Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Sulag Raha Hoon Main Dheeray Dheeray, Mager Kesi Pay Ayaan Nahi Hay
Wo Aag Dil Main Lagi Hay, Jis Main Tapish Hay Lakin Dhowa Nahi Hay

