sarfraz chouhdary,s most wanted

[sarfraz_qamar]

Re: sarfraz chouhdary,s most wanted

vo thakaa huaa merii baaho.n me.n zaraa so gayaa thaa to kyaa huaa
abhii mai.n ne dekhaa hai chaa.Nd bhii kisii shaaKh-e-gul pe jhukaa huaa

jise le ga_ii hai abhii havaa vo varaq thaa dil kii kitaab kaa
kahii.n aa.Nsuo.n se miTaa huaa kahii.n aa.Nsuo.n se likhaa huaa

ka_ii miil ret ko kaaT kar ko_ii mauj phuul khilaa ga_ii
ko_ii pe.D pyaas se mar rahaa hai nadii ke paas kha.Daa huaa

vahii Khat ke jis pe jagah jagah do mahakate ho.nTho.n ke chaa.Nd the
kisii bhuule-bisare se taaq par tah-e-gard hogaa dabaa huaa

[sarfraz_qamar]

Re: sarfraz chouhdary,s most wanted

udaas kaaGazii mausam me.n rang-o-buu rakh de
har ek phuul ke lab pe meraa lahuu rakh de

zabaan-e-gul se chaTTaane.n taraashane vaale
sukuut-e-naqsh me.n aaraa_ish-e-namuu rakh de

giraa.N lage hai jo ehasaan dast-e-qaatil kaa
uTh aur teG ke lab pe rag-e-guluu rakh de

chalaa hai jaanib-e-maiKhaanaa aaj phir vaa_iz
kahii.n na jaam pe lab apane bevazuu rakh de

[sarfraz_qamar]

Re: sarfraz chouhdary,s most wanted

khoyaa khoyaa udaas saa hogaa
tum se vo shaKhs jab milaa hogaa

qurb kaa zikr jab chalaa hogaa
daarmiyaa.N ko_ii faasalaa hogaa

ruuh se ruuh ho chukii bad_zan
jism se jism kab judaa hogaa

phir bulaayaa hai us ne Khat likh kar
saamane ko_ii masa'laa hogaa

[sarfraz_qamar]

Re: sarfraz chouhdary,s most wanted

barbaad tamannaa pe ataab aur zyaadaa
haa.N merii mohabbat kaa javaab aur zyaadaa

roye na abhii ahal-e-nazar haal pe mere
honaa hai abhii mujh ko Kharaab aur zyaadaa

aavaaraa-va-majanuu.N hii pe mauquuf nahii.n kuchh
milane hai.n abhii mujh ko Khitaab aur zyaadaa

uThe.nge abhii aur bhii tuufaa.N mere dil se
dekhuu.Ngaa abhii ishq ke Khvaab aur zyaadaa

Tapakegaa lahuu aur mere diidaa-e-tar se
dha.Dakegaa dil-e-Khaanaa_Kharaab aur zyaadaa

[sarfraz_qamar]

Re: sarfraz chouhdary,s most wanted

mushkil hai ab shahar me.n nikale ko_ii ghar se
dastaar pe baat aa ga_ii hai hotii hu_ii sar se

barasaa bhii to kis dasht ke be-faiz badan par
ik umr mere khet the jis abr ko tarase

is baar jo iindhan ke liye kaT ke giraa hai
chi.Diyo.n ko ba.Daa pyaar thaa us buu.Dhe shajar se

mehanat merii aa.Ndhii se to manasuub nahii.n thii
rahanaa thaa ko_ii rabt shajar kaa bhii samar se

Khud apane se milane kaa to yaaraa na thaa mujh me.n
mai.n bhii.D me.n gum ho ga_ii tanhaa_ii ke Dar se

[sarfraz_qamar]

Re: sarfraz chouhdary,s most wanted

chhupaaye dil me.n Gamo.n kaa jahaan baiThe hai.n
tumhaarii bazm me.n ham bezabaan baiThe hai.n

ye aur baat ki manzil pe ham pahu.Nch na sake
magar ye kam hai ki raaho.n ko chhaan baiThe hai.n

fuGaa.N hai dard hai soz-o-firaaq-o-daaG-e-alam
abhii to ghar me.n bahut meharabaan baiThe hai.n

ab aur gardish-e-taqadiir kyaa sataayegii
luTaa ke ishq me.n naam-o-nishaan baiThe hai.n

vo ek lafz-e-mohabbat hii dil kaa dushman hai
jise shariat-e-ehasaas maan baiThe hai.n

hai maikado.n kii bahaaro.n se dostii 'Sagar'
baraaye had-e-yaqiin-o-gumaan baiThe hai.n

[sarfraz_qamar]

Re: sarfraz chouhdary,s most wanted

sazaa kaa haal sunaaye jazaa kii baat kare.n
Khudaa milaa ho jinhe.n vo Khudaa kii baat kare.n

unhe.n pataa bhii chale.n aur vo Khafaa bhii na ho
is ehatiyaat se kyaa mudd'aa kii baat kare.n

hamaare ahad kii tahaziib me.n qabaa hii nahii.n
agar qabaa ho to band-e-qabaa kii baat kare.n
har ek daur kaa mazhab nayaa Khudaa laayaa
kare.n to ham bhii magar kis Khudaa kii baat kare.n

vafaa_shiyaar ka_ii hai.n ko_ii hasii.n bhii to ho
chalo phir aaj usii bevafaa kii baat kare.n

[sarfraz_qamar]

