Sara Poetry Collection !!!

[maya]

Re: Sara Poetry Collection !!!

Kisi kamzoor LAMHAY main

Agar main tum se ye keh dun

Mujhe tum se “MOHABBAT” hai

To tum ye mat samajh lena

Ke mene such kaha hoga..!

Ke aesi dil nasheen batein

Mujhe Bachpan se aati hain,

Meri Aankhein mera chehra,

Mera be sakhta lehja,

Ye sub kuch JHOOT hota hai
magar iss bar k iss jhoot main ik sach b shamil hay
mujhy tum say mohbat hay,mujhy tum say mohbat hay..

[maya]

Re: Sara Poetry Collection !!!

Usay maine hi likha tha...!


Usay maine hi likha tha
Ke lehjey barf ho jayein
To phir pigla nahi kartey
Parinday darr k urr jayein
Tho phir lota nahi kartey

Usay maine hi likha tha
Yaqeen uth jaye tho shayed
Kabhi wapis nahi aata
Hawa'on ka koi toofaan
Kabhi barish nahi lata.........!!!

Usay maine hi likha tha
Ke sheesha too't jaye tho
Kabhi phir jurr nahi pata
Jo rastey se bhatak jaye
Wo wapas murr nahi pata

Usay kehna woh be'ma'eni adhoora khat
Usay maine hi likha tha
Usay kehna k deewanay...........!!!
mukammal khat nahi likhtey...!

[maya]

Re: Sara Poetry Collection !!!

agar Hum Dost Hotay To
Karam Ki Inteha Kartay ....!

TumhenPalkon Pey Rakhtay Hum
Tumhen Dill main Basatay Hum ...!

agar Tum Rooth Jaatay To
Tumhen Kitna Manatey Hum ....!

Jo Milney Tum Nahi aatey
To aa kar Khud Tumhain miltey ...!

Tumhari Laghzishon Ko Bhi
Hansi main Hum Uraa Detay ...!

agr apni Khata Hoti
To Khud Ko Bhi Saza Daitey ...!

mgr Ye Sab Jabhi Hota
agr Hum Dost Hotey To ….!

* mgr itna hee Jana Hay
K Tum Ney aaj Tak Hum Ko
Paraya Keh Kar Jana Hay
Kabhi Hamdam Naa mana Hay
agar ham dost hotay to..

[maya]

Re: Sara Poetry Collection !!!

[maya]

Re: Sara Poetry Collection !!!

Main aaina tha,wo mera khayaal rakhti thi
Main toot-ta tha to chun kar sambhaal rakhti thi

Har aik maslay ka hal nikaal rakhti thi
Zaheen thi,mujhe Hairat mein daal rakhti thi

main jab bhi Tark-e-Taluq ki baat karta tha
wo Rokti thi mujhe,kal pay taal Rakhti thi

wo mere dard ko chunti thi apni poroon se
wo mere wastay khud ko Nadhaal rakhti thi

wo Doobnay nahi deti thi dukh k darya mein
meray wajood ki nauw Uchaal rakhti thi

Duaain us ki Balaun ko rok leti thin
wo mere chaar soo Hathon ki Dhaal rakhti thi

ik aisi Dhun k nahi phir kabhi main ne suni
wo munfarid sa Hansi mein kamaal Rakhti thi

usay Nadamatain meri kahan Gawara thin
wo mere wastay asaan Sawaal rakhti thi

Bichar k us se main Dunya ki Thokaron mein hon
wo paas thi to mujhay La zawaal rakhti thi

sahar tha naam,ujaalay Ghulam thay us k
wo zindgi k Andhairay ujaal rakhti thi

wo muntazir meri Rehti thi Dhoop mein
main laut-ta tha to Chaoun Nikaal Rakhti thi

[maya]

Re: Sara Poetry Collection !!!

safar malaal ka hai aur chal rahi hooN maiN
ghubaar-e-shab ki udaasi meiN Dhal rahi hooN maiN

ajeeb barf ki baarish badan pe utri hai
k jis ki aag meiN chup chaap jal rahi hooN maiN

phir ik charaagh jala shaam ki haveli meiN
phir eik dard se aakhir saNbhal rahi hooN maiN

yeh rakh rakhaao usay jaan'ne naheeN de ga!
k apne aap meiN kese pighal rahi hooN maiN

yeh ishq sach se juda kaise ho gaya jaanaaN?
ab is savaal se baahir nikal rahi hooN maiN

bas eik ishq meri zaat par saheefa ho
mere khuda! yeh aqeeda badal rahi hooN meiN

[maya]

Re: Sara Poetry Collection !!!

Bohat khamoush reh kar wo sadaaen mujh ko deta tha
bade bhar-pour jazboun ki qabaaen mujh ko deta tha

kabhi jo dard ki aatish mujhay sulganay lagti thi
wo apne saans ki mehki hawaaen mujh ko deta tha

wo uski chahatain bhe sari duniya se anokhi then
riyazat khud wo karta tha jazaaen mujh ko deta tha

meray ehsaas k seharaoun main jo dhoop barhti thi
wo mousam ka khuda ban kar ghataaen mujh ko deta tha

usay main ajnabi samjha magar har mour par Ramish
wo apne naam ki sari duaaen mujh ko deta tha

[maya]

Re: Sara Poetry Collection !!!

ye kaun doob gya aur ubhaar gaya mujh main
yu kaun saye ki suraat guzar gaya mujh main

ye kis kay sog mai shorida haal phirta ho’n
woh kon shakhs tha aisa kay mar gaya mujh main

ajab hawa-e-baharaa’n nay chara-saazi ki
woh zakhm jis ko na bharana tha bhar gaya mujh main

woh admi kay jo pathar tha jiee raha hai abhi
jo ainna tha woh bikhar gayaa mujh main

misaal kya kay woh jab bhi kareeb say guzara
vo youun laga kay koi raqs kar gaya mujh main

woh sath tha to ajab dhuup chanaoo rehti thi
bas ab to ek hi mausam tehar gaya mujh main

