~*Hadith Of The Day*~(DAILY UPDATE)

[.]

Re: ~*Hadith Of The Day*~(DAILY UPDATE)

حضرت عبداللہ بن عمرو رضی اللہ عنہما سے روایت ہے کہ رسول اللہ ﷺ نے ارشاد فرمایا کوئی شخص اس وقت تک (کامل) ایمان والا نہیں ہوسکتا جب تک کہ اس کی نفسانی خواہشات اس دین کے تابع نہ ہوجائیں جسکو میں لے کر آیا ہوں۔

[.]

Re: ~*Hadith Of The Day*~(DAILY UPDATE)

حضرت ابوہریرہ رضی اللہ عنہ سے روایت ہے آنحضرت ﷺ نے فرمایا ایمان کی ساٹھ پر کئی شاخیں ہیں اورحیا (شرم) بھی ایمان کی ایک شاخ ہے۔
(بخاری ، جلد اول کتاب ایمان حدیث نمبر8 )

[.]

Re: ~*Hadith Of The Day*~(DAILY UPDATE)

حضرت ابی سعید رضی اللہ عنہ سے روایت ہے کہ رسول کریم ﷺ پردہ میں رہنے والی کنواری لڑکی سے بھی زیادہ حیا کرنے والے تھے جب آپؐ کو کوئی چیز ناپسند ہوتی تو ہم آپؐ کے چہرے سے جان لیتے۔
(مسلم ، کتاب الفضائل :751)

[.]

Re: ~*Hadith Of The Day*~(DAILY UPDATE)

حضرت ابوہریرہ رضی اللہ عنہ سے روایت ہے کہ رسول اللہ ﷺ نے فرمایا ایمان کے ستر سے کچھ زیادہ شعبے ہیں سب سے افضل (شعبہ) لا الہ الا اللہ (اللہ کے سوا کوئی معبود نہیں) کا اقرار کرنا سب سے کمزور (شعبہ) راستے سے ہڈی (کوئی تکلیف دہ چیز) کا ہٹانا اور حیا ایمان کا ایک حصہ ہے۔
(سنن ابی داوُد، جلد سوئم کتاب السنۃ :4676)

[.]

Re: ~*Hadith Of The Day*~(DAILY UPDATE)

حضرت ابو مسعود رضی اللہ عنہ بیان کرتے ہیں کہ رسول اللہ ﷺ نے فرمایا لوگوں نے سابقہ انبیاء علیہم السلام کے کلام میں سے جو حاصل کیا ہے وہ یہ ہے جب تم حیاء نہ کرو تو پھر جو چاہو کرو۔
(سنن ابی داوُد ،جلد سوئم کتاب الادب :4797)

[.]

Re: ~*Hadith Of The Day*~(DAILY UPDATE)

حضرت عمران بن حصین رضی اللہ عنہ بیان کرتے ہیں کہ رسول اللہ ﷺ نے فرمایا حیاء تمام تر خیر ہے۔
(سنن ابی داوُد جلد سوئم کتاب الادب :4796)

[.]

Re: ~*Hadith Of The Day*~(DAILY UPDATE)

حضرت ثابت بن قیس رضی اللہ عنہ سے روایت ہے کہ ام خلاد نامی عورت نقاب کئے ہوئے نبی کریم ﷺ کی خدمت میں حاضر ہوئی اور وہ اپنے مقتول (شہید) بیٹے کے بارے میں د ریافت کررہی تھی پس نبیؐ کے بعض اصحاب نے کہا آپ اپنے (شہید ہونے والے) بیٹے کے بارے پوچھ رہی ہیں اور (اتنی مصیبت اور غم کے باوجود) آپ نقاب کئے ہوئے ہیں اس (عظیم خاتون) نے کہا اگر میرا لختِ جگر جدا ہوگیا تو میں اپنے حیاء کے دامن کو تو نہیں چھوڑ دوں گی۔ پس رسولؐ نے فرمایا: تیرے بیٹے کے لئے دو شہیدوں کا اجر ہے اس نے کہا اے اللہ کے رسول ﷺ یہ کیوں؟ آپؐ نے فرمایا کیونکہ اسے اہل کتاب نے قتل (شہید) کیا ہے۔
(سنن ابی داوُد، جلد دوم کتاب الجہاد :2488)

[.]

Re: ~*Hadith Of The Day*~(DAILY UPDATE)

حضرت ابی ایوب رضی اللہ عنہ سے روایت ہے کہ رسول اللہ ﷺ نے فرمایا چار چیزیں سب پیغمبروں کی سنت ہیں۔ شرم اور عطر لگانا اور مسواک کرنا اور نکاح کرنا۔
(جامع ترمذی، جلد اول باب النکاح 1079)

[.]

