Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Abbo, Aisa Kyun Hota Hay ???


Aap Say Main Kuch Keh Nahi Sakta
Ak Nanna Sa Bacha Hoon Main
Abhi Tu Meray Moun Say Abbo
Maa Kay Dhood Ki Boo Aati Hay
Abhi Main Bol Nahi Sakta Hoon
Apni Chamakti Aankhon Say Main
Bohat Say Rang, Bohat Say Manzar, Bohat Say Chehray Dekhta Hoon
Sab Ki Goud Main Aa Jata Hoon
Har Seenay Say Lag Jata Hoon
Lakin Abbo, Aap Kay Seenay Per Jab Apna Sar Rakhta Hoon
Yon Lagta Hay Jesay Is Puri Dunya Main
Do Mehfooz Qilay Hain Meray
Maa Ki Chaati, Aap Ka Seena
Ye Sab Kuch Main Keh Nahi Sakta
Bas Apni Ghoo Ghaan Karta Hoon
Abbo Main Chup Reh Nahi Sakta
Panghoray Main Chorr Kay Mujh Ko
Kyun Per Dees Chalay Jatay Hain
Jab Janay Lagtay Hain Ghar Say
Aap Ki In Aankhon Kay Taaray
Aakhir Kyun Dhoondla Jatay Hain
Abbo Aap Tu Itnay Baray Hain
Abbo Aap Bhi Rotay Hain Kia

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Teri Payel Teray Khowabon Ki Sada
Jesay Sehra Main Sarabon Ki Sada

Itna Hassas Hoon Sun Laita Hoon
Shaam Kay Zard Gulabon Ki Sada

Jism Sunta Hay Sakoot -e- Shab Main
Dil Kay Pur Shoor Azabon Ki Sada

Gour Say Sun Kesi Almari Main
Gard Aalood Kitabon Ki Sada

Raat Aaya Tha Chanbeli Ka Pyaam
Jesay Khoye Howay Khowabon Ki Sada

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Sandeesa

Zeenay Pay Rakh Gia Koii Tehni Gulaab Ki
Aisay Dia Kesi Nay Sandeesa Bahaar Ka

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Aisi Deewangi Say Kia Hasil ??


(Nazam)


Quwat -e- Fikar Jis Main Ghat Jaye
Zehan Tareekhiyon Main Bat Jaye

Dil Gubaar Alam Main Att Jaye
Aadmi Zindagi Say Kat Jaye

Aisi Deewangi Say Kia Hasil
Is Ghum Aashiqi Say Kia Hasil

Ishq Aisa Tu Ho Keh Jis Ki Chamak
Dil Ki Tareekhiyon Ko Dorr Karay
Fikar Ko Aabshaar Noor Karay
Sheesha -e- Ghum Ko Choor Choor Karay

Lakin 21veen Sadi Ka Demagh
Jesay Aandhi Kay Rastay Main Charagh
Jesay Pather Ka Phool, Rait Ka Baagh

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Chaar Misray


Jaan Kani Main Mareez Hasti Hay
Maangta Hay Dawa Zamanay Say
Chara Saazon ! Sunairi Mouqa Hay
Zehar Day Do Isi Bahanay Say

*****

Shaan Ghati Hay Inkasari Say
Is Liye Sar Ko Kham Nahi Rakhtay
Jin Ki Ouqaat Chaar Sikkay Hain
Wo Zameen Per Qadam Nahi Rakhtay

*****

Ouj Aflaak Hay Meri Manzil
Meri Parwaz Rukh Nahi Sakti
Meri Aawaz Roknay Walon
Meri Aawaz Ruk Nahi Sakti

*****

Waqt -o- Halaat Bhool Jatay Hain
Ak Ak Baat Bhool Jatay Hain
Hum Nay Dekha Keh Log Pal Bhar Main
Apni Ouqaat Bhool Jatay Hain

*****

Jab Keh Bedaar Hon Mohafiz Gul
Phir Lutay Kyun Chaman Sawal Ye Hay
Sab Ko Dawa Hay Reh Numaii Ka
Koun Hay RahZan Sawal Ye Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Phool Khilnay Ki Ghari


(Nazam)


Pehlay Aap Bataye Mujh Ko
Aap Ka Chehra Peela Kyun Hay?
Aap Kay Kapray Mailay Kyun Hain?
Wo Neeli See Shart Kaha Hay?
Aap Ki Ladder Belt Kaha Hay?
Ainak Ka Number Kyun Badlay?
Kyun Dhoondlee Dhoondlee Hain Aankhain?
Kyun Itna Likhtay Parhtay Hain?
Aap Kay In Uljhay Baalon Ko
Koun Waha Suljhata Ho Ga?
Is Wehshi, Is Muzter Dil Ko
Koun Waha Behlata Ho Ga?
Wo Dasht Hay Tanhaii Ka
Chain Waha Kab Aata Ho Ga?

