sarfraz chouhdary,s most wanted

[sarfraz_qamar]

Re: sarfraz chouhdary,s most wanted

pukaaratii hai Khaamoshii merii fuGaa.N kii tarah
nigaahe.n kahataii hai.n sab raaz-e-dil zubaa.N kii tarah

jalaa ke daaG-e-muhabbat ne dil ko Khaak kiyaa
bahaar aa_ii mere baaG me.n Khizaa.N kii tarah

talaash-e-yaar me.n chho.Dii na sar-zamii.n ko_ii
hamaare paa.Nv me.n chakkar hai.n aasmaa.N kii tarah

adaa-e-matlab-e-dil hamase siikh jaaye ko_ii
u.nhe.n sunaa hii diyaa haal daastaa.N kii tarah

[sarfraz_qamar]

Re: sarfraz chouhdary,s most wanted

kiyaa mujh ishq ne zaalim ko.n aab aahistaa aahistaa
ke aatish gul ko karatii hai gulaab aahistaa aahistaa

** My love has melted that despot step by step
As fire distils the essence of rose step by step **

[mujh (mere) = my; zaalim = tyrant/oppressor; aatish = fire]


vafaadaarii ne dilbar kii bujhaayaa aatish-e-Gam ko.n
ke garmii dafaa karataa hai gulaab aahistaa aahistaa

** My faithful love has quenched the fire of my grief
as the rose dispels the effect of heat step by step **

[sarfraz_qamar]

Re: sarfraz chouhdary,s most wanted

zamii.n pe fasl-e-gul aa_ii falak par maahataab aayaa
sabhii aaye magar ko_ii na shaayaan-e-shabaab aayaa

meraa Khat pa.Dh ke bole naamaabar se jaa Khudaa_haafiz
javaab aayaa merii qismat se lekin laajavaab aayaa

ujaale garmii-e-raftaar kaa hii saath dete hai.n
baseraa thaa jahaa.N apanaa vahii.n tak aaftaab aayaa

"Shakeel" apane mazaaq-e-diid kii takamiil kyaa hotii
idhar nazaro.n ne himmat kii udhar ruKh par naqaab aayaa

[sarfraz_qamar]

Re: sarfraz chouhdary,s most wanted

Khudaa jaane kahaa.N hai "Asghar"-e-diivaanaa baraso.n se
ki us ko Dhuu.NDhate hai.n ka'abaa-o-butaKhaanaa baraso.n se

ta.Dapanaa hai na jalanaa hai na jalakar Khaak honaa hai
ye kyo.n so_ii hu_ii hai fitrat-e-paravaanaa baraso.n se

ko_ii aisaa nahii.n yaarab ki jo is dard ko samajhe
nahii.n maaluum kyo.n Khaamosh hai diivaanaa baraso.n se

hasiino.n par na ra.ng aayaa na phuulo.n me.n bahaar aa_ii
nahii.n aayaa jo lab par naGmaa-e-mastaanaa baraso.n se

[sarfraz_qamar]

Re: sarfraz chouhdary,s most wanted

us ne ruKh se haTaa ke baalo.n ko
raastaa de diyaa ujaalo.n ko

jaate jaate jo mu.D ke dekh liyaa
aur uljhaa diyaa Khayaalo.n ko

ek halkii sii muskuraahaT se
us ne hal kar diyaa savaalo.n ko

mar gaye ham to dekh lenaa "Shafaq"
yaad aaye.nge husn vaalo.n ko

[sarfraz_qamar]

Re: sarfraz chouhdary,s most wanted

laakho.n kii sunaa tum ne taqadiir sa.Nvaarii hai
mujh se yahii kah dete ab ke terii baarii hai

Daalii hai nazar jab se ek nashaa saa taarii hai
kyaa ko_ii parii saaqii shiishe me.n utaarii hai

kyaa us ko rijhaaye.nge jannat ke hasii.n jalve
dahaliiz tere dar kii jis shaKhs ko pyaarii hai

virase me.n milii ham ko shaahii bhii faqiirii bhii
aur Gam to "Shafaq" goyaa jaagiir hamaarii hai

[sarfraz_qamar]

Re: sarfraz chouhdary,s most wanted

kahii.n chhat thii diivaar-o-dar the kahii.n
milaa mujhako ghar kaa pataa der se
diyaa to bahut zi.ndagii ne mujhe
magar jo diyaa vo diyaa der se

huaa na ko_ii kaam maamuul se
guzaare shab-o-roz kuchh is tarah
kabhii chaa.Nd chamakaa Galat vaqt par
kabhii ghar me.n suuraj ugaa der se

kabhii ruk gaye raah me.n besabab
kabhii vaqt se pahale ghir aa_ii shab
huye ba.nd daravaaze khul khul ke sab
jahaa.N bhii gayaa mai.n gayaa der se

ye sab ittifaaqaat kaa khel hai
yahii hai judaa_ii yahii mel hai
mai.n mu.D mu.D ke dekhaa kiyaa duur tak
banii vo Khaamoshii sadaa der se

[sarfraz_qamar]

