MonthlY poetry contest of month Januray.

[I Am In Love]

Re: MonthlY poetry contest of month Januray.

Aankh Ban Jati Hay Sawan Ke Ghata Shaam Kay Baad
Lout Jata Hay Ager Koee Khafa Shaam Kay Baad

Wo Jo Tal Jati Rahi Sar Say Bala Shaam Kay Baad
Koee Tu Tha Keh Jo Deta Tha Dua Shaam Kay Baad

Aahain Bharti Hay Shab -e- Hijar Yateemo Ke Tarah
Sard Ho Jati Hay Har Roz Hawa Shaam Kay Baad

Shaam Tak Qaid Raha Kartay Hain Dil Kay Andar
Dard Ho Jatay Hain Saray He Reha Shaam Kay Baad

Log Thak Haar Kay So Jatay Hain Lakin Jana
Ham Nay Khush Ho Kay Tera Dard Saha Shaam Kay Baad

Shaam Say Pehlay Talak Laakh Sulayey Rakhay
Jaag Uthti Hay Mohabbat Ke Ana Shaam Kay Baad

Khowab Takra Kay Palat Jatay Hain Band Aankhoon Say
Janay Kis Jurm Ke Kis Ko Hay Saza Shaam Kay Baad

Chaand Jab Ro Kay Setaroon Say Galay Milta Hay
Ak Ajab Rang Ke Hoti Hay Fiza Shaam Kay Baad

Ham Nay Tanhaii Say Pucha Keh Milo Ge Kab Tak
Us Nay Be-chaini Say Foran He Kaha Shaam Kay Baad

Main Ager Khush Bhi Rahoon Pher Bhi Meray Seenay Main
So-gawari Koee Roti Hay Sada Shaam Kay Baad

Tum Gaye Ho Tu Siya Rang Kay Kapray Pehnay
Phirti Rehti Hay Meray Ghar Main Qaza Shaam Kay Baad

Lout Aati Hay Meri Shab Ke Ebadat Khali
Janay Kis Arsh Pay Rehta Hay Khuda Shaam Kay Baad

Din Ajab Muthi Main Jakray Howay Rakhta Hay Mujhay
Mujh Ko Is Baat Ka Ahsaas Howa Shaam Kay Baad

Koee Bhola Howa Ghum Hay Jo Musalsal Mujh Ko
Dil Kay Pataal Say Deta Hay Sada Shaam Kay Baad

Maar Deta Hay Ujar Janay Ka Dhora Khayal
Kaash Koee Kisi Say Na Ho Juda Shaam Kay Baad

[I Am In Love]

Re: MonthlY poetry contest of month Januray.

Apnay Ashkon Ko Khud Say Chupa Kar Rona
Jab Bhi Rona Chirago Ko Bujha Kar Rona

Log Parh Laitay Hain Chehray Pay Likhi Tehreerain
Kitna Mushkil Hay Logo Say Chupa Kar Rona

Apni Barbaadi Ka Ham Khud Sabab Hain Yaaro
Ab Kis Say Gila Karay Kis Ko Suna Kar Rona

Wo Tanhaii Main Bohat Roya Tha Nasir
Main Nay Chaha Tha Jisay Seenay Say Laga Kar Rona

[pErIsH_BoY]

Re: MonthlY poetry contest of month Januray.

~~mErI TaNhai ~~
~~ pOeM # 15 ~~

Wo qisa-e-gham sunata raha.
Mera zabt azmata raha.

Aaj sar-e-bazam wo apne.
Dil k dagh dikhata raha.

Noha-e-dil-e-barbad koi.
Akhir-e-shab ko gata raha.

Kisi k hath min teer the.
Koi zakhm sehlata raha.

Wo sakun ka matlashi tha.
Aur mujhe dard bhata raha.

Us ki tanhai ka khayal.
Mujhe har pal satata raha.

Kya he hijar-o-wasal aakhir.
Waqt mujhe samjhata raha.

Bulane se wo nhi bhula.
Reh reh kar yad aata raha.

Raqabat ki intiha dekho.
Suraj diya bujhata raha.

Khak hoi min jal jal kar.
Zamana rakh urata raha.

Us ki aankh ka pani .
Mujhe shab bhar rulata raha.

[I Am In Love]

Re: MonthlY poetry contest of month Januray.

