sarfraz chouhdary,s most wanted

[sarfraz_qamar]

Re: sarfraz chouhdary,s most wanted

yaar bin talKh zi.ndaganii thii
dostii mudda_ii-e-jaanii thii


sheb me.n faayadaa ta'mmul kaa
sochanaa tab thaa hab javaanii thii

mere qisse se sab kii nii.nde.n ga_ii.n
kuchh ajab taur kii kahaanii thii

kuu-e-qaatil se bach ke nikalaa Khizr
isii me.n us kii zi.ndaganii thii

fitr par bhii thaa 'Mir' ke ik ra.ng
kafanii pahanii to zaafaraanii thii

[sarfraz_qamar]

Re: sarfraz chouhdary,s most wanted

yaar ko raGbat-e-aGyaar naa hone paaye
gul-e-tar ko havaz-e-Khaar naa hone paaye

baaG kii sair ko jaate to ho par yaad rahe
sabzaa begaanaa hai do-chaar naa hone paaye


jamaa kar liijiye Gamzo.n ko magar Khuubii-e-bazm
bas vahii.n tak hai ke baazaar naa hone paaye

aap jaate to hai.n is bazm me.n lekin "shibli"
haal-e-dil dekhiye izhaar naa hone paaye

[sarfraz_qamar]

Re: sarfraz chouhdary,s most wanted

yaaro kisii qaatil se kabhii pyaar na maa.Ngo
apane hii gale ke liye talavaar na maa.Ngo

gir jaaoge tum apane masiihaa kii nazar se
mar kar bhii ilaaj-e-dil-e-biimaar na maa.Ngo

khul jaayegaa is tarah nigaaho.n kaa bharam bii
kaa.NTo.n se kabhii phuul kii mahakaar na maa.Ngo

sach baat pe milataa hai sadaa zahar kaa pyaalaa
jiinaa hai to phir jiine ke izahaar na maa.Ngo

us chiiz kaa kyaa zikr jo mumkin hii nahii.n hai
seharaa me.n kabhii saayaa-e-diivaar naa maa.Ngo

[sarfraz_qamar]

Re: sarfraz chouhdary,s most wanted

yaaro mujhe mu'aaf karo mai.n nashe me.n huu.N
ab do to jaam khaalii hii do mai.n nashe me.n huu.N

maazuur huu.N jo paao.n mere betarah pa.De
tum sar-garaa.N to mujh se na ho mai.n nashe me.n huu.N


yaa haatho.n haath lo mujhe jaise ke jaam-e-may
yaa tho.Dii duur saath chalo mai.n nashe me.n huu.N

[sarfraz_qamar]

Re: sarfraz chouhdary,s most wanted

yahaa.N se ab kahii.n le chal Khayaal-e-yaar mujhe
chaman me.n raas na aayegii ye bahaar mujhe

terii latiif nigaaho.n kii Khaas jumbish ne
banaa diyaa terii fitarat kaa raazadaar mujhe

merii hayaat kaa a.njaam aur kuchh hotaa
jo aap kahate kabhii apanaa jaa.N-nisaar mujhe

badal diyaa hai nigaaho.n ne ruKh zamaane kaa
kabhii rahaa hai zamaane pe iKhtiyaar mujhe

ye haadasaat jo hai.n iztaraab kaa paiGaam
ye haadasaat hii aaye.nge saazagaar mujhe

"Aziz" ahal-e-chaman kii shikaayat besud
fareb de ga_ii ra.ngiinii-e-bahaar mujhe

[sarfraz_qamar]

Re: sarfraz chouhdary,s most wanted

yahii bahut hai ke dil us ko Dhuu.ND laayaa hai
kisii ke saath sahii vo nazar to aayaa hai

karuu.N shikaayate.n takataa rahuu.N ke pyaar karuu.N
gaye bahaar kii suurat vo lauT aayaa hai

vo saamane thaa magar ye yaqii.n na aataa thaa
vo aap hai ke merii Khvaahisho.n kaa saayaa hai

azaab huup ke kaise hai.n baarishe.n kyaa hai.n
fasiil-e-jism girii jab to hosh aayaa hai

mai.n kyaa karuu.Ngaa agar vo na mil sakaa "Amjad"
abhii abhii mere dil me.n Khayaal aayaa hai

[sarfraz_qamar]

Re: sarfraz chouhdary,s most wanted

ye aalam shauq kaa dekhaa na jaaye
vo but hai yaa Khudaa dekhaa na jaaye


ye kin nazaro.n se tum ne aaj dekhaa
ke teraa dekhanaa dekha naa jaaye


hameshaa ke liye mujh se bichha.D jaa
ye ma.nzar baarahaa dekhaa na jaaye


Galat hai jo sunaa, par aazamaa kar
tujhe ai baa-vafaa dekhaa na jaae


ye maharuumii nahii.n, paas-e-vafaa hai
ko_ii tere sivaa dekhaa na jaaye


"Faraz" apane sivaa hai kaun teraa
tujhe tujh se judaa dekhaa na jaaye

[sarfraz_qamar]

