sarfraz chouhdary,s most wanted

[sarfraz_qamar]

Re: sarfraz chouhdary,s most wanted

bhuul shaayad bahut ba.Dii kar lii
dil ne duniyaa se dostii kar lii

tum muhabbat ko khel kahate ho
ham ne barbaad zindagii kar lii

us ne dekhaa ba.Dii inaayat se
aa.Nkho.n aa.Nkho.n me.n baat bhii kar lii

aashiqii me.n bahut zaruurii hai
bevafaa_ii kabhi kabhii kar lii

ham nahii.n jaanate chiraaGo.n ne
kyo.n a.ndhero.n se dostii kar lii

dha.Dakane.n dafn ho ga_ii ho.ngii
dil me.n diivaar kyo.n kha.Dii kar lii

[sarfraz_qamar]

Re: sarfraz chouhdary,s most wanted

vo subah kabhii to aaegii

in kaalii sadiyo.n ke sar se jab raat kaa aa.Nchal dhalakegaa
jab dukh ke baadal pighale.nge jab sukh kaa saagar jhalakegaa
jab ambar jhuum ke naachegaa jab dharatii naGme gaaegii

vo subah kabhii to aaegii

jis subah kii Khaatir yug yug se ham sab mar mar ke jiite hai.n
jis subah ke amrit kii dhun me.n ham zahar ke pyaale piite hai.n
in bhuukii pyaasii ruuho.n par ik din to karam faramaaegii

vo subah kabhii to aaegii

maanaa ke abhii tere mere aramaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuThe sikko.n me.n na tolii jaaegii

[sarfraz_qamar]

Re: sarfraz chouhdary,s most wanted

Gam se kahii.n najaat mile chain paa_e.n ham
dil Khuun me.n nahaa_e to ga.ngaa nahaa_e.n ham

jannat me.n jaa_e.n ham ki jahannum me.n jaa_e.n ham
mil jaa_e tuu kahii.n na kahii.n tujh ko paa_e.n ham

mumkin hai ye ki vaade pe apane vo aa bhii jaa_e
mushkil ye hai ki aap me.n us vaqt aa_e.n ham

naraaz ho Khudaa to kare.n ba.ndagii se Khush
maashuuq ruuTh jaa_e to kyo.n kar manaa_e.n ham

sar dosto.n ke kaaT kar rakkhe hai.n saamane
Gairo.n se puuchhate hai.n qasam kis kii khaa_e.n ham

sau.npaa tumhe.n Khudaa ko chale ham to naamuraad
kuchh pa.Dh ke baKhshanaa jo kabhii yaad aa_e.n ham

ye jaan tum na loge agar aap jaayegii
is bevafaa kii Khair kahaa.N tak manaa_e.n ham

ham-saaye jaagate rahe naalo.n se raat bhar
soye huye nasiib ko kyo.n kar jagaa_e.n ham

tuu bhuulane kii chiiz nahii.n Khuub yaad rakh
ai "Daag" kis tarah tujhe dil se bhulaa_e.n ham

[sarfraz_qamar]

Re: sarfraz chouhdary,s most wanted

Khushbuu kii tarah aayaa vo tez havaao.n me.n
maa.Ngaa thaa jise ham ne din raat duaao.n me.n

tum chhat par nahii.n aaye mai.n ghar se nahii.n nikalaa
ye chaa.Nd bahut laTakaa saavan ki ghaTaao.n me.n

is shahar me.n ik la.Dakii bilkul hai Gazal jaisii
phuulo.n kii badan vaalii Khushbuu sii adaao.n me.n

duniyaa kii tarah vo bhii ha.Nsate hai.n muhabbat par
Duube huye rahate the jo log vafaao.n me.n

[sarfraz_qamar]

Re: sarfraz chouhdary,s most wanted

bazm-e-dushman me.n bulaate ho ye kyaa karate ho
aur phir aa.Nkh churaate ho ye kyaa karate ho

baad mere ko_ii mujh saa na milegaa tum ko
Khaak me.n kis ko milaate ho ye kyaa karate ho

chii.nTe paanii ke na lo nii.nd bharii aa.Nkho.n par
sote fitne ko jagaate ho ye kyaa karate ho

ham to dete nahii.n kyaa ye bhii zabardastii hai
chhiin kar dil liye jaate ho ye kyaa karate ho

ho.n na jaaye kahii.n daaman kaa churaanaa mushkil
mujh ko diivaanaa banaate ho ye kyaa karate ho