[maya]

Re: Sara Poetry Collection !!!

koee lamha bhee kabhee laut kar nahee aaya
woh shakhs aisa gaya phir nazar nahee aaya

wafaa ke dasht mein raasta nahee mila koee
siwaye gard-e-safar humsafar nahee aaya

kisee chiraag ne poochee nahee khabar meri
koee bhee phool mere naam per nahee aaya

palat kar aane lagay shaam ke parindey bhee
hamaaraa subha ka bhoola magar nahee aaya

hamein yakeen hai Amjad woh waadaa khilaaf
yah umar kaise kategee agar nahee aayaa

[maya]

Re: Sara Poetry Collection !!!

w0h shaks ke jis se mein m0habbat nhi karta
hansta hay mujhe dekh kar nafrat nhi karta


ghar wal0n ko Ghaflat pe sabhi k0s rAhy hain
chor0n ko magar k0i malamat nhi karta


dety hay ujaAly mere sajd0n ki gawahi
mein chupke Andher0n mein ibadat nhi karta


bho0la nhi mein aaj bhi adab-e-jawani
mein iis liye aur0n ko nasihat nhi karta


dunyia mein Qteel us sa munafiq nhi dekha
jo zulm to sehata hay baghawat nhi karta

[maya]

Re: Sara Poetry Collection !!!

Mujhe ab dar nahi lagta
kisi k door jane se
Ta'luq Tot jane se
kisi k maan jane se
kisi k roth jane se
Mujhe ab dar nahi lagta
Kisi ko azmane se
kisi k azmane se
kisi ko yad rakhne se
kisi ko bhol jane se
Mujhe ab dar nahi lagta
Kisi ko chor dene se
kisi k chor jane se
Na shama ko jalane se
Na shama ko bujhane se
Mujhe ab dar nahi lagta
Akele muskrane se
kabhi ansoo bhane se
Na is sare zmane se
Haqeeqat se fasane se
Mujhe ab dar nahi lagta
Kisi ki na'rasai se
Kisi ki parsai se
Kisi ki bewafai se
Kisi dukh intehai se
Mujhe ab dar nahi lagta
Na to is paar rehne se
Na to us paar rehne se
Na apni zindgani se
Na ik din mout aane se
Mujhe Ab Dar Nahi Lagta............!

[maya]

Re: Sara Poetry Collection !!!

uski yadoN mai doob jata hoon
khud ko tanha kabhi jo pata hooN

qatra qatra wajood se le kar
khowahishoN ko lahoo pilata hooN

log khushya talash karte haiN
maiN to gham bhi khareed lata hooN

aaj kal hai mizaj-e-dil barham
rona chahoo to muskurata hooN

roze kehta hu bhool jaooN tujhe
roze yeh baat bhool jata hooN

[maya]

Re: Sara Poetry Collection !!!

Sadma t0 haii mujhe Bhi k tujhSe juda huN main
lekin ye s0chta hun k ab tera kya hun maiN

Bikhra para hai tere hi ghAr mein tera wajud
bekAr mahfil0n mein tujhe Dhundta hun main

main khudkashi k jurm ka karta hun aitaraf
Apne badan ki qabr mein kabSe gara hun maiN

kis-kiSka nam laun Zaban par k tere sath
har r0z ek shakhs naya dekhta hun main

Na jane kiis Ada se liya tune mera nAam
duNiya samajh rahi hai k sab kuch tera hun maiN

le mere tajurbon se sabak ae mere raqiib
do chAr saAl Umr mein tujhse bara hun main

jaga Hua zamiir wo Aiina hai "Qateel"
S0ne se pahale rOz jiise dekhta hun maiN

[maya]

Re: Sara Poetry Collection !!!

vo baat baat meN itnaa badaltaa jaataa hai
ke jis tarah ko’ii va’adaa badaltaa jaataa hai

ye aarzuu thii ke ham uske saath saath chaleN
magar vo shaKhs to rastaa badaltaa jaataa hai

jo tez dhuup meN sar par rahaa vohii aaNchal
havaa chalii hai to kitnaa badaltaa jaataa hai

ruteN visaal kii ab Khvaab hone vaalii haiN
ke uskii baat kaa lehjaa badaltaa jaataa hai

vo baat kar jise duniyaa bhii moatbar samjhe
tujhe Khabar hai zamaanaa badaltaa jaataa hai

[maya]

Re: Sara Poetry Collection !!!

Thaka Gaya Hai Musalsal Safar Udaasi Ka
Aur Abb Bhi Hai Mairey Shaaney Pey Sar Udaasi Ka

Woh Kon Keemiyaa-gar Tha Ke Jo Bikheir Gaya
Terey Gulaab Say Chehrey Pey Zar Udaasi Ka

Merey Wajood Ke Khalvat-kadey Mein Koi To Tha
Jo Rakh Gaya Hai Diya Taaq Per Udaasi Ka

Main Tujh Say Kaisey Kahoon Yaar-e-Meherbaan Mairey
Ke Tu Hi Ilaj ha Mairi Har Udaasi Ka

Ye Abb Jo Aag Ka Darya Mairey Wajood Mein Hai
Yehi To Pehley Pehal Tha Sharaar Udaasi Ka

Na Janey Aaj Kahan Kho Gaya Sitaar-e-shaam
Woh Maira Dost, Maira Humsafar Udaasi Ka

Faraz Deeda-e-Puraab Mein Na Dhoondh Ussey
Ke Dil Ki Teh Mein Kahin Hai Gohar Udaasi Ka