Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Aashnaii Thi Faqat Wo, Aashnaii Ki Tarah
Hum Nay Kia Halat Bana Lee, Jone Bhai Ki Tarah

Itni Shiddat Say Unhain Socha Nahi Lakin Humay
Or Bhi Dukh Thay Kray Teri Judaii Ki Tarah

Jheel See Apni Tabiyat Hay Zara See Baat Per
Zehan Main Alfaaz Jam Jatay Hain Kaii Ki Tarah

Tujh Ko Khat Likhta Hoon Or Kaaghaz Pay Har Aansoo Mera
Jazb Ho Jata Hay Pheeki Roshnaii Ki Tarah

Jesay Be Qaboo Hon Lehjay Ki Tanabain Aaj Kal
Tujh Ko Ab Aawaz Deta Hoon Dahaii Ki Tarah

Janay Sajid Hum Nay Kia Say Kia Bana Daala Usay
Hijar Tha Bas Aam Logon Ki Judaii Ki Tarah

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Bas Ghari Do Ghari Ko Tera Saath Ho, Is Say Barh Kar Saa'adat Nahi Chahiye
Umar Bhar Kay Liye Or Ghum Hain Bohat, Umar Bhar Ki Rafaqat Nahi Chahiye

Aisi Goongi Mohabbat Ka Kia Faida Jis Main Izhaar -e- Jazbaat Mumkin Na Ho
Jis Main Sach Bhi Na Hum Keh Sakain Dhang Say, Aisi Jhooti Murawat Nahi Chahiye

Aisay Rahi Ka Bhi Kia Safar Kia Hazar, Shouq -e- Manzil Tu Jis Ko Bohat Ho Mager
Har Qadam Per Bharay Siskiyaan, Cheekh Uthay, Rastay Ki Tawalat Nahi Chahiye

Jis Ko Jana Nahi, Jis Ko Parkha Nahi, Us Pay Kia Apnay DIL Ki Girah Kholtay
Kesay Sach Boltay Us Ki Khidmat Main Hum, Jis Ko Hurf -e- Sadaqat Nahi Chahiye

Tu Nay Kia Soch Kar Aag Main Rakh Diye, Teray Pairon Kay Ye Phool Jal Jayain Gaye
Chahay Ishq Main Shidatain Bhi Mager, Ye Janoon Aisi Wehshat Nahi Chahiye

Jis Ko Parh Kar Sulagnay Lagay Chashm o Dil, Jis Ko Pa Kar Dhoway Main Bikhar Jaye Hum
Chahiye, Tera Khat Be Talab Chahiye, Lakin Aisi Ebarat Nahi Chahiye

Saa'atain Chand Ginti Ki Hain Jaib Main, Kharch Karna Hay In Ko Bohat Soch Kar
Qarz Hain Mujh Pay Ouron Ki Bhi Rahatain, Sirf Apni Hi Raahat Nahi Chahiye

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kyun Karrtay Ho Be Kaar, Usay Kyun Nahi Likhtay
Tum Haal -e- DIL Zaar Usay Kyun Nahi Likhtay

Kab Tak Ye Sarabon Ka Safar Kartay Raho Gaye
Ab Zabt Hay Dushwaar, Usay Kyun Nahi Likhtay

Har Ahad Ki Tamseel Main Hay Jalwa Figan Wo
Tum Log Ada Kaar Usay Kyun Nahi Likhtay

Naraz Hain Kuch Log Keh Jo Wadi -e- Shab Hay
Hum Qarya -e- Anwaar Usay Kyun Nahi Likhtay

Har Sahib -e- Fun Ko Yahi Shikwa Hay Keh Naqaad
Is Ahad Ka Funkar Usay Kyun Nahi Likhtay

Suntay Nahi Kia Tum Keh Wo Madah Sukhan Hay
Khat Likhtay Ho, Aashaat Usay Kyun Nahi Likhtay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Dhoop Ghari Ka Dor Bhi Kitna Acha Tha
Waqt Ka Darya Paon Kay Neechay Behta Tha

Main Nay Aankhain Mondein Or Dam Saadh Liya
Ak Parinda Kaandhay Per Aa Betha Tha

Sabt Hay Ab Tak Phoolon Kay Do Surkh Nishaan
Khowab Main Kis Nay Mera Maatha Chooma Tha

Barhti Umar Kay Saath Khulay Israar Us Kay
Kitna Zalim Tha Wo Hijar Jo Pehla Tha

Jab Apnay Atraaf Main Bheer Ka Shoor Suna
Tab Mujh Ko Ahsaas Howa Main Tanha Tha

Hijar Kay Us Lamhay Per Ab Tak Nadim Hoon
Tark -e- Taluq Ki Baabat Jab Socha Tha

Khaak Uratay Phirtay Hain Ab Khaak Nasheen
Ak Din Kehkashaan Per Pao Na Tikta Tha

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Band Kamray Kay Makeen

(Nazam)


