~*Hadith Of The Day*~(DAILY UPDATE)

[.]

Re: ~*Hadith Of The Day*~(DAILY UPDATE)

…اس کے بعد رسول اﷲﷺ نے فرمایا: کہ قیامت کے دن بعد اﷲ تعالیٰ ایک بندہ سے ملے گا۔یہ بندہ عرض کرے گا کہ اے پروردگار میں تجھ پر ایمان لایا۔ اور تیری کتاب پر، اور تیرے رسولوں پر ایمان لایا۔ اور میں نے نمازیں پڑھیں، روزے رکھے اور صدقہ بھی ادا کیا۔ پھر اسکے منہ پر مہر لگا دی جائے گی اور اس کے اعضاء کو حکم دیا جائے گا کہ بول! تو اس کے اعضاء اور اس کا گوشت، اور اس کی ہڈیاں اُس کے اعمال کی گواہی دیں گے۔ اﷲ تعالیٰ یہ اس لیے کرے گا کہ اس کا عذر باقی نہ رہے۔ یہ منافق ہو گا اور اﷲ تعالیٰ اس پر ناراض ہو گا۔ (مسلم)

[.]

Re: ~*Hadith Of The Day*~(DAILY UPDATE)

حضرت عائشہ صدیقہؓ سے روایت ہے کہ انہیں ایک دفعہ دوزخ کا خیال آیا تو وہ رونے لگیں۔ رسول اﷲﷺ نے پوچھا، تمہیں کس چیز نے رُلایا؟ عرض کیا کہ مجھے دوزخ یاد آئی اور اسی کے خوف نے مجھے رُلایا ہے۔ کیا آپ قیامت کے دن اپنے گھر والوں کو یاد رکھیں گے ؟ رسول اﷲﷺ نے فرمایا: ’’تین جگہ تو کوئی کسی کو یاد نہیں کرے گا۔ایک وزنِ اعمال کے وقت، جب تک کہ یہ نہ معلوم ہو جائے کہ اس کے اعمال کا وزن ہلکا ہے یا بھاری۔ دوسرے اعمالناموں کے ملنے کے وقت یہاں تک کہ معلوم ہو جائے کہ کس ہاتھ میں دیا جاتا ہے اس کا اعمال نامہ۔ آیا داہنے ہاتھ میں یا پیچھے کی جانب سے بائیں ہاتھ میں۔ اور تیسرے پُل صراط پر جبکہ وہ رکھا جائے گا جہنم کے اوپر اور سب کو اس پر سے گزرنے کا حکم دیا جائے گا۔ (ابو داؤد)

[.]

Re: ~*Hadith Of The Day*~(DAILY UPDATE)

حضرت عائشہ صدیقہؓ سے روایت ہے کہ میں نے بعض نمازوں میں رسول اﷲﷺ کو یہ دعا کرتے ہوئے سُنا: اَللّٰھُمَّ حَا سِبْنِیْ حِسَاباً یَّسِیْراً (اے اﷲ! میرا حساب آسان فرما)میں نے عرض کیا ’’حضرت! آسان حساب کا کیا مطلب ہے ؟‘‘ آپ نے فرمایا:’’ آسان حساب یہ ہے کہ بندہ کے اعمال نامہ پر نظر ڈالی جائے اور اس سے درگذر کی جائے۔بات یہ ہے کہ جس کے حساب میں اس دن جرح کی جائے گی، اے عائشہؓ ! وہ ہلاک ہو جائے گا۔ (مسند احمد)

[.]

Re: ~*Hadith Of The Day*~(DAILY UPDATE)

عبداﷲ بن عمرو سے روایت ہے کہ رسول اﷲﷺ نے فرمایا: میرے حوض کی مسافت ایک مہینہ کی ہے۔ اور اسکے زاویے بالکل برابر ہیں۔اس کا پانی دودھ سے زیادہ سفید ہے۔ اس کی خوشبو مشک سے بھی بہتر ہے۔ اور اس کے کوزے آسمان کے تاروں کی طرح ہیں۔ جو اس کا پانی پئے گا وہ کبھی پیاس میں مبتلا نہیں ہو گا۔ (مسلم)

[.]