Pichlay Pehar Ki Raat Thi
Tanhaii Or Un Ki Yaad Thi

Chaand Nay Mujh Say Pucha Koun Hay?
Main Nay Kaha Koii Saath Nahi

Pucha , Zindagi Kesi Hay?
Main Nay Kaha Koii Khaas Nahi

Pucha , Phir Kia Chahatay Ho ?
Main Nay Kaha Koii Aas Nahi

Pucha , Tum Nay Pyaar Kia Tha
Main Nay Kaha Kuch Yaad Nahi

Pucha, Tumharay Saath Bhi Dhoka Howa ?
Main Nay Kaha Easi Koii Baat Nahi

Pucha , Phir Ak Baat Kaho Tum Say ?
Main Nay Kaha Koii Ahtaraaz Nahi

Kaha, Phir Tum Nay Bhi Pyaar Kia Hay
Or Ab Wo Teray Saath Nahi !!

[I Am In Love]

Re: MonthlY poetry contest of month Januray.

Meray Jaisay Ban Jaao Gay Jab Ishq Tumhay Ho Jaaye Ga
Diwaaron Say Sar Takaraao Gay Jab Ishq Tumhay Ho Jaaye Ga

Har Baat Gavaaraa Kar Lo Gay, Mannat Bhii Utaaraa Karo Gay
Taaveezen Bhi Bandhwao Gay Jab Ishq Tumnhay Ho Jaaye Ga

Tanhaii Ke Jhoole Khulay Gi Har Baat Puraani Bhulao Gay
Aainay Say Tum Ghabrao Gay Jab Ishq Tumhay Ho Jaaye Ga

Jab Suraj Bhi Kho Jaaye Ga Or Chaand Kahi So Jaaye Ga
Tum Bhi Ghar Der Se Aao Gay Jab Ishq Tumhay Ho Jaaye Ga

Be-Chaini Barh Jaaye Gi Or Yaad Kisi Ki Aaye Gi
Tumhein Meri Ghazal Yaad Aaye Gi Jab Ishq Tumhein Ho Jaaye Ga

[I Am In Love]

Re: MonthlY poetry contest of month Januray.

Ujray Howay Logo Say Guraizaa Na Howa Kar
Halaat Ki Qabron Kay Kutbay Bhi Parha Kar

Kia Janiye Kyun Taiz Hawa Soch Main Gum Hay
Khowabida Parindo Ko Darakhton Say Ura Kar

Us Shaks Kay Tum Say Bhi Marasim Hain Tu Hon Gaye
Wo Jhoot Na Bolay Ga Meray Samnay Aa Kar

Ab Dastakay Day Ga Tu Kaha Ay Ghum -e- Ahbaab
Main Nay Tu Kaha Tha Keh Meray DIL Main Raha Kar

Har Waqt Ka Hansna Kahi Tujhay Barbaad Na Kar Day
Tanhaii Kay Lamho Main Kabhi Ro Bhi Liya Kar

Wo Aaj Bhi Sadyon Ki Musafat Pay Khara Hay
Dhoonda Tha Jisay Waqt Ki Deewar Gira Kar

Ay Dil Tujhay Dushman Ki Pehchaan Kaha Hay
Tu Halqa -e- Yaara Main Bhi Mohtaat Raha Kar

Main Mar Bhi Chuka, Mil Bhi Chuka Mouj -e- Hawa Main
Ab Rait Kay Seenay Pay Mera Naam Likha Kar

Pehla Sa Kaha Ab Meri Raftaar Ka Aalam
Ay Gardish -e- Douran Zara Tham Tham Kay Chala Kar

Is Rutt Main Kaha Phool Khilay Gaye Dil -e- Nadaan
Zakhmo Ko Hi Wabasta -e- Zanjeer -e- Saba Kar

Ak Roh Ki Faryaad Nay Chonka Dia Mujh Ko
Tu Ab Tu Mujhay Jisam Kay ZindaN Say Raha Kar

Is Shab Kay Muqaddar Main Sehar Hi Nahi MOHSIN
Dekha Hay Kaii Baar Charago Ko Bhuja Kar
[ Mohsin Naqvi ]

[I Am In Love]

Re: MonthlY poetry contest of month Januray.

Shaam Hotay Hi Dil Na Janay Kaha Kho Jata Hay
Din Bhar Edhar Uthar Bhatak Kar Lout Aata Hay

Gum Sum Sehma Sa Khoya Khoya Kyun Rehta Hay
Yaadon Ka Halka Halka Dard Tanhaii Main Tarpata Hay

Main Nay Apnay Zakhmoo Ko See Rakha Hay Barsoo Say
Rasnay Lagta Barsaat Main Aa Kay Koun Diya Jalata Hay

Thar-Tharatay Honton Say Qissa -e- Ghum Kia Sunaye
Chaand Bhi Meri Be Basi Pay Khoob Muskurata Hay

Kyun Hoti Hay Barsaat Kyun Zakham Ubhartay Hain IFGAAR**
Koun Mujhay Raaton Main Aa Kar Be Waja Jagata Hay
[ Abdulrasheed Ifgaar ]

[I Am In Love]

Re: MonthlY poetry contest of month Januray.

