sirf Ghazal

[life.]

Re: sirf Ghazal

کہیں عشق کا تقاضا کہیں حسن کے اشارے
نہ بچا سکے گے دامن غم زندگی کے مارے


شبِ غم کی تیرگی میں میری آہ کے شرارے
کبھی بن گئے ہیں آنسو کبھی بن گئے ہیں تارے


نہ خلش رہی وہ مجھ میں نہ کشش رہی وہ تجھ میں
جسے زعمِ عاشقی ہو وہی اب تجھے پکارے






جنہیں ہو سکا نہ حاصل کبھی کیف قرب منزل
وہی دو قدم ہیں مجھ کو تیری جستجو سے پیارے


میں شکیل ان کا ہو کر بھی نہ پا سکا ہوں ان کو
میری طرح زندگی میں کوئی جیت کر نہ ہارے

[life.]

Re: sirf Ghazal

بھول جانے کا حوصلہ تھا مگر
مجھ میں اک شخص چیختا تھا مگر

بات ہوتی تو حل نکل آتا
بات کرنا ہی مسئلہ تھا مگر

میں نے پتھر اٹھا لیا ہوتا
میرے اندر جو آئینہ تھا مگر

دور تک تیرگی مسلط تھی
ایک جگنو چمک رہا تھا مگر

بند لگتے تو تھے سبھی رستے
تیسرا راستہ کھلا تھا مگر





میں کہاں ہار مان سکتا تھا
اُس کی آنکھوں نے کہہ دیا تھا مگر

یک پل، ایک جست اور منزل
ایک وہ پل ٹھہر گیا تھا مگر

میں بھی ہٹ تو گیا نشانے سے
تیر بھی رخ بدل چکا تھا مگر

آپ جو کہہ رہے تھے ٹھیک تھا وہ
مسئلہ میرا دوسرا تھا مگر

جاں تو جانی ہی تھی وہاں ا
ایک عزت کا راستہ تھا مگر

[life.]

Re: sirf Ghazal

میں محبت زدہ ہوں ویسے ہی
پھر کسی کا ہوا ہوں ویسے ہی

آج میرا بہت برا دن تھا
یار سے لڑ پڑا ہوں ویسے ہی

ایک رہرو سے پوچھتے کیا ہو
میں یہاں رک گیا ہوں ویسے ہی

پھول یوں ہی یہ پاس ہیں میرے
راستے میں کھڑا ہوں ویسے ہی





مجھ کو لا حاصلی میں رہنا ہے
میں تجھے سوچتا ہوں ویسے ہی

اس لئے آنکھ میں تھکاوٹ ہے
ہر طرف دیکھتا ہوں ویسے ہی

[life.]

Re: sirf Ghazal

ہمیشہ کیلئے جیون سے لڑ جانے کی جلدی تھی
نجانے کیوں تجھے جڑ سے اکھڑجانے کی جلدی تھی





ابھی تو ہم ملے ہی تھے ، ابھی تو گل کھلے ہی تھے
تجھے کیا اسقدر جاناں بچھڑ جانے کی جلدی تھی

فقظ تُو ہی نہیں بدلی ، نئی رت سے بہت پہلے
یہاں پرتو درختوں کو بھی جھڑ جانے کی جلدی تھی

مجھے تو ہجر میں رہنے کی عادت ہے مگر جاناں
تجھے بھی ایسا لگتا ہے اجڑ جانے کی جلدی تھی

بجا ہے ہاتھ کو میرے تمنا تیری تھی لیکن
ترے دامن کو بھی شاید ادھڑ جانے کی جلدی تھی

[life.]

Re: sirf Ghazal

سحر پھونکتی ہوئی اُس کی ساحر آنکھیں
جادو کر کے کہاں گئیں وہ جادوگر آنکھیں

دو موسم اِک پل میں کیسے آ سکتے ہیں
وہ شاداب چہرہ، میری پت جھڑ آنکھیں

دل سینے میں ہے، لاج بچا لیتا ہے
عشق کو رُسوا کرتی ہیں، اکثر آنکھیں





بے فصل سے موسم تن بدن پہ ٹھہر گئے
خواب کہاں اُگیں، سیم زدہ بنجر آنکھیں

کون سہے گا عذاب ہجر کا پوچھا تھا
رونے والے نے کہا تھا ہنس کر، آنکھیں

کانچ جذبے، موم دل، محبت والوں کے
آگ سی باتیں اہلِ جہاں کی، پتھر آنکھیں

[life.]

