Salauddin Mengal Ka Intikhab

[Wafa]

Re: some For Masood Sahib..

Bohot he zabardast sharing...sab bohot ache ghazal hai....:rose

[Salauddien Mengal]

Pyar ka Qisa.

Aslamolekum...

[Salauddien Mengal]

Muskrana

Aslamolekum...

[Salauddien Mengal]

Zindagi meri zindagi (Collection)

Aslamolekum...

Meri Hasartoon koo zuban day
Meri wehshatoon say Kalam kar
Mein tera adhoor sawal hoon
Mujhey apney mun mein kalam kar
Mujhey aisa koi jawab day
K, sunay tu bagh-o-bahar hoo
Teri aarzoo, tera piyar hoo
Mein oodaseeon mein pala bharra
Mujhey mil saki na koi khushi
Kahan khoo gayi, kahan doondh loon
Tujhey zindgi, meri zindgi

[Salauddien Mengal]

Re: Zindagi meri zindagi (Collection)

Aaj toota hey yaqeen, bheeg gayee hein palkain
Hum joo khush hoo k dikhatay tu koi baat b thee

Wada-e-wasel tu dastoor purana thehra
Loog is koo jo nibatay tu koi baat b thee

[Salauddien Mengal]

Re: Zindagi meri zindagi (Collection)

Ankhoon say meri is leeay lali nahin jati
Yadoon say koi raat joo khali nahin jati

Ab omer, na mousam, na woo rustay k woo paltay
Is dil key magar kham khayali nahin jati

Mangay tu agar jaan b hans k tujhey day'n gay
Teri tu koi baat b tali nahn jati

Aayay koi aa kar yeh teray dard sunmbalay
Hum say tu yeh jagir sunmbali nahin jati

Maaloon humain b hein bohat say teray kisay
Per baat teri hum say oochali nahin jati

Humrah teray phool khilati thi jo dil mein
Ab shaam wohi dard say khali nahin jati

Hum jan say jaaya'n gay tubhi baat bunay ghi
Tum say tu koi raah nikali nahin jati

[Salauddien Mengal]

Re: Zindagi meri zindagi (Collection)

Woo kehti hey sitaray aansoo'n mein kiyon chamaktay hei'n
Mei'n kehta hoo'n, Mohabat aansoo'n mein rung bharti hey

Woo kehti hey, tumharay baad barish kiyoo'n nahin hoti
Mei'n kehta hoo'n, meri jaan hijar sahraoo'n mei'n rehta hey

Woo boli nain kuch kehtay hooay aksar jijaktay hein
Mei'n bola Dil mein chupay choor koo rusta nahin milta

Woo boli sardeeo'n mei'n dhoop ki Hidat kabhi daikhi
Mei'n bola tum ney meray piyar ki shidat nahin daikhi

Woo boli dard k us par b ik dard hoota hey
Mei'n us k baad kitni dair tak kuch b nahi'n bola

[Salauddien Mengal]

Re: Zindagi meri zindagi (Collection)

Manzar badal ga'ay, pas-e-manzar badal ga'ay
Halaat apney shehar k aksar badal ga'ay

Sooraj k doobney pay na hera'n hooway kabhi
Hum soochtay hein kitney Calendar badal ga'ay

[Salauddien Mengal]

Re: Zindagi meri zindagi (Collection)

Yeh tumhain bata doo'n mei'n
chahatoo'n k rishtoo'n mei'n
phir girah nahi'n lugti
agar lug b jay tu
woo kashish nahi'n rehti
pheeka pheeka sa raabta tu hota hey
tazgi nahi'n rehti
rooh k ta'luk say
zindgi nahi'n rehti
baat woo nahi'n rehti
doosti nahi'n rehti
laakh bar mil kar b
dil magar nahi'n miltay
zehan k jharooko'n say
yad k dareecho'n say
titliyoo'n k rungoo'n k
phool phir nahi'n khiltay

is leeay tu kehta hoo'n..........
is tarah ki batoon mei'n
ehtiyat kartay hei'n
is tarah ki batoo'n say
ijtinab kartay hei'n.....!

[Salauddien Mengal]

Re: Zindagi meri zindagi (Collection)

HAWA KOO LIKHNA JOO AA GYA HEY

Hawa koo likhna joo aa gya hey
ab us ki marzi, k woo khiza'n koo bahar likh day
bahar koo intizar likh day
safar ki khawhish ko waihmoo'n k azaab say hum-kinar likh day
wafa k rustoon pay chalney waloo'n ki kismatoo'n mein ghubar likh day
Hawa koo likhna joo aa gya hey
hawa ki marzi k mousam-e-wasal mei'n hijar koo hisa-dar likh day
muhabatoon mein guzarney wali rutoo'n koo na-pa-e-dar likh day
shajar koo kam saya-dar likh day
Hawa koo likhna joo a gya hey
ab us ki marzi k woo hamaray deeay bujha kar
shaboon ko ba-ikhtiyar kar k, sehar koo be-aitbar likh day
Hawa koo likhna sikhanay waloo
Hawa koo likhna joo aa gya hey

[Salauddien Mengal]

Re: Zindagi meri zindagi (Collection)

