sarfraz chouhdary,s most wanted

[sarfraz_qamar]

Re: sarfraz chouhdary,s most wanted

yuu.N bhii nahii.n ki dil me.n ko_ii Gam nahii.n rahaa
ye sil_silaa kuchh itanaa muntazam nahii.n rahaa

dil se to Khair dho ga_ii baarish tamaam naqsh
diivaar-e-shahar kaa bhii vo aalam nahii.n rahaa

zid par vo apanii aaj bhii qaayam to hai magar
agalaa-saa vo bayaan me.n dam_Kham nahii.n rahaa

maayuus ho chukaa hai ki hai mutama_in ye dil
vo zaKhm bhar gaye hai.n ki marham nahii.n rahaa

[sarfraz_qamar]

Re: sarfraz chouhdary,s most wanted

pukaaratii rahii kuchh der tak havaa mujh ko
samajh sakaa na zaraa bhii ki kyaa kahaa mujh ko

bahaar ho ki Khizaa.N mere dil ke gul_shan me.n
sunaayaa karatii hai ik dukh bharii sadaa mujh ko

nigaah me.n vahii manzar hai mausam-e-gul kaa
rulaa rahaa hai abhii ek haadasaa mujh ko

biga.D-biga.D ga_ii hai.n zehan me.n vo tasviire.n
faqat jo yaad rahii terii ik adaa mujh ko

mai.n muntazir huu.N ko_ii mujh ko bhii manaayegaa
na dii kisii ne abhii tak ko_ii sadaa mujh ko

[sarfraz_qamar]

Re: sarfraz chouhdary,s most wanted

har suu dikhaa_ii dete hai.n vo jalvaagar mujhe
kyaa-kyaa fareb detii hai merii nazar mujhe

Daalaa hai beKhudii ne ajab raah par mujhe
aa.Nkhe.n hai.n aur kuchh nahii.n aataa nazar mujhe

dil leke meraa dete ho daaG-e-jigar mujhe
ye baat bhuulane kii nahii.n umr bhar mujhe

aayaa na raas naalaa-e-dil kaa asar mujhe
ab tum mile to kuchh nahii.n apanii Khabar mujhe

[sarfraz_qamar]

Re: sarfraz chouhdary,s most wanted

dil me.n laavaa ubal rahaa hai kyaa
ko_ii koh_saar jal rahaa hai kyaa

Khvaab-e-fardaa zamii.n pe zaahir ho
merii aa.Nkho.n me.n pal rahaa hai kyaa

chashm-e-shabanam safiir-e-Gunachaa ban
yuu.N havaa ban ke chal rahaa hai kyaa

aa shariik-e-Gam_Khudaa_ii ho
apanii vahadat me.n gal rahaa hai kyaa

itane aasuudaa kyo.n hai.n ahal-e-safar
sar se tuufaan Tal rahaa hai kyaa

kis liye bad_havaas hai.n taare
ko_ii suuraj nikal rahaa hai kyaa

[sarfraz_qamar]

Re: sarfraz chouhdary,s most wanted

merii zindagii pe na muskaraa mujhe zindagii kaa alam nahii.n
jise tere Gam se ho vaastaa vo Khizaa.N bahaar se kam nahii.n

meraa kufr haasil-e-zuud hai meraa zuud haasil-e-kufr hai
merii bandagii vo hai bandagii jo rahiin-e-dair-o-haram nahii.n

mujhe raas aaye Khudaa kare yahii ishtibaah kii saa_ate.n
unhe.n aitabaar-e-vafaa to hai mujhe aitabaar-e-sitam nahii.n

vahii kaaravaa.N vahii raaste vahii zindagii vahii marahale
magar apane-apane muqaam par kabhii tum nahii.n kabhii ham nahii.n

na vo shaan-e-jabr-e-shabaab hai na vo rang-e-qahar-e-itaab hai
dil-e-beqaraar pe in dino.n hai sitam yahii ki sitam nahii.n

na fanaa merii na baqaa merii mujhe ai 'Shakeel' na Dhuu.NDiye
mai.n kisii kaa husn-e-Khayaal huu.N meraa kuchh vujuud-e-adam nahii

[sarfraz_qamar]

Re: sarfraz chouhdary,s most wanted

terii mahafil se uThakar ishq ke maaro.n pe kyaa guzarii
muKhaalif ik jahaa.N thaa jaane bechaaro.n pe kyaa guzarii

sahar ko ruKhsat-e-biimaar-e-furqat dekhane vaalo
kisii ne ye bhii dekhaa raat bhar taaro.n pe kyaa guzarii

sunaa hai zindagii viiraaniyo.n ne luuT lii milakar
na jaane zindagii ke naaz_bardaaro.n pe kyaa guzarii

ha.Nsii aa_ii to hai bekaif sii lekin Khudaa jaane
mujhe masaruur paakar mere Gam_Khvaaro.n pe kyaa guzarii

asiir-e-Gam to jaa.N dekar rihaa_ii paa gayaa lekin
kisii ko kyaa Khabar zindaa.N kii divaaro.n pe kyaa guzarii

[sarfraz_qamar]

Re: sarfraz chouhdary,s most wanted

Here is the nazm...