Re: sarfraz chouhdary,s most wanted

masjido.n-mandiro.n kii duniyaa me.n
mujhako pahachaanate kahaa.N hai.n log

roz mai.n chaa.Nd ban ke aataa huu.N
din me.n suuraj saa jagamagaataa huu.N

khan-khanaataa huu.N maa.N ke gahano.n me.n
ha.Nsataa rahataa huu.N chhup ke bahano.n me.n

mai.n hii mazaduur ke pasiine me.n
mai.n hii barasaat ke mahiine me.n

merii tasviir aa.Nkh kaa aa.Nsuu
merii tahariir jism kaa jaduu

masjido.n-mandiro.n kii duniyaa me.n
mujhako pahachaanate nahii.n jab log

mai.n zamiino.n ko be-ziyaa karake
aasamaano.n me.n lauT jaataa huu.N

[sarfraz_qamar]

Re: sarfraz chouhdary,s most wanted

ruuh ko ta.Dapaa rahii hai un kii yaad
dard ban kar chhaa rahii hai un kii yaad


ishq se ghabaraa rahii hai un kii yaad
rukate rukate aa rahii hai un kii yaad

vo ha.Nse vo zer-e-lab kuchh kah uThe
Khvaab se dikhalaa rahii hai un kii yaad

mai.n to Khuddaarii kaa qaa_il huu.N magar
kyaa karuu.N phir aa rahii hai un kii yaad

[sarfraz_qamar]

Re: sarfraz chouhdary,s most wanted

abhii is taraf na nigaah kar mai.n Gazal ke palke.n sa.Nvaar luu.N
meraa lafz lafz ho aa_iinaa tujhe aa_iine me.n utaar luu.N

mai.n tamaam din kaa thakaa huaa tuu tamaam shab kaa jagaa huaa
zaraa Thahar jaa isii mo.D par tere saath shaam guzaar luu.N

agar aasamaa.N kii numaa_isho.n me.n mujhe bhii izn-e-qayaam ho
to mai.n motiyo.n kii dukaan se terii baaliyaa.N tere haar luu.N

ka_ii ajanabii terii raah ke mere paas se yuu.N guzar gaye
ji.nhe.N dekh kar ye ta.Dap hu_ii teraa naam leke pukaar luu.N

[sarfraz_qamar]

Re: sarfraz chouhdary,s most wanted

saKhtiyaa.N karataa huu.N dil par Gair se Gaafil huu.N mai.n
haay kyaa achchhii kahii zaalim huu.N mai.n jaahil huu.N mai.n

hai merii zillat hii kuchh merii sharaafat kii daliil
jis kii Gafalat ko malak rote hai.n vo Gaafil huu.N mai.n

bazm-e-hastii apanii aaraa_ish pe tuu naazaa.N na ho
tuu to ik tasviir hai mahafil kii aur mahafil huu.N mai.n

Dhuu.NDhataa phirataa huu.N ai "Iqbal" apane aap ko
aap hii goyaa musaafir aap hii ma.nzil huu.N mai.n

[sarfraz_qamar]

Re: sarfraz chouhdary,s most wanted

kaamaraan yuu.N thaa meraa baKht-e-javaa.N kal raat ko
jhuk rahaa thaa mere dar pe aasamaa.N kal raat ko


husn jab thaa ishq ke ghar mahamaa.N kal raat ko
uTh chukaa thaa har hijaab-e-daramiyaa.N kal raat k0


kaash ban jaatii hayaat-e-jaavidaa.N kal raat ko
kis qadar mahabuub thii umr-e-ravaa.N kal raat ko

[sarfraz_qamar]

Re: sarfraz chouhdary,s most wanted

Khvaab kii tarah se hai yaad ke tum aaye the

jis tarah daaman-e-mashriq me.n sahar hotii hai
zarre zarre ko tajallii kii Khabar hotii hai
aur jab nuur kaa sailaab guzar jaataa hai
raat bhar ek a.ndhere me.n basar hotii hai
kuchh isii tarah se hai yaad ke tum aaye the


jaise gulashan me.n dabe paao.n bahaar aatii hai
pattii pattii ke liye leke nikhaar aatii hai
aur phir vaqt vo aataa hai ke har mauj-e-sabaa
apane daaman me.n liye gard-o-Gubaar aatii hai
kuchh isii tarah se hai yaad ke tum aaye the

[sarfraz_qamar]

Re: sarfraz chouhdary,s most wanted

sar pe saayaa saa dast-e-duaa yaad hai
apane aa.Ngan me.n ik pe.D thaa yaad hai

jis me.n apanii pari.ndo.n se tashbiih thii
tum ko skuul kii vo duaa yaad hai


aisaa lagataa hai har imtahaa.N ke liye
zi.ndagii ko hamaaraa pataa yaad hai

maikade me.n azaa.N sun ke royaa bahut
is sharaabii ko dil se Khudaa yaad hai

mai.n puraanii havelii ka pardaa mujhe
kuchh kahaa yaad hai kuchh sunaa yaad hai

[sarfraz_qamar]

Re: sarfraz chouhdary,s most wanted

patthar ke jigar vaalo Gam me.n vo ravaanii hai
Khud raah banaa legaa bahataa huaa paanii hai

phuulo.n me.n Gazal rakhanaa ye raat kii raanii hai
is me.n terii zulfo.n kii berabt kahaanii hai

ik zahan-e-parenshaa.N me.n vo phuul saa cheharaa hai
patthar kii hifaazat me.n shiishe kii kahaanii hai

kyo.n chaa.Ndanii raato.n me.n dariyaa pe nahaate ho
soye hue paanii me.n kyaa aag lagaanii hai

is hausalaa-e-dil par ham ne bhii kafan pahanaa
ha.Ns kar ko_ii puuchhegaa kyaa jaan gavaanii hai