sarfraz chouhdary,s most wanted

[sarfraz_qamar]

Re: sarfraz chouhdary,s most wanted

jinhe.n mai.n Dhuu.NDhataa thaa aasmaano.n me.n zamiino.n me.n
vo nikale mere zulmat-e-Khaanaa-e-dil ke makiino.n me.n

mahiine vasl ke gha.Diyo.n kii suurat u.Date jaate hai.n
magar gha.Diyaa.N judaa_ii kii guzaratii hai mahino.n me.n

mujhe rokegaa tuu ai naaKhudaa kyaa garq hone se
ki jin ko Duubanaa hai Duub jaate hai.n safiino.n me.n

jalaa sakatii hai sham-e-kushtaa ko mauj-e-nafas un kii
ilaahii kyaa chhupaa hotaa hai ahal-e-dil ke siino.n me.n

[sarfraz_qamar]

Re: sarfraz chouhdary,s most wanted

kaam ab ko_ii na aayegaa bas ik dil ke sivaa
raaste band hai.n sab kuuchaa-e-qaatil ke sivaa

baa_is-e-rashq hai tanhaaravii-e-rah_rau-e-shauq
ham_safar ko_ii nahii.n duurii-e-manzil ke sivaa

ham ne duniyaa kii har ik shai se uThaayaa dil ko
lekin ik shoKh ke hangaamaa-e-mahafil ke sivaa

teG munsif ho jahaa.N daar-o-rasan ho.n shaahid
begunaah kaun hai us shahar me.n qaatil ke sivaa

jaane kis rang se aa_ii hai gul_shan me.n bahaar
ko_ii naGmaa hii nahii.n shor-e-silaasil ke sivaa

[sarfraz_qamar]

Re: sarfraz chouhdary,s most wanted

har bezabaa.N ko sholaa_navaa kah liyaa karo
yaaro sukuut hii ko sadaa kah liyaa karo

Khud ko fareb do ki na ho talKh zindagii
har sangdil ko jaane-e-vafaa kah liyaa karo

gar chaahate ho Khush rahe.n kuchh bandagaan-e-Khaas
jitane sanam hai.n un ko Khudaa kah liyaa karo

insaan kaa agar qad-o-qaamat na ba.Dh sake
tum is ko nuqs-e-aab-o-havaa kah liyaa karo

[sarfraz_qamar]

Re: sarfraz chouhdary,s most wanted

aaj ai dil lab-o-ruKhasaar kii baate.n haii sahii
vaqt kaT jaayegaa kuchh pyaar kii baate.n hii sahii

yuu.N to kaTatii hii rahegii Gam-e-dauraa.N me.n hayaat
aaj kii raat Gam-e-yaar kii baate.n hii sahii

zindaa rahane kii kabhii to ko_ii suurat nikale
isharat-e-aalam-e-diidaar kii baate.n hii sahii

ko_ii to baat chhi.De aaj bahut jii hai udaas
kam se kam rahamat-e-aGyaar kii baate.n hii sahii

ab to tanhaa_ii ko ye karb na hogaa bardaasht
kuchh nahii.n to dar-o-diivaar kii baate.n hii sahii

[sarfraz_qamar]

Re: sarfraz chouhdary,s most wanted

tere paas aane ko jii chaahataa hai
naye zaKhm khaane ko jii chaahataa hai

idhar aaye shaayad vo mauj-e-tarannum
Gazal gungunaane ko jii chaahataa hai

zamaanaa meraa aazamaayaa huaa hai
tujhe aazamaane ko jii chaahataa hai

vahii baat rah rah ke yaad aa rahii hai
jise bhuul jaane ko jii chaahataa hai

labo.n par mere khelataa hai tabassum
jab aa.Nsuu bahaane ko jii chaahataa hai

[sarfraz_qamar]