Kabhi Ghar Say Nikal Kar Tum Nay
Sarma Ki Thatherti Chaandni Shab Main
Akelay Chaand Ko Dekha Hay ?
Kabhi Sunsaan Baaghon Main
Kesi Tanha Rawish Per Chaltay Chaltay, Chaand Say Pucha
Keh Wo Tum Say Ziada Muztarib Kyun Hay ?
Mager Tum !
Band Kamray Kay Makeen
Khowabon Kay Shezaday !
Nikal Kar Garam Kamray Say
Kaha Jao Gaye Aadhi Raat Ko Sunsaan Baaghon Main ?
Akelay Chaand Say Baatain Tu Wo Mazloom Kartay Hain
Jinhain Ghar Kay Dar o Deewaar Bhi
Dhatkaar Detay Hain
Jinhain Apni Hi Aawazon Kay Khanjar
Maar Detay Hain

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Mohtaaj HumSafar Ki, Musafat Na Thi Meri
Sab Saath Thay Kesi Say Rafaqat Na Thi Meri

Haq Kis Say Maangta Keh Makeeno Kay Saath Saath
Deewar o Baam o Dar Ko Zarorat Na Thi Meri

Sach Bol Kay Bhi Dekh Liya Un Kay Samnay
Lakin Unhain Pasand Sadaqat Na Thi Meri

Main Jin Pay Mar Mita Tha Wo Kaaghaz Kay Phool Thay
Rasmi Mukaalmay Thay Mohabbat Na Thi Meri

Jo Dosron Kay Dukh Thay Wahi Meray Bhi Dukh Thay
Kuch Aisi Mukhtalif Bhi Hakayat Na Thi Meri

Bas Kuch Asool Thay Jo Beharhaal Thay Azeez
Janam ! Kesi Say Warna Adawat Na Thi Meri

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Mat Us Khowab Kay Pichay Bhago!


Bholi Larki !
Mat Us Khowab Kay Pichay Bhago
Pather Ban Kay Reh Jao Gi
Taiz Bohat Hay Waqt Ka Darya
Tum Bhi Us Main Beh Jao Gi
Ye Nashter Jesi Ruswaii
Bolo, Kesay Seh Pao Gi
Kia Bachon Jesi Baaton Say
Tum Sab Ko Behla Sakti Ho ?
Kia Tum Apnay Mann Ki Mantaq
Dunya Ko Samjha Sakti Ho
Khowabon Jesi Baatain Kar Kay
Kia Tabeerain Pa Sakti Ho
Baap Ki Shafqat, Maa Ki Mamta
Kia Sach Much Thukra Sakti Ho
Jis Ghar Main Parwaan Charain Tum
Us Ko Chorr Kay Aa Sakti Ho
Aisi Baatain Na Mumkin Hay
Bas Tum Apni Tanhaii Main
Hijar Kay Geet Hi Ga Sakti Ho

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Intazar

Saray Parind So Gaye, Khowab Nagar Main Kho Gaye
Ous Main Bheegta Raha Raat Ko Baagh Main Koii

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Majbori

( Nazam)

Tujhay Main Bhool Tu Jata
Mager Teray Taluq Say
Jo Chehray Samnay Aaye
Jo Rastay Samnay Aaye
Jo Lamhay Samnay Aaye
Jo Rishtay Samnay Aaye
Unhain Kesay Bhulata Main
Tujhay Kesay Bhulata Main ?

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Tark -e- Taluq Tu Kar Chukay Hain Ak Imkaan Abhi Baki Hay
Ak Mohaaz Say Lout Aaye Hain Ak Maidaan Abhi Baki Hay

Shayed Us Nay Hansi Hansi Main Tark -e- Wafa Ka Zikar Kia Ho
Yon Hi See Ak Khush Fehmi Hay, Itmanaan Abhi Baki Hay

Raatain Us Kay Hijar Main Ab Bhi Nazah Kay Aalam Main Katti Hain
DIL Main Wesi Hi Wehshat Hay, Tan Main Jaan Abhi Baki Hay

Bachpan Kay Us Ghar Kay Saray Kamray Malya Mait Howay
Jis Main Hum Khaila Kartay Thay, Wo Daalan Abhi Baki Hay

Diye Mundair Pay Rakh Aatay Hain Hum Har Shaam Na Janay Kyun
Shayed Us Kay Lout Aanay Ka Kuch Imkaan Abhi Baki Hay

Ak Adalat Or Hay Jis Main Hum Tum Ak Din Hazir Hon Gaye
Fesla Sun Kar Khush Mat Hona, Ak Maizaan Abhi Baki Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Tujhay Bhula Kar Jiyon, Aisi Badd Dua Na Day
KHUDA Mujhay Ye Tahammul, Ye Hosla Bhi Na Day

Meray Bayaan Safaii Kay Darmiyaan Mat Bol
Sunay Bagair Mujhay, Apna Fesla Bhi Na Day

