sarfraz chouhdary,s most wanted

[sarfraz_qamar]

Re: sarfraz chouhdary,s most wanted

kiyaa hai pyaar jise hamane zi.ndagii kii tarah
vo aashanaa bhii milaa hamase ajanabii kii tarah

ba.Daa ke pyaas merii us ne haath chho.D diyaa
vo kar rahaa thaa muravvat bhii dillagii kii tarah

kise Khabar thii ba.Degii kuchh aur taariikii
chhupegaa vo kisii badalii me.n chaa.Ndanii kii tarah

kabhii na sochaa thaa hamane "Qateel" us ke liye
karegaa ham pe sitam vo bhii har kisii kii tarah

[sarfraz_qamar]

Re: sarfraz chouhdary,s most wanted

yo.n lage dost teraa mujhase Khafaa ho jaanaa
jis tarah phuul se Khushbuu kaa judaa ho jaanaa

ahal-e-dil se ye teraa tark-e-ta'alluq
vaqt se pahale asiiro.n kaa rihaa ho jaanaa

[tark-e-ta'alluq = breaking off the acquaintanceship/relationship]
[asiir = prisoner]

yo.n agar ho to jahaa.N me.n ko_ii kaafir na rahe
mo'ajuzaa tere vaade kaa vafaa ho jaanaa

[mo'ajuzaa = miracle]

[sarfraz_qamar]

Re: sarfraz chouhdary,s most wanted

jo bhii gu.nchaa tere hoTho.n par khilaa karataa hai
vo merii ta.ngii-e-daamaa.N kaa gilaa karataa hai

[gu.nchaa = flower bud; ta.ng = shortness/lack of breadth]

der se aaj meraa sar hai tere zaano.n par
ye vo rutbaa hai jo shaaho.n ko milaa karataa hai

mai.n to baiThaa huu.N dabaaye huye tuufaano.n ko
tuu mere dil ke dha.Dakane kaa gilaa karataa hai

raat yo.n chaa.Nd ko dekhaa hai nadii me.n raksaa.N
jaise jhuumar tere maathe pe hilaa karataa hai

[raksaa.N = dancing]

kaun kaafir tujhe ilzaam-e-taGaaful degaa
jo bhii karataa hai muhabbat kaa gilaa karataa hai

[ilzaam = accusation; taGaaful = neglect]

[sarfraz_qamar]

Re: sarfraz chouhdary,s most wanted

phir is a.ndaaz se bahaar aa_ii
ke huye mehar-o-maah tamaashaa_ii

[mehar-o-maah = sun and moon]

dekho ai sakinaan-e-khittaa-e-Khaak
is ko kahate hai.n aalam-aaraa_ii

[sakinaan-e-khittaa-e-Khaak = dwellers of this earth]
[aalaam = world; aaraa_ii = ornament]

ke zamii.n ho ga_ii hai sar taa sar
ruukash-e-satahe charKhe minaa_ii

[sar taa sar = infinite]
[ruukash-e-satah-e-charKh-e-minaa_ii = a sky full of stars]

sabze ko jab kahii.n jagah na milii
ban gayaa ruu-e-aab par kaa_ii

[sarfraz_qamar]

Re: sarfraz chouhdary,s most wanted

kab vo sunataa hai kahaanii merii
aur phir vo bhii zabaanii merii

Khalish-e-Gamzaaa-e-Khuu.Nrez naa puuchh
dekh Khuunaabaa_fishaanii merii

[Khalish = prick; Gamzaa-e-Khuu.Nrez = blood drenched sarcastic barbs]
[Khuunaabaa_fishaanii = to shed tears of blood]

kyaa bayaa.N karake meraa roye.ge yaar
magar aashuftaa-bayaanii merii

[aashuftaa-bayaanii = meaningless talk]

huu.N ziKhud raftaa-e-baidaa-e-Khayaal
bhuul jaanaa hai nishaanii merii

[ziKhud raftaa-e-baidaa-e-Khayaal = to be lost in one's thoughts]

mutaqaabil hai muqaabil meraa
ruk gayaa dekh ravaanii merii

[sarfraz_qamar]

Re: sarfraz chouhdary,s most wanted

nahii.n ki mujhako qayaamat kaa etiqaad nahii.n
shab-e-firaaq se roz-e-jazaa ziyaad nahii.n

[qayaamat = day of judgement; etiqaad = trust/have faith in]
[shab-e-firaaq = night of separation; roz-e-jazaa = day of judgement]
[ziyaad = more than]

ko_ii kahe ki shab-e-mah me.n kyaa buraa_ii hai
balaa se aaj agar din ko abr-o-baad nahii.n

