sarfraz chouhdary,s most wanted

[sarfraz_qamar]

Re: sarfraz chouhdary,s most wanted

meharam nahii.n hai tuu hii navaa-haaye raaz kaa
yaa.N varnaa jo hijaab hai pardaa hai saaz kaa

rang-e-shikastaa subah-e-bahaar-e-nazaaraa hai
ye vaqt hai shaguftan-e-gul haaye naaz kaa

tuu aur suu-e-Gair nazar haaye tez-tez
main aur dukh terii mizshaa haaye daraaz ka

sarfaa hai zabt-e-aah me.n meraa vaGarnaa mai.n
to'maa huu.N ek hii nafs-e-jaa.N-gudaaz kaa

[sarfraz_qamar]

Re: sarfraz chouhdary,s most wanted

mai.n aarazuu-e-jaa.N likhuu.N yaa jaan-e-aarazuu
tuu hii bataade naaz se iimaan-e-aarazuu

iimaan-o-jaan nisaar terii ik nigaah par
tuu jaan-e-aarazuu hai tuu iimaan-e-aarazuu

ik vo ke aarazuuo.n pe jiite hai.n umr bhar
ik ham ke hai.n abhii se pashemaan-e-aarazuu

aa.Nkho.n se juu-e-Khuu.N hai ravaa.N, dil hai daaG daaG
dekhe ko_ii bahaar-e-gulistaan-e-aarazuu

[sarfraz_qamar]

Re: sarfraz chouhdary,s most wanted

ai ishq na chhe.D aa aa ke hame.n
ham bhuule huo.n ko yaad na kar
pahale hii bahut naashad hai.n ham
tuu aur hame.n naashaad na kar
qismat kaa sitam hii kam nahii.n kuchh
ye taazaa sitam ijaad na kar
yuu.N zulm na kar bedaad na kar
ai ishq hame.n barbaad na kar

jis din se mile hai.n dono.n kaa
sab chain gayaa aaraam gayaa
cheharo.n se bahaar-e-subah ga_ii
aa.Nkho.n se faroG-e-shaam gayaa
haatho.n se Khushii kaa jaam chhuuTaa
ho.nTho.n se ha.Nsii kaa naam gayaa
GamGii.n na banaa naashaad na kar
ai ishq hame.n barbaad na kar

raato.n ko uTh uTh rote hai.n
ro ro kar duaaye.n karate hai.n
aa.Nkho.n me.n tasavvur dil me.n Khalish
sar dhunate hai.n aahe.n bharate hai.n
ai ishq ye kaisaa rog lagaa
jiite hai.n na zaalim marate hai.n
ye zulm to ai jallaad na kar
ai ishq hame.n barbaad na kar

[sarfraz_qamar]

Re: sarfraz chouhdary,s most wanted

jannat jo mile laake maiKhaane me.n rakh denaa
qausar mere chhoTe se paimaane me.n rakh dena

mayyat na merii jaa ke viiraane me.n rakh denaa
paimaano.n me.n dafnaa ke maiKhaane me.n rakh denaa

vo jis se samajh jaaye.n rudaad mere Gam kii
aisaa bhii ko_ii Tukaraa afsaane me.n rakh denaa

sajdo.n pe naa denaa mujh ko arbaab-e-haram taane
kaabe kaa ko_ii patthar but-Khaane me.n rakh dena

"Seemab" ye qudrat kaa adanaa saa karishmaa hai
Khaamosh sii ik bijalii paravaane me.n rakh denaa

[sarfraz_qamar]

Re: sarfraz chouhdary,s most wanted

sunate hai.n ki mil jaatii hai har chiiz duaa se
ek roz tumhe.n maa.Ng ke dekhe.nge Khudaa se

tum saamane baiThe ho to hai kaif kii baarish
vo din the jab aag barasatii thii ghaTaa se

ai dil tuu u.nhe.n dekh ke kuchh aise ta.Dapanaa
aa jaaye ha.Nsii un ko jo baiThe hai.n Khafaa se

duniyaa bhii milii hai Gam-e-duniyaa bhii milaa hai
vo kyuu.N nahii.n milataa jise maa.Ngaa thaa Khudaa se

jab kuchh na milaa haath duaao.n ko uThaakar
phir haath uThaane hii pa.De ham ko duaa se

aa_iine me.n vo apanii adaa dekh rahe hai.n
mar jaaye ki jii jaaye koii unakii balaa se

