Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Nadim Hoon Main Nay Koii Bhi Rahat Na Di Tujhay
Tu Jis Ka Mustahiq Tha Wo Chahat Na Di Tujhay

Apnay Hi Shab o Roz Kay Jhamailon Main Gum Raha
Jis Per Tera Tha Haq Wo Rafaqat Na Di Tujhay

Tu Pass Tha Tu Meri Ana Kay Garoor Nay
Pather Kay Ak Butt Ki Bhi Waqqat Na Di Tujhay

Darya Tha Main Khaloos Ka Har Shaks Kay Liye
Per Boond Bhar Bhi Main Nay Mohabbat Na Di Tujhay

Kaaghaz Kay Qamqamo Ko Jalanay Kay Shouq Main
Afsoos, Koii Shaam Rafaqat Na Di Tujhay

Tu Sochta Tu Ho Ga Shaair Kay Pyaar Nay
Apni Kesi Ghazal Ki Bhi Soorat Na Di Tujhay

Main Kia Karon Keh Meray Bohat Say Aazab Thay
Bas Is Liye Kabhi Koii Zehmat Na Di Tujhay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)


Utri Hay Yon Judaiyon, Tanhaiyon Main Shaam
Jesay Ujaar Shehar Ki Angnaiyon Main Shaam

Rangeen Qamqamon Ka Sahara Liye Howay
Sehmi Hoii Hay Shehar Ki Ranaiyon Main Shaam

Kamron Main Band, Hijar Kay Gosha -e- Nasheen Teray
Kab Dhoondtay Hain Apni Pazeeraiyon Main Shaam

Hum Sookhta Dilon Ki Tumhay Kia Khaber Keh Hum
Kesay Guzaar Laitay Hain Tanhaiyon Main Shaam

Ay Aakhri Kiran, Mujhay Ghar Tak Tu Chorr Day
Ab Dhal Rahi Hay Doobti Parchaiyon Main Shaam

Na Aashna Hajoom Main Khoye Howay Thay Hum
Guzri Hay Aaj Aisi Shanasaiyon Main Shaam

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Mujh Say Mukhlis Tha Na Waqif Meray Jazbaat Say Tha
Us Ka Rishta Tu Faqat Apnay Mufadaat Say Tha

Ab Jo Bichra Hay Tu Kia Roye Judaii Main Teray
Ye Andesha Tu Humay Pehli Mulaqat Say Tha

DIL Kay Bujhnay Ka Hawa'on Say Gila Kia Karna ?
Ye Diya Nazah Kay Aalam Main Tu Kal Raat Say Tha

Markaz -e- Shehar Main Rehnay Pay Musir Thi Khalqat
Or Main Wabasta Teray DIL Kay Mazafaat Say Tha

Main Kharabon Ka Makeen Or Taluq Mera
Teray Naatay Kabhi Khowabon Kay Mahalaat Say Tha

Lab Kushaii Pay Khula Us Kay Sukhan Ka Iflaas
Kitna Aarasta Wo Etlas o Banaat Say Tha

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)


Ye Barson Ka Taluq Torr Dena Chahatay Hain Hum
Ab Apnay Aap Ko Bhi Chorr Dena Chahatay Hain Hum

Kesi Dehleez Pay Aankhon Kay Ye Roshan Diye Rakh Kar
Zameer Subh Ko Jhanjor Dena Chahatay Hain Hum

Jidhar Hum Ja Rahay Hain Us Taraf Toota Howa Pul Hay
Ye Baagain Is Say Pehlay Morr Dena Chahatay Hain Hum

Ye Noubat Kal Jo Aani Hay Tu Sharminda Nahi Hongay
Marasim Ahtiyatan Torr Dena Chahatay Hain Hum

Ajeeb Dewangi Hay, Jis Kay Hum Saaye Main Bethay Hain
Isi Deewar Say Sar Phor Dena Chahatay Hain Hum

Taluq Kurchiyon Ki Shakal Main Bikhra Tu Hay Phir Bhi
Shikasta Aaino Ko Jorr Dena Chahatay Hain Hum