Kuch log bohat yad atay hein

Jab Yad ka album kholoo'n tu kuch log bohat yad atay hei'n
Mei'n apna bachpan sochoo'n tu kuch log bohat yad atay hei'n

Ab janay kis nagari mei'n ja kar soay hoay hei'n barsoo'n say
Mein raat ga'ay tak jagoo'n tu kuch log bohat yad atay hei'n

Kuch batai'n thei'n phoolo'n jaisi, kuch khushboo jaisay lehjay they
Mei'n sehan-e-chaman mei'n tehloo'n tu kuch log bohat yad atay hei'n

Jub punchi lout kar atay hei'n or sham ki lali parrti hey
Mei'n jheel kinaray baithoo'n tu kuch log bohat yad atay hei'n

In ulti seedi raikhaoo'n koo pehroo'n chooma kartay they
Mei'n apni hathali daikhoo'n tu kuch log bohat yad atay hei'n

Woo pal bhar ki narazgiyan, or maan b jana pal bhar mei'n
Ab Arshad khud say roothoo'n tu kuch log bohat yad atay hei'n

[Salauddien Mengal]

Re: Zindagi meri zindagi (Collection)

Tum subhoo ka tara lugtay hoo
Ik noor ka dhara lugtay hoo

Yeh phool, charagh kahan tum say
Tum chand sitara lugtay hoo

Kia nirmal, komal lehja hey
Tum shair hamara lugtay hoo

Mei'n behta pani darya ka
Tum aik kinara lugtay hoo

Yeh sari afshan tum say hey
Tum dhanak ka dhara lugtay hoo

Mei'n Arshad raat sumandar sa
Tum dhoop kinara lugtay hoo

[Salauddien Mengal]

Re: Zindagi meri zindagi (Collection)

Kis tarah rookta hoo'n ashkoon koo
Kis tara dil pay jabar karta hoo'n
Aj b karzar-e-hasti mei'm
Jub teray shehar say guzarta hoo'n

Haal-e-dil b na keh saka, garcha
Tu rahi mudatoo'n kareeb meray
Kuch teri azmatoo'n ka darr b tha
Kuch khayalat they ajeeb meray
Akhar-e-kar woo ghari ayee
Bar-war hoo gay rakeeb meray
Tu mujhey choor kar chali b gayi
Khair.... kismat meri, naseeb meray
Ab mei'n kiyoon tuj say payar karta hoo'n
Jub teray shehar say guzarta hoo'n

Goo zamana teri mohabat ka
Aik bhooli hooee kahani hey
Teray koochay mein omer bhar na gay
Sari duniya ki khak chani hey
Lazat-e-kurab hoo k zakham-e-firak
Jo b hey, teri meharbani hey
Kis tamana say tuj koo chaha tha
Kis mohabat say haar mani hey
Apni kismat pay naaz karta hoo'm
Jub teray shehar say guzarta hoo'n

Ashak palkoo'n pay aa nahin saktay
Dik mei'n hey teri abroo ab bhee
Tuj say roshan hey kayanat meri
Teray jalway hei'n char-soo ab bhee
Apney gham khan-e-takheeol mei'n
Tuj say hoti hey guftagoo ab bhee
Mei'n tu mushakal say aah bharta hoo'n
Jub teray shehar say guzarta hoo'n

[Salauddien Mengal]

Re: Zindagi meri zindagi (Collection)

Mohabat phool hoti hey
Mohabat khar hoti hey
Mohabat bhoond bhar pani
Mohabat dhar hoti hey
Mohabat koonj aklooti
Mohabat ddar hoti hey
Mohabat dushman-e-ja'n bhee
Mohabat yar hoti hey
Mohabat jeet bhee shayed
Mohabat haar hoti hey
Mohabat takhat hoti hey
Mohabat dar hoti hey
Kabhi aisa bhee hota hey
Mohabat pass dikhti hey
Magar us par hoti hey

[Salauddien Mengal]

Re: Zindagi meri zindagi (Collection)

Mohabat k sumandar mei'n
otarney say zara pehlay
tumhai'n yeh soochna hoo ga
Mohabat aik sehra hey
jaha'n paoo'n bharaney say
kadam chup-chap jaltay hei'n
Mohabat aisi duniya hey
k is mei'n jis taraf jaoo
koee rusta nahi'n milta
Mohabat aag jaisi hey
yeh seenoo'n mei'n sulagti hey
Mohabat aansoo'n jaisi
Yeh palkoo'n pay chamakti hey
Mohabat dhoop jaisi hey
Kahin saya nahi'n milta
Mohabat barshoo'n jaisi
Mohabat ki fizaoo'n mei'n
hamisha dard milta hey
Mohabat k jazeeray per
judaee bayn karti hey
Mohabat ik diya saa hey
Joo jalta hey hawaoo'n mei'n
Mohabat hey khiza'n jaisi
Mohabat phool jaisi hey
Juda hoo shakh say jub yeh
bikharti toot jati hey
Mohabat k sumandar mein
Otarney say zara pehlay
Tumhai'n yeh soochna hoo ga
Tumhai'n yeh soochna hoo ga