Salauddin Mengal Ka Intikhab

[Salauddien Mengal]

Re: hamari shahiry

Tumhari bolti aankhein

Zaban-o-lafz ki sari kee sari

Un kahi batein

Tumhari nazer kernay ko

Meri baytab see aankhein

Bohat himat to kerti hain

Mager phir har jati hain !

Tumhari bolti aankhoon say takra ker

Her ek koshish ko thukra ker

Kisi roothay howay, Sehmay howay say

Tifal ki manand

Meray ehsas k jhoolay main aa ker lait jati hain

Meray sachay say ek jazbay ki aangasht-e-shahadat thaam ker

Phir so bhi jati hai............

Meri bay khawab see aankhein !

[Salauddien Mengal]

Re: hamari shahiry

Mohabbat

MOHABBAT hai.......

Thatharti aabsharoon main bichi thandi hawa sehna

Shaboon k gunbadoon main goonjati baychainyoon k darmayan rehna

Her ek mosam ko apnay androoni mosamoon ki zad main lay aana

Kabhi mil k kisi say

Bay khabir , aadhay samunder tak safer kerna

Kabhi tanha kisi sahil pay aa k dair tak lehroon ko ginana

Aor khala main dekhtay rehna Muhabbat hai

Kisi khoay howay ko ghair iradi toor per

Her aajnabi chehray main akser dhoondatay rehna.

Hamesha bay khayali main

Kitaboon , chand taroon , badloon per.

Uss k barey jhilmilati baat likh daina.

Ya phir likh k mita daina

Kabhi rangoon ki lehroon per

Ussay bay soot hontoon say sada daina

Sada ko bazgasht aor gonj main dhal ker

Khalaoon say tahi damin paltay dekhna

Aor phir sada daina

MOHABBAT hai.......

Mein kia likhoon

Kabhi aisa bhi hota hai

Bohat hee rooth ker

Naraz ho ker

Napasandeeda khayaloon

Nafratoon ki aoot say

Ya mukhtalif heeloon bahanoon say

Kisi ko jhankatay rehna

Kisi ko sochatay rehna

Woh manay ya na manay bas ussay likhna ussay kehna

MOHABBAT hai.......

[Salauddien Mengal]

Re: hamari shahiry

Aftad

Aaj phir uss ka phone aaya hai.......

Aaj phir poocha kasay ho..........

Kia kertay rehtay ho...........

Kiya aab bhi awara phirtay ho..........

Ya chain say ghar main rehtay ho........

Kia aab bhi kisi ki yaad main khoay........

Kaghaz kalay kertay ho.......

Kia aab bhi kisi ko Insha g ki......

Nazmein aor geet sunaya kertay ho..........

Aaj phir uss ka phone aaya hai.........

Aaj phir poocha kasay ho.........

Aab hum uss ko yeh kasay batein kion ker batein..........

K Insha g k mananay walay.......

Chand nager k sodai........

Dil wehshi,thamay donoo hathoon main............

Jungle jungle, sehra sehra..............

Shehroon shehroon, wadi wadi........

Kabhi iss nagri , kabhi uss qaryey main...........

Kabhi iss basti k ek kochay main........

Jis chand ko apnay mun main basa lien..............

Bus uss ko hee talasha kertay hain.........

Chahay apnay ghar k aangen main............

Pora chand hee uttra ho...........

Aab hum uss ko yeh kaisay batein.....