Re: ~*Hadith Of The Day*~(DAILY UPDATE)

۱۔ جنت سے قریب اور دوزخ سے دور رہنے کا نسخہ

حضرت ابو ایوبؓ راوی ہیں کہ ایک سفر میں ایک بدوی رسول اﷲﷺ کے سامنے آ کھڑا ہوا۔ اُس نے آپ کے ناقہ کی مُہار پکڑ لی اور آپ کا نام لے کر کہا اے محمد!(ﷺ ) مجھے وہ بات بتاؤ جو جنت سے مجھے قریب اور آتش دوزخ سے دور کر دے ؟ آپﷺ جواب دینے کے لئے رُک گئے اور اپنے رفقاء کو متوجہ کرتے ہوئے فرمایا کہ اس کو اچھی توفیق ملی۔ پھر بدوی کو جواب دیتے ہوئے فرمایا ’’عبادت اور بندگی کرتے رہو صرف اﷲ کی اور کسی چیز کو اُس کے ساتھ کسی طرح بھی شریک نہ کرو۔ اور نماز قائم کرتے رہو اور زکوٰۃ ادا کرتے رہو۔ اور صلۂ رحمی کرو۔ ( مسلم)

[.]

Re: ~*Hadith Of The Day*~(DAILY UPDATE)

حضرت ابُو امامہ سے روایت ہے کہ کسی نے رسول اﷲﷺ سے پوچھاکہ ایمان کیا ہے ؟ آپ نے فرمایا کہ جب تم کو اپنے اچھے عمل سے مسرت ہو اور بُرے کام سے رنج و قلق ہو تو تم مومن ہو۔ (مسند احمد)

[.]

Re: ~*Hadith Of The Day*~(DAILY UPDATE)

حضرت انسؓ رسول اللہﷺ سے روایت کرتے ہیں کہ جس شخص میں یہ تین باتیں پائی جائیں گی، ایمان کی حلاوت اُسی کو نصیب ہو گی۔ ایک یہ کہ اﷲا ور رسول کی محبت اُس کو تمام ماسو اسے زیادہ ہو۔ دوسرے یہ کہ جس آدمی سے بھی اُس کو محبت ہو صرف اﷲ ہی کے لئے ہو۔ تیسرے یہ کہ ایمان کے بعد کفر کی طرف پلٹنے سے اُس کو اتنی نفرت اور ایسی اذیت ہو جیسی کہ آگ میں ڈالے جانے سے ہوتی ہے۔ (مسلم)

[.]

Re: ~*Hadith Of The Day*~(DAILY UPDATE)

حضرت معاذ بن جبلؓ کہتے ہیں کہ میں نے نبیﷺ سے افضل ایمان کے متعلق سوال کیا تو آپ نے ارشاد فرمایا کہ’’ بس اﷲ ہی کے لیے کسی سے تمہاری محبت ہو، اور اﷲ ہی کے واسطے بغض و عداوت ہو۔ دوسرے یہ کہ اپنی زبان کو تم اﷲ کی یاد میں لگائے رکھو۔ اور یہ کہ دوسرے لوگوں کے لیے بھی وہی پسند کرو، جو اپنے لئے پسند کرتے ہو۔ اور ان کے لیے بھی اُن چیزوں کو ناپسند کرو جو اپنے لئے ناپسند کرتے ہو۔‘‘ (مسند احمد)

[.]

Re: ~*Hadith Of The Day*~(DAILY UPDATE)

حضرت ابو ہریرہؓ نبیﷺ سے روایت کرتے ہیں کہ ہے کہ:’’مسلم وہ ہے جس کی زبان درازیوں اور دست درازیوں سے مسلمان محفوظ رہیں۔ اور مومن وہ ہے جس کی طرف سے اپنی جان و مال کے بارے میں لوگوں کو کوئی خوف و خطرہ نہ ہو‘‘۔ (ترمذی، نسائی)

[.]

Re: ~*Hadith Of The Day*~(DAILY UPDATE)

حضرت ابو سعید خدریؓ مروی ہیں کہ رسول اﷲﷺ نے فرمایا: جو کوئی تم میں سے کوئی بُری اور خلاف شرع بات دیکھے تو اگر طاقت رکھتا ہو تو لازم ہے کہ اپنے ہاتھ سے اس کو بدلنے کی کوشش کرے۔ اگر طاقت نہ رکھتا ہو تو پھر اپنی زبان سے اس کو بدلنے کی کوشش کرے۔ اگر اس کی بھی طاقت نہ رکھتا ہو تو اپنے دل ہی میں اسے بُرا جانے مگر یہ ایمان کا ضعیف ترین درجہ ہے۔ (مسلم)

[.]

Re: ~*Hadith Of The Day*~(DAILY UPDATE)

حضرت صفوان بن سلیمؓ سے روایت ہے کہ نبیﷺ سے عرض کیا گیا کہ کیا مسلمان بزدل ہو سکتا ہے ؟ آپ نے فرمایا، ہاں ! پھر عرض کیا گیا کہ کیا مسلمان بخیل ہو سکتا ہے ؟ آپ نے فرمایا:’’ہاں ! پھر عرض کیا گیا : کیا مسلمان کذاب یعنی بہت جھوٹا ہو سکتا ہے ؟ آپ نے فرمایا کہ نہیں !(رواہ مالک و بیہقی )