[sarfraz_qamar]

Re: sarfraz chouhdary,s most wanted

tere Khushbuu me.n base Khat mai.n jalaataa kaise

jin ko duniyaa kii nigaaho.n se chhupaaye rakhaa
jin ko ik umr kaleje se lagaaye rakhaa
diin jin ko, jinhe.n iimaan banaaye rakhaa

jin kaa har lafz mujhe yaad thaa paanii kii tarah
yaad the mujh ko jo paiGaam-e-zubaanii kii tarah
mujh ko pyaare the jo anmol nishaanii kii tarah

tuune duniyaa kii nigaaho.n se jo bachakar likhe
saalahaa-saal mere naam baraabar likhe
kabhii din me.n to kabhii raat me.n uThakar likhe

tere Khushbuu me.n base Khat mai.n jalaataa kaise
pyaar me.n Duube huye Khat mai.n jalaata kaise
tere haatho.n ke likhe Khat mai.n jalaata kaise

tere Khat aaj mai.n gangaa me.n bahaa aayaa huu.N
aag bahate huye paanii me.n lagaa aayaa huu.N

[sarfraz_qamar]

Re: sarfraz chouhdary,s most wanted

sar me.n saudaa bhii nahii.n dil me.n tamannaa bhii nahii.n
lekin is tark-e-mohabbat kaa bharosaa bhii nahii.n

yuu.N to hangaame uThaate nahii.n diivaanaa-e-ishq
magar ai dost kuchh aiso.n kaa Thikaanaa bhii nahii.n

muddate.n guzarii.n terii yaad bhii aaii na hame.n
aur ham bhuul gae ho.n tujhe aisaa bhii nahii.n

ye bhii sach hai ke mohabbat me.n nahii.n mai.n majabuur
ye bhii sach hai ke teraa husn kuchh aisaa bhii nahii.n

dil kii gi.ntii na yagano.n me.n na begaano.n me.n
lekin is jalvaagaah-e-naaz se uThataa bhii nahii.n

badagumaa.N ho ke mil aaii dost jo milanaa hai tujhe
ye jhijhakte hue milanaa koi milanaa bhii nahii.n

[sarfraz_qamar]

Re: sarfraz chouhdary,s most wanted

diivaar-o-dar se utar ke parachhaa_iyaa.N bolatii hai.n
ko_ii nahii.n bolataa jab tanahaa_iyaa.N bolatii hai.n

pardes ke raaste me.n luTate kahaa.N hai.n musaafir
har pe.D kahataa hai qissaa purvaa_iyaa.N bolatii hai.n

mausam kahaa.N maanataa hai tahaziib kii bandhisho.n ko
jismo.n se baahar nikal ke anga.Daa_iyaa.N bolatii hai.n

sun ne kii mohalat mile to aavaaz hai patajharo.n me.n
uja.Dii hu_ii bastiyo.n me.n aabaadiyaa.N bolatii hai.n

[sarfraz_qamar]

Re: sarfraz chouhdary,s most wanted

ko_ii chaaraa nahii.n duaa ke sivaa
ko_ii sunataa nahii.n Khudaa ke sivaa

mujh se kyaa ho sakaa vafaa ke sivaa
mujh ko milataa bhii kyaa sazaa ke sivaa

barasar-e-saahil-e-muqaam yahaa.N
kaun ubharaa hai naaKhudaa ke sivaa

dil sabhii kuchh zubaa.N par laayaa
ik faqat arz-e-muddaa ke sivaa

[sarfraz_qamar]

Re: sarfraz chouhdary,s most wanted

chaa.Ndanii raat me.n chaa.Nd ke saamane
ruKh se pardaa haTaanaa Gazab ho gayaa
chaa.Ndanii chhup ga_ii chaa.Nd sharmaa gayaa
aap kaa muskuraanaa Gazab ho gayaa


dil kii dha.Dakan merii tez hone lagii
raat aa.Nkho.n me.n kaaNTe.n chubhone lagii
vasl kii raat me.n baat hii baat me.n
yuu.N teraa ruuTh jaanaa Gazab ho gayaa


jhuum kar kaalii kaalii ghaTaa jab uThii
raat apanii to karavaT badalate kaTii
kuchh to mausam ne bechain rakkhaa hame.n
kuchh teraa yaad aanaa Gazab ho gayaa

apane hisse me.n tuufaa.N kii taqadiir thii
zindagii apanii maujo.n kii zanjiir thii
Duub jaane kaa apane hame.n Gam na thaa
us kaa saahil pe aanaa Gazab ho gayaa