Re: sarfraz chouhdary,s most wanted

ye aarazuu hii rahii ko_ii aarazuu karate
Khud apanii aag me.n jalate jigar lahuu karate


tere jamaal kaa paratau nigaah me.n hotaa
kabhii sabaa se kabhii gul se guftaguu karate


tere Khayaal me.n gum hoke ek Gazal kahate
aur us Gazal ko na rusvaa-e-kuu-ba-kuu karate


ham ahal-e-dil ko bahut thaa ye nashshaa-e-Gam bhii
usii sharaab se raushan subuu-subuu karate

[sarfraz_qamar]

Re: sarfraz chouhdary,s most wanted

ye aur baat terii galii me.n na aaye.n ham
lekin ye kyaa ki shahar teraa chho.D jaaye.n ham

muddat hu_ii hai kuu-e-butaa.N kii taraf gaye
aavaaragii se dil ko kahaa.N tak bachaaye.n ham

shaayad ba_qaid-e-ziist ye saa_at na aa sake
tum daastaan-e-shauq suno aur sunaaye.n ham


be_nuur ho chukii hai bahut shahar kii fazaa
taariik raasto.n me.n kahii.n kho na jaaye.n ham

us ke ba_Gair aaj bahut jii udaas hai
'Jalib' chalo kahii.n se use Dhuu.NDh laaye.n ham

[sarfraz_qamar]

Re: sarfraz chouhdary,s most wanted

ye bhii nahii.n biimaar na the
itane junuu.N aasaar na the

logo.n kaa kyaa zikr kare.n
ham bhii kam ayyaar na the

ghar me.n aur bahut kuchh thaa
sirf dar-o-diivaar na the

sab par ha.Nsanaa shevaah thaa
jab tak Khud us paar na the

terii Khabar mil jaatii thii
shahar me.n jab aKhbaar na the

[sarfraz_qamar]

Re: sarfraz chouhdary,s most wanted


ye husn teraa ye ishq meraa
rangiin to hai bad_naam sahii
mujh par to ka_ii ilzaam lage
tujh par bhii ko_ii ilzaam sahii

is raat kii nikharii rangat ko
kuchh aur nikhar jaane de zaraa
nazaro.n ko bahak jaane de zaraa
zulfo.n ko bikhar jaane de zaraa
kuchh der kii hii taskiin sahii
kuchh der kaa hii aaraam sahii

jazbaat kii kaliyaa.N chunanaa hai
aur pyaar kaa tohfaa denaa hai
logo.n kii nigaahe.n kuchh bhii kahe.n
logo.n se hame.n kyaa lenaa hai
ye Khaas ta'alluq aapas kaa
duniyaa kii nazar me.n aam sahii

[sarfraz_qamar]

Re: sarfraz chouhdary,s most wanted

ye i.ntazaar Galat hai ki shaam ho jaaye
jo ho sake to abhii daur-e-jaam ho jaaye

Khudaa-na Khvaastaa piine lage jo vaa_iz bhii
hamaare vaaste piina haraam ho jaaye

mujh jaise ri.nd ko bhii tuu ne hashr me.n yaa rab
bulaa liyaa hai to kuchh intazaam ho jaaye


vo sahan-e-baaG me.n aaye hai.n may-kashii ke liye
Khudaa kare ke har ik phuul jaam ho jaaye

[sarfraz_qamar]

Re: sarfraz chouhdary,s most wanted

ye jo hai hukm mere paas na aaye ko_ii
is liye ruuTh rahe hai.n ki manaaye ko_ii

taak me.n hai nigah-e-shauq Khudaa Khair kare
saamane se mere bachataa huaa jaaye ko_ii

haal afalaaq-o-zamii.n kaa jo bataayaa bhii to kyaa
baat vo hai jo tere dil kii baataaye ko_ii

aapane 'Daag' ko muu.Nh bhii na lagaayaa afsos
us ko rakhataa thaa kaleje se lagaaye ko_ii

[sarfraz_qamar]

Re: sarfraz chouhdary,s most wanted

ye kaun Duub gayaa aur ubhar gayaa mujh me.n
ye kaun saaye kii suurat guzar gayaa mujh me.n

ye kis ke soG me.n shoridaa-haal phirataa huu.N
vo kaun shaKhs thaa aisaa ki mar gayaa mujh me.n

ajab havaa-e-bahaaraa ne chaaraasaazii kii
vo zaKhm jis ko na bharanaa thaa bhar gayaa mujh me.n

vo aadamii ki jo patthar thaa jii rahaa hai abhii
jo aa_iinaa thaa vo bikhar gayaa mujh me.n

bisaal kyaa ki vo jab bhii qariib se guzaraa
vo yuu.N lagaa ki ko_ii raks kar gayaa mujh me.n

[*Hijab*]

Re: sarfraz chouhdary,s most wanted

bohat khoob!!!!!!!