Musaddaq Ki Choice

[baqarkashmiri]

Re: Musaddaq Ki Choice

nice

[musaddaq]

Re: Musaddaq Ki Choice

Ajib rastaa hai ye, kaha shuru kaha khatam,

Ye manzilen hai konsi, naa wo samajh sake naa hum.
Ajib rastaa hai ye, kaha shuru kaha khatam,
Ye manzilen hai konsi, naa wo samajh sake naa hum.


Ye roshni ke saath kyon, dhua utha chirag se,
Ye roshni ke saath kyon, dhua utha chirag se,
Ye khwab dekhta hoon main, ke jag para hoon khwab se.
Ajib rastaa hai ye, kaha shuru kaha khatam,
Ye manzilen hai konsi, naa wo samajh sake naa hum.


Mubarkhe tumhe ke tum, kisi ke noor ho gaye,
Mubarkhe tumhe ke tum, kisi ke noor ho gaye,
Kisi ke itne paas ho, ke sabse door ho gaye.
Ajib rastaa hai ye, kaha shuru kaha khatam,
Ye manzilen hai konsi, naa wo samajh sake naa hum.


Kisi kaa pyaar leke tum, naya jaha basaoge,
Kisi kaa pyaar leke tum, naya jaha basaoge,
Ye shaam jab bhi aayegi, tum humko yaad aaoge.
Ajib rastaa hai ye, kaha shuru kaha khatam,
Ye manzilen hai konsi, naa wo samajh sake naa hum.
Ajib rastaa hai ye, kaha shuru kaha khatam,
Ye manzilen hai konsi, naa wo samajh sake naa hum.

[baqarkashmiri]

Re: Musaddaq Ki Choice

aaj tu cha gaye hen

[musaddaq]

Re: Musaddaq Ki Choice

:)

[_Dard_Aashna_]

Re: Musaddaq Ki Choice

nice sharing :ff:

[musaddaq]

Re: Musaddaq Ki Choice

Kayii Saal Guzrey
Kayii Saal Beetey
Shab-o-Roz Ki Gardishon Ka Tasalsul
Dil-o-Jaan Mein Saanson Ki Partein Ultatey Hue
Zalzalon Ki Tarah Haanpta Hay!
Cheekhtey Hue Khuwab
Aankhon Ki Nazuk Ragein Cheeltey Hain
Magar Main Har Ik Saal Ki Goud Mein
Jagti Subah Ko
Bey Karaan Chahton Se Atti Zindagi Ki Dua Dey Kar
Ab Tak Vohi Justaju Kar Raha Hoon
Safar Zindagi Hay
Safar Aagahi Hay
Safar Aabla Payii Ki Dastan Hay
Safar,Umer Bhar Ki Sulagti Hui Khuwahishon Ka Dhuwan Hay
Kayii Saal Guzrey
Kayii Saal Beetey
Musalsal Safar k Kham-o-Paich Mein
Saans Leti Hui Zindagi Thak Gayii Hay
k Jazbon Ki Geeli Zameenoo Mein
Boye Hue Roz-o-Shab Ki Har Ik Fasal Ab Pakk Gayii Hay
Guzarta Hua Saal b Aakhrii Hichkiyaan Ley Raha Hay
Mery Paish-o-Pass
Khauf, Dehshat, Ajal,Barood Ki Mouj
Aabadian Noch Kar Apney Jabrron Mein Jhakrri Hui Zindagi Ko
Darindoo Ki Surat
Nigalney Ki Mashqon Mein Masroof Tar Hain
Har Ik Rasta, Maut Ki Rahguzar Hay
Guzarta Hua Saal Jaisy b Guzra
Magar Saal k Aakhri Din
Nihayet Kathin Hain
Har Ik Simt Laashon k Anbaar
Zakhmi Janazon Ki Lambii Qitarein
Kahan Tak Koi Dekh Paye?
Hawaon Mein Barood Ki Baas
Khud Aman Ki Noha Khuwan Hay
Koi Chara Gar, Asr-e-Hazir Ka Koi Maseeha Kahan Hay?
Mery Milney Walon!
Naye Saal Ki Muskuratii Subah Gar Haath Aye
To Milna!!
k Jatay Hue Saal Ki Saaton Mein
Yeh Bujhta Hua Dil
Dharakta To Hay
Muskurata Nahi
December Mujhay Raas Aata Nahi...!!!

