Musaddaq Ki Choice

[musaddaq]

Re: Musaddaq Ki Choice

khuli jo ankh tou woh thaa na woh zamana thaa,
Dehkti aag thee tanhaayi thee fasana thaa,

Gamon ney baant liya mujhe yuun aapas mein,
Kay jaisay main koi loota hua khazana thaa,

Yeh kya chund hee qadmon par thak kay baith gaye,
Tumhein tou saath mera duur tak nibhana thaa,

Mujhe jo merey lahoo mein dubo kay guzra hai,
Woh koi gair nhin yaar ek poorana thaa,

Khud apney hee haath say uss ko kaat diya,
Kay jiss darakht kee tehni pay ashiyaana thaa,

[musaddaq]

Re: Musaddaq Ki Choice

Yaadoon se rishta kal bhi thaa yaadoon se rishta aaj bhi hai
Dil kal bhi apna dukhta thaa aur afsurdaa sa aaj bhi hai

Woh ishq jo hum tum karte thay woh ishq tu zinda ab bhi hai
Kal tak jo hijar sataata thaa us hijar ka pehra aaj bhi hai

Tum door huye majboori mein hum toot gaye is doori mein
Kabhi waqt mile tu aa jaana dil ka darwaaza khula aaj bhi hai

Woh saahil woh geeli mitti, mitti ke gharonde saahil per
Woh naam darakhtoon per likhna woh khwaab suhaana aaj bhi hai

Tum khush rehna dil ki duniya apni tu chalo barbaad hoi
Dil gham ka maara kal bhi thaa aur gham ka maara aaj bhi hai

Yeh ashk nahin hain aankhoon mein yeh taaray jhilmil karte hain
In aankhoon mein jo kal tak thaa woh chaand sa chehra aaj bhi hai

Ab shikwa kisi se kya karna taqdeer mein jo likha thaa mila
Gham kal bhi mera sarmaaya thaa gham mera warsa aaj bhi hai

[baqarkashmiri]

Re: Musaddaq Ki Choice

musaddaq ver nice.

[musaddaq]

Re: Musaddaq Ki Choice

Abb kahan dost milein saath nibhaaney vaaley,
Sab nay seekhay hain abb adaab zamaaney vaaley,

Dil jalao ya diye aankhon kay darvaazey par,
Waqt say pehlay tou aatey nhi aaney vaaley,

Ashq bann kay main nigaahon mein teri aaoongaa,
Ai mujhay apni nigaahon say giraaney vaaley,

Waqt badla tou uthaatey hain abb ungli mujh par,
Kall talaq haq mein merey haath utthaaney vaaley,

Waqt har zakham ka marham tou nhi bann sakta,
Dard kuchh hotay hain ta-umar rulaaney vaaley,

[musaddaq]

Re: Musaddaq Ki Choice

Hansi laboun pe sajaye udaas rehta hai
Ye kaun hay jo mery ghar ke pass rehta hai

Ya aur baat ke milta nahee koi us se
Magar woh shakhs srapa pasa rehta hai

Jehan pe doob gaya meri aas ka suraj
Usi jaga woh sitara shanas rehta hai

Likhi hai kis ne ya tehreer rag-e-sahil per
Bohat dinoun se samandar udaas rehta hai

Guzar raha houn soda garoun ki basti sai
Badan pay dekhiya kab tak libaas rehata hai

Mein wehshaton kai safar mein bhi kahan tanha
Yahi gumaan hai koi aas pass rehta hai

Mein guftugo kai her andaz ko samhajta houn
Ke meri zaat mein lehja- shanas rehta hai

Wo faaslon mein bhi rakhta hai rang milan ka
Nazar se duur sahi, dil kai pass rehta hai

[baqarkashmiri]

Re: Musaddaq Ki Choice

nice keep going

[musaddaq]

Re: Musaddaq Ki Choice

Na janay kion mera kajal
Jab bhi dalo ankhoon main
Ab aksar phail jata hai
Main roya to nahi hoon

Tum tou jaanti hi ho in dinoon
Buhat hi thand hoti hai
Tab hi hai surkh meri naak
Main roya to nahi hoon

Kaha tou hai keh yunhi bas
Bheega hai daman ka kona
Choro tum fikar mat karo
Main roya to nahi hoon

Nahi udass kab hoon main
Ziyada kaam hai bas
Tahakawat tou ho hi jaati hai
Main roya to nahi hoon

Bahaar aii hai , woh ab bhi
Nahi aati tou na aye
Ab uski yaad main dekho
Main roya to nahi hoon

Bata daynaa usko jaa kar
Koi khush fehmi na palay
Waisey hi surkh hain akhain
Main roya to nahi hoo

[baqarkashmiri]

Re: Musaddaq Ki Choice

Na janay kion mera kajal
Jab bhi dalo ankhoon main
Ab aksar phail jata hai
Main roya to nahi hoon

Tum tou jaanti hi ho in dinoon
Buhat hi thand hoti hai
Tab hi hai surkh meri naak
Main roya to nahi hoon

Kaha tou hai keh yunhi bas
Bheega hai daman ka kona
Choro tum fikar mat karo
Main roya to nahi hoon

Nahi udass kab hoon main
Ziyada kaam hai bas
Tahakawat tou ho hi jaati hai
Main roya to nahi hoon

Bahaar aii hai , woh ab bhi
Nahi aati tou na aye
Ab uski yaad main dekho
Main roya to nahi hoon

Bata daynaa usko jaa kar
Koi khush fehmi na palay
Waisey hi surkh hain akhain
Main roya to nahi hoo

nice one again
as usual

[musaddaq]

Re: Musaddaq Ki Choice

Behtay hoay pani ko rokon kaisay,,
Yeh safar chahton ka choron kaisay,,,
tum bin nahi hai adat is dil ko dharknay ki,,
tum bin piyar ka ashiyan banaon kaisay,,,
yeh duniya hai nafrat say bhari,,
her mor per hai mushkil khari,,,
tum bin her mushkil ko sahon kaisay,,,
her sapna sajh jata hai,,,
aankhon kay band hotay hi,,
sapnay tote janay kay dar say yeh nigahyn kholon kaisay,,,,

[baqarkashmiri]

Re: Musaddaq Ki Choice

good good

[musaddaq]

Re: Musaddaq Ki Choice

Usse kehna,
Ager aaye, to sath apne
Koi jugnu,koi taara bhi le aaye
Keh mera dil
Mera ghar ki tarah
Tareek rehta hia

[baqarkashmiri]

Re: Musaddaq Ki Choice

very nice

[musaddaq]

Re: Musaddaq Ki Choice

:)

[baqarkashmiri]

Re: Musaddaq Ki Choice

:eye:

[musaddaq]

Re: Musaddaq Ki Choice

Haath choote bhi tu rishte nahi chora kerte
Waqt ki shaakh se lamhe nahi tora kerta

Jis ki awaz mein silwat ho, Nigahon mein shikan
Aisi tasweer ke tukre nahi jora kerte

Lag ke saahil se jo behta hai ise behne do
Aise darya ka kabhi rukh nahi mora kerte

Jagne per bhi nahi aankh se girti kirchein
Is tarah khwabon se aankhein nahi phora kerte

Shehad jeene ka mila kerta hai thora thora
Jane walon keliye dil nahi thora kerte

Jamma hum hote hain, Taqseem bhi ho jate hain
Hum tu tafreeq ke hindse nahi jora kerte

Ja ke kuhsaar se sir maro ke awaz tu ho
Khasta deewaron se maatha nahi phora kerte