Re: sirf Ghazal

ﺍﺳﮯ ﮐﮩﻨﺎ ﮐﮩﯿﮟ ﮔﮭﺮ ﺑﻦ ﮔﯿﺎ ﮨﮯ
ﮐﺴﯽ ﺩﯾﻮﺍﺭ ﻣﯿﮟ ﺩﺭ ﺑﻦ ﮔﯿﺎ ﮨﮯ

ﺑﺪﻥ ﭘﺮ ﺗُﮩﻤﺘﻮﮞ ﮐﯽ ﺑﺎﺭﺷﯿﮟ ﮨﯿﮟ
ﮨﻤﯿﮟ ﺗﻮ ﻋﺸﻖ ﻣﺤﺸﺮ ﺑﻦ ﮔﯿﺎ ﮨﮯ

ﺗُﻤﮩﺎﺭﮮ ﻟﺐ ﭘﮧ ﺍﮎ ﺣﺮﻑِ ﺗﺴّﻠﯽ
ﮨﻤﺎﺭﮮ ﺩﻝ ﭘﮧ ﻧﺸﺘﺮ ﺑﻦ ﮔﯿﺎ ﮨﮯ

ﮐﻤﺎﻝِ ﻭﺭﺩِ ﺍﺳﻢِ ﺁﮔﮩﯽ ﮬﮯ
ﮐﮧ ﻗﻄﺮﮦ ﺑﮭﯽ ﺳﻤﻨﺪﺭ ﺑﻦ ﮔﯿﺎ ﮨﮯ





ﺯﻣﯿﮟ ﭘﺮ ﭼﺎﻧﺪﻧﯽ ﮐﺎ ﺭﻗﺺِ ﻣﺴﺘﯽ
ﯾﮧ ﮐﯿﺴﺎ ﺷﺐ ﮐﺎ ﻣﻨﻈﺮ ﺑﻦ ﮔﯿﺎ ﮨﮯ

[life.]

Re: sirf Ghazal

خوف آتا تھا کبھی جس کے تصور سے مجھے

روبرو آج مرے وقت وہ آیا آخر
جس کے ہونے سے تسلسل تھا مری سانسوں میں
ہو گیا مجھ سے وہی شخص پرایا آخر
مَیں تو سمجھا تھا کہ سچ ہے یہ محبت اُس کی
میری خاطر وہ جہاں چھوڑ کے آ سکتا ہے
کیا خبر تھی کہ وہ دولت کی ہوس میں اِک دن
پیار میرا بھی گھڑی بھر میں بھلا سکتا ہے

[life.]

Re: sirf Ghazal

نزع کی اور بھی تکلیف بڑھا دی تو نے
کچھ نہ بن آیا تو آواز سنا دی تو نے

اس کرم کو مری مایوس نظر سے پوچھو
ساقی بیٹھا رہا اور اٹھ کے پلا دی تم نے

مجھ پہ احسان نہ رکھو جان بچا لینے کا
مرنے دیتے مجھے کاہے کو دعا دی تم نے

یہ کہو پیش خدا حشر میں منثا کیا تھا
میں کوئی دور کھڑا تھا جو صدا دی تم نے

ان کے آتے ہی مزہ جب ہے مرا دم نکلے
وہ یہ کہتے ہوئے رہ جائیں کہ دغا دی تم نے

کھلبلی مچ گئی تاروں میں قمر نے دیکھا
شب کو یہ چاند سی صورت جو دکھا دی تم نے

[life.]

Re: sirf Ghazal

اُس سنگ سے بھی پھوٹی ہے کیا آبشار دیکھ


آنکھیں نہ موند اُس کو ذرا اشکبار دیکھ

وابستہ تیرے ساتھ ہیں اِس دل کی دھڑکنیں
کتنا ہے دِل پہ میرے تجھے اختیار دیکھ





ہوتا نہیں ہے یہ بھی تری یاد میں مخل
زنجیر ہو گیا ہے غمِ روزگار دیکھ

مجبورِ عشق‘ سایۂ دیوار ہوں پڑا
شامِ فراقِ یار مجھے بے قرار دیکھ

تصویر کھینچ دی ہے تری حرف حرف میں
ہم نے بنا دیا ہے تجھے شاہکار دیکھ

[life.]

Re: sirf Ghazal

دل کی منزل اُس طرف ہے گھر کا رستہ اِس طرف

ایک چہرہ اُس طرف ہے ایک چہرہ اس طرف


روشنی کے اِستعارے اس کنارے رہ گئے
اب تو شب میں کوئی جگنو ہے نا تارا اس طرف

تُم ہَوا ان کھڑکیوں سے صرف اِتنا دیکھنا
اُس نے کوئی خط کِسی کے نام لَکھا اِس طرف





یہ محبّت بھی عیب تقسیم کے موسم میں ہے
سارا جذبہ اُس طرف ہے صرف لہجہ اس طرف

ماں نے کوئی خوف ایسا رکھ دیا دل میں مِرے
سچ کبھی میں بول ہی پائی نہ پُورا اِس طرف

ایک ہلکی سی چبھن احساس کو گھیرے رہی
گفتگو میں جب تُمھارا ذِکر آیا اِس طرف

صرف آنکھیں کانچ کی باقی بدن پتَھر کا ہے
لڑکیوں نے کس طرح رُوپ دھارا اِس طرف

اے ہَوا اے میرے دِل کے شہر سے آتی ہَوا
تجھ کو کیا پیغام دے کر اُس نے بھیجا اَس طرف

کِس طرح کے لوگ ہیں یہ کُچھ پتہ چلتا نہیں
کون کِتنا اُس طرف ہے کون کتنا اِس طرف

[life.]

