Musaddaq Ki Choice

[raafi]

Re: Musaddaq Ki Choice

It is so touching.........................

[sanam_khan]

Re: Musaddaq Ki Choice

bauth nice badal gahi wali gazal

[musaddaq]

Re: Musaddaq Ki Choice

Meri zaat se lipta hai teri yaad ka mausam
Meri rooh mein shamil hai tere pyar ka mausam

Mein yunhi shaam se bethi hoon
Teri chahat kai se mein
Mein yunhi pal pal tujhe sochoon
Mohabbat ki barish mein
Mein yunhi ankhoon mein tujhe basati rahoon
Lamha lamha
Chand jaisa badloon mein samaye
Andheri ratoon mein

Meri zaat se lipta hai teri yaad ka mausam
Meri rooh mein shamil hai tere pyar ka mausam

Mein yunhi samnai tere bethi
tujhe dekhti rahoon
Lamha lamha pighalti rahoon
teri nigahoon mein
Mere hathoon mein yunhi hath rahay
tera har dam
Tu mujhe yunhi samaita rakhay
dil ki panahoon mein
Meri raatain hi nahi subhain bhi
tere naam ki hoon
Dua yehi mangti hoon
dil ki gehraiyoon mein

Meri zaat se lipta hai teri yaad ka mausam
Meri rooh mein shamil hai tere pyar ka mausam

[musaddaq]

Re: Musaddaq Ki Choice

Ashkoon Ki Naher
Tanhaion Ke Zaher
Khawahishon Ke Shaher
Zamanay Ke Qaher
Sab Saath Saath Hain Mery
Raat Ke Pichlay Paher

[musaddaq]

Re: Musaddaq Ki Choice

ab ke yooN dil ko sazaa di hum ne
uski har baat bhulaa di hum ne

ek ek phool bahot yaad aayaa
shaakhN-e-gul jab woh jalaa di hum ne

aaj tak jis pe woh sharmaate hai
baat woh kab kii bhulaa di hum ne

shahar-e-jahaaN raakh se adaab huwaa
aag jab dil kee buzaa di hum ne

aaj phir yaad bahot aayaa woh
aaj phir usko duaa di hum ne.

koii to baat hai usmeN "Faiz"
har khushee jis pe luTaa di hum ne

[bakhtawer]

Re: Musaddaq Ki Choice

meri aawargi nay mujhko awara bana dala,
tujhay kya khabar teri yad nay mujhay kaisay kaisay sata diya!!!
wah kya baat hy..zabardust.alwz smiling.!

[musaddaq]

Re: Musaddaq Ki Choice

Teri Yaadon ke Bina koi Lamha Guzaara Nahin
Ek pal Nahin jab Tumhe Humne Pukaara Nahin

Meri Naakaamiyon Ka Itna Bhi Ghum Na Kijiye
Agar aap Jeete Hain to Main Haari Nahin

Ye Naqsh-e-Dard Kaise Utar Jaaye Chehre Se
Maine Abhi Aapka Ghum Dil se Utaara Nahin

Tere bin Youn Kat Rahi Dariya-e-Zindagi Mein
Kashti Bhi Hai Maajhi bhi hai,Kinaara Nahin

Kar Rakhaa Hai Jisne Saare Ghar Mein Ujaala
Aansu Hai Mera ye Koi Toota Hua Taara Nahin

Kisko Gale Lagaa Ke Rooyen Na-Muraad Hum
Is Bhari Duniya Mein Apna Koi Sahaara Nahin

Mareez-e-Ishq Hai Tamannai Khudkushi Ka ab
Gehre Hain Dil ke Zakhm,Aur Koi Chaara Nahin

Wo aa Ke Poonchh Den Aansu Hamari Aankhon se
Itna bhi Hamare Haq Mein Naseeb Hamara Nahin

[aquari]

Re: Musaddaq Ki Choice

Teri Yaadon ke Bina koi Lamha Guzaara Nahin
Ek pal Nahin jab Tumhe Humne Pukaara Nahin

Meri Naakaamiyon Ka Itna Bhi Ghum Na Kijiye
Agar aap Jeete Hain to Main Haari Nahin