Re: sarfraz chouhdary,s most wanted

itr ki uud ki ambar ki saman kii Khushbuu
sab se bahatar hai magar us ke badan kii Khushbuu

ko_ii mausam ho havaa leke chalii aatii hai
duur pardes me.n bhii Khaak-e-vatan kii Khushbuu

chand lamhaat me.n kar detii hai subahe.n raushan
naat ki hamd ki puujaa ki bhajan kii Khushbuu

ab to rah rah ke jalii laasho.n kii buu aatii hai
pahale aisii to na thii mere chaman kii Khushbuu

is ke har lafz me.n sau phuulo.n kii shaamil hai mahak
shaayarii apanii hai urduu ke dahan kii Khushbuu

[sarfraz_qamar]

Re: sarfraz chouhdary,s most wanted

raat sun_saan dasht-o-dar Khaamosh
chaa.Nd sitaare shajar hajar Khaamosh

ko_ii aavaaz-e-paa na baang-e-jaras
kaaravaa.N aur is qadar Khaamosh

har taraf ek muhiib sannaaTaa
dil dha.Dakataa to hai magar Khaamosh

huye jaate hai.n kis liye aaKhir
ham_safar baat baat par Khaamosh

hai.n ye aadaab-e-rah_guzar ke Khauf
raah_rau chup hai.n raahabar Khaamosh

muKhtasar ho na ho shab-e-taariik
ham ko jalanaa hai raat bhar Khaamosh

[sarfraz_qamar]

Re: sarfraz chouhdary,s most wanted

shamiim-e-zulf-e-yaar aaye na aaye
mere dil ko qaraar aaye na aaye

abhii aayaa hai hosh yaad-e-jaanaa.N
na ta.Dapaa, baar-baar aaye na aaye

chiraaG-e-zindagaanii bujh rahaa hai
vo jaan-e-intazaar aaye na aaye

kiyaa jo tum ne apane dil se puuchho
hamaaraa aitabaar aaye na aaye

nigaah-e-ahal-e-gul_shan kah rahii hai
Khizaa.N jaaye bahaar aaye na aaye

ba.Dhegaa kaaravaa.N manzil-ba-manzil
Gubaar-e-raah_guzar aaye na aaye

[sarfraz_qamar]

Re: sarfraz chouhdary,s most wanted

mai.n jahaa.N tum ko bulaataa huu.N vahaa.N tak aao
merii nazaro.n se guzar kar dil-o-jaa.N tak aao

phir ye dekho ki zamaane kii havaa hai kaisii
saath mere mere firdaus-e-javaa.N tak aao

teG kii tarah chalo chho.D ke aaGosh-e-niyaam
tiir kii tarah se aaGosh-e-kamaa.N tak aao

phuul ke gird phiro baaG me.n maanind-e-nasiim
misl-e-paravaanaa kisii sham-e-tapaa.N tak aao

lo vo sadiyo.n ke jahannum kii hade.n Khatm hu_ii
ab hai firdaus hii firdaus jahaa.N tak aao

chho.D kar vaham-o-gumaa.N husn-e-yaqii.n tak pahu.Ncho
par yaqii.n se bhii kabhii vaham-o-gumaa.N tak aao

[sarfraz_qamar]

Re: sarfraz chouhdary,s most wanted

vo alam_kasho.n kaa milanaa vo nishaat-o-Gam ke saaye
kabhii ro pa.Daa tabassum kabhii ashk muskuraaye

ye ufaq se chaa.Nd ubharaa ye shafaq kaa nuur phailaa
ki terii ziyaa-e-ruuh se dar-o-baam jagamagaaye

ba-hazaar naamuraadii jise umr bhar saraahaa
use bevafaa kahuu.N ab ye jigar kahaa.N se aaye

ye bahaar kyaa karegii merii dard kaa madaavaa
na vo bijaliyaa.N nazar kii na vo gesuuo.n ke saaye

[sarfraz_qamar]