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Main Takye Pay Sitaray Bo Raha Hoon
Janam Din Hay Akela Ro Raha Hoon

Kesi Nay Jhaank Kar Dekha Na Dil Main
Keh Main Andar Say Kesa Ho Raha Hoon

Jo DIL Pay Daagh Hain Pichli Rutton Kay
Unhain Ab Aanso'on Say Dho Raha Hoon

Sab Hi Parchaiyan Hain Saath Lakin
Bhari Mehfil Main Tanha Ho Raha Hoon

Mujhay Un Nisbaton Say Koun Samjha ?
Main Rishtay Main Kesi Ka Jo Ho Raha Hoon

Main Choonk Uthta Hoon Akser Bethay Bethay
Keh Jesay Jagtay Main So Raha Hoon

Kesay Panay Ki Khowaish Hay Keh Sajid
Main Rafta Rafta Khud Ko Kho Raha Hoon

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Ager Milna Zarori Hay

(Nazam)


KHUDA Janay Tumharay Zehan Main Kia Hay
Meray Baray Main Tum Kia Sochti Ho, Keh Nahi Sakta
Mager Main Is Liye Milnay Say Katrata Hoon Tum Say

Keh Wo Baatain Jo Hum Likhtay Hain ! Apnay Khat Main Chahat Say
Wo Baatain Or Baatain Hain
Wo Baatain Aisi Baatain Hain Keh Bas Baatain Hi Baatain Hain
Haqiqat Mukhtalif Hay Aisi Baaton Say
Haqiqat Kia Hay, Is Edraak Tak Tum Kesay Pohcho Gi ?
Haqiqat Munkashif Hoti Nahi Alfaz Likhnay Say
Zabani Guftago Say, Bahimi Ezhaar o Arz Haal Karnay Say
Bohat See Aisi Baatain Hain
Jinhain Sunnay Ko Kaano Ki Nahi Aankhon Ki Haajat Hay
Ager Tum Mujh Say Milnay Per Bohat Israar Karti Ho
Tu Phir Ak Shart Hay
Ak Lafz Bhi Na Kehna Honton Say
Faqat Aankhon Say Aankhain Guftago Karti Rahay Gi
Khala Apnay Sawalon Ka
In Aankhon Ki Sada'een Khud Ba Khud Bharti Rahay Gi
Ager Milna Zarori Hay
Tu Chotti See Meri Ye Shart Apnay Zehan Main Rakhna!

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Wo Pehli Jesi Wehshatain, Wo Haal Hi Na Raha
Keh Ab Tu Shouq -e- Raahat Wasaal Hi Na Raha

Tamaam Hasratain Har Ak Sawal Dafan Kar Chukay
Humaray Pass Ab Koii Sawal Hi Na Raha

Talash Rizq Main Ye Shaam Is Tarah Guzar Gaii
Koii Hay Apna Muntazir Khayal Hi Na Raha

Un Aatay Jatay Roz o Shab Ki Gardishon Ko Dekh Kar
Kesi Kay Hijar Ka Koii Malaal Hi Na Raha

Humara Kia Banay Ga Kuch Na Kuch Tu Is Pay Sochtay
Mager Kabhi Humay Ghum -e- Maal Hi Na Raha

Tumharay Khaal o Khad Pay Ak Kitaab Likh Rahay Thay Hum
Mager Tumhara Husan Be Misaal Hi Na Raha

Sanwarta Nikhaarta Main Kesay Apnay Aap Ko
Tumharay Baad Apna Kuch Khayal Hi Na Raha

Zara See Baat Say Dilon Main Itna Faraq Aa Gia
Taluqaat Ka Tu Phir Sawaal Hi Na Raha

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Ajab Halaat Thay Meray, Ajab Din Raat Thay Meray
Mager Main Mutma'een Tha Is Liye, Tum Saath Thay Meray

Meray Zar Kay Talabgaron Ki Nazrain Aisay Uthati Thin
Keh Lakhon Ungliyaan Thin, Or Hazaron Haath Thay Meray

Main Ak Pather Ka Gard Aalood Butt Tha Un Kay Mandar Main
Na Dil Tha Meray Seenay Main, Na Kuch Jazbaat Thay Meray