[sarfraz_qamar]

Re: sarfraz chouhdary,s most wanted

vo dil hii kyaa tere milane kii jo duaa na kare
mai.n tujh ko bhuul ke zi.ndaa rahuu.N Khudaa na kare

rahegaa saath teraa pyaar zi.ndagii ban kar
ye aur baat merii zi.ndagii vafaa na kare

ye Thiik hai nahii.n marataa ko_ii judaaii me.n
Khudaa kisii se kisii ko magar judaa na kare

sunaa hai usako mohabbat duaae.N detii hai
jo dil pe choT to khaa_e magar gilaa na kare

zamaanaa dekh chukaa hai parakh chukaa hai use
"Qateel" jaan se jaaye par iltajaa na kare

[sarfraz_qamar]

Re: sarfraz chouhdary,s most wanted

ye alag baat hai saaqii ki mujhe hosh nahii.n
hosh itanaa hai ki mai.n tujh se faraamosh nahii.n

mai.n terii mast nigaaho.n kaa bharam rakh luu.Ngaa
hosh aaye bhii to kah duu.Ngaa mujhe hosh nahii.n

yaad itanaa hai ki pahu.nchaa dar-e-maiKhaane tak
kyaa kahuu.N aage ki aage kaa mujhe hosh nahii.n

kabhii un mad-bharii aa.Nkho.n se piyaa thaa ik jaam
aaj tak hosh nahii.n hosh nahii.n hosh nahii.n

[sarfraz_qamar]

Re: sarfraz chouhdary,s most wanted

Khudaa ham ko aisii Khudaa_ii na de
ki apane sivaa kuchh dikhaa_ii na de

Khataavaar samajhegii duniyaa tujhe
ab itanii ziyaadaa safaa_ii na de

ha.Nso aaj itanaa ki is shor me.n
sadaa siskiyo.n kii sunaa_ii na de

Gulaamii ko barakat samajhane lage
asiiro.n ko aisii rihaa_ii na de

Khudaa aise ehasaas kaa naam hai
rahe saamane aur dikhaa_ii na de

[sarfraz_qamar]

Re: sarfraz chouhdary,s most wanted

naqsh-e-Khayaal dil se miTaayaa nahii.n hanoz
bedard mai.n ne tujhako bhulaayaa nahii.n hanoz

vo sar jo terii raahaguzar me.n thaa sajdaa-rez
mai.n ne kisii qadam pe jhukaayaa nahii.n hanoz

maharaab-e-jaa.N me.n tuu ne jalaayaa thaa Khud jise
siine kaa vo chiraaG bujhaayaa nahii.n hanoz

behosh hoke jald tujhe hosh aa gayaa
mai.n badanasiib hosh me.n aayaa nahii.n hanoz

mar kar bhii aayegii ye sadaa qabr-e-"Josh" se
bedard mai.n ne tujhako bhulaayaa nahii.n hanoz

[sarfraz_qamar]

Re: sarfraz chouhdary,s most wanted

ibaadat karate hai.n jo log jannat kii tamannaa me.n
ibaadat to nahii.n hai ik tarah kii vo tijaarat hai

[ibaadat = prayer; jannat = heaven; tijaarat = trade]

jo Dar ke naar-e-dozaKh se Khudaa kaa naam lete hai.n
ibaadat kyaa vo Khaalii buzadilaanaa ek Khidamat hai

magar jab shukr-e-ne'mat me.n jabii.n jhukatii hai bande kii
vo sachchii bandagii hai ik shariifaanaa ita'at hai

kuchal de hasarato.n ko beniyaaz-e-mudd'a ho jaa
Khudii ko jhaa.D de daaman se mard-e-baaKhudaa ho jaa

uThaa letii hai.n lahare.n tahanashii.n hotaa hai jab ko_ii
ubharanaa hai to Garq-e-bahr-e-fanaa ho jaa