[shab-e-mah = moonlit night; abr-o-baad = cloud and wind]

jo aauu.N saamane un ke to marahabaa na kahe.n
jo jaauu.N vaa.N se kahii.n ko, to Khairabaad nahii.n

[marahabaa = an exclamation indicating extreme pleasure; Khairabaad = to bid farewell]

kabhii jo yaad bhii aataa huu.N mai.n to kahate hai.n
ke aaj bazm me.n kuchh fitnaa-o-fasaad nahii.n

[sarfraz_qamar]

Re: sarfraz chouhdary,s most wanted

bahot sahii Gam-e-getii sharaab kam kyaa hai
Gulaam-e-saaqii-e-kausar huu.N mujhako Gam kyaa hai

[Gam-e-getii = sorrows of the world]
[Gulaam-e-saaqii-e-kausar = servant of the person who serves drinks from
'kausar', a river which flows in heaven]

tumhaarii tarz-o-ravish jaanate hai.n ham kyaa hai
raqiib par hai agar lutf to sitam kyaa hai

[tarz-o-ravish = behaviour and character; raqiib = rival]
[lutf = benevolence; sitam = torture]

suKhan me.n Khaamaa-e-Gaalib kii aatash_afashaanii
yaqii.n hai hamako bhii lekin ab us me.n dam kyaa hai

[sarfraz_qamar]

Re: sarfraz chouhdary,s most wanted

dard se mere hai tujhako beqaraarii haa_e haa_e
kyaa huaa zaalim terii Gafalatashi'aarii haa_e haa_e

[Gafalatashi'aarii = attitude of carelessness]

tere dil me.n gar na thaa aashob-e-Gam kaa hausalaa
tuu ne phir kyuu.N kii thii merii Gam-gusaarii haa_e haa_e

[aashob = tumult/uproar; hausalaa = strength; Gam-gusaarii = sympathize]

kyuu.N merii Gam-Khvaaragii kaa thujhako aayaa thaa Khayaal
dushmanii apanii thii merii dostadaarii haa_e haa_e

[Gam-Khvaaragii = to share in the sorrow; dostadaarii = friendship]

umr bhar kaa tuune paimaan-e-vafaa baa.Ndhaa to kyaa
umr bhar ko bhii to nahii.n hai paayadaarii haa_e haa_e

[sarfraz_qamar]

Re: sarfraz chouhdary,s most wanted

maikadaa thaa, chaa.Ndanii thii, mai.n na thaa
ik mujassam beKhudii thii mai.n na thaa

[mujassam = form(roop)]

ishq jab dam to.Dataa thaa tum na the
maut jab sar dhun rahii thii, mai.n na thaa

tuur par chhe.Daa thaa jisane aap ko
vo merii diivaa.ngii thii, mai.n na thaa

maikade ke mo.D par rukatii hu_ii
muddato.n kii tashnagii thii, mai.n na thaa

[tashnagii = thirst]

mai.n aur us gu.nchadahan kii aarazuu
aarazuu kii sadagii thii, mai.n na thaa

[Gu.nchaadahan = one whose face is like a flower bud]

gesuuo.n ke saaye me.n aaraam-kash
sar-barahanaa zi.ndagii thii mai.n na thaa

[sarfraz_qamar]

Re: sarfraz chouhdary,s most wanted

mere saath tum bhii duaa karo yuu.N kisii ke haq me.n buraa na ho
kahii.n aur ho na ye haadasaa ko_ii raaste me.n judaa na ho

sar-e-shaam Thaharii hu_ii zamii.n, aasamaa.N hai jhukaa huaa
usii mo.D par mere vaaste vo charaaG leke Kha.Daa na ho

merii chhat se raat kii subah tak ko_ii aa.Nsuuo.n kii lakiir hai
zaraa ba.D ke chaa.Nd se puuchhanaa vo isii taraf se gayaa na ho

mujh yuu.N lagaa ki Khaamosh Khushbuu ke ho.NTh titalii ne chhuu liye
i.nhii.n zard patto.n kii oT me.n ko_ii phuul soyaa huaa na ho

isii ehatiyaat me.n mai.n rahaa, isii ehatiyaat me.n vo rahaa
vo kahaa.N kahaa.N mere saath hai kisii aur ko ye pataa na ho

[sarfraz_qamar]

Re: sarfraz chouhdary,s most wanted

har tamaashaa_ii faqat saahil se ma.nzar dekhataa
kaun dariyaa ko ulaTataa kaun gauhar dekhataa