Re: sirf Ghazal

آپ کو بھول جائیں ہم ، اتنے تو بےوفا نہیں
آپ سے کیا گلہ کریں آپ سے کچھ گلہ نہیں

شیشہِ دل کو توڑنا اُن کا تو ایک کھیل ہے
ہم سے ہی بھول ہوگئی اُن کی کوئی خطا نہیں

کاش وہ اپنے غم مجھے دے دے تو کچھ سکون ملے
وہ کتنا بدنصیب ہے غم ہی جسے ملا نہیں





جرم ہےگر وفا تو کیا ، کیوں بےوفا کو چھوڑ دوں
کہتے ہیں اس گناہ کی ہوتی کوئی سزا نہیں

[life.]

Re: sirf Ghazal

دِل کی چوکھٹ جو اِک دیپ جلا رکھا ہے
تِرے لوٹ آنے کا اِمکان سجا رکھا ہے





سانس تک بھی نہیں لیتے ہیں تجھے سوچتے وقت
ہم نے اِس کام کو بھی کل پہ اُٹھا رکھا ہے

رُوٹھ جاتے ہو تو کچھ اور حسیں لگتے ہو
ہم نے یہ سوچھ کے ہی تم کو خفا رکھا ہے

تم جسے رُوٹھا ہوا چھوڑ گئے تھے اِک دِن
ہم نے اُس شام کو سینے سے لگا رکھا ہے

چین لینے نہیں دیتے کسی طور مجھے
تِری یادوں نے جو طُوفان اُٹھا رکھا ہے

جانے والے نے کہا تھا کہ وہ لوٹے گا ضرُور
اِک اِسی آس پہ دروازہ کھلا رکھا ہے

مجھ کو کل شام سے وہ یاد بہت آنے لگا
دِل نے مُدت سے جو اِک شخص بھلا رکھا ہے

[life.]

Re: sirf Ghazal

ہلے تُم نے سارے شہر کی سانسوں میں گرداب بھرے
راہ دکھاتے پھرتے ہو اب ، جیبوں میں مہتاب بھرے





ساری عمر حساب نہ آیا ، بچپن سے لیکر اب تک
سارے ٹھیک سوال اُتارے، سارے غلط جواب بھرے

سچّی بات تو میٹھی بات بھی ہو سکتی ہے میرے دوست
کتنے دھبّے چھوڑ گۓ ہیں، حرف تیرے تیزاب بھرے

میرے لڑکپن کی یادوں کی چوکھٹ پر، کوئ لڑکی
اب تک بیٹھی ہے، آنچل میں، جُگنو اور گُلاب بھرے

[life.]

Re: sirf Ghazal

مسافروں میں ابھی تلخیاں پُرانی ہیں
سفر نیا ہے، مگر کشتیاں پُرانی ہیں

یہ کہہ کے اس نے شجر کو تنے سے کاٹ دیا
کہ اس درخت میں کچھ ٹہنیاں پُرانی ہیں

ہم اسلۓ بھی نۓ ہمسفر تلاش کریں
ہمارے ہا تھ میں بیساکھیاں پُرانی ہیں

پرانی باتیں ہیں، اخبار سب پرانے ہیں
پرانے چہرے ہیں، اور کُرسیاں پُرانی ہیں





پلٹ کے گاؤں میں ، میں اسلۓ نہیں آیا
میرے بدن پہ ابھی دھجّیاں پُرانی ہیں

[life.]

Re: sirf Ghazal

محبت میں اُف کیا سے کیا ہو گئے ہم
خود اپنے سے جیسے جدا ہو گئے ہم

دمِ نزع بالیں پہ آنے کا حاصل
چلو اب ہٹو بھی ، خفا ہو گئے ہم

گراں ہے نزاکت پہ لفظِ تمنا
دھڑکتے دلوں کی صدا ہو گئے ہم

دمِ نزع بھی عشق رُسوا ہے توبہ
یہ لیجئے اب ان پہ فدا ہو گئے ہم

ارے جُرمِ اُلفت نے کیا کر دکھایا
خود اپنے کئے کی سزا ہو گئے ہم

اشاروں پہ چلنے لگے کسی اور کے
بڑے ہی نظر آشنا ہو گئے ہم

کہیں کیا بس اب آپ خود ہی سمجھ لیں
سراپا یہ لو التجا ہو گئے ہم

اثر ہے فُغاں میں نہ تاثیرِ غم میں
خود اپنے لئے بدعا ہو گئے ہم

بڑھی ہے غمِ ہجر سے اور چاہت
زمانہ یہ سمجھا جُدا ہو گئے ہم

وفاؤں کے بدلے جفا کرنے والے
ارے بے وفا باوفا ہو گئے ہم





نگاہِ محبت یہ کہتی ہے مخفی
سزا دیجئے پُر خطا ہو گئے ہم