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Resham Jesay Kitnay Sawalon Kay Ghuchay


(Nazam)


Resham Jesay Kitnay Sawalon Kay Ghuchay Hain
Jo Perdesh Say Ghar Aatay Hi Khul Jatay Hain
Sochta Hoon Main
Maa, Mehboba Or Bivi
Ye Teeno Rishtay
Aapas Main Jab Mil Jatay Hain
Jesay Dorr Kahin Sehra Main
Taaza Phool Khil Jatay Hain

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kaha : Din Ko Bhi Ye Ghar Kis Liye Weeran Rehta Hay??
Yaha Kia Hum Sa Koii Be Saro Samaan Rehta Hay ??

Dar o Deewar Sannatay Ki Chaadar Maiin Hain Khowabida
Bhala Aisi Jaga Zinda Koii Insaan Rehta Hay ??

Musalsal Puchnay Per Ak Chilman Say Jawab Aaya
Yaha Ak Dil Shikasta Sahib -e- Deewan Rehta Hay

Jhijhak Kar Main Nay Pucha : Kia Kabhi Bahar Nahi Aata
Jawab Aaya : Usay Khalwat Main Itmanaan Rehta Hay

Kaha : Kia Us Kay Rishtay Dar Bhi Milnay Nahi Aatay ?
Jawab Aaya : Ye Sehra Din Raat Sunsaan Rehta Hay

Kaha : Koii Tu Ho Ga Us Kay Dukh Sukh Baantnay Wala
Jawab Aaya : Nahi, Khali Ye Ghar, Ye Lawn Rehta Hay

Kaha : Us Kay Ghar Main Hain Kuch Phoolon Kay Pouday Bhi
Jawab Aaya Keh Khali Phir Bhi Har Guldaan Rehta Hay

Kaha : Us Kay Mohallay Main Nahi Pursaan -e- Haal Us Ka ?
Jawab Aaya : Khayal Us Ka Mujhay Har Aan Rehta Hay

KHUDA Ka Shukar Hay Hum Ak Fiza Main Saans Laitay Hain
Ager Miltay Nahi, Itna Tu Itmanaan Rehta Hay !

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Takeed


(Nazam)


Meray Halaat Ki Abtari Dekh Kar
Us Kay Abbo Nay Thukra Dia Tha Mujhay
Phir Achanak Wo Ak Anjuman Main Mili
Apni Khamosh Palkain Jhukaye Howay
Wo Meray Pass Aa Kar Khari Ho Gaii
Chand Lamhon Talak Khanjar Khamshi
Dheeray Dheeray Kalaijon Pay Chalta Raha
Waqt Hairan Aankhon Ko Malta Raha
Phir Zara Dair Main Mouzoo -e- Guftago
Apnay Haath Aa Gia
Yani Mousam, Siasat, Ghum Zindagi
Dair Tak Us Say Jee Bhar Kay Baatain Hoii
Phir Wo Chaltay Howay Ak Pal Ko Ruki
Mujh Say Kehnay Lagi :
Shairy Say Bhala Kia Mila Aap Ko
Sirf Palkon Ka Num
Sirf Yaadon Ka Ghum
Aap Ki Shoratain, Aap Ko Pesh o Kam
Kuch Na Dain Gi Kabhi Shair Mohtaram
Mat Bura Maniye Ga Meri Baat Ka
Ye Taqaza Hay Moujoda Halaat Ka
Is Liye Jan -e- Mann , Shairy Chorr Kar
Fun Kay Is Reg-Zaron Say Moun Mor Kar
Ab Dubai Or Masqat Ka Rukh Kijiye
Chand Barson Main Jab Aap Ki Jaib Main
8-10 Laakh Hon
Tab Watan Aaiye
Or Abbo Say Phir Maang Lijiye Mujhay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Har Jaii


(Nazam)


Tum Nay Hi Majboor Kia
Mujh Ko Rah Badalnay Per
Jeewan Kay Be Ant Safar Main
Gair Ka Ho Kar Chalnay Per

Main Nay Tumhari Aashaon Ka
Har Har Roop Saraha Hay
Main Nay Apna Aap Bhula Kar
Tum Ko Toot Kay Chaha Hay

Umar Ki Ujli Dewaron Per
Qismat Ka Andhyara Tha
Or Bohat Say Sooraj Lakin
Tum Sa Charagh Hi Pyara Tha

Lakin Tum Hi Meray Maseeha
Nafrat Kay Saanchay Main Dhal Kar
Ak Din Meray Samnay Aa Gaye
Qatil Ka Behroop Badal Kar

Ab Kia Shikwa Kesi Shikayat
Chahat Kay Sab Rishtay Kachay
Main Bhi Or Tum Bhi Har Jaii
Main Bhi Theek Or Tum Bhi Sachay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Amanat