[Salauddien Mengal]

[Salauddien Mengal]

Re: hamari shahiry

Ahsaan hai tera dil par , ke ishq toone sikhaaya,
Doondha kayi baar dil ko , dariya -e- gum hi paaya
Lutaaya kayi baar is dilko , humne teri khaatir,
Rang teri wafa ka mere , ashko mein nazar aaya
Hoti hai band saanse , na hoga shikva kisiko
Samjhenge wo ke unko, koi khwaab bura aaya

[Salauddien Mengal]

Re: hamari shahiry

Milay kab thay hum kisi mod per na ussay khaber na mujhe khaber
K khayal-o-khawab ka tha safer,na ussay khaber na mujhe khaber

Na woh saan main na guman main , na salam tha na payam tha
Kisay kis nay dekha tha chonk ker,na ussay khaber na mujhe khaber

Dar-e-dil pay naram see dastakein , kisay roktay kisay tokatay
Woh mehak thi jan main gai utar,na ussay khaber na mujhe khaber

Kabhi uss kay seenay main mera dil , bada natawan , bada mazmahal
Meray rukh pay uss ki hai chashm-e-ter,na ussay khaber na mujhe khaber

Dil muztarab, rahin kab talak kisi bay khaber kay khayal main
Kisay dhoondatay rahin umer bhar,na ussay khaber na mujhe khaber

Kabhi kho ** sabhi rastay kabhi rastoon say palat **
Kahan uss ka ghar,kahan mera ghar,na ussay khaber na mujhe khaber

Thay nazer main ajnabi rastay to yeh kasay aa gaya yak baik
Ser-e-rah chahtoon ka nager,na ussay khaber na mujhe khaber

[Salauddien Mengal]

Re: hamari shahiry

Uss nay phool bejhay hain

Uss nay phool bejhay hain
Phir meri ayaadat ko
Aik aik pati main
Unn laboon ki narmi hai
Unn jamil hathoon ki
Khushgawar hidat hai
Unn lateef sansoon ki
Dil nawaz khushboo hai


Dil main phool khiltay hain
Rooh main chiraghan hai
Zindagi muatar hai !


Phir bhi dil yeh kehta hai
Baat kuch bana laita
Waqt k khazanay say
Aik pal chura laita
Kash woh khod aa jata !

[S.Faryal.Naz]

Re: hamari shahiry

:salam:

:rose :) all gazal

[humaira aslam]

Re: hamari shahiry

zaber10 great shaeyri great ummda

[Salauddien Mengal]

Re: hamari shahiry

thanks to all of u............

[miss sng]

Re: hamari shahiry

:lpop: :wave

[Salauddien Mengal]

MEra INTEKHAB.

Aslamolekum.
YEH MERA INTEKHAB HAI MUJAY UMEED HAI APP SAB KO PASAND HOGA.
Aap Se Kabhi Mil Na Paaye HuM



Aap se kabhi mil na paaye hum
phir bichadne ka darr kaisa
meri har dhadkan me aap ho shamil
phir aapki judaai ka gham kaisa

deedaar-e-yaar ki khatir jee rahe hain hum
unki talaash hai ab har taraf
umr-e-tamaam kisike naam kar diya humne
ab maut se bhi hume ghabdraana kaisa

aapki yaad yun zindagi ko mehka de
bahaar bankar fiza me rang bhar de
sanwaara hai mujhe aapne is kadar
ki patjhad se bhi ab nazren churaana kaisa

sitaron ki mehfil saji thi har taraf
phir bhi roshni ko taras gaye the hum
mahtaab jo ban gaye aap zindagi ke
ab andheron ka humse naata kaisa

Khuda se jo maangi humne duayen
kabool kiya unhone hamaari mohabbat ko
zamana hume ab baddua de bhi toh kya
hume ab zamaane se shikayat kaisa

[Salauddien Mengal]

Re: MEra INTEKHAB.

Kal shayad mein rahun na rahun
Kal tum mujhe yaad karo na karo
Khushboo bana ker ek baar
Humain bhi yaad kar liya karo

Jaan jayegi tere intazaar mein
Tumhein main milun na milun
Awaz detin rahegi dhardkane meri
Saath tumhare chalun na chalun


Rasta dekhati hain nazar hamari
Thehar hi nahi pati aur kahin
Tum kya jano intezaar
Ya meri ankhon ki nami

[Salauddien Mengal]

Re: MEra INTEKHAB.