[sarfraz_qamar]

Re: sarfraz chouhdary,s most wanted

phirate huye kisii kii nazar dekhate rahe
dil Khuun ho rahaa thaa magar dekhate rahe

kuchh din ye bhii rang rahaa intazaar me.n
aa.nkh uTh ga_ii jidhar bas udhar dekhate rahe

jab aashiyaa.N ki yaad asiirii me.n aa ga_ii
u.Date huye havaa me.n sharar dekhate rahe

sunate raho ki dekh liyaa jalvaa behijaab
apanaa hii sab fareb-e-nazar dekhate rahe

is vaaste ki aur ghaTe mol jins kaa
mataluub un ko dil thaa jigar dekhate rahe

[sarfraz_qamar]

Re: sarfraz chouhdary,s most wanted

gulashan kii faqat phuulo.n se nahii.n kaa.NTo.n se bhii ziinat hotii hai
jiine ke liye is duniyaa me.n Gam kii bhii zaruurat hotii hai


ai vaa_iz-e-naadaan karataa hai tuu ek qayaamat kaa charchaa
yahaa.N roz nigaahe.n milatii hai.n yahaa.N roz qayaamat hotii hai


vo purasish-e-Gam ko aaye hai.n kuchh kah na sakuu.N chup rah na sakuu.N
Khaamosh rahuu.N to mushkil hai kah duu.N to shikaayat hotii hai


karanaa hii pa.Degaa zabt-e-alam piine hii pa.De.nge ye aa.Nsuu
fariyaad-o-fuGaa.n se ai naadaan tauhiin-e-mohabbat hotii hai

[sarfraz_qamar]

Re: sarfraz chouhdary,s most wanted

nasiim-e-subah gulashan me.n gulo.n se khelatii hogii
kisii kii aaKhirii hichakii kisii kii dillagii hogii

tumhe.n daanistaa mahafil me.n jo dekhaa ho to mujarim huu.N
nazar aaKhir nazar hai be-iraadaa uTh ga_ii hogii

mazaa aa jaayegaa mahashar me.n kuchh sunane sunaane kaa
zubaa.N hogii hamaarii aur kahaanii aap kii hogii

sar-e-mahafil bataa duu.Ngaa sar-e-mahashar dikha duu.Ngaa
hamaare saath tum hoge ye duniyaa dekhatii hogii

yahii aalam rahaa pardaanashiino.n kaa to zaahir hai
Khudaa_ii aap se hogii na ham se ba.ndagii hogii

[sarfraz_qamar]

Re: sarfraz chouhdary,s most wanted

sitaaro.n se aage jahaa.N aur bhii hai.n
abhii ishq ke imtihaa.N aur bhii hai.n

tihii zi.ndagii se nahii.n ye fazaae.n
yahaa.N saika.Do.n kaaravaa.N aur bhii hai.n

agar kho gayaa ek nasheman to kyaa Gam
maqaamaat-e-aah-o-fuGaa.N aur bhii hai.n

tuu shaahii.n hai paravaaz hai kaam teraa
tere saamane aasmaa.N aur bhii hai.n

isii roz-o-shab me.n ulajh kar na rah jaa
ke tere zamiin-o-makaa.N aur bhii hai.n

gaye din ki tanhaa thaa mai.n a.njuman me.n
yahaa.N ab mere raazadaa.N aur bhii hai.n

[sarfraz_qamar]

Re: sarfraz chouhdary,s most wanted

qurbato.n me.n bhii judaa_ii ke zamaane maa.Nge
dil vo be-mehar ki rone ke bahaane maa.Nge

apanaa ye haal ke jii haar chuke, luT bhii chuke
aur muhabbat vahii a.ndaaz puraane maa.Nge

ham na hote to kisii aur ke charche hote
khalkat-e-shahar to kahane ko fasaane maa.Nge


dil kisii haal pe maane hii nahii.n jaan-e-Faraz
mil gaye tum bhii to kyaa aur na jaane maa.Nge