[tamaashaa_ii = spectator; faqat = merely; saahil = river side]
[ma.nzar = spectacle/show/view; gauhar = pearl]

vo to duniyaa ko merii diivaa.ngii Khush aa ga_ii
tere haatho.n me.n vagarnaa pahalaa patthar dekhataa

[vagarnaa = otherwise]

aa.Nkh me.n aa.Nsuu ja.De the par sadaa tujhako na dii
is tavaqqo par ki shaayad tuu palaT kar dekhataa

[sadaa = call; tavaqqo = hope]

merii qismet kii lakiire.n mere haatho.n me.n na thii.n
tere maathe par ko_ii meraa muqaddar dekhataa

[qismet = fate; lakiire.n = lines; maathe = forehead; muqaddar =
destiny/fate]

zi.ndagii phailii hu_ii thii shaam-e-hijaraa.N kii tarah
kis ko itanaa hausalaa thaa kaun jii kar dekhataa

[aquari]

Re: sarfraz chouhdary,s most wanted

mere saath tum bhii duaa karo yuu.N kisii ke haq me.n buraa na ho
kahii.n aur ho na ye haadasaa ko_ii raaste me.n judaa na ho

sar-e-shaam Thaharii hu_ii zamii.n, aasamaa.N hai jhukaa huaa
usii mo.D par mere vaaste vo charaaG leke Kha.Daa na ho

Bauht khoob ...

[sarfraz_qamar]

Re: sarfraz chouhdary,s most wanted

Khalish


ajiib tarz-e-mulaaqaat ab ke bar rahii

tumhii.n the badale hue yaa merii nigaahe.n thii.n
tumhaarii nazaro.n se lagataa thaa jaise merii bajaaye
tumhaare ghar me.n ko_ii aur shaKhs aayaa hai
tumhaare ohade kii dene.n tumhen mubaarak

so tum ne meraa svaagat usii tarah se kiyaa
jo afasaraan-e-hukuumat ke aitaqaad me.n hai
takallufan mere nazadiik aa ke baiTh gaye
phir ehatamaam se mausam kaa zikr chhe.D diyaa

kuchh us ke baad siyaasat kii baat bhii nikalii
adab par bhii ko_ii do chaar tabasare faramaaye
magar na tum ne hameshaa kii tarah ye puuchhaa
kyaa vaqt kaisaa guzarataa hai teraa jaan-e-hayaat

pahaa.D din kii aziiyat me.n kitanii shiddat hai
ujaa.D raat kii tanhaa_ii kyaa qayaamat hai
shabo.n kii sust ravii kaa tujhe bhii shikavaa hai
Gam-e-firaaq ke qisse nishaat-e-vasl kaa zikr
ravaayatan hii sahii ko_ii baat to karate

[sarfraz_qamar]

Re: sarfraz chouhdary,s most wanted

jab se tuune mujhe diivaanaa banaa rakhaa hai
sa.ng har shaKhs ne haatho.n me.n uThaa rakhaa hai

[sa.ng = stone]

us ke dil par bhii ka.Dii ishq me.n guzarii hogii
naam jis ne bhii muhabbat kaa sazaa rakhaa hai

**IMO, the above sher is the best one - "husn-e-Gazal"**


ab mere diid kii duniyaa bhii tamaashaa_ii hai
tuune kyaa mujhako muhabbat me.n banaa rakhaa hai

piijaa aiyaam kii talKhii ko bhii ha.Nsake "Nasir"
Gam ko sahane me.n bhii kudarat ne mazaa rakhaa hai

[sarfraz_qamar]

Re: sarfraz chouhdary,s most wanted

is raah-e-muhabbat me.n tuu saath agar hotaa
har gaam pe gul khilate Khushbuu kaa safar hotaa

[gaam = step]

uThataa mere pahaluu se vo mehr-e-shanaasaa_ii
ik roz to aisaa bhii aaGaaz-e-sahar hotaa

[shanaasaa_ii = acquaintance; aaGaaz = start]

ashk-e-sar-e-mizshgaa.N ko chun letaa vo palko.n se
ik roz to aisaa bhii diidaa-e-tar hotaa

[mizshgaa.N = eyelid; diidaa-e-tar = eyes filled with tears]

ye tark-e-ta'alluq kii sun lete nasihat bhii
"Tashna" jo ko_ii us kaa mahabuub-e-nazar hotaa

[tark-e-ta'alluq = to give up acquaintanceship; nasihat