Re: ~*Hadith Of The Day*~(DAILY UPDATE)

حضرت ثوبانؓ رسول اﷲﷺ سے روایت کرتے ہیں کہ آپ نے فرمایا کہ میرے حوض کی مسافت اتنی ہے جتنی کہ عَدَنْ سے عَمّانِ بَلْقَاء تک۔ اس کا پانی دودھ سے زیادہ سفید اور شہد سے زیادہ شیریں ہے۔ اس کے گلاس گنتی میں آسمان کے ستاروں کی طرح ہیں۔ جو اس میں سے ایک دفعہ پی لے گا، اسے بعد میں کبھی پیاس کی تکلیف نہیں ہو گی۔ اس حوض پر سب لوگوں سے پہلے میرے پاس پہنچنے والے فقراء مہاجرین ہوں گے۔ پریشان و پراگندہ سروں والے، میلے کچیلے کپڑوں والے، جن کا نکاح خوش حال و خوش عیش عورتوں سے نہیں ہو سکتا اور جن کے لیے دروازے نہیں کھولے جاتے۔ (احمد، ترمذی، ابن ماجہ)

[.]

Re: ~*Hadith Of The Day*~(DAILY UPDATE)

حضرت سمرہؓ سے روایت ہے کہ رسول اﷲﷺ نے فرمایا کہ آخرت میں ہر نبی کا ایک حوض ہو گا۔ اور ان کے درمیان اس پر فخر ہو گا کہ ان میں سے کس کے پاس پینے والے زیادہ آتے ہیں اور میں امید رکھتا ہوں کہ سب سے زیادہ لوگ پینے کے لیے میرے پاس آئیں گے۔ (ترمذی)

[.]

Re: ~*Hadith Of The Day*~(DAILY UPDATE)

خادم رسولﷺ حضرت انسؓ سے روایت ہے کہ میں نے حضورﷺ سے عرض کیا کہ قیامت کے روز آپ میری سفارش فرمائیے گا! آپ نے فرمایا کہ میں تمہارا یہ کام کروں گا۔ میں نے عرض کیا تو میں آپ کو کہاں تلاش کروں ؟ آپﷺ نے فرمایا سب سے پہلے جب تمہیں میری تلاش ہو تو پلِ صراط پر مجھے دیکھنا۔ میں نے عرض کیا اگر میں آپ کو پل صراط پر نہ پاسکوں تو پھر کہاں تلاش کروں ؟ آپﷺ نے فرمایا تو پھر مجھے میزان کے پاس تلاش کرنا! میں نے عرض کیا اور اگر میں میزان کے پاس بھی آپ کو نہ پاسکوں تو پھر کہاں تلاش کروں ؟ آپ نے فرمایا پھر مجھے حوضِ کوثر کے پاس دیکھنا! کیونکہ میں اس وقت ان تین مقامات سے دور کہیں نہیں جاؤں گا۔ (ترمذی)

[.]

Re: ~*Hadith Of The Day*~(DAILY UPDATE)

حضرت ابو ہریرہؓ کہتے ہیں کہ میں نے رسول اﷲﷺ سے عرض کیا کہ مخلوق کس چیز سے پیدا کی گئی؟ آپؐ نے فرمایا پانی سے۔ پھر ہم نے عرض کیا کہ جنت کس چیز سے بنی؟ آپﷺ نے فرمایا: اس کی تعمیر اس طرح ہے کہ ایک اینٹ سونے کی اور ایک اینٹ چاندی کی اور اس کا مسالہ تیز خوشبودار مشک ہے۔ وہاں کے سنگریزے جو بچھے ہوئے ہیں وہ موتی اور یاقوت ہیں۔ وہاں کی خاک گویا زعفران ہے۔ جو لوگ اس جنت میں پہنچیں گے ہمیشہ عیش اور چین سے رہیں گے۔ کوئی تنگی یا تکلیف ان کو نہ ہو گی۔وہ ہمیشہ زندہ رہیں گے کہ وہاں ان کو موت نہیں آئے گی۔ کبھی ان کے کپڑے پرانے اور خستہ نہ ہوں گے اور نہ ہی ان کی جوانی کبھی زائل ہو گی۔(مسند احمد و ترمذی )

[.]

Re: ~*Hadith Of The Day*~(DAILY UPDATE)

عبداﷲ بن الحارث سے روایت ہے کہ رسول اﷲﷺ نے بیان فرمایا: جہنم میں سانپ ہیں، جو اپنی جسامت میں بختی اونٹوں کے برابر ہیں اور وہ اس قدر زہریلے ہیں کہ ان میں کا کوئی سانپ جس دوزخی کو ایک دفعہ ڈسے گا تو چالیس سال کی مدت وہ اس کے زہر کا اثر پائے گا۔ اسی طرح دوزخ میں بچھو ہیں جو خچروں کی مانند ہیں۔ ان میں سے کوئی کسی دوزخی کو ایک دفعہ ڈنک مارے گا تو چالیس سال تک وہ اس کے زہر کی تکلیف پائے گا۔ (مسند احمد)

[.]