Yaad Parta Hay Keh Kuch Khowab Thay Dhoondlay Dhoondlay
Wo Amanat Main Kahin Bhool Gia Hoon Rakh Kay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Meri Tarah Kesi Ko Bhi Khona Nahi Para
Tum Khush Naseeb Ho Tumhay Rona Nahi Para

Bin Mangay Mil Gaii Tumhay Har Manzil Muraad
TalwaO Main Koii Khaar Chibhona Nahi Para

Sadd Shukar Mujhay Dreedah Badan Ki Tarah Tumhay
Kanton Pay Ak Raat Bhi Sona Nahi Para

Dushman Say Sur Khoro Hon Keh Badla Nahi Liya
Sharminda Apnay Aap Say Hona Nahi Para

Rakhay Tamaam Chaak Salamat , Faraaq Kay
Perdes Main Bhi Seena Prona Nahi Para

Ki Zindagi Nay Meri Wakalat Kuch Is Tarah
Baar Saboot Bhi Mujhay Dhona Nahi Para

Nazaan Hoon Apnay Qalib -e- Deewan Main Mujhay
Bharti Ka Koii Sher Samona Nahi Para

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Aawaz Ka Rishta. (Nazam)

Bas Yon Hi Rasmi Rasmi Sa
Ak Be Mafoom Taa'ruf Tha
Us Nay Mera Number Maang Liya
Phir Ak Din Telephone Kia
Phir Phone Kia..............
Phir Phone Kia.............
Ak Roz Thi Barish Zoron Per
Baadal Garjay, Bijli Chamki
Phir Boondhain Barsi Khirki Per
Tab Us Ka Telephone Aaya
Be Saakhta Main Nay Us Say Kaha
Barsaat Main Tanhaii Ki Saza
Kyun Deti Ho
Kyun Karti Ho Tum Phone Mujhay
Kuch Lamhon Tak Wo Chup See Rahi
Phir Kehnay Lagi
Jo Aap Ka Dheema Lehja Hay
Mujhay Be Hadd Acha Lagta Hay
Aawaz Jo Aap Kay Honton Say
Tashna Kaano Tak Aati Hay
Mujhay "Us" Ki Yaad Dilati Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Bujh Jayein Gi Roshan Aankhain (Nazam)


Ak Din
(Or Wo Din Bhi Shayed Dorr Nahi)

Ye Roshan Or Pyari Aankhain
Zalim Khaak Main Rul Jaye Gi
Goud Main Lainay Wali Baahain
Behar -e- Fana Main Ghul Jaye Gi
Maa ! Tum Tanha Chorr Kay Hum Ko
Shehar Ajal Main Kho Jao Gi
Bujh Jayein Gi Roshan Aankhain
Maa ! Tum Chain Say So Jao Gi
Shehar -e- Abad Ki Ho Jao Gi
Chahra Garon Kay Qatil Jumlay
Sunta Hoon Tu Dukh Hota Hay
Zabt Karon Tu Dam Ghut-ta Hay
Ashk Piyon Tu Dil Rota Hay
Taaq Umar Say Dheeray Dheeray
Kitni Shamain Bujh Chuki Hain
Tum Say Pehlay Taiz Hawa Say
Kitni Aankhain Ujar Chuki Hain
Lakin Ye Ghum Kesa Ghum Hay?
Jis Kay Soug Main Chashm -e- Falak Bhi
Janay Kitnay Roz Say Nam Hay
Janay Kab Tak Roye Gi Aankhain
Janay Kab Tak Lamhay Gin Gin
Guzray Gaye Soli Pay Ye Din
Or Phir Aak Din ..................
Sochta Hoon Tu Kaanp Uthata Hoon!

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Maa ! Kaha Ho Tum ?


Meray Charon Taraf Hay Dasht Be Payan Kaha Ho Tum
Meray Maathay Pay Bosa Denay Wali Maa ! Kaha Ho Tum

Mujhay Jhulsa Rahi Hay Zindagi Ki Dhoop Barson Say
Meri Umeed, Meri Zeest Ka Samaan Kaha Ho Tum

Kharashain Daal Di Hain Dil Kay Aainay Pay Dunya Nay
Meray Har Dukh, Meray Har Dard Ka Darmaan Kaha Ho Tum

Main Thak Kay Girnay Wala Hoon Mujhay Aagosh Main Lay Lo
Taaqub Main Hay Meray Gardish -e- Douraan Kaha Ho Tum

Meray Wo Dost Khush Qismat Hain Jin Ki MAA'AIN Zinda Hain
Meri Nazron Main Sara Shehar Hay Weeran Kaha Ho Tum

Kaha Ho Tum ? Ye Dekho, Mera Seena Kitna Ghaayal Hay
Meray Zakhmo Ko Marham Ki Talab Hay Maa ! Kaha Ho Tum