baat nikalegii to phir duur talak jaayegii

log bevajah udaasii kaa sabab puuchhe.nge
ye bhii puuchhe.ge ki tum itanii pareshaa.N kyuu.N ho
ungaliyaa.N uThengii sukhe huye baalo.n kii taraf
ik nazar dekhenge guzare huye saalo.n kii taraf
chu.Diyo.n par bhii ka_ii tanz kiye jaaye.nge
kaa.Npate haatho.n pe bhii fikre kase jaaye.nge

log zaalim hai.n har ik baat kaa taanaa de.nge
baato.n baato.n me.n meraa zikr bhii le aaye.nge
un kii baato.n kaa zaraa saa bhii asar mat lenaa
varnaa chehare ke taasur se samajh jaaye.nge
chaahe kuchh bhii ho savaalaat na karanaa un se
mere baare me.n ko_ii baat na karanaa un se

baat nikalegii to phir duur talak jaayegii

[sarfraz_qamar]

Re: sarfraz chouhdary,s most wanted

saa.Ns lenaa bhii kaisii aadat hai
jiiye jaanaa bhii kyaa ravaayat hai
ko_ii aahaT nahii.n badan me.n kahii.n
ko_ii saayaa nahii.n hai aa.Nkho.n me.n
paa.Nv behis hai.n, chalate jaate hai.n
ik safar hai jo bahataa rahataa hai
kitane baraso.n se, kitanii sadiyo.n se
jiye jaate hai.n, jiye jaate hai.n

aadate.n bhii ajiib hotii hai.n

[sarfraz_qamar]

Re: sarfraz chouhdary,s most wanted

sadaa detii hai Khushbuu chaa.Nd taare bol pa.Date hai.n
nazar jaisii nazar ho to nazaare bol pa.Date hai.n

tumhaarii hii nigaaho.n ne kahaa hai ham se ye aksar
tumhaare jism par to rang saare bol pa.Date hai.n

mahak jaate hai.n gul jaise sabaa ke chuum lene se
agar lahare.n muKhaatib ho.n kinaare bol pa.Date hai.n

zabaa.N se baat karane me.n jahaa.N rusvaa_ii hotii hai
vahaa.N Khaamosh aa.Nkho.n ke ishaare bol pa.Date hai.n

chhupaanaa chaahate hai.n un se dil ka haal ham lekin
hamaare aa.Nsuo.n me.n gam hamaare bol pa.Date hai.n

terii paabandiyo.n se ruk nahii.n sakatii.n ye fariyaade.n
agar ham chup rahe.n to zaKhm saare bol pa.Date hai.n

[sarfraz_qamar]

Re: sarfraz chouhdary,s most wanted

suuraj kii har kiran terii suurat pe vaar duu.N
dozaKh ko chaahataa huu.N ki jannat pe vaar duu.N

itanii sii hai tasallii ki hogaa muqaabalaa
dil kyaa hai jaa.N bhii apanii qayaamat pe vaar duu.N

ik Khvaab thaa jo dekh liyaa niind me.n kabhii
ik niind hai jo terii muhabbat pe vaar duu.N

'Adam' hasiin niind milegii kahaa.N mujhe
phir kyuu.N na zindagaanii ko turbat pe vaar duu.N

[sarfraz_qamar]

Re: sarfraz chouhdary,s most wanted

na sochaa na samajhaa na siikhaa na jaanaa
mujhe aa gayaa Khud_ba_Khud dil lagaanaa

zaraa dekh kar apanaa jalvaa dikhaanaa
simaT kar yahii.n aa na jaaye zamaanaa

zubaa.N par lagii hai.n vafaao.n kii muhare.n
Khamoshii merii kah rahii hai fasaanaa

gulo.n tak lagaa_ii to aasaa.N hai lekin
hai dushvaar kaa.NTo.n se daaman bachaanaa

karo laakh tum maatam-e-naujavaanii
pa 'Meer' ab nahii.n aayegaa vo zamaanaa

[sarfraz_qamar]

Re: sarfraz chouhdary,s most wanted

na jii bhar ke dekhaa na kuchh baat kii
ba.Dii aarazuu thii mulaaqaat kii

ka_ii saal se kuchh Khabar hii nahii.n
kahaa.N din guzaaraa kahaa.N raat kii

ujaalo.n kii pariyaa.N nahaane lagii.n
nadii gun_gunaa_ii Khayaalaat kii

mai.n chup thaa to chalatii havaa ruk ga_ii
zubaa.N sab samajhate hai.n jazbaat kii

sitaaro.n ko shaayad Khabar hii nahii.n
musaafir ne jaane kahaa.N raat kii

muqaddar mere chashm-e-pur_aab kaa
barasatii hu_ii raat barasaat kii

[aquari]

Re: sarfraz chouhdary,s most wanted

na jii bhar ke dekhaa na kuchh baat kii
ba.Dii aarazuu thii mulaaqaat kii

ka_ii saal se kuchh Khabar hii nahii.n
kahaa.N din guzaaraa kahaa.N raat kii

ujaalo.n kii pariyaa.N nahaane lagii.n
nadii gun_gunaa_ii Khayaalaat kii

mai.n chup thaa to chalatii havaa ruk ga_ii
zubaa.N sab samajhate hai.n jazbaat kii

sitaaro.n ko shaayad Khabar hii nahii.n
musaafir ne jaane kahaa.N raat kii

muqaddar mere chashm-e-pur_aab kaa
barasatii hu_ii raat barasaat kii

[aquari]

Re: sarfraz chouhdary,s most wanted

suuraj kii har kiran terii suurat pe vaar duu.N
dozaKh ko chaahataa huu.N ki jannat pe vaar duu.N

:clap:

[sarfraz_qamar]

Re: sarfraz chouhdary,s most wanted

thanx