sarfraz chouhdary,s most wanted

[sarfraz_qamar]

Re: sarfraz chouhdary,s most wanted

dil me.n aur to kyaa rakhaa hai
teraa dard chhupaa rakhaa hai

itane dukho.n kii tez havaa me.n
dil kaa diip jalaa rakhaa hai

dhuup se cheharo.n ne duniyaa me.n
kyaa andher machaa rakhaa hai

is nagarii ke kuchh logo.n ne
dukh kaa naam davaa rakhaa hai

vaadaa-e-yaar kii baat na chhe.Do
ye dhokaa bhii khaa rakhaa hai

bhuul bhii jaa_o biitii baate.n
in baato.n me.n kyaa rakhaa hai

chup chup kyo.n rahate ho "Nasir"
ye kyaa rog lagaa rakhaa hai

[sarfraz_qamar]

Re: sarfraz chouhdary,s most wanted

Thaanii thii dil me.n ab na mile.nge kisii se ham
par kyaa kare ke ho gaye naachaar jii se ham


ham se na bolo tum ise kyaa kahate hai.n bhalaa
insaaf kiije puuchhate hai.n aap hii se ham


kyaa gul khilegaa dekhiye hai fasl-e-gul to duur
aur suu-e-dasht bhaagate hai.n kuchh abhii se ham

[sarfraz_qamar]

Re: sarfraz chouhdary,s most wanted

ab ye hogaa shaayad apanii aag me.n Khud jal jaa_e.nge
tum se duur bahut rah kar bhii kyaa paayaa kyaa paa_e.nge


dukh bhii sachche sukh bhii sachche phir bhii terii chaahat me.n
ham ne kitane dhoke khaa_e kitane dhoke khaa_e.nge


aql pe ham ko naaz bahut thaa lekin ye kab sochaa thaa
ishq ke haatho.n ye bhii hogaa log hame.n samajhaa_e.nge


kal ke dukh bhii kaun se baaqii aaj ke dukh bhii kai din ke
jaise din pahale kaaTe the ye din bhii kaT jaa_e.nge


ham se aabalaa-paa jab tanhaa ghabaraa_e.nge saharaa me.n
raaste sab tere hii ghar kii jaanib ko mu.D jaa_e.nge

[sarfraz_qamar]

Re: sarfraz chouhdary,s most wanted

merii vaadii me.n vo ik din yuu.N hii aa nikalii thii
rang aur nuur kaa bahataa huaa dhaaraa ban kar


mahafil-e-shauq me.n ik dhuum machaa dii us ne
Khalvat-e-dil me.n rahii anjuman-aaraa ban kar


sholaa-e-ishq sar-e-arsh ko jab chhune lagaa
u.D ga_ii vo mere siine se sharaaraa ban kar

aur ab mere tasavvur kaa ufaq roshan hai
vo chamakatii hai jahaa.N Gam kaa sitaaraa ban kar

[sarfraz_qamar]

Re: sarfraz chouhdary,s most wanted

kuchh to havaa bhii sard thii kuchh thaa teraa Khayaal bhii
dil ko Khushii ke saath saath hotaa rahaa malaal bhii

baat vo aadhii raat kii, raat vo puure chaa.Nd kii
chaa.Nd bhii ain chet kaa us pe teraa jamaal bhii


sab se nazar bachaa ke vo mujh ko aise dekhate
ek dafaa to ruk ga_ii gardish-e-maah-o-saal bhii


dil to chamak sakegaa kyaa phir bhii taraash ke dekh lo
shiishaa-garaan-e-shahar ke haath kaa ye kamaal bhii

[sarfraz_qamar]

Re: sarfraz chouhdary,s most wanted

mastii ke phir aa gaye zamaane
aabaad hu_e sharaab Khaane


har phuul chaman me.n zar-ba-kaf hai
baa.NTe hai.n bahaar ne Khazaane


sab ha.Ns pa.De khil-khilaa ke Gunche
chhe.Daa jo latifaa sabaa ne

sar-sabz huaa nihaal-e-Gam bhii
paidaa vo asar kiyaa havaa ne

[sarfraz_qamar]

