Sara Poetry Collection !!!

[maya]

Re: Sara Poetry Collection !!!

Tu is qadar mujhe apne qareeb lagta hai
Tujhe alag se jo sochuun, ajeeb lagta hai

Jisay na husn se matlab na ishq se sarokaar
Vo shaksh mujh ko bahut bad-nasiib lagta hai

Hudood-e-zaat se baahar nikal ke dekh zara
Na ko’ii Ghair, na ko’ii raqeeb lagta hai

Ye dosti, ye maraasim, ye chahatein ye khuluus
Kabhii kabhii ye sab kuch ajeeb lagta hai

Ufaq pe duur chamaktaa huvaa ko’ii taara
Mujhe charaagh-e-dayaar-e-habeeb lagta hai

Na jaane kab ko’ii tuufaan aaye ga yaaron
Buland mauj se saahil qareeb lagta hai

[maya]

Re: Sara Poetry Collection !!!

Aati Hai Chahton Ki Kahani Pe Ab Hansi
Tum Se Bichar Ke Soch Ke Rukh Bhi Badal Gaye
Ab Tum Ko Dekh Kar Bhi Dharakta Nahi Hai Dil
Tum Wo Nahi Rahe Ke Mere Dukh Badal Gaye

[maya]

Re: Sara Poetry Collection !!!

Abhi yeh zakhm taaza hai abhi kuch din guzarnay do
Abhi us baywafa ki yaad main dil ko behelnay do
Woh uski bay rukhi aur barf main lipta hua lehjaa
Chamaktay chand ki surat koi anjaan sa chehra
Woh meray pyar kay ehsaas ka toota hua lamha
Mujhay bikhree hoi yadon kay angan main jhulasnay do
Abhi yeh zakhm taaza hai abhi kuch din guzarnay do

Muhabbat aaj kal kay dor main aisi kahani hai
Koi kirdaar baqi hai na lafzoon main rawani hai
Hamaray pass ab guzray dinoon ki ik nishani hai
Yeh gham ki shaam hai is ko meray gher main uternay do
Abhi yeh zakhm taaza hai abhi kuch din guzarnay do

Abhi kuch din guzarnay do keh apnay app main aaoon
Mujhay tanha sulagnay do keh apnay app main aaoon
Mujhay pal pal bikhernay do keh apnay app main aaoon
Bhula kar yaad us ki khawab keh manzer badalnay do
Abhi yeh zakhm taaza hai abhi kuch din guzernay do

Bataya tha tumko chahat kuch nahin hoti
Yeh aisa dor hai jis main muhabbat kuch nahin hoti
Woh sab jhootay fasaanay thay haqeeqat kuch nahin hoti
Muhabbat daivtaa ki ab mujhay tauheen karnay do
Abhi yeh zakhm taaza hai abhi kuch din guzarnay do

[maya]

Re: Sara Poetry Collection !!!

Aaj udaasi nay phir chheRaa hai saaz
Aaj dard phir kuch sunaayega
Tanhaayiii nay baaNdhay haiN ghuNgroo
Aaj waqt bhi thahar jaayega

ChaaNd ! apni chaaNdni idhar rakh jaanaa
Aanay haiN aaj kuchh bhoolay huay say chehray
Ashko ! aaj tum bhi ji bhar kay beh lenaa
Behal jaayeN aisay hi shaayad ahsaasoN kay safeenay
Naghmo !Aaj qadam saMbhal saMbhal kay rakhna
Aaj ki raat khwaaboN kay naam hai
In lamhoN ka hai chalan aisaa
Ki aaj tarpaygi takhleeq lefz dar lafz
Khaamoshi ka zehr subko pilaayaa jaayega

Aaj ki raat zindagi pay bhaari hai
Aaj jalaiNgay khwaahishoN kay alaav
HaNstay haNstay hoga aaj umeedoN ka qatl
Meri zindagi aaj phir mayzbaan bani hai
Woh baras jab jazbaat nay li thi pehli angRaayii
Us baras ki yaad aaj mehmaan bani hai

Woh door ufaq pay uthtay haiN ghubaar
MehmaanoN kay qaafily pahuNchnay waalay haiN
Dard-e-dil ko saMbhaaluN ab main
Ai faza'oN tum hawaaoN pay likh lena
BehoshioN main nazm jo banaa loon ab main

[maya]

Re: Sara Poetry Collection !!!

