Sara Poetry Collection !!!

[maya]

Re: Sara Poetry Collection !!!

Sehar jo ayi to layi usai chirag ko mot
sari raat jalta raha jo sehar ke liye .!

[maya]

Re: Sara Poetry Collection !!!

Jab tera Hukam mila tarq muhabat kardi
Dil mager is pe wo dharka ke Qiyamat kardi

Muj ko dushman ke Irado par bhi Piyaar ata hai
teri Ulfat ne muhabat meri Adat kardi...

Mai to samja tha ke lot ate hain jane wale
tune ja kar to judai hi meri kismat kardi....

jab tera Hukam mila tarq muhabat kardi......

[maya]

Re: Sara Poetry Collection !!!

hawa thami zarur thi lekin
wo shaam bhi jesy sisak rahi thi,

ke zard patoon ko andhiyoon ne
ajeeb Qisah suna dia tha ,
ke jis ko sun ke tamam pate
sisak rahe thay bilak rahy thay,

hum ne tum ko bohat dhunda
har aik rasta
har aik vaadi
har aik parbat
mager tumari kahi se koi khabar na aai

to sun ke hum ne b dil ko talla
hawa thamay gi to dekh lay ghay

hawa thami zarur thi lekin
bohat hi mudat guzar chuki thi
falak sitary nahi rahe thay
ghulaab saray nahi rahy thay

wo jin se zinda thi dil ki basti
wo log saray nahi rahy thay
ke tum humaray nahi rahy thay

hawa thami zarur thi lekin
bari mudat guzar chuki thi...!!!

[maya]

Re: Sara Poetry Collection !!!

Sarapa Ashak Hoon Mein ab Bikhar Jaon To Behtar Hai,
Jidhar Jate Hain ye Badal Udhar Jaon To Behtar Hai,

Ye Dil Kehta Hai Tere Shehar Mein Kuch Din Thehar Jaon,
Magar Halaat Kehte Hain K Ghar Jaon To Behtar Hai

Dillon Mein Farq Aayen Gay Taaluq Toot Jayen Gay,
Jo Dekha, Jo Suna Us Se Mukkar Jaon To Behtar Hai,

Yahan Hai Kon Mera Jo Mujhe Samjhey Ga “faraz”,
Main Koshish Kar K Ab Khud Hi Sudhar Jaon To Behtar Hai

[maya]

Re: Sara Poetry Collection !!!

Khafa hai mujse mujay Pareshan karta hai
Ajeeb shaks hai khud se badgumaan karta hai

na meri Parwah hai na meray haal ki kuch khabar
Salook wo karne laga hai jesy anjaan karta hai

ab mere zikar se uktana, mujse katra k ghuzar jana
Aisa lagta hai jesy wo doori ka samaan karta hai

pehle to mujse milna hi Aham tha jis k liye
Ab milta b hai to jesy Ayhsan karta hai

Taluq torna hai hai to Aa k keh de muje
wo aise batein gairon se kiu biyaan karta hai

[maya]

Re: Sara Poetry Collection !!!

Meri Chaahat Ka Mukhtasar Mausam,
Rizq Ki Justuju Mein Beet Gayaa. !!!

[maya]

Re: Sara Poetry Collection !!!

Darmiyan ab gham-e-hijar ho to muje kya
tume ab meri khabar ho, na ho muje kya

Jab ho gai gham se meri duniya taho-bala
ab koi jahan zairo-zabar ho to muje kya

Jab Khaak b baki na rahi Qalb-o-jiger ki
tum mery liye khaak basar ho to muje kya

or mery dil main veran main ujala nahi hota
tum gairt-e-khurshido Qamar ho to muje kya

hai ab meri duniya main sara-sar shabe furqat
ab is shabe furqat ki sehar ho to muje kya

acha hai k bin mery guzar jaye kesi ki
or yun b kesi ki guzar na ho to muje kya

[maya]

Re: Sara Poetry Collection !!!

aziiz itanaa hii rakho ke jii sa.Nbhal jaaye
ab is qadar bhii na chaaho ke dam nikal jaaye

mile hai.n yuu.N to bahut aao ab mile.n yuu.N bhii
ke ruuh garmii-e-a.nfaas se pighal jaaye

muhabbato.n me.n ajab hai dilo.n ko dha.Dakaa saa
ke jaane kaun kahaa.N raastaa badal jaaye

rahe vo dil jo tamannaa-e-taazaa tar me.n rahe
Khushaa vo umr jo Khvaabo.n hii me.n bahal jaaye

mai.n vo charaaG-e-sar-e-rahaguzaar-e-duniyaa huu.N
jo apanii zaat kii tanhaaiiyo.n me.n jal jaaye

har ek lahajaa yahii aarazuu yahii hasarat
jo aag dil me.n hai vo sher me.n bhii Dhal jaaye

[maya]

Re: Sara Poetry Collection !!!