Bin Us Kay Zindagi Dard Hay Tanhaii Hay
Meri Aankhon Main Kyun Mout Simat Aai Hay

Mehfil Main Reh Kar Bhi Tanha Rehna
Yeh Ada Us Ki Mohabbat Nay Sekhlaii Hay

Kehtay Hain Log Ishq Ko Ebaadat Yaron
Ebaadat Main Phir Kyun Ruswaii Hay

Wo Na Aaye Dil Ko Behlanay Meray
Shab -e- Hijar Main Us Ki Yaad Chali Aai Hay

Mehfil Main Reh Kar Bhi Tanha Rehna
Yeh Ada Us Ke Mohabbat Nay Seekhaii Hay

Yeh Bhi Us Ke Mohabbat Ke Anayat Hay Yaron
Main Tamasha Bana Or Dunya Tamashaii Hay

Intazar Main Kese Kay Na Raat Ko Barbaad Karna
Dobtay Taaron Nay Mujhay Yeh Baat Samjhaii Hay

Us Say Taluq Hay Kuch Aisa Raha Yaron
Jab Bhi Socha Usay Aankh Bhar Aai Hay

[I Am In Love]

Re: MonthlY poetry contest of month Januray.

Ajnabi Shaher Kay Ajnabi Rastay Meri Tanhaii Pay Muskuratay Rahay
Main Bohat Dair Tak Yoon He Chalta Raha Tum Bohat Dair Tak Yaad Aatay Rahay

Zehar Milta Raha Zehar Peetay Rahay Roz Martay Rahay Roz Jeetay Rahay
Zindagi Bhi Hamay Aazmati Rahi Or Ham Bhi Usay Aazmatay Rahay

Zakham Jab Bhi Koi Zehan -o- Dil Per Laga Zindagi Ke Taraf Ak Daricha Khula
Ham Bhi Goya Kese Saaz Ke Taar Hain Chout Khatay Rahay Gungunatay Rahay

Kal Kuch Esa Howa Main Bohat Thakh Gia Is Liye Sun Kay Bhi An-Suni Kar Gia
Kitni Yaadon Kay Bhatkay Howay Karwan Dil Kay Zakhmo Kay Dar Kat-khatatay Rahay

[I Am In Love]

Re: MonthlY poetry contest of month Januray.

Baaton Baaton Main Becharnay Ka Ishara Kar Kay
Khud Bhi Roya Wo Bohat Ham Say Kinara Kar Kay

Sochta Rehta Hoon Tanhaii Main Anjam -e- Khaloos
Phir Usi Jurm -e- Mohabbat Ko Dobara Kar Kay

Jagmaga Di Hay Teray Shaher Ki Galiyaan Main Nay
Apnay Ashkon Ko Palkon Pay Sitara Kar Kay

Dekh Laitay Hain Chalo Hosla Apnay Dil Ka
Aur Kuch Roz Teray Saath Guzara Kar Kay

Aik He Shaher Main Rehna Hay Mager Milna Nahi
Dekhtay Hain Yeh Aziyat Bhi Gawara Kar Kay

[I Am In Love]

Re: MonthlY poetry contest of month Januray.

Badnaam Zamanay Main Mohabbat Nahi Kartay
Dil Walay Tu Dushman Say Bhi Nafrat Nahi Kartay

Ak Baar Jisay Chaha Sada Us Kay Rahay Phir
Hum Log Amanat Main Khayanat Nahi Kartay

Tanhaii Main Kar Laitay Hain Yaad Aansoo Baha Kar Unhain
Zahir Kabhi Hum Apni Ibadat Nahi Kartay

Waqt Apnay Pay Maloom Ye Ho Jaye Ga Tum Ko
Keh Hum Sirf Dekhaway Ki Mohabbat Nahi Kartay

Likhtay Hain Faqat Tumharay Liye Ghazalain
Hum Har Shaks Pay Aisi Anayat Nahi Kartay

[pErIsH_BoY]

Re: MonthlY poetry contest of month Januray.

~~mErI TaNhai ~~
~~ pOeM # 16 ~~

Wo mohabbat min ye kesi wafa de gaya.
khush rahon use bhool kar ye dua de gaya.

Koi raqeeb hota to min bhool jati use.
Habib ban kar bhi wo mujhe jafa de gaya.

Chala gaya wo guzre hoe mosam ki trah.
Mujhe tanhai min jine ki baqa de gaya.

Chaand ban kar utarna tha mere aangan min.
Wo dard ki barish aur thandi hawa de gaya.