Teri ulfat ka yakeen tha Tere aaney ki umeed thi
Tere intezaar mey katii phir ek shaam zindagi ki,

Mohabbat mey teri hum ko Bhoola yeh jahan saara
Khud dil ki dhadkan apni humko lagti hai ajnabii si,

Sare-raah girtey hai chaltey chaltey hum,
Rehtey hai gum aksar khayalon me yoon tere,

Lagta hai aisa jaisey hum par chayi ho bekhudi si
Aawaz teri humko deti hai sukoon har dum,

Chehra tera rehta hai meri aankhon mein sanam
Tere dard-e-judaai mey bhi milti hai ek khushii si.!!

[maya]

Re: Sara Poetry Collection !!!

Humein tumse mohabbat hai, ye sab ko pata hai
Par tumko bataana hai, zara der lagegi

Izhaar zubaa se toe sab hi karte hain
Par aankhon se bataana hai, zara der lagegi

Manzil tak ka safar lamba toe nahin hai
Par agar tanha bitaana ho, zara der lagegi

Ye haar jeet toe hain jeevan ke do pehlu
Par aaj haara hoon pehli baar aur khud ko

samajhaana hai, zara der lagegi

[maya]

Re: Sara Poetry Collection !!!

jo utar ke ziinaa-e-shaam se terii chashm-e-Khush mein samaa gaye
vahii jalate bujhate se mahar-o-maah mere baam-o-dar ko sajaa gaye

ye ajiib khel hai ishq kaa main ne aap dekhaa ye mojezaa
vo jo lafz mere gumaan mein the vo terii zubaan par aa gaye

vo jo giit tum ne sunaa nahiin merii umr bhar kaa riyaaz thaa
mere dard kii thii daastaan jise tum hansii mein uraa gaye

vo charaaG-e-jaan kabhii jis kii lau na kisii havaa se niguun huii
terii bevafaaii ke vaasavaa use chupake chupake bujhaa gaye

vo thaa chaand shaam-e-visaal kaa ke thaa ruup tere jamaal kaa
merii ruuh se merii aankh tak kisii raushanii mein nahaa gaye

ye jo bandagaan-e-niyaaz hai ye tamaam hai vo lash_karii
jinhen zindagii ne aman na dii to tere huzuur mein aa gaye

terii beruKhii ke dayaar mein main havaa ke saath havaa huaa
tere aaiine kii talaash mein mere Khvaab cheharaa ganvaa gaye

tere vaasavaaon ke fishar mein teraa sharar-e-rang ujar gayaa
merii Khvaahishon ke Gubaar mein mere maah-o-saal-e-vafaa gaye

vo ajiib phuul se lafz the tere honh jin se mahak uThe
mere dasht-e-Khvaab mein duur tak koii baaG jaise lagaa gaye

merii umr se na simaT sake mere dil mein itane savaal the
tere paas jitane javaab the terii ik nigaah mein aa gaye

[maya]

Re: Sara Poetry Collection !!!

Musafir To Bichartey Hein,Rafaqat Kab Badalti Hai
Mohabbat Zinda Rehti Hai,Mohabbat Kab Badalti Hai

Usi Ko Chahtey Hein,Usi Se Piyaar Kartey Hein
Yehi Barsoun Se Aadat Hai Aur Aadat Kab Badalti Hai

Tumhein Jo Yaad Rakha Hai Yehi Apni Ebadat Hai
Jo Pathar Pay Likhi Jaye,Ebarat Kab Badalti Hai

Kali Ka Phool Banna Aur Bikhar Jana Muqadar Hai
Yehi Kanoon-E-Fitrat Hai Aur Fitrat Kab Badalti Hai

Jo Dil Pay Naqash Kar Jaye Aur Aankon Mein Simat Aaye
Aalamat Hai Yeh Chahat Ki Aur Chahat Kab Badalti Hai

Ussey Chaha,Ussey Pooja,Yehi Taqdeer Hai Apni
Hamein Gumrah Mat Samjho,Ebadat Kab Badalti Hai

Puraney Zakham Ko “Kash“ Bhula Dena Hi Acha
Na Chahey Aap Hi Koi To Kismat Kab Badalti Hai

[maya]

Re: Sara Poetry Collection !!!

kabhi mujh ko saath lekar, kabhi mere saath chal kar
woh badal gaye achaanak meri zindagi badal kar

huye jis pey meharaban tum koi Khush nasib hoga
meri hasaratein to nikalin mere ansuuon mein Dhal ke

teri zulf-o-rukh kay qurban dil-e-zaar dhuundhata hai
wahi champai ujaale wahi suramai dhundalake

koi phool bun gaya hai koi chaand koi taara
joh chiraag bujh gaye hain teri anjuman mein jal ke

mere dosto khudara mere saath tum bhi dhuundo
woh yahin kahin chhupey hain mere ghum kaa rukh badal kay

teri bejhijhak hansi say na kisi kaa dil ho mailaa
yeh nagar hai aainon kaa yahaan saans le sambhal ke

[maya]

Re: Sara Poetry Collection !!!

