sarfraz chouhdary,s most wanted

[sarfraz_qamar]

Re: sarfraz chouhdary,s most wanted

yuu.N dostii ke naam ko rusavaa na kiijiye
tark-e-ta'alluqaat kaa charchaa na kiijiye

jurm-o-sitam kaa paas bhii ulfat me.n shart hai
palako.n ko aa.Nsuuo.n se bhigoyaa na kiijiye

aisaa na ho ummiid se rishtaa hii TuuT jaaye
har roz mujhase vaadaa-e-fardaa na kiijiye

hamdard jis ko apanaa samajhate rahe hai.n aap
us kaa hii zi.ndagii me.n bharosaa na kiijiye

"Mahir" vafuur-e-Gam se na ghabaraa_iye kabhii
Khuddaarii-e-hayaat ko rusavaa na kiijiye

[sarfraz_qamar]

Re: sarfraz chouhdary,s most wanted

yuu.N na mil mujh se Khafaa ho jaise
saath chal mauj-e-sabaa ho jaise


log yuu.N dekh ke ha.Ns dete hai.n
tuu mujhe bhuul gayaa ho jaise

maut bhii aa_ii to is naaz ke saath
mujh pe ehasaan kiyaa ho jaise

aise anjaan bane baiThe ho
tum ko kuchh bhii na pataa ho jaise

hichkiyaa.N raat ko aatii hii rahii.n
tuu ne phir yaad kiyaa ho jaise

zindagii yuu.N biit rahii hai "Danish"
ek be-jurm sazaa ho jaise

[sarfraz_qamar]

Re: sarfraz chouhdary,s most wanted

yuu.N sajaa chaa.Nd ki jhalakaa tere a.ndaaz kaa ra.ng
yuu.N fazaa mahakii ki badalaa mere hamaraaz kaa ra.ng

saayaa-e-chashm me.n hairaa.N ruKh-e-raushan kaa jamaal
surKhii-e-lab pe pareshaa.N terii aavaaz kaa ra.ng

bepiye ho.n ki agar lutf karo aaKhir-e-shab
shiishaa-e-may me.n Dhale subah ke aaGaaz kaa ra.ng

cha.ngo-nay ra.ng pe the apane lahuu ke dam se
dil ne lay badalii to madham huaa har saaz kaa ra.ng

ik suKhan aur ki phir ra.ng-e-takallum teraa
harf-e-saadaa ko inaayat kare ejaaz kaa ra.ng

[sarfraz_qamar]

Re: sarfraz chouhdary,s most wanted

vafaa ke shiish mahal me.n sajaa liyaa mai.n ne
vo ek dil jise patthar banaa liyaa mai.n ne

ye soch kar ki na ho taak me.n Khushii ko_ii
Gamo.n ki oT me.n Khud ko chhupaa liyaa mai.n ne

kabhii na Khatm kiyaa mai.n ne roshanii kaa muhaaz
agar chiraaG bujhaa, dil jalaa liyaa mai.n ne

kamaal ye hai ki jo dushman pe chalaanaa thaa
vo tiir apane kaleje pe khaa liyaa mai.n ne

'Qateel' jisakii adaavat me.n ek pyaar bhii thaa
us aadamii ko gale se lagaa liyaa mai.n ne

[sarfraz_qamar]

Re: sarfraz chouhdary,s most wanted

vaqt jo mere iKhtiyaar me.n thaa
mai.n usii vaqt ke hisaar me.n thaa


Khii.nch laayaa use bhii maqtal tak
vo jo ik lutf iqtadaar me.n thaa


kal huaa qatl shahar jis ke sabab
husn ab bhii usii singaar me.n thaa

lauT aa_uu.Ngaa surKh-ruu ho kar
saaraa lashkar is intezaar me.n thaa

[sarfraz_qamar]

Re: sarfraz chouhdary,s most wanted

vaqt-e-safar qariib hai bistar sameT luu.N
bikharaa hu_aa hayaat kaa daftar sameT luu.N


phir jaane ham mile.n na mile.n ik zaraa ruko
mai.n dil ke aa_iine me.n ye manzar sameT luu.N


Gairo.n ne jo suluuk kiye un kaa kyaa gilaa
phe.nke hai.n dosto.n ne jo patthar sameT luu.N


kal jaane kaise ho.nge kahaa.N ho.nge ghar ke log
aa.Nkho.n me.n ek baar bharaa ghar sameT luu.N


sail-e-nazar bhii Gam kii tamaazat se Khushk ho
vo pyaas hai mile to samandar sameT luu.N

[sarfraz_qamar]

Re: sarfraz chouhdary,s most wanted

vo alam_kasho.n kaa milanaa vo nishaat-o-Gam ke saaye
kabhii ro pa.Daa tabassum kabhii ashk muskuraaye

ye ufaq se chaa.Nd ubharaa ye shafaq kaa nuur phailaa
ki terii ziyaa-e-ruuh se dar-o-baam jagamagaaye

ba-hazaar naamuraadii jise umr bhar saraahaa
use bevafaa kahuu.N ab ye jigar kahaa.N se aaye

ye bahaar kyaa karegii merii dard kaa madaavaa
na vo bijaliyaa.N nazar kii na vo gesuuo.n ke saaye

[sarfraz_qamar]

