sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ta.Dap uTThuu.N bhii to zaalim terii duhaa_ii na duu.N
mai.n zaKhm zaKhm huu.N phir bhii tujhe dikhaa_ii na duu.N

tere badan me.n dha.Dakane lagaa huu.N dil kii tarah
ye aur baat ke ab bhii tujhe sunaa_ii na duu.N

Khud apane aap ko parakhaa to ye nadaamat hai
ke ab kabhii use ilzaam-e-bevafaa_ii na duu.N

mujhe bhii Dhuu.NDh kabhii mahv-e-aa_iinaa-daarii
mai.n teraa aqs huu.N lekin tujhe dikhaa_ii na duu.N

[sarfraz_qamar]

Re: sarfraz chouhdary,s most wanted

ta.Dapate hai.n na rote hai.n na ham fariyaad karate hai.n
sanam kii yaad me.n har-dam Khudaa ko yaad karate hai.n

u.nhii.n ke ishq me.n ham naalaa-o-fariyaad karate hai.n
ilaahii dekhiye kis din hame.n vo yaad karate hai.n


shab-e-furqat me.n kyaa kyaa saa.Np laharaate hai.n siine par
tumhaarii kaakul-e-pechaa.N ko jab ham yaad karate hai.n

[sarfraz_qamar]

Re: sarfraz chouhdary,s most wanted

Taaj Mahal

taaj tere liye ik mazahar-e-ulfat hii sahii
tum ko is vaadii-e-ra.ngii.n se aqiidat hii sahii


mere mahabuub kahii.n aur milaa kar mujh se!

bazm-e-shaahii me.n Gariibo.n kaa guzar kyaa maanii
sabt jis raah pe ho.n satavat-e-shaahii ke nishaa.N
us pe ulfat bharii ruuho.n kaa safar kyaa maanii


merii mahabuub pas-e-pardaa-e-tashhiir-e-vafaa
tuu ne satavat ke nishaano.n ko to dekhaa hotaa
murdaa shaaho.n ke maqaabir se bahalevaalii
apane taariik makaano.n ko to dekhaa hotaa

[sarfraz_qamar]

Re: sarfraz chouhdary,s most wanted

Khuub pahachaan lo "Asrar" huu.N mai.n
jins-e-ulfat kaa talab-gaar huu.N mai.n

ishq hii ishq hai duniyaa merii
fitanaa-e-aql se bezaar huu.N mai.n

chhe.Datii hai jise mizaraab-e-alam
saaz-e-fitarat kaa vahii taar huu.N mai.n

aib jo haafiiz-o-Khayyaam me.n thaa
haa.N kuchh is kaa bhii gunahagaar huu.N mai.n

[sarfraz_qamar]

Re: sarfraz chouhdary,s most wanted

tabaahii kaa apanii nishaa.N chho.D aaye
varaq dar varaq daastaa.N chho.D aaye


har ek ajanabii se pataa puuchhate hai.n
tujhe zi.ndagii ham kahaa.N chho.D aaye

vahii log jiine kaa fan jaanate hai.n
jo ehasaas-e-suud-o-ziyaa.N chho.D aaye

nikal aaye tanahaa terii rahaguzar par
bhaTakane ko ham kaaravaa.N chho.D aaye

[sarfraz_qamar]

Re: sarfraz chouhdary,s most wanted

raat kii besukuu.N Khamoshii me.n
ro rahaa huu.N ki so nahii.n sakataa
raahato.n ke mahal banaataa hai
dil jo aabaad ho nahii.n sakataa]

duur shama-e-Khayaal ke maanind
shama vaadii kii jhil_milaatii hai
yaas ke beqaraa.N andhere me.n
ek umiid muskuraatii hai


duur parabat ke paas char_vaahaa
kho gayaa Gam_fazaa taraano.n me.n
bain karatii hai ruuh-e-zaKhm_aaluud
baa.Nsurii kii nahiif taano.n me.n

[sarfraz_qamar]

Re: sarfraz chouhdary,s most wanted

talKhii-e-may me.n zaraa talKhii-e-dil bhii ghole.n
aur kuchh der yahaa.N baiTh ke pii le.n ro le.n


har taraf ek pur-asaraar sii Khaamoshii hai
apane saaye se ko_ii baat kare.n kuchh bole.n


ko_ii to shaKhs ho jii-jaan se chaahe.n jis ko
ko_ii to jaan-e-tasavvur ho ke jis ke ho le.n

aah ye dil kii kasak haa_e ye aa.Nkho.n kii jalan
nii.nd aa jaa_e agar aaj to ham bhii so le.n

