Sara Poetry Collection !!!

[maya]

Re: Sara Poetry Collection !!!

gam ka wo zor ab mere andar nahin raha
is umr main main itna samarwar nahin raha

is ghar main jo kashish thi gai un dinon k sath
is ghar ka saya ab mere sar par nahin raha

wo husn-e-naubahar abad shauq jism sun
rahna tha us ko sath mere par nahin raha

mujh main hi kuch kami thi ki behtar main un se tha
main shahar main kisi k barabar nahin raha

rahbar ko un k hal ki ho kis tarah khabar
logon k darmiyan wo akar nahin raha

wapas na ja wahan ki tere shahar main 'Munir'
jo jis jagah pe tha wo wahan par nahin raha

[maya]

Re: Sara Poetry Collection !!!

us bewafa ka shahar hai aur ham hain dosto
ashk-e-rawan ki nahar hai aur ham hain dosto

sham-e-alam dhali to chali dard ki hawa
raton ka pichla pahar hai aur ham hain dosto

ankhon main ur rahi hai luti mahfilon ki dhul
ibrat bara-e-dahar hai aur ham hain dosto

ye ajnabi si manzilen aur raftagan ki yad
tanhaiyon ka zahar hai aur ham hain dosto

[maya]

Re: Sara Poetry Collection !!!

zinda rahen to kya hai jo mar jayen ham to kya
duniya main khamoshi se guzar jayen ham to kya

hasti hi apni kya hai zamane k samne
ek khwab hain jahan main bikhar jayen ham to kya

ab kaun muntazir hai hamare liye wahan
sham a gai hai laut k ghar jayen ham to kya

dil ki khalish to sath rahegi tamam umr
dariya-e-gam k par utar jayen ham to kya

[maya]

Re: Sara Poetry Collection !!!

apni ruswai tere nam ka charcha dekhun
ek zara sher kahun aur main kya kya dekhun

nind a jaye to kya mahfilen barpa dekhun
ankh khul jaye to tanhai ka sahra dekhun

sham bhi ho gai dhundhala gai ankhen bhi meri
bhulnewale main kab tak tera rasta dekhun

sab ziden us ki main puri karun har bat sunun
ek bache ki tarah se use hansta dekhun

mujh pe cha jaye wo barsat ki khushbu ki tarah
ang ang apna usi rut main mahakta dekhun

tu meri tarah se yakta hai magar mere habib
ji main ata hai koi aur bhi tujh sa dekhun

main ne jis lamhe ko puja hai use bas ek bar
khwab ban kar teri ankhon main utarta dekhun

tu mera kuch nahin lagta hai magar jan-e-hayat
jane kyon tere liye dil ko dharakta dekhun

[maya]

Re: Sara Poetry Collection !!!

badban khulne se pahle ka ishara dekhna
main samandar dekhti hun tum kinara dekhna

yun bicharna bhi bahut asan na tha us se magar
jate jate us ka wo mur k dubara dekhna

kis shabahat ko liye aya hai darwaze pe chand
ai shab-e-hijran zara apna sitara dekhna

aine ki ankh hi kuch kam na thi mere liye
jane ab kya kya dikhayega tumhara dekhna

[maya]

Re: Sara Poetry Collection !!!

kuch faisala to ho k kidhar jana chahiye
pani ko ab to sar se guzar jana chahiye

har bar aeriyon pe gira hai mera lahu
maqtal main ab ba-tarz-e-digar jana chahiye

kya chal saknge jin ka faqat mas'la ye hai
jane se pahle rakht-e-safar jana chahiye

sara jwar-bhata mere dil main hai magar
ilzam ye bhi chand k sar jana chahiye

jab bhi gaye azab-e-dar-o-bam tha wahi
akhir ko kitni der se ghar jana chahiye

tohamat laga k man pe jo dushman se dad le
aise sukhanfarosh ko mar jana chahiye

[maya]

Re: Sara Poetry Collection !!!

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

sham parte hi kisi shakhs ki yad
kucha-e-jan main sada karti hai

mujh se bhi us ka hai waisa hi suluk
hal jo tera ana??? karti hai

dukh hua karta hai kuch aur bayan
bat kuch aur hua karti hai

abr barse to inayat us ki
shakh to sirf dua karti hai

masla jab bhi utha chiragon ka
faisala sirf hawa karti hai!!

[maya]

Re: Sara Poetry Collection !!!