Main zard beej ho0n aor sabz hona chahta hoon
Mairi zameen,tairi mitti ka mashwara kiya hy??

Bikhr raha hoon teri tarah mein b aey rad e gul
So tujh sy poochta ho0n,taira tajarba kiya hy ??

[maya]

Re: Sara Poetry Collection !!!

shaam se aa.Nkh me.n namii sii hai
aaj phir aap kii kamii sii hai

dafn kar do hame.n ki saa.Ns mile
nabz kuchh der se thamii sii hai

vaqt rahataa nahii.n kahii.n chhupakar
is kii aadat bhii aadamii sii hai

ko_ii rishtaa nahii.n rahaa phir bhii
ek tasliim laazamii sii hai

[maya]

Re: Sara Poetry Collection !!!

[maya]

Re: Sara Poetry Collection !!!

Dil pe karte hain dimagon pe asar karte hain
ham ajab log hain zehnon main safar karte hain

jab sarape pe kahin us ke nazar karte hain
mir sahab ki tarah umr basar karte hain

bandishen ham ko kisi hal gavara hi nahin
ham to vo log hain divar ko dar karte hain

vaqt ki tez-kharami hamain kya rokegi
janbish-e-kalk se sadiyon ka safar karte hain

naqsh-e-pa apana kahin rah main hota hi nahin
sar se karte hain mohim jab koi sar karte hain

ham-nashin khub hai ye mahafil-e-yaran ke yahan
vo saliqa hai ke aibon ko hunar karte hain

kya kahen hal tera ai mutamaddin duniya
janvar bhi nahin karte jo bashar karte hain

ham ko dushman ki bhi taqlif gavara na hui
log ehbab se bhi sarf-e-nazar karte hain

marqadon pe to charagan hai shab-o-roz magar
umr kuchh log andheron main basar karte hain

tazakara mir ka Galib ki zaban tak aya
aitaraf-e-hunar, arbab-e-hunar karte hain

[maya]

Re: Sara Poetry Collection !!!

bichar k mujh se kabhi tu ne ye bhi socha hai
adhura chand bhi kitna udas lagta hai

ye wasl ka lamha hai ise rayegan na samajh
k is k bad wahi duriyon ka sahara hai

kuch aur der na jharta udasiyon ka shajar
kise khabar tere saye main kaun baitha hai

ye rakh-rakhao muhabbat sikha gai us ko
wo ruth kar bhi mujhe muskura k milta hai

main kis tarah tujhe dekhun nazar jhijhakti hai
tera badan hai k ye ainon ka dariya hai

[maya]

Re: Sara Poetry Collection !!!

jab se us ne shahar ko chora har rasta sunsan hua
apna kya hai sare shahar ka ik jaisa nuksan hua

mere hal pe hairat kaisi dard k tanha mausam main
pathar bhi ro parte hain insan to phir insan hua

us k zakhm chupa kar rakhiye khud us shakhs ki nazron se
us se kaisa shikawa kije wo to abhi nadan hua

yun bhi kam amez tha "Mohsin" wo is shahar k logon main
lekin mere samne akar aur hi kuch anjam hua

[maya]

Re: Sara Poetry Collection !!!

ye dil ye pagal dil mera kyon bujha gaya awaragi
is dasht main ik shahar tha wo kya hua awaragi

kal shab mujhe be-shakl si awaz ne chaunka diya
main ne kaha tu kaun hai us ne kaha awaragi

ik tu ki sadiyon se mere hamrah bhi hamraz bhi
ik main k tere nam se nashna awaragi

ye dard ki tanhaiyan ye dasht ka wiran safar
ham log to ukta gaye apni suna awaragi

ik ajnabi jhonke ne jab pucha mere gam ka sabab
sahara k bhigi ret par main ne likha awaragi

le ab to dasht-e-shab ki sari wusaten sone lagin
ab jagna hoga hamain kab tak bata awaragi

kal rat tanha chand ko dekha tha main ne khwab main
'Mohsin' mujhe ras ayegi shayad sada awaragi