Re: sarfraz chouhdary,s most wanted

kuchh ajab shaan se logo.n me.n rahaa karate the
ham Khafaa rah ke bhii aapas me.n milaa karate the

itanii tahaziib rah-o-rasm to baaqii thii ki vo
laakh ranjish sahii vaadaa to vafaa karate the

us ne puuchhaa thaa ka_ii baar magar kyaa kahiye
ham mizaajan hii pareshaan rahaa karate the

Khatm thaa ham pe mohabbat kaa tamaashaa goyaa
ruuh aur jism ko har roz judaa karate the

zindagii ham se tere naaz uThaaye na gaye
saa.Ns lene kii faqat rasm adaa karate the

ham baras pa.Date the 'Shaz' apanii hii tanhaa_ii par
abr kii tarah kisii dar se uThaa karate the

[sarfraz_qamar]

Re: sarfraz chouhdary,s most wanted

khaa kar zaKhm duaa di ham ne
bas yuu.N umr bitaa dii ham ne

raat kuchh aise dil dukhataa thaa
jaise aas bujhaa dii ham ne

sannaaTe ke shahar me.n tujh ko
be-aavaaz sadaa dii ham ne

dekh ke jis ko dil dukhataa thaa
vo tasviir jalaa dii ham ne

aa "Shehzad" tujhe samajhaaye.n
kyuu.Nkar umr ga.Nvaa dii ham ne

[sarfraz_qamar]

Re: sarfraz chouhdary,s most wanted

thooraa mazzah kayy hawallay see
Ainak

ek roz ham se kahane lagii ek gul_badan
ainak se baa.Ndh rakhii hai kyo.n aap ne rasan
milataa hai kyaa isii se ye andaaz-e-fikr-o-fan
ham ne kahaa ki aisaa nahii.n hai janaab-e-man
baiThe jahaa.N hasiin ho.n ek bazm-e-aam me.n
rakhate hai.n ham nigaah koapanii lagaam me.n

[sarfraz_qamar]

Re: sarfraz chouhdary,s most wanted

Guruub-e-shaam hii se Khud ko yuu.N mahasuus karataa huu.N
ki jaise ik diyaa huu.N aur havaa kii zad pe rakhaa huu.N

chamakatii dhuup tum apane hii daaman me.n na bhar lenaa
mai.n saarii raat pe.Do.n kii tarah baarish me.n bhiigaa huu.N

ko_ii TuuTaa huaa rishtaa na daaman se ulajh jaaye
tumhaare saath pahalii baar baazaaro.n me.n nikalaa huu.N

ye kis aavaaz kaa bosaa mere ho.nTho.n pe kaa.Npaa hai
mai.n pichhalii shab sadaao.n kii halaavat bhuul baiThaa huu.N

bichha.D ke tum se mai.n ne bhii ko_ii saathii nahii.n Dhuu.NDhaa
hujuum-e-rah_guzar me.n duur tak dekho akelaa huu.N

[sarfraz_qamar]

Re: sarfraz chouhdary,s most wanted

fitanaa phir aaj uThaane ko hai sar lagataa hai
Khuun hii Khuun mujhe rang-e-sahar lagataa hai

maan luu.N kaise ki mai.n aib saraapaa huu.N faqat
mere ahabaab kaa ye husn-e-nazar lagataa hai

kal jise phuu.Nkaa thaa ye kah ke ki dushman ka hai ghar
sochataa huu.N to vo aaj apanaa hii ghar lagataa hai

ehatiyaatan ko_ii dar pho.D le.n diivaar me.n ab
shor ba.Dhataa huaa kuchh jaanib-e-dar lagataa hai

ek daravaazaa hai har samt me.n khulane ke liye
ho.n na ho ye to mujhe sheKh kaa ghar lagataa hai

[sarfraz_qamar]

Re: sarfraz chouhdary,s most wanted

jo log jaan buujh ke naadaan ban gaye
meraa Khayaal hai ki vo insaan ban gaye

ham hashr me.n gaye magar kuchh na puuchhiye
vo jaan buujh kar vahaa.N anjaan ban gaye

ha.Nsate hai.n ham ko dekh ke arbaab-e-aagahii
ham aap kii mizaaj kii pahachaan ban gaye

[arbaab-e-aagahii = intellectuals]

majh_dhaar tak pahu.Nchanaa to himmat kii baat thii
saahil ke aas paas hii tuufaan ban gaye

insaaniyat kii baat to itanii hai shaiKh jii
bad_qismatii se aap bhii insaan ban gaye

kaa.NTe bahut the daaman-e-fitarat me.n ai "Adam"
kuchh phuul aur kuchh mere armaan ban gaye

[sarfraz_qamar]

Re: sarfraz chouhdary,s most wanted

dushmano.n ne to dushmanii kii hai
dosto.n ne bhii kyaa kamii kii hai

jis ne paidaa kiye hasii.n us ne
kyaa dil_aavez shaayarii kii hai

[dil_aavez = pleasant/appealing]

aap se yo.n to aur bhii ho.nge
aap kii baat aap hii kii hai

zindagii ko basar kiyaa ham ne
yaa bil_iqsaat Khud_kushii haii hai

[sarfraz_qamar]

Re: sarfraz chouhdary,s most wanted

muhabbat kaa soz-e-nihaa.N rah gayaa
bujhii aag lekin dhuaa.N rah gayaa

hu_ii kam na taqadiir kii gardishen
zamiin thak ga_ii aasmaa.N rah gayaa

meraa dil hai aur ham_nashiino.n kaa soG
musaafir bas ek kaaravaa.N rah gayaa

gayaa thaa ko_ii sar-e-dasht-e-junuu.N
Khudaa jaane "Abid" kahaa.N rah gayaa