BOHAT YAAD AATA HAI


Bohat hi yaad aata hai mere Dil ko tarpaata hai
woh tera paas na hona bohat mujh ko rulaata hai

woh mera teri aankhon ke samandar main uttar jaana
aur teri muskurahat ke bhanwar main doobte jaana

teri awaaz ke saher se na nikal paana
tujh ko dekhna aur be-khudi se dekhte jaana

bohat chaha in guzre hue lamhon ko na sochoon
na teri yaad main reh ke tere saath ka sochoon

bhoola doon saari yaadon ko ke jin se Dil tarapta hai
ke jin se tais utth ti hai ke jin se dard hota hai

magar jab raat aati hai to teri yaad aati hai
tere hi khuwaab hote hain teri hi baat hoti hai

to tay paaya ab mumkin nahi tujh ko bhoola dena
teri yaad main rehna tujhe hi sochte rehna

tujhe jab yaad karte hain to Dil apna tarapta hai
woh tera paas na hona bohat mehsoos hota hai

[Salauddien Mengal]

Re: MEra INTEKHAB.

"Phir na dena sada humko
phir na loat k aaiengey hum
phir na kehna bewfa humko
ye aur baat hey k ek baar nahi so baar
so bar nahi bar bar
tera naam lene se milti hey shafa humko
phir na dena sada humko
phir na loat k aaiengey hum
yeh waqt bhi bara zalim hey
na iss ke paas
dil hey
na aankh
na aansoo
na ehsaas
iss toofan main bikhar jaiengey hum
phir na sametna humko
phir na dena sada humko.....

Zindagi mein kuchh lamhaey aisay aatey hain
Har cheez dhundla jati hae sirf khvaab nazar atey hain

Khvaab hi tu hain jo hamesha saath rehtey hain
Woh janey kaha gaye ab tu bas un ki yadaien hain

Unn sae mil ke phir yeh ehsaas honey lagaa
Wohi ek bas apney han baqi sab tu paraaye hain

Unn ki yeh adda hii saab sae ziaadaa bha gai
jab bhi hum un ko dehktey hain woh sharma jatey hain

Hum ne kabhi bhi unse koi gila na kia
Phir bhi woh humey har waqt sataatey hain

Kuch aysa rishta tha merey un ke darmiyaa
Jaise do panchi milttay hain phir bichrr jatey hain

Hir haal mae hum ne kosshish ki bhoolany ki
Lekin phir bhi us ajnabi ke saaye nazar atey hain

Humary saath ab ziaadaa kuch tu nahi hae
Bas hae ye Chandni raat aur kuch sitaarey hain

apna ehsaas mar na jaye kahin
dard had se guzer na jaye kahin
un ko dekhe huye hoin sadiyan
un ka chehra bekher na jaye kahin
ab ke awaz doon to aa jana
dil dewana sudher na jaye kahin
un ka wada to hai mager dil ko
darr hai ke kafer muker na jaye kahin
dard,jugnoo, hawa,gilley shikway
yeh mukader sawer na jaye kahin
meri duniya hai dard ki surat
gull ki surat nikher na jaye kabhi
khak se aab tak tu aa pohchey
ab yeh derya uter na jaye kahin
yeh muhabbat bhi ek balla tehri
hum ko derr hai woh derr na jaye kahin
is liye muskuraye phirta hoon
un ki aakh bhi na bhar jaye kahin
dil se guzra to hai mager wasif
apni jaan se guzer na jaye kahin