[baqarkashmiri]

Re: Musaddaq Ki Choice

zabardast

[musaddaq]

Re: Musaddaq Ki Choice

kaha tha na
is tarah sotay huye mat chor k jana
mujhe beshak jagga dena
bata dena
muhabbat k safar mein sath meray chal nahi sakten
judai k safar mein sath meray chal nahi sakten
tumhain rasta badalna hai
mere had se nikalna hai
tumhain kis baat ka dar tha
tumhain jane nahi deta
kahen pe qaid kar leta
aray pagli muhabat ki tabiet mein zabardasti nahi hoti
jisay rasta badalna ho usay rasta badalnay se
jisay had se nikalna ho usay had se nikalnay se
na koi rok paya hai
na koi rok paye ga
tumhain kis baat ka dar tha
mujhe beshak jagga detay
main tum ko dekh hi leta
tumhain koi dua deta
kam az kam yun to na hota, mere sathi haqeeqat hai
tumharay baad khonay k liye kuch bhi nahi baqi
magar khonay se darat hoon
main ab sonay se darta hoon.

[musaddaq]

Re: Musaddaq Ki Choice

ab teri yaad se wehshat nahin hoti mujhko
zakhm khultay hain aziat nahin hoti mujhko

ab koi aaye,chala jaye,main khush rehta hun
ab kisi shakhs ki aadat nahin hoti mujhko

esa bdla hun teray shehr ka pani pii kr
jhoot bolun to nadamt nahin hoti mujhko

ha amanat main khyanat so kisi ki khatir
koi mrtaa ha to herat nahin hoti mujhko

tu jo bdlay teri tasveer badl jati ha
rang bhrnay main sahulat nahin hoti mujhko

itna masroof hun jeenay ki hawas main shahid
saans lenay ki bhi fursat nahin hoti mujhko

[Broken_Heart87]

Re: Musaddaq Ki Choice

Zabardast sharing :)

[PUNJABI]

Re: Musaddaq Ki Choice

nice yaar

[musaddaq]

Re: Musaddaq Ki Choice

aik bas tu hi nahin mujhse khafa ho betha
main ne jo sang tarasha woh khuda ho betha

uth ke manzil hi agar aaye to shayad kuch ho
shouq-e-manzil to mera aabla paa ho betha

maslehat cheen gaii quwwat-e-guftar magar
kuch na kehna hi mera, meri sada ho betha

shukriya aye mere qaatil, aye masiha mere
zeher jo tune diya tha, woh dawa ho betha

[SHAZ]

Re: Musaddaq Ki Choice

:Insight:
bohat achi sharing hay app ki (i like it)
khush rahiyey

[musaddaq]

Re: Musaddaq Ki Choice

Merey qadam shanas wo rastey kidhar gaye

Shayed teri talash mein hadd se guzar gaye

Hum ne her aik shakhs ko parkha kuch iss tarah
Zakhmoun se choor choor thay abke jo ghar gaye

Rukta houn gaam gaam ye sochta hua
Iss rastey se kitney musaafir guzar gaye

Dekha har aik aankh ne jinko saja hua
Terey huzoor aake sarapa bikher gaye

Chamke ga aaj phir andheroun mein asmaan per
Wo phir hamari aankh sitaaroun se bhar gaye

Lehroun ko rokna tou merey bas mein he na tha
Mein bhi saath saath tha, jidhar bhanwar gaye

[musaddaq]

Re: Musaddaq Ki Choice

O Dewanay larkay!
zara thaam lay mera haath
kis ko dhoond raha hai?
mein doon gee na tera saath!

O Dewanay larkay!
mujhay karnay day mehsoos
tujh ko apnay andar
jab tu hoga udaas
mein banoo gee teri aaas!

O Dewanay larkay!
ik khawahish dil kee
jo tujhko hai batanee hee
jab tu marna chahay
mein wajh banoo teray jeenay kee!