Kesi Or Say Kia Tadeed Ki Umeed Main Rakhta
Wohi Khamosh Thay Jo Mohram -e- Halaat Thay Meray

Main Jin Sholon Main Jalta Tha Usay Tum Bhi Nahi Samjhay
Mera DIL Mukhtalif Tha, Mukhtalif Sadmaat Thay Meray

Mujhay Mujrim Bana Kay Rakh Dia Jhotay Gawahon Nay
Sab Hi Radd Ho Gaye Jitnay Bhi Elzamat Thay Meray

Tasawur Ban Gia Tasveer Aakhir Ak Din Sajid
Usi Ka Khouf Tha Mujh Ko Yahi Khadshaat Thay Meray

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Koii Shaam Aisi Bhi Shaam Ho Keh Ho Sirf Meray Hi Naam Say
Meray Sama'een Hon Shagufta Dil, Meray Dil Gudaaz Kalaam Say

Meray Guftago Kay Gulaab Say Ho Dilon Main Aisi Shaguftagi
Koii Aisi Nikhat Khas Ho Keh Mehak Uthay Dar o Baam Say

Koii Rang In Main, Main Kia Bharon? Unhain Yaad Rakh Kay Bhi Main Kia Karon
Ye Jo Bheer Bhaar Main Shehar Ki, Mujhay Log Miltay Hain Aam Say

Meri Raat Meri Habeeb Hay, Ye Bari Ajeeb o Gareeb Hay
Mera Saath Chorr Dia Karo Meray Hum Nasheen Mujhay Shaam Say

Main Mohabbaton Ka Ameen Hoon, Main Dilon Ki Rutt Ka Yaqeen Hoon
Mujhay Pyaar Kartay Hain Ahal -e- DIL, Meray Fun Say Meray Kalaam Say

Meri Aarzoo Hay Keh Moum Hon, Kabhi Un Kay DIL Bhi Meray Liye
Jinhain Bair Hay Meri Zaat Say, Jo Hain Badd Gumaa Meray Naam Say

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Hijar Ki Chohti (4th) Saal Girah


Aaj Tumharay Hijar Ki Chohti SaalGirah Hay
Chaar Baras Tak Main Nay Tumhari Chab Nahi Dekhi
Jis Main Chaand Nikalta Hay
Wo Shab Nahi Dekhi
Chaar Baras Pehlay Jis Chaand Ko Dekha Tha
Mainn Nay Us Ko Phir Nahi Dekha
Tanha, Balkani Main Ja Kar
Ab Is Chaand Ko Kia Dekhon Main
Tum Jo Meray Saath Nahi Ho
Cake Pay Shamain Roshan Kar Kay
Dheeray Dheeray Gul Karta Hoon
Taali Tu Main Baja Nahi Sakta
Bas Thandi Aahain Bharta Hoon
Aaj Tumharay Hijar Ki Chohti (4th) SaalGirah Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kesi Nay Dil Kay Taaq Per Jala Kay Rakh Dia Humay
Mager, Hawa -e- Hijar Nay Bujha Kay Rakh Dia Humay

Hazaar Hum Nay Zabt Say Liya Tha Kaam, Kia Karain
Kesi Kay Aanso'on Nay Phir Rula Kay Rakh Dia Humay

Humari Shohratain Kharab Is Tarah Bhi Us Nay Ki
Keh Apnay Aash-nao Say Mila Kay Rakh Dia Humay

Humay Is Anjuman Main Janay Us Nay Kyun Bula Liya
Bula Liya Or Ak Taraf Betha Kay Rakh Dia Humay

Faqat Hum Ak Dekhnay Ki Cheez Ban Kay Reh Gaye
Kesi Nay Aisa Ishq Main Bana Kay Rakh Dia Humay

Hum Aitabar Us Ki Har Shikast Main Shareek Thay
Mager Bisaat Say Alag Utha Kay Rakh Dia Humay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Dharkan Dharkan Yaadon Ki Baraat Akela Kamrah
Main Or Meray Zakhmi Ahsasaat Akela Kamrah