*~*~* TERI YADOON KE SARD MOUSAM MEIN *~*~*


Teri Yadoon k Sard Mousam Mein
Main Ne Raatein Guzar Di Apni
Par Sukoon Mila Nahi Mujh Ko
Teri Soorat Ka Vo To Sadqa Thy
Dil Ka Mousam Yunhi Raha Yaaron
Khoon Hasratoon Ka Phir Baha Yaaron
Teri Yadoon k Sard Mousam Mein
Dil Jala Deep Ki Soorat
Khuwab Mery Bikhar Gaye Saray
Raiza Raiza Meri Hasti Ko Kar Diya Tune
Meri Chahat Ka Dam Jo Bharta Tha
Khud Se Zyada Pyar Mujh Se Karta Tha
Aaj Tak Hay Meri Soch Ka Mehwar
Dil Tere Bin Udas Hay Ab Tak
Meri Chahat Ka Kya Koi Sila b Nahi
Uss Ko Mujh Se Koi Gila b Nahi
Teri Yadoon k Sard Mousam Mein
Aaj Phir Khud Ko SamaitTa Hoon Main
Kal Jo Tootay Thy Khuwab Saray Vo
Ashk Aankhon Se Bahay Saray Vo
Teri Yadoon Mein Guzra Ik Ik Pal
Meri Umer Ka Vo Hissa
Jo Kabhi Saath Tery Guzra Tha
Jo Kabhi Bichaye Thy Main Ne
Gul Vo Saray Samait loon Ab To
Jo Kabhi Chah Se Tune Likhay Thy
Vo Tery Khat Sambhal Rakhay Hain
Main Tujhay Kaisy Bhool Paon Ga
Meri Nas Nas Mein Tu Samayi Hay
Teri Yadoon k Sard Mousam Mein
Ahhh! Zindagi Ko Luta Diya Hum Ne
Apna Aap Khud Mita Diya Hum Ne
Teri Yadoon k Sard Mousam Mein...!!!






Saans Lenay Se Teri Yaad Aati Hay
Yaad Anay Se Meri Jaan Jati Hay
Kaisy Keh Doon k Sirf Saans Par Zinda Hon
Saans b To Teri Yaad k Baad Aati Hay...!!!

Pehla Pyaar
Ye mujhe ajkal kya ho raha hai
Sapne mein koi aa raha hai
Aankhein jo bandh karun apna
Usika chehra samne aa raha hai

Is khayal ko kya kahu
Is mushkil ka kya karu
Tumhi bataon ae dostv Kya ise hi pyaar kahu?

Usike ke khayalon mein khoyi hoon main
Usike yaadon mein gum hoon main
Gazab ki baat to ye hai doston
Aajkal shayari likh rahi hoon main

Dur Naa Jao!
Dur jana kya jaroori he
jab hum khadde hain intejar mein
ake toh ek baar dekh lo
kitne sapne rakkhe hain tumhare liye
inn sapno ka mey kya karoon
agar tum nahin rahe toh
bikhar jayenge woh waqkt se pehle
na tum honge, na sapne honge
hum to yuhin reh jayenge intezar mein!

Pathar Bana Dia Mujahy Rone Nahi Diya
Damaan Bhi Tere Gham Ne Bighone Nahi Dia

Tanhaiyan Tumhara Pata Poochti Rahain
Shaab Bhar Tumhari yaad Ne Sone Nahi Dia

Ankhon Mein Akar Beth Gai Annsoon Ki Lehar
Palkon PeKoi Khoawab Perone Nahi Dia

Dil Ko Tumhare Naam Ke Ansoo Aziz Thay
duniya Ka Dard Dil Mein Samone Nahi Diya

Nasir Yoon Uski Yaad Chali Haath Thaam Ke
Mele Mein Is Jahan Ke khone Nahi diya

Tumhe Ishq Ho Khuda Kare

Tumhe Ishq Ho Khuda Kare
Koi Tumko Us Se Juda Kare

Tere Hont Hansa Bhool Jain
Teri Annkh Mein Nami Raha Kare

Tujhay Hijar Ki Woh Jhari Lage
Tu Milan Ki Har Pal Dua Kare

Tere Khoawab Bikhrein Gali Gali
Tu Bhi Kirchi Kirchi Chuna Kare

Tujhay Ishq Par Phir Yaqeen Ho
Isse Tasbiyon Mein Parha Kare

Mein Kahoon Ishq To Dhong Hai
Aur Tu Nahi Nahi Kaha Kare.
Salauddien Mengal