Re: ~*Hadith Of The Day*~(DAILY UPDATE)

حضرت ابو سعید خدریؓ سے روایت ہے کہ رسول اﷲﷺ ایک دن نماز کے لئے گھر سے مسجد تشریف لائے تو آپ نے لوگوں کو اس حال میں دیکھا کہ کھِل کھلا کر ہنس رہے ہیں۔رسول اﷲﷺ نے ارشاد فرمایا: اگر تم لوگ لذتوں کو توڑ دینے والی موت کو زیادہ یاد کرو تو وہ تمہیں اس غفلت میں مبتلا نہ ہونے دے۔ حقیقت یہ ہے کہ قبر ہر روز پکارتی ہے کہ میں مسافرت اور تنہائی کا گھر ہوں۔ میں مٹی اور کیڑوں کا گھر ہوں۔(ترمذی)

[.]

Re: ~*Hadith Of The Day*~(DAILY UPDATE)

جب وہ بندہ زمین کے سپرد کیا جاتا ہے جو حقیقی مومن و مسلم ہو تو زمین کہتی ہے مرحبا! خوب آئے اور اپنے ہی گھر آئے۔ تمہیں معلوم ہونا چاہئے کہ جتنے لوگ میرے اوپر چلتے تھے ان میں سب سے زیادہ محبوب اور چہیتے مجھے تم ہی تھے۔ پھر وہ زمین اُس بندۂ مومن کے لئے حد نگاہ تک وسیع ہو جاتی ہے اور اُس کے واسطے جنت کی طرف ایک دروازہ کھول دیا جاتا ہے۔ (ترمذی)

[.]

Re: ~*Hadith Of The Day*~(DAILY UPDATE)

۔قبر جنت کا باغیچہ ہے یا دوزخ کا خندق

…جب کوئی سخت بدکار قسم کا آدمی یا ایمان نہ لانے والا آدمی زمین کے سپرد کیا جاتا ہے تو زمین اُس سے کہتی ہے کہ جتنے آدمی میرے اوپر چلتے پھرتے تھے تو مجھے ان سب سے زیادہ نا پسندیدہ تھا اور آج جب تو میرے حوالہ کر دیا گیا ہے اور میرے قبضے میں آ گیا ہے تو ابھی تو دیکھے گا کہ میں تیرے ساتھ کیا کرتی ہوں۔ آپﷺ نے فرمایا کہ پھر وہ زمین ہر طرف سے اُس کو بھینچتی اور دباتی ہے یہاں تک کہ اس دباؤ سے اس کی پسلیاں ادھر اُدھر ہو جاتی ہیں۔پھر اس پر ستر اژدھے مسلط کر دیئے جاتے ہیں جن میں سے ایک اگر زمین میں پھنکار مارے تو رہتی دنیا تک وہ زمین کوئی سبزہ نہ اگاسکے۔ پھر یہ اژدھے اسے برابر کاٹتے نوچتے رہیں گے، یہاں تک کہ قیامت اور حشر کے بعد وہ حساب کے مقام تک پہنچا دیا جائے۔ حضورؐ نے یہ بھی فرمایا کہ قبر یا تو جنت کے باغیچوں میں سے ایک باغیچہ ہے یا دوزخ کے خندقوں میں سے ایک خندق۔ (جامع ترمذی)

[.]

Re: ~*Hadith Of The Day*~(DAILY UPDATE)

رسول الله صلى الله عليه وسلم نے فرمایا:
بچہ جب سات سال کا ہو جائے تو اسے نماز کا حکم دو اور جب دس سال کا ہو جائے (اور نہ پڑھے) تو اسے مارو.
سنن ابو داؤد 494

[.]

Re: ~*Hadith Of The Day*~(DAILY UPDATE)

حضرت سہل بن سعد رضی الله عنه سے روایت ہے, انہوں نے فرمایا:
ہم لوگ دوپہر کا آرام جمعے کے بعد ہی کیا کرتے تھے اور کھانا بھی جمعے کے بعد کھایا کرتے تھے.
صحیح بخاری 939 , سنن ابن ماجہ 1099

[.]

Re: ~*Hadith Of The Day*~(DAILY UPDATE)

رسول الله صلى الله عليه وسلم نے فرمایا:
زمین میرے لیے پاک کرنے والی بنائی گئی ہے اور جائے سجدہ بھی.
سنن ابو داؤد 489