Kitna mushkil he khud ko samjhana.
Jab mout se bhi barh kar koi saza de gaya.

[I Am In Love]

Re: MonthlY poetry contest of month Januray.

Teri Khushbo Ka Pata Karti Hay
Mujh Pay Ahsaan Hawa Karti Hay

Choom Kar Phool Ko Aahista Say
Moujaza Baad -e- Saba Karti Hay

Hum Nay Dekhi Hay Wo Ujli Saa'at
Raat Jab Sher Kaha Karti Hay

Shab Ke Tanhaii Main Ab Tu Akser
Guftagu Tujh Say Raha Karti Hay

Dil Ko Us Rah Pay Chalna He Nahi
Jo Mujhay Tujh Say Juda Karti Hay

Zindagi Meri Thi Lakin Ab Tu
Teray Kehnay Main Raha Karti Hay

[ Parveen Shaker ]

[I Am In Love]

Re: MonthlY poetry contest of month Januray.

Ho Na Dunya Main Koii Hum Sa Pyasa Logo
Jee Main Aata Hay Keh Pee Jaye Ye Darya Logo

Kitni Is Shehar Kay Sakhiyon Ki Suni Thi Baatain
Hum Jo Aaye Tu Kesi Nay Bhi Na Pucha Logo

Itafaqan Hi Sahi, Per Koii Dar Tu Khulta
Jhilmilata Pas -e- Chilman Koii Saya Logo

Sab Kay Sab Mast Rahay Apnay Nehaan Khano Main
Koii Kuch Baat Musafir Ki Bhi Sunta Logo

Hongaye Is Shehar Main Kuch Usay Bhi Parhnay Walay
Yon Tu Ye Shaks Bhi Mashoor Tha Khasa Logo

Kesi Daaman, Kesi Aanchal Ki Hawa Tu Milti
Jab Sar -e- Rah Ye Wa'manda Gira Tha Logo

Ak Tasveer Thi Kia Janiye Kis Ki Tasveer
Naqsh Mauhoom Say Or Rang Ura Sa Logo

Ak Aawaz Thi Kia Janiye Kis Ki Aawaz
Us Nay Aawaz Ka Rishta Bhi Na Rakha Logo

Kuch Pata Is Ka Humain Ho Tu Tumhain Batla'ain
Koun Ghar, Koun Nagar, Koun Mohalla Logo

Chand Hurfon Ka Mo'amma Tha Wo Uljha Suljha
Us Nay Tu Naam Bhi Pora Na Bataya Logo

Haaye, Ye Dard Keh Mushkil Say Thama Tha Dil Main
Chaand Poonam Ka Abhi Say Nikal Aaya Logo

Phir Wahi Dasht, Wahi Dasht Ki Tanhaii Hay
Wehshat -e- DIL Nay Kahi Ka Na Rakha Logo

Us Main Himmat Hay, Tu Dar Aaye Utha Day Ye Hisaar
Apnay Gunbaad Main Tu Dar Hay Na Dareecha Logo

Jee Kay Jee Hi Main Rahin Hasratain Tofaanon Ki
Ye Safeena Tu Kinaray Pay Hi Doba Logo

Aaj Ki Daak Say Kia Koye Lefafa Aaya
Kesi Sargoshi Kartay Ho, Aray Kia Logo ?

Koye Paigaam -e- Zubani Bhi Nahi, Kuch Bhi Nahi
Hum Nay Apnay Ko Bohat Dair Sambhala Logo

Band Aankhain Hoii Jati Hain, Pasaarain Paa'on
Neend Si Neend ? Humain Ab Na Uthana Logo

Ak Hi Shab Hay Taveel Itni, Taveel Itni, Taveel,
Apnay Aayaam Main Amroz Na Farda Logo

Ab Koii Aaye Tu Kehna Keh Musafir Tu Gaye
Ye Bhi Kehna Keh, Bhala Ab Bhi Na Jata Logo

Rah Taktay Howay Pathra See Gaii Thin Aankhain
Aah Bharta Howa Chalni Howa Seena Logo

Hont Jaltay Thay Jo Layta Tha Kabhi Aap Ka Naam
Is Tarah Or Kesi Ko Na Satana Logo

[pErIsH_BoY]

Re: MonthlY poetry contest of month Januray.

~~mErI TaNhai ~~
~~ pOeM # 17 ~~

Bht toote hoe hen hum, abhi dastak nhi dena.
Humari ankh he purnam, abhi dastak nhi dena.

Mere yaron abhi kuch din mere ahwal mat pucho.
Abhi dil min he us ka gham, abhi dastak nhi dena.

Shab-e-tanhai min tarapna he bht mujh ko.
Abhi he dard kuch madham, abhi dastak nhi dena.