Re: sarfraz chouhdary,s most wanted

hazaar Gam the merii zindagii akelii thii
Khushii jahaa.N kii mere vaaste pahelii thii


vo aaj bach ke nikalate hai.n mere saaye se
ki mai.n ne jin ke liye Gam kii dhuup jhelii thii


judaa hu_ii na kabhii mujh se gardish-e-dauraa.N
merii hayaat kii bachapan se ye sahelii thii


cha.Dhaa rahe hai.n vo hii aaj aastii.n mujh par
ki jin kii piiTh pe kal tak merii hathelii thii

[sarfraz_qamar]

Re: sarfraz chouhdary,s most wanted

tum merii aa.Nkh ke tevar na bhulaa paaoge
ankahii baat ko samajhoge to yaad aa_uu.Ngaa


ham ne Khushiyo.n kii tarah dukh bhii ikaTThe dekhe
safaah-e-ziist ko palaToge to yaad aa_uu.Ngaa


isii andaaz me.n hote the muKhaatib mujh se
Khat kisii aur ko likhoge to yaad aa_uu.Ngaa


sard raato.n ke mahakate hu_e sannaaTo.n me.n
jab kisii phuul ko chuumoge to yaad aa_uu.Ngaa


ab tere ashk mai.n ho.nTho.n se churaa letaa huu.N
haath se Khud inhe.n po.nchhoge to yaad aa_uu.Ngaa


shaal pahanaayegaa ab kaun disambar me.n tumhe.n
baarisho.n me.n kabhii bhiigoge to yaad aa_uu.Ngaa


aaj tuu mahafil-e-yaaraa.N pe ho maGaruur bahut
jab kabhii TuuT ke bikharoge to yaad aa_uu.Ngaa


haadase aaye.nge jiivan me.n to tum hoke niDhaal
kisii diivaar ko thaamoge to yaad aa_uu.Ngaa


is me.n shaamil hai merii baKht kii taariikii bhii
tum siyaah rang jo pahanoge to yaad aa_uu.Ngaa

[sarfraz_qamar]

Re: sarfraz chouhdary,s most wanted

udaas kaaGazii mausam me.n rang-o-buu rakh de
har ek phuul ke lab pe meraa lahuu rakh de

zabaan-e-gul se chaTTaane.n taraashane vaale
sukuut-e-naqsh me.n aaraa_ish-e-namuu rakh de

giraa.N lage hai jo ehasaan dast-e-qaatil kaa
uTh aur teG ke lab pe rag-e-guluu rakh de

chalaa hai jaanib-e-maiKhaanaa aaj phir vaa_iz
kahii.n na jaam pe lab apane bevazuu rakh de

[sarfraz_qamar]

Re: sarfraz chouhdary,s most wanted

ulfat kaa jab kisii ne liyaa naam ro pa.De
apanii vafaa kaa soch ke a.njaam ro pa.De

har shaam ye savaal muhabbat se kyaa milaa
har shaam ye javaab ke har shaam ro pa.De

raah-e-vafaa me.n hamako Khushii kii talaash thii
do gaam hii chale the ke har gaam ro pa.De

ronaa nasiib me.n hai to auro.n se kyaa gilaa
apane hii sar liyaa koii ilzaam ro pa.De

[sarfraz_qamar]

Re: sarfraz chouhdary,s most wanted

ulfat kii na_ii ma.nzil ko chalaa, tuu baa.Nhe.n Daal ke baa.Nho.n me.n
dil to.Dane vaale dekh ke chal, ham bhii to pa.De hai.n raaho.n me.n

kyaa kyaa na jafaa_e.N dil pe sahii.n, par tum se ko_ii shikavaa na kiyaa
is jurm ko bhii shaamil kar lo, mere maasuum gunaaho.n me.n

jan chaa.Ndanii raato.n me.n tum ne Khud hamase kiyaa iqaraar-e-vafaa
phir aaj hai.n ham kyo.n begaane, terii beraham nigaaho.n me.n

ham bhii hai.n vahii.n, tum bhii ho vahii, ye apanii-apanii qismat hai
tum khel rahe ho Khushiyo.n se, ham Duub gaye hai.n aaho.n me.n

