"Tey" sey shuru honey waaley ashaar

[Masood]

Re: "Tey" sey shuru honey waaley ashaar

terey bina yun gharriyaan beeti
jaisey sadyaan beet gaein

[Baad-e-Saba]

Re: "Tey" sey shuru honey waaley ashaar

tum jo meri khawaahish thy kabhi
rafta rafta hasrat ho gay ho
kaisi anokhi aarzo ho meri
sabab-e-badnaami-e-ulfat ho gay ho

[aik_lerki]

Re: "Tey" sey shuru honey waaley ashaar

Tumhary dukh ,udasi , ghum sab he ranj- o - alam lay ker
mai ye taron bhara aanchal tumhary naam kerta hon
mera guzra hoa kal to mere mazii ka hissa hai
main apna aaj apna kal tumhary naaam kerta hon

[Aania]

Re: "Tey" sey shuru honey waaley ashaar

tabaahii kaa apanii nishaa.N chho.D aaye
varaq dar varaq daastaa.N chho.D aaye

[Aania]

Re: "Tey" sey shuru honey waaley ashaar

tanhaa tanhaa ham ro le.nge mahafil mahafil gaaye.nge
jab tak aa.Nsuu paas rahe.nge tab tak giit sunaaye.nge

[Aania]

Re: "Tey" sey shuru honey waaley ashaar

tum jo socho vo tum jaano ham to apanii kahate hai.n
der na karanaa ghar jaane me.n varanaa ghar kho jaaye.nge

[Aania]

Re: "Tey" sey shuru honey waaley ashaar

tamannaao.n me.n ulajhaayaa gayaa huu.N
khilaune deke bahalaayaa gayaa huu.N

[Aania]

Re: "Tey" sey shuru honey waaley ashaar

tasviir banaataa huu.N tasviir nahii.n banatii
ek khvaab saa dekhaa hai taabiir nahii.n banatii

[Aania]

Re: "Tey" sey shuru honey waaley ashaar

tere aane kii jab Khabar mahake
tere Khushbuu se saaraa ghar mahake

shaam mahake tere tasavvur se
shaam ke baad phir sahar mahake

[Aania]

Re: "Tey" sey shuru honey waaley ashaar

tere pyaar me.n rusavaa hokar jaaye kahaa.N diivaane log
jaane kyaa kyaa puuchh rahe.n hai.n ye jaane pahachaane log

[Aania]

Re: "Tey" sey shuru honey waaley ashaar

terii guftaguu me.n hai jo chaashnii jo tere labo.n me.n halaavate.n
na suruur vo fasl-e-bahaar me.n na gulo.n me.n lataafate.n

[Aania]

Re: "Tey" sey shuru honey waaley ashaar

Tha.nDii havaa ke jho.nke chalate hai.n halake halake
aise me.n dil na to.Do vaade karo na kal ke

[Aania]

Re: "Tey" sey shuru honey waaley ashaar

tum aur fareb khaao bayaan-e-raqiib se
tum se to kam gilaa hai ziyaadaa nasiib se

[Masood]

Re: "Tey" sey shuru honey waaley ashaar

tumaam manzar-e-jaan us ki khawahishon sey bana
woh khawab hai to ussey khawab mien saja rakhna

[Baad-e-Saba]

Re: "Tey" sey shuru honey waaley ashaar

tery hoty hoy aa jati thi saari dunia
aaj tanha hon to koi nahi aany wala