[sarfraz_qamar]

Re: sarfraz chouhdary,s most wanted

tamaam umr azaabo.n kaa sil-silaa to rahaa
ye kam nahii.n hame.n jiine kaa hausalaa to rahaa



guzar hii aaye kisii tarah tere diivaane
qadam qadam pe ko_ii saKht marahalaa to rahaa

chalo na ishq hii jiitaa na aql haar sakii
tamaam vaqt maze kaa muqaabalaa to rahaa

mai.n terii zaat me.n gum ho sakaa na tujh mujh me.n
bahut qariib the ham phir bhii faasalaa to rahaa

ye aur baat ki har chhe.D laaubaalii thii
terii nazar kaa dilo.n ne mu'amalaa to rahaa

[MuQadas]

Re: sarfraz chouhdary,s most wanted

wow nice

[sarfraz_qamar]

Re: sarfraz chouhdary,s most wanted

tamannaao.n me.n ulajhaayaa gayaa huu.N
khilaune deke bahalaayaa gayaa huu.N

huu.N is kuuche me.n har zarre se aagaah
idhar se muddato.n aayaa gayaa huu.N

dil-e-muztar se puuchh ai raunaq-e-bazm
mai.n Khud aayaa nahii.n laayaa gayaa huu.N

saveraa hai bahut ai shor-e-mahashar
abhii bekaar uThavaayaa gayaa huu.N

[sarfraz_qamar]

Re: sarfraz chouhdary,s most wanted

tamhiid-e-sitam aur hai takamiil-e-jafaa aur
chakhane kaa mazaa aur hai piine kaa mazaa aur


taasiir to taasiir tasavvur hai gurezaa.N
raato.n ko zaraa maa.Ngiye uTh uTh ke duaa aur

dono.n hii binaa-e-kashish-o-jazb hai.n lekin
naGmo.n kii sadaa aur hai naalo.n kii sadaa aur]

Takaraa ke vahii.n TuuT gaye shiishaa-o-saaGar
maiKhvaaro.n ke jhurmuT me.n jo saaqii ne kahaa aur

[_Dard_Aashna_]

Re: sarfraz chouhdary,s most wanted

aap ki choice bohat achi hay
aksar poetry main apni diary main sae kar chuki hoon
kehna ye chahti hoon k agar inpage kar k yahan posting karen to parnay ka lutf do bala ho jaye ga

[_Dard_Aashna_]

Re: sarfraz chouhdary,s most wanted

tamhiid-e-sitam aur hai takamiil-e-jafaa aur
chakhane kaa mazaa aur hai piine kaa mazaa aur


taasiir to taasiir tasavvur hai gurezaa.N
raato.n ko zaraa maa.Ngiye uTh uTh ke duaa aur

dono.n hii binaa-e-kashish-o-jazb hai.n lekin
naGmo.n kii sadaa aur hai naalo.n kii sadaa aur]

Takaraa ke vahii.n TuuT gaye shiishaa-o-saaGar
maiKhvaaro.n ke jhurmuT me.n jo saaqii ne kahaa aur

wahhh
bohat khoob

[sarfraz_qamar]

Re: sarfraz chouhdary,s most wanted

tarz jiine kaa sikhaatii hai mujhe
tashnagii zahar pilaatii hai mujhe

raat bhar rahatii hai kis baat kii dhun
na jagaatii hai na sulaatii hai mujhe

ruuThataa huu.N jo kabhii duniyaa se
zi.ndagii aake manaatii hai mujhe

aa_iinaa dekhuu.N to kyuu.N kar dekhuu.N
yaad ik shaKhs kii aatii hai mujhe

ba.nd karataa huu.N jo aa.Nkhe.n kyaa kyaa
raushanii sii nazar aatii hai mujhe

ko_ii mil jaaye to raastaa kaT jaaye
apanii parachhaa_ii Daraatii hai mujhe

ab to ye bhuul gayaa kis kii talab
des parades phiraatii hai mujhe

[sarfraz_qamar]

Re: sarfraz chouhdary,s most wanted

tay ho.nge kis tarah ye maraahil kahaa na jaa_e
is tiiragii me.n kyaa hai muqaabil kahaa na jaa_e


Khud de diye hai.n mai.n ne use haath kaaT kar
vo likh diyaa hai jo sar-e-mahafil kahaa na jaa_e

patthar hue vo lafz ke the jiite jaagate
is Khaamashii se kyaa huaa haasil kahaa na jaa_e


ab tak to chal rahe.n hai.n tere saath saath ham
aaye.ngii kis jagah had-e-faasil kahaa na jaa_e