[sarfraz_qamar]

Re: sarfraz chouhdary,s most wanted

uljhaav kaa mazaa bhii terii baat hii me.n thaa
teraa javaab tere savaalaat hii me.n thaa

saayaa kisii yaqii.n kaa bhii jis par na pa.D sakaa
vo ghar bhii shahar-e-dil ke muzaafaat hii me.n thaa

ilzaam kyaa hai ye bhii na jaanaa tamaam umr
mulzim tamaam umr havaalaat hii me.n thaa

ab to faqat badan kii muravvat hai daramiyaa.N
thaa rabt jaan-o-dil kaa to shuruu_aat hii me.n thaa


mujh ko to qatl kar ke manaataa rahaa hai jashn
vo ziilihaaz shaKhs merii zaat hii me.n thaa

[sarfraz_qamar]

Re: sarfraz chouhdary,s most wanted

vo subah kabhii to aaegii

in kaalii sadiyo.n ke sar se jab raat kaa aa.Nchal dhalakegaa
jab dukh ke baadal pighale.nge jab sukh kaa saagar jhalakegaa
jab ambar jhuum ke naachegaa jab dharatii naGme gaaegii

vo subah kabhii to aaegii

jis subah kii Khaatir yug yug se ham sab mar mar ke jiite hai.n
jis subah ke amrit kii dhun me.n ham zahar ke pyaale piite hai.n
in bhuukii pyaasii ruuho.n par ik din to karam faramaaegii

vo subah kabhii to aaegii

maanaa ke abhii tere mere aramaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuThe sikko.n me.n na tolii jaaegii

vo subah kabhii to aaegii

daulat ke liye jab aurat kii ismat ko naa bechaa jaaegaa
chaahat ko naa kuchalaa jaaegaa, izzat ko naa bechaa jaaegaa
apanii kaalii karatuuto.n par jab ye duniyaa sharmaaegii

vo subah kabhii to aaegii

biite.nge kabhii to din aaKhir ye bhuuk ke aur bekaarii ke
TuuTe.nge kabhii to but aaKhir daulat kii ijaaraadaarii ke
jab ek anokhii duniyaa kii buniyaad uThaaii jaaegii

vo subah kabhii to aaegii

majabuur bu.Daapaa jab suunii raaho.n kii dhuul na pha.Nkegaa
maasuum la.Dakapan jab ga.ndii galiyo.n me.n bhiik na maa.Ngegaa
haq maa.Ngane waalo.n ko jis din sulii na dikhaaii jaaegii

[sarfraz_qamar]

Re: sarfraz chouhdary,s most wanted

umr jalvo.n me.n basar ho ye zaruurii to nahii.n
har shab-e-Gam kii sahar ho ye zaruurii to nahii.n

chashm-e-saaqii se piyo yaa lab-e-saaGar se piyo
beKhudii aaTho.n pahar ho ye zaruurii to nahii.n
]

nii.nd to dard ke bistar pe bhii aa sakatii hai
unakii aaGosh me.n sar ho ye zaruurii to nahii.n

[sarfraz_qamar]

Re: sarfraz chouhdary,s most wanted

un aa.Nkho.n kaa aalam gulaabii gulaabii
mere dil kaa aalam sharaabii sharaabii

nigaaho.n ne dekhii muhabbat ne maanii
terii bemisaalii terii laajavaabii

ye duz-diidaa nazare.n ye raftaar-e-naazuk
i.nhii.n kii badaulat huii hai Kharaabii


Khudaa ke liye apanii nazaro.n ko roko
tamannaa banii jaa rahii hai javaabii