[sarfraz_qamar]

Re: sarfraz chouhdary,s most wanted

dil me.n kis darjaa be-dilii hai abhii
har Khushii jaise ajanabii hai abhii

phir ba.Dhe hai.n qadam terii jaanib
tere Gam me.n bhii dil-kashii hai abhii

mai.n bhii tujh se bichha.D ke sar-gardaa.N
terii aa.Nkho.n me.n bhii namii hai abhii

mai.n ne maanaa bahut a.Ndheraa hai
phir bhii tho.Dii sii roshanii hai abhii

[sarfraz_qamar]

Re: sarfraz chouhdary,s most wanted

ishq me.n Gairat-e-jazbaat ne rone na diyaa
varna kyaa baat thii kis baat ne rone na diiyaa

aap kahate the ke rone se na badale.nge nasiib
umr bhar aap kii is baat ne rone na diiyaa

ronevaalo.n se kah do un kaa bhii ronaa role.n
jin ko majabuuri-e-haalaat ne rone na diiyaa

tujh se milakar hame.n ronaa thaa bahot ronaa thaa
ta.ngii-e-vaqt-e-mulaaqaat ne rone na diiyaa

[sarfraz_qamar]

Re: sarfraz chouhdary,s most wanted

kaash mai.n tere hasiin haath kaa ka.ngan hotaa

tuu ba.De pyaar se chaao se ba.De maan ke saath
apanii naazuk sii kalaa_ii me.n cha.Dhaatii mujhako
aur betaabii se furqat ke Khizaa.N lamho.n me.n
tuu kisii soch me.n Duubii jo ghumaatii mujhako
mai.n tere haath kii Khushbuu se mahak saa jaataa
jab kabhii "mood" me.n aa kar mujhe chuumaa karatii
tere ho.nTho.n kii mai.n shiddat se dahak saa jaataa
raat ko jab bhii tuu nii.ndo.n ke safar par jaatii
mar-marii haath kaa ik takiyaa banaayaa karatii
mai.n tere kaan se lag kar ka_ii baate.n karataa
terii zulfo.n ko tere gaal ko chuumaa karataa
mujh ko betaab saa rakhataa terii chaahat kaa nashaa
mai.n terii ruuh ke gulashan me.n mahakataa rahataa
mai.n tere jism ke aa.Ngan me.n khanakataa rahataa
kuchh nahii.n to yahii benaam saa ba.ndhan hotaa

kaash mai.n tere hasiin haath kaa ka.ngan hotaa

[sarfraz_qamar]

Re: sarfraz chouhdary,s most wanted

aaj bhii hai mere qadamo.n ke nishaa.N aavaaraa
terii galiyo.n me.n bhaTakate the jahaa.N aavaaraa

tujh se kyaa bichha.De to ye ho ga_ii apanii haalat
jaise ho jaaye havaao.n me.n dhuaa.N aavaaraa

mere shero.n kii thii pahachaan usii ke dam se
us ko kho kar hue benaam-o-nishaa.N aavaaraa

jis ko bhii chaahaa use TuuT ke chaahaa "Raashid"
kam mile.nge tumhe.n ham jaise yahaa.N aavaaraa

[sarfraz_qamar]

Re: sarfraz chouhdary,s most wanted

nagarii nagarii phiraa musaafir ghar kaa rastaa bhuul gayaa
kyaa hai teraa kyaa hai meraa apanaa paraayaa bhuul gayaa

apanii biitii jag biitii hai jab se dil ne jaan liyaa
ha.Nsate ha.Nsate jiivan biitaa ronaa dhonaa bhuul gayaa

a.Ndhyaare se ek kiran ne jhaa.Nk ke dekhaa sharmaa_ii
dhu.Ndh sii chhab to yaad rahii kaisaa thaa cheharaa bhuul gayaa

ha.Nsii ha.NSii me.n khel khel me.n baat kii baat me.n ra.ng gayaa
dil bhii hote hote aaKhir ghaav kaa risanaa bhuul gayaa

ek nazar kii ek hii pal kii baat hai Dorii saa.Nso.n kii
ek nazar kaa nuur miTaa jab ek pal biitaa bhuul gayaa