Re: sarfraz chouhdary,s most wanted

vo ahad ahad hii kyaa jise nibhaao bhii
hamaare vaadaa-e-ulfat ko bhuul jaao bhii

bhalaa kahaa.N ke ham aise gumaan-vaale hai.n
hazaar baar ham aaye.n hame.n bulaao bhii

biga.D chalaa hai bahut rasm-e-Khud-kushii kaa chalan
Daraane vaalo kisii roz kar dikhaao bhii

tumhaarii nii.nd me.n Duubii hu_ii aa.Nkho.n kii qasam
hame.n ye zid hai ki jaago bhii aur jagaao bhii

[sarfraz_qamar]

Re: sarfraz chouhdary,s most wanted

vo anjuman me.n raat ba.Dii shaan se gaye
imaan chiiz kyaa thii ka_ii jaan se gaye

mai.n to chhupaa huaa thaa hazaaro.n naqaab me.n
lekin akele dekh ke pahachaan se gaye

vo shamaa ban ke Khud hii akele jalaa kiyaa
paravaane kal kii raat pareshaan se gaye

aayaa teraa salaam na aayaa hai Khat ko_ii
ham aaKhirii safar ke bhii saamaan se gaye

"Rahi" ji.nhe.n Khudaa bhii na samajhaa sakaa kabhii
baiThe biThaaye dekh lo ab maan se gaye

[sarfraz_qamar]

Re: sarfraz chouhdary,s most wanted

vo buto.n ne Daale hai.n vasvase ki dilo.n se Khauf-e-Khudaa gayaa
vo pa.Dii hai.n roz qayaamate.n ki Khayaal-e-roz-e-jazaa gayaa

jo nafas thaa Khaar-e-gul banaa jo uThaa to haath qalam huye
vo nishaat-e-aah-sahar ga_ii vo viqaar-e-dast-e-duaa gayaa

na vo ra.ng fasl-e-bahaar kaa na ravish vo abr-e-bahaar kii
jis adaa se yaar the aashnaa vo mizaaj-e-baad-e-sabaa gayaa

abhii baadabaa.N ko tah rakho abhii muzatarib hai ruKh-e-havaa
kisii raaste me.n hai.n mu.ntazir vo sukuu.N jo aake chalaa gayaa

[sarfraz_qamar]

Re: sarfraz chouhdary,s most wanted

vo dil hii kyaa tere milane kii jo duaa na kare
mai.n tujh ko bhuul ke zi.ndaa rahuu.N Khudaa na kare

rahegaa saath teraa pyaar zi.ndagii ban kar
ye aur baat merii zi.ndagii vafaa na kare

ye Thiik hai nahii.n marataa ko_ii judaa_ii me.n
Khudaa kisii se kisii ko judaa na kare

sunaa hai us ko mohabbat duaae_N detii hai
jo dil pe choT to khaaye magar gilaa na kare

zamaanaa dekh chukaa hai parakh chukaa hai use
"Qateel" jaan se jaaye par iltijaa na kare

[sarfraz_qamar]

Re: sarfraz chouhdary,s most wanted

vo dil nasiib huaa jis ko daaG bhii na milaa
milaa to Gam-kadaa jis me.n chiraaG bhii na milaa

ga_ii thii kahake mai.n laatii huu.N zulf-e-yaar kii buu
phirii to baad-e-sabaa kaa dimaaG bhii na milaa


asiir karake hame.n kyo.n rihaa kiyaa saiyaad
vo ham-safiir bhii chhuuTe vo baaG bhii na milaa

bhar aaye mahafil-e-saaqii me.n kyo.n na aa.Nkh apanii
vo be-nasiib hai.n Khaalii ayaaG bhii na milaa

[sarfraz_qamar]

Re: sarfraz chouhdary,s most wanted

vo kahate hai.n ranjish kii baate.n bhulaa de.n
muhabbat kare.n Khush rahe.n muskuraa de.n


javaanii ho gar jaavidaanii to yaa rab
terii saadaa duniyaa ko jannat banaa de.n


shab-e-vasl kii beKhudii chhaa rahii hai
kaho to sitaaro.n kii shamae.N bujhaa de.n


tum afsaanaa-e-qais kyaa puuchhate ho
idhar aao ham tum ko lailaa banaa de.n

[sarfraz_qamar]

Re: sarfraz chouhdary,s most wanted


vo ko_ii aur na thaa cha.nd Khushk patte the
shajar se TuuT ke jo fasl-e-gul pe roye the

abhii abhii tumhe.n sochaa to kuchh na yaad aayaa
abhii abhii to ham ek-duusare se bichha.De the

tumhaare baad chaman par jab ik nazar Daalii
kalii kalii me.n Khizaa.N ke chiraaG jalate the

tamaam umr vafaa ke gunaahagaar rahe
ye aur baat ki ham aadamii to achchhe the

shab-e-Khaamosh ko ta.nhaa_ii ne zabaa.N de dii
pahaa.D guu.Njate the dasht san-sanaate the

[sarfraz_qamar]

Re: sarfraz chouhdary,s most wanted

vo nahii.n milataa mujhe isakaa gilaa apanii jagah
usake mere daramiyaa.N kaa faasalaa apanii jagah

zi.ndagii ke is safar me.n saika.Do.n chehare mile
dil-kashii unakii alag, paikar teraa apanii jagah

tujhase milakar aane vaale kal se nafarat mol lii
ab kabhii tujhase na bichha.Duu.N ye duaa apanii jagah

is musalsal dau.D me.n hai ma.nzile.n aur faasale
paa.Nv to apanii jagah hai.n raastaa apanii jagah