Gaye Dino Ki Tasveron Kay Bujhtay Howay Naqoosh
Taazah, Tark -e- Taluq Kay Sadmaat Akela Kamrah

Dosh -e- Hawa Per Urnay Walay Kheezan Kay Aakhri Pattay
Apni Akeli Jaan , Ghum Halaat , Akela Kamrah

Aakhri Shab Kay Chaand Say Karna, Balkani Main Baatain
Us Kay Shehar Main Hotel Ki Ye Raat , Akela Kamrah

Meri Sisakti Aawazon Say Goojhti Hain Deewarain
Sunta Hay Din Raat Meray Naghmaat Akela Kamrah

Sab Samaan Beham Hain Sajid Likhnay Likhanay Kay
Khoon -e- Jigar Or Aansoo, Dil Ki Dawaat Akela Kamrah

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Dil Hay Yon Muztarib Makano Main
Machliyaan Jesay Martabano Main

Dhoop Say Dhoondtay Hain Rah -e- Faraar
Log Sheeshay Kay Saibano Main

Be Erada Kalaam Ki Khowaish
Be Sabab Lukhnatain Zabano Main

Teri Aamad Pay Jesay Lout Aaya
Waqt Guzray Howay Zamano Main

Dil Dharakta Hay Har Sitaray Ka
Aaj Ki Raat Aasmano Main

Zang Aalood Ho Gaye Hain Jazbay
Jam Gaye Hurf Sard Khano Main

Reshmi Log Dhoondtay Hain Hum
Shehar Ki Aahini Makano Main

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kabhi Tu Nay Khud Bhi Socha Hay Ye Pyaas Hay Tu Kyun Hay
Tujhay Pa Kay Bhi Mera Dil Jo Udaas Hay Tu Kyun Hay

Mujhay Kyun Azeez Ter Hay Ye Dhowa Dhowa Sa Mousam
Ye Hawa -e- Shaam -e- Hijrah Mujhay Raas Hay Tu Kyun Hay

Tujhay Kho Kay Sochta Hoon Meray Daaman Talab Main
Koii Khowab Hay Tu Kyun Hay Koii Aas Hay Tu Kyun Hay

Main Ujar Kay Bhi Hoon Tera, Tu Bichar Kay Bhi Hay Mera
Ye Yaqeen Hay Tu Kyun Hay, Ye Qayaas Hay Tu Kyun Hay

Meray Tan Barhana Dushman Isi Ghum Main Ghul Rahay Hain
Keh Meray Badan Pay Saalam Ye Libaas Hay Tu Kyun Hay

Kabhi Puch Us Kay Dil Say Keh Ye Khush Mijaaz Shaair
Bohat Apni Shairy Main Jo Udaas Hay Tu Kyun Hay

Tera Kis Nay Dil Bujhaya Meray Aitabar Sajid
Ye Charag -e- Hijar Ab Tak Teray Pass Hay Tu Kyun Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Yon Tu Teri Mohabbatain Jaan Aziz Saath Hain
Apni Bhi Kuch Qabahatain Jaan Aziz Saath Hain

Sirf Ye Ak Ghazal Nahi, Is Main Hain Kuch Safaiyaan
Ishq Ki Kuch Wazahatain Jaan Aziz Saath Hain

Jism Hi Manzil Talab, Apnay Khayal Ki Nahi
Or Bhi Kuch Zaroratain Jaan Aziz Saath Hain

Apnay Liye Tu Ak Bhi Lamha Jaan Fiza Nahi
Apni Kaha Rafaqatain Jaan Aziz Saath Hain

Aisay Bandhay Howay Hain Hum Shaam o Sehar Ki Dor Main
Apni Tamaam Kalafatain Jaan Aziz Saath Hain

Tum Bhi Ho Is Say Ba Khabar, Hum Hain Kaha Kay Moutabar
Apni Tamaam Qeematain Jaan Aziz Saath Hain

Dil Tu Behal Hi Jaye Ga, Tanha Safar Main Hum Nahi
Guzri Hoii Kaii Ruttain Jaan Aziz Saath Hain