Ye Umar Main Nay Teray Naam Be Talab Main Likh Di
Bhalay Say Daaman -e- DIL Main Kahi Jaga Bhi Na Day

Ye Din Bhi Aaye Gaye, Aisa Kabhi Na Socha Tha
Wo Mujh Ko Dekh Bhi Lay, Or Muskura Bhi Na Day

Ye Ranjishain Tu Mohabbat Kay Phool Hain Sajid
Taluqat Ko Is Baat Pay Ganwa Bhi Na Day

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Sawal


Sawal Ye Hay Tumhari Rafaqatain Bhi Rahin
Akelay Kesay Rahay Hum, Tumharay Hotay Howay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Teray Liye

( Nazam)

Dil Hathaili Per Liye Sab Nay Qatarain Baandh Lee
Sab Nay Aankhon Ki Sajaii Kehkashaan Teray Liye
Apni Umeedon Kay Taaray Teray Aagay Rakh Diye
Kar Dia Sab Nay Zameen Ko Aasmaan Teray Liye

Meray Liye

Kaktis Jesay Hain Ye Meray Dar o Deewar Bhi
Mera Kamrah Bhi Hay Dasht -e- Be Amaa Meray Liye
Main Tu Sarma Ki Thatherti Raat Ka Mahtaab Hoon
Koun Wa Karta Hay Ghar Ki Khirkiyaan Meray Liye

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Aklapa


(Nazam)


Wo Borha Ak Din Bazaar Main Mujh Ko Mila
Kehnay Laga, " Betay "!
Tumharay Pass Thora Waqt Hay?
Main Nay Kaha, " Farmaye" Kia Chahiye"?
Kehnay Laga, " Bas Chand Lamhay Guftago Kay Wastay"
Hum Pass Kay Hotel Main Ja Bethay,
Humharay Darmiyaan Kuch Dair Tak Taari Rahi Be Chain Khamoshi
Phir Us Nay Apni Aainak, Apnay Aansoo Poch Kar

Yon Lab Kushaii Ki :

Humaray 3 Betay Hain Jo America Main Rehtay Hain
Yaha, Is Mulk Kay Is Shehar Main
Chotta Sa, Khasta Haal Sa Ak Ghar Hay
Jis Ki Toti Photi Balkoni Main
Sar Shaam Kheezan
Hum Dono, Bivi Or Main, Khamosh
Pairon Ki Ghani Shaakhon Kay Pechay Dobtay Sooraj Ko Taktay Hain
Kabhi Bachon Kay Pichlay Khat Say Behlatay Hain Apna DIL
Kabhi Hum Un Ki Tasveeron Ko Seenay Say Lagatay Hain
Musalsal , Kaan Telephone Ki Ghanti Per Rakhtay Hain
Na Janay Kab Kesi Betay Ka Telephone Aa Jaye
Guzar Jatay Hain Din , Beton Ko Fursat Hi Nahi Milti
Keh Hum Ko Sirf Itni Italah Day Dain
" Yaha Sab Khairyat Hay, Aap Kay Ahwaal Kesay Hain ? "
Kaii Din Beet Jatay Hain
Na Koii Khat Na Telephone
Sannata Sa Rehta Hay
Ye Sannata Humaray Khoon, Humari Hadiyon Main Jazb Ho Kar
Aanso'on Main Phoot Behta Hay
Hum Un Ko Phone Kartay Hain
Edhar Say Koii Beta Neend Main Dobi Hoii Aawaz Main
Jhinjala Kay Kehta Hay :
" Abhi Thak Haar Kay Soye Thay, Apnay Job Say Aa Kar
Humari Neend Kyun Disturb Kar Di Aap Nay Papa ?"

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kal Or Aaj


Main Jab Chotta Sa Ak Bacha Tha
Meray Zindagi Kay Do Marakiz Thay
Mera Ghar Or Mera Basta
Meray Ghar Main Meray Maa Baap Ki Shafqat Kay
Ujlay Phool Khiltay Thay
Kabhi Main Dair Say Aata Tu Meri Muntazir Milti Thi Meri Maa
Sar Dehleez, Darwazay Pay Phelaiye Howay Baahain
Karakti Sardiyon Main Wo Sada Geeli Jaga Soti
Mujhay Sookha Howa Aaram Day Bister Ata Karti
Meray Abba Mujhay Har EID Per Achay Say Acha Boat Pehnatay
Or Un Kay Paon Kay Boseeda Jootay Muskura Diye
Wo Eidain Ja Chuki, Wo Din Meray Mazi Ka Hissa Hain
Main Ab Khud Baap Hoon
Or EID Say Do Chaar Din Pehlay
Kharidari Kay Khatir Ghar Say Jab Nikalta Hoon
Tu Nazrain Sab Say Pehlay Dhoondti Hain Wo Dokanain
Jin Main Achay Boat Miltay Hain
Tasawer Main Meray Abbu Ka Chehra Muskurata Hay