Ye Naqsh-e-Dard Kaise Utar Jaaye Chehre Se
Maine Abhi Aapka Ghum Dil se Utaara Nahin

Tere bin Youn Kat Rahi Dariya-e-Zindagi Mein
Kashti Bhi Hai Maajhi bhi hai,Kinaara Nahin

Kar Rakhaa Hai Jisne Saare Ghar Mein Ujaala
Aansu Hai Mera ye Koi Toota Hua Taara Nahin

Kisko Gale Lagaa Ke Rooyen Na-Muraad Hum
Is Bhari Duniya Mein Apna Koi Sahaara Nahin

Mareez-e-Ishq Hai Tamannai Khudkushi Ka ab
Gehre Hain Dil ke Zakhm,Aur Koi Chaara Nahin

Wo aa Ke Poonchh Den Aansu Hamari Aankhon se
Itna bhi Hamare Haq Mein Naseeb Hamara Nahin

hamesha ki trhaa ek acha intekhab:clap:

[aquari]

Re: Musaddaq Ki Choice

Ja ke kuhsaar se sir maro ke awaz tu ho
Khasta deewaron se maatha nahi phora kerte

zaberdast:em:

[baqarkashmiri]

Re: Musaddaq Ki Choice

very nice janab
Aquari ko bohat dino k bad dekha

[musaddaq]

Re: Musaddaq Ki Choice

Kuch door hamare saath chalo
Hum dil ki kahani kehdein ge
Samjhe na tum jisse aankhon se
Woh baat zubaani kehdein ge
Jo pyar karein ge jaanein ge
Har baat hamari maanein ge
Jo jaley na hon khudh ulfat mein
Woh aag ko paani kehdein ge
Jab pyaas jawan ho jaye gi
Ehsaas ki manzil paye gi
Khamosh rahein ge aur tumhein
Hum apni kahani kehdein ge
Is dil mein zara tum baitho to
Kuch haal hamara poocho to
Hum sada dil hain Ashk mager
Har baat poorani kehdein ge

[D!l_J@Le]

Re: Musaddaq Ki Choice

Assalamo Allaikum waaah ji buht hi khoob intakhab hai apka :rose
buht acha laga parh kar
:)

khush rehye sadaa:dua

[musaddaq]

Re: Musaddaq Ki Choice

Assalamo Allaikum waaah ji buht hi khoob intakhab hai apka :rose
buht acha laga parh kar
:)

khush rehye sadaa:dua

thanx dear

[musaddaq]

Re: Musaddaq Ki Choice

Baarishon ke mausam main Waqt ke andheron main
Maine us se poocha tha Chorr to na jaoge

Haath tham ker us ne Kaan main yeh bola tha

Kaise chorr sakta hoon Tum to Jaan ho meri

Aur aaj aisa hai Waqt ki tamazat main

Wehshaton ke Mausam main Maine us se poocha hai

Chorr kar hi jaana tha Muskurati galiyon main
Aas kyun dilayi thi Pyaas kyun jagayi thi

Mere in sawalon per Na woh chonka na woh thehra
Chalte chalte itna kaha Mausamon ke khel hain sab

[musaddaq]

Re: Musaddaq Ki Choice

Sakoot-e-jaan ka matlab batado phir chale jana
Ya phir sargoshiyan dil ki suna do phir chale jana

Jo mera or tumhara waqt guzra hansne rone main
Usay Poori tarah se tum bhulado phir chale jana

Kisi ko chahne ka aur kisi se chahe jane ka
Jo hai ehsaas tum usko bhulado phir chale jana

Bus ek hansi se apne ashkon ko chupane ka
Jo fun aata hai tum ko, wo shikhado phir chale jana

Wo jo ek lafz-e-ulfat hai, juda hai apne maane se
Bus in alfaz-o-maa' ine ko mitado phir chale jana

Jo kehte kehte ruk gaye, un sari batoon ki
Sama`at ko talab hai wo suna do phir chale jana

Na jane kyun hai, lekin dekhne ki tum ko aadat hai
Meri ye be-wajah aadat churha do phir chale jana

Mery in Roz-O-Shab ka ek fakat unwaan bas tum ho
Mujhe tum doosra unwaan laado phir chale jana!!!