Re: sarfraz chouhdary,s most wanted

ik sazaa aur asiiro.n ko sunaa dii jaaye
yaanii ab jurm-e-asiirii kii sazaa dii jaaye

us kii Khvaahish hai ke ab log na roye.n na ha.Nse.n
behisii vaqt kii aavaaz banaa dii jaaye

dasht-e-naadiidaa kii tahaqiiq zaruurii hai magar
pahale jo aag lagii hai vo bujhaa dii jaaye

sirf jalanaa hii nahii.n ham ko bha.Dakanaa bhii to hai
ishq kii aag ko laazim hai havaa dii jaaye

sirf suuraj kaa nikalanaa hai agar subah to phir
ek shab aur mere shab se milaa dii jaaye

[sarfraz_qamar]

Re: sarfraz chouhdary,s most wanted

aaj kii shab to kisi taur guzar jaayegii
raat gaharii hai magar chaa.Nd chamakataa hai abhii
mere maathe pe teraa pyaar damakataa hai abhii
merii saa.Nso.n me.n teraa lams mahakataa hai abhii
mere siine me.n teraa naam dha.Dakataa hai abhii
ziist karane ko mere paas bahut kuchh hai abhii

terii aavaaz kaa jaaduu hai abhii mere liye
tere malabuus kii Khushbuu hai abhii mere liye
terii baa.Nhe.n teraa pahaluu hai abhii mere liye
sab se ba.Dhakar merii jaa.N tuu hai abhii mere liye
ziist karane ko mere paas bahut kuchh hai abhii

aaj kii shab to kisii taur guzar jaayegii
aaj ke baad magar rang-e-vafaa kyaa hogaa
ishq hairaa.N hai sar-e-shahar-e-sabaa kyaa hogaa
mere qaatil teraa andaaz-e-jafaa kyaa hogaa

aaj kii shab to bahut kuchh hai magar kal ke liye
ek andeshaa-e-benaam hai aur kuchh bhii nahii.n
dekhanaa ye hai ki kal tujh se mulaaqaat ke baad
rang-e-ummiid khilegaa ki bikhar jaayegaa
vaqt paravaaz karegaa ki Thahar jaayegaa
jiit ho jaayegii yaa khel biga.D jaayegaa
Khvaab kaa shahar rahegaa ki uja.D jaayegaa

[sarfraz_qamar]

Re: sarfraz chouhdary,s most wanted

saa.Ns lenaa bhii kaisii aadat hai
jiiye jaanaa bhii kyaa ravaayat hai
ko_ii aahaT nahii.n badan me.n kahii.n
ko_ii saayaa nahii.n hai aa.Nkho.n me.n
paa.Nv behis hai.n, chalate jaate hai.n
ik safar hai jo bahataa rahataa hai
kitane baraso.n se, kitanii sadiyo.n se
jiye jaate hai.n, jiye jaate hai.n

aadate.n bhii ajiib hotii hai.n

[sarfraz_qamar]

Re: sarfraz chouhdary,s most wanted

saa.Ns lete huye bhii Darataa huu.N
ye na samajhe.n ki aah karataa huu.N

bahar-e-hastii me.n huu.N misaal-e-hubaab
miT hii jaataa huu.N jab ubharataa huu.N

itanii aazaadii bhii Ganimat hai
saa.Ns letaa huu.N baat karataa huu.N

sheKh saahab Khudaa se darate ho
mai.n to a.ngrezo.n hii se Darataa huu.N

aap kyaa puuchhate hai.n meraa mizaaj
shukr allaah kaa hai marataa huu.N

ye ba.Daa aib mujh me.n hai 'akbar'
dil me.n jo aaye kah guzarataa huu.N

[sarfraz_qamar]

Re: sarfraz chouhdary,s most wanted

saaGar se lab lagaa ke bahut Khush hai zi.ndagii
sahan-e-chaman me.n aake bahut Khush hai zi.ndagii

aa jaao aur bhii zaraa nazadiik jaan-e-man
tum ko qariib paake bahut Khush hai zi.ndagii

hotaa ko_ii mahal bhii to kyaa puuchhate ho phir
be-vajah muskuraa ke bahut Khush hai zi.ndagii

saahil pe bhii to itanii shagufataa ravish na thii
tuufaa.N ke biich aake bahut Khush hai zi.ndagii