main laut aaya hoon khamoshiyon key sehra sey
wahan bhi teri sada ka ghubar phaila tha

[cleopatra]

Re: Aik Ehsaas - Aik Biyaan - Aik Shi'r

Mery tasavvur ka jahan aabaad ha tery khayaal say
Kitna milta hai tera haal mery haaal say
Hamaray ta'alluq ky baary ma kabhi fursat say sochna
Uljha para ha ye masla kitnay hi saaaaal say

[Masood]

Re: Aik Ehsaas - Aik Biyaan - Aik Shi'r

bas keh dushwaar hai har kaam ka aasan hona
aadmi ko bhi muyassar nahin insaan hona
wa-e-deewangi-e-shauq keh har dam mujh ko
aap jana udher aur aap hi hairaan hona

[cleopatra]

Re: Aik Ehsaas - Aik Biyaan - Aik Shi'r

Mai batao farq nasih ! jo hai tujh mai aur mujh mai
Mri zindagi talatum , teri zindagi kinaaraa
Mujhy guftugo sy barh ker ghum e azn e guftugu hai
Wohi baat pochtay ho jo na kah saakon dobaraa

[Masood]

Re: Aik Ehsaas - Aik Biyaan - Aik Shi'r

bojh woh sar peh gira hai keh uthaaey na baney
kaam woh aan parra hai keh banaaey na baney
ishq per zor nahin hai yeh woh aatish Ghalib
keh lagaey na lagey aur bujhaaey na baney

[cleopatra]

Re: Aik Ehsaas - Aik Biyaan - Aik Shi'r

Taabeer jo mil jaati to aik khawaab bohat tha
Jo shakhs ganwa baithay hain nayaab bohat tha
Mai kaisay bacha laiti bhala kashti e dil ko
Deryaa e Mohabbat ma sailaab bohaat thaa

[Masood]

Re: Aik Ehsaas - Aik Biyaan - Aik Shi'r

mujh sey milney key woh karta tha bahaney kitney
ab guzaarey ga merey saath zamanaey kitney
main gira tha to bohat log rukey they lekin
sochta hoon mujhey aaey they uthaaney kitney

[cleopatra]

Re: Aik Ehsaas - Aik Biyaan - Aik Shi'r

Hamaary paas kiya hai jo isay gharaat koi kerta
Tumhaary baad kiya hai jo darain barbad hony sy

[Masood]

Re: Aik Ehsaas - Aik Biyaan - Aik Shi'r

main ney maani hazaar manatein radd na hui bala-e-dil
meri tarah Khuda karey tera kisi peh aaey dil
tu bhi jigar ko thaam key kehta phirey keh haaey dil

[cleopatra]

Re: Aik Ehsaas - Aik Biyaan - Aik Shi'r

Mai on hi ki thi on hi ki hon
Vo mery nahi toi naa sahiii

[Masood]

Re: Aik Ehsaas - Aik Biyaan - Aik Shi'r

ashkon ka bahana aasan hai hasti ka mitana mushkil hai
jo aag sulaghti hai seeney mein paani sey bujhana mushkil hai

[cleopatra]

Re: Aik Ehsaas - Aik Biyaan - Aik Shi'r

Waqf hai zahan sirf tujhy soochnay ki khaatir
Tujhay bhooli hii kaha thi jo tujhay yaad keron

[Masood]

Re: Aik Ehsaas - Aik Biyaan - Aik Shi'r

shauq sey ishq kijiyey ga lekin
dhiyaan itna magar kijyey ga
khaal khichti hai gardan kat'ti hai
ishq karna tamasha nahin hai

[Nareem]

Re: Aik Ehsaas - Aik Biyaan - Aik Shi'r

choone se qabal rang ke peikar pighal ge
mutthi main aa na paye ke jugnu nikal ge
pheiley huwe thay jagti neendon ke silsile
aankhein khulein to raat ke manzar badal ge

[Masood]

Re: Aik Ehsaas - Aik Biyaan - Aik Shi'r

maktab-e-Ishq ka Momin hai nirala dastoor
usko chhuti na mili jis ko sabaq yaad huwa