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega

[maya]

Re: Sara Poetry Collection !!!

dil k dariya ko kisi roz utar jana hai
itna besimt na chal laut ke ghar jana hai

us tak ati hai to har chiz thahar jati hai
jaise pana hi use asl main mar jana hai

bol ai sham-e-safar rang-e-rihai kya hai
dil ko rukana hai k taron main thahar jana hai

kaun ubharate hue mahatab ka rasta roke
us ko har taur su-e-dasht-e-sahar jana hai

main khila hun to isi khak main milna hai mujhe
vo to khushbu hai use agle nagar jana hai

vo tere husn ka jadu ho k mera gam-e-dil
har musafir ko isi ghat utar jana hai

[maya]

Re: Sara Poetry Collection !!!

Teri zat se nikalna chahta hai
ye dariya rukh badalana chahata hai

vo sapna jis ki surat hi nahi hai
meri ankhon main chalna chahta hai

dilon ki mandagi pe kya ta'ajjub
k suraj bhi to dhalna chahta hai

nashist-e-dard badali hai to ab dil
zara pahlu badalna chahta hai

mujhe bhi samana hai karbala ka
mera sar bhi uchalna chahta hai

nahi hai tarjuman-e-gam ye ansu
ye pani ab ubalna chahta hai

tabassum zer-e-lab kahta hai 'Amjad'
koi jazba machalna chahta hai

[maya]

Re: Sara Poetry Collection !!!

sitare jo damakate hain
kisi ki chashm-e-hairan main
mulaqaten jo hoti hain
jamal-e-abr-o-baran main

ye na abad vaqton main
dil-e-nashad main hogi
muhabbat ab nahi hogi
ye kuch din bad main hogi

guzar jayenge jab ye din
ye un ki yad main hogi

[maya]

Re: Sara Poetry Collection !!!

Khuda wo waqt na laye k sogawar ho tu
sukun ki nind tujhe bhi haram ho jaye
teri masarrat-e-paiham tamam ho jaye
teri hayat tujhe talkh jam ho jaye

gamon se aina-e-dil gudaz ho tera
Hujum-e-yas se betab ho k rah jaye
wafur-e-dard se simab ho k rah jaye
tera shabab faqat khwab ho k rah jaye

gurur-e-husn sarapa niyaz ho tera
tawil raton main tu bhi qarar ko tarse
teri nigah kisi gamgusar ko tarae
khizan rasida tamanna bahar ko tarse

koi jabin na tere sang-e-astan pe jhuke
k jins-e-ijz-o-aqidat se tujh ko shad kare
fareb-e-wada-e-farda pe aetamad kare
Khuda wo waqt na laye k tujh ko yad aye

wo dil k tere liye be-qarar ab bhi hai
wo ankh jis ko tera intazar ab bhi ha

[life.]

Re: Sara Poetry Collection !!!

bohat khobsurat sharing siso jani

[maya]

Re: Sara Poetry Collection !!!

thanks for liking sis....

bohat khobsurat sharing siso jani

[maya]

Re: Sara Poetry Collection !!!

Ab jo bichray hain toh ehsaas hua hai hum ko
Dard kya hotah hai tanhai kisay kehtay hain
Char so gunjti ruswai kisay kehtay hain
Ab jo bichray ko ehsaas hua hai hum ko
Koi lamha ho tere yaad mai kho jatay hain
Ab toh khud ko bhe muyassar nahi aaa patay hain
Raat ho din ho tere pyar mai hum behtay hain
Dard kya hotah hai tanhai kisay kehtay hain
Ab jo bichray hain toh ehsaas hua hai hum ko
Woh jo ghum aye usay dil pay saha kertey thay
aik sath hum mil ker raha kertey thay
Ab akelay he zamanay ke sitam sehtay hain
Dard kya hotah hai tanhai kisay kehtay hain
Ab Jo bichray toh ehsaas hua hai hum ko

Hum Nay khud apni rahon mai bichaye kantay
Gher mai phoolon ke jagah la ker sajaye kantay
Zakham iss dil mai basaye howe khud rehtay hain
Yun toh duniya ki har cheez haseen hoti hai
Pyar say maghar kuch bhe nahi hoti hai
Rastah rok kay har aik say yehi kehtay hain
Ab jo bichray hain toh ehsaas hua hai hum ko
Dard kya hotah hai tanhai kisay kehtay hain
Char so gunjti ruswai kisay kehtay hain
Ab jo bichray to ehsaas hua hai hum ko