Kitni Azziyat Say Uss Ne Mujh Ko Bhulaaya Hoga...
Meri Yadoon Ne Ussay Khoob Rulaaya Hoga..

Baat Be-Baat Aankh Uss Ki Jo Chhalkee Hogi.......
Uss Ne Chehre Ko Baazuon Main Chupaaya Hoga...

Socha Ho Ga Uss Ne Din Main Kaee Baar Mujhay.......
Naam Hatheli Par Bhi Likh Likh Kay Mitaaya Hoga...

Jahan Uss Nay Mera Zikkr Suna Hoga Kisi Say..
Uss Ki Aankhon Main Koi Aansoo Tou Aaya Hoga..

Raat Ke Bheetnay Tak Neend Na Aai Hogi Tujhay........
Tunay Takkiye Ko Bhi Seenay Se Lagaaya Hoga..

Hokay Nidhaal Meri Yadoon Se Tunay Jaana.........
Meri Tasveer Pe Sar Apna Tikaaya Hoga......

Poocha Hoga Jo Kisi Ne Tere Halaat Ka Sabbab....
Tunay Baaton Main Khoob Uss Se Chupaaya Hoga....

[maya]

Re: Sara Poetry Collection !!!

unka thikana to dil me tha hamare

par unse do kadam aaya na gaya

hume ro kar pucha kyon tod diya pyar ka waada

usne haskar kaha bus nibhaya na gaya

[maya]

Re: Sara Poetry Collection !!!

Khuda hum ko aisi khudai na dey,
Key apney siwa kuch dikhai na dey,

Khatawaar samjhey gi duniya tujhey,
Ab itni zyada safai na dey,

Hanso aaj itna key is shor mein,
Sada siskiyon ki sunai na dey,

Mujhey apni chadar mein is tarah dhaap lo,
Zameen asmaan kuch dikhai na dey,

Khuda aisey ihsaas ka naam hai,
Rahey samney aur dikhai bhi na dey

[maya]

Re: Sara Poetry Collection !!!

Jo pathar ho unhe dil ki sadaye kuch nahi kehti,
Agar sachchi mohabbat ho to phir wo chup nahi rehti,


Zaroori to nahi dil ko lafzon mein bayan kar doon,
Idhar dekho kya meri aankhe tumse kuch nahi kehti,


Teri masoom soorat jab se mere dil mein utri hai,
Mujhe yeh shokh yeh chanchal adaye kuch nahi kehti,


Yeh jadoo mere lafzon ka chal hi gaya aakhir,
Ke wo bhi gumsum si rehti hai kisi se kuch nahi kehti..!!!

[maya]

Re: Sara Poetry Collection !!!

Wo jazbon ki tijaratt thi yeh dil kuch aur samjha thaa...
Usay hasnay ki adat thi yeh dil kuch aur samja thaa...

Mujhe us ne kaha ao nai duniya basatay hain...
Usay soji shararat thi yeh dil kuch aur samja tha...

Hamesha us ki ankho mai dung say rang hote thee..
yeh us ki aam halaat thi yeh dil kuch aur samjha tha...

Wo mere pas beti dair tak ghazlain mere suntii..
Usay khudsay muhabbat thi yeh dil kuch aur samja tha..

Mere Kandhay per sar rakh kar kahen per kho gae thi...
Yeh ek waqti enayat thi ye dil kuch aur samja tha...

Mujhe wo dakh kar aksar negaheen pheer lete thii...
Yeh darparda haqarat thi yeh dil kuch aur samjha tha...

[maya]

Re: Sara Poetry Collection !!!

kaisy mumkin tha keh her shakhs ko apna krtey
log to aaina they kya logo se dhoka krtey
sar-e-mehfil hanstey they sirf anaa ki khatir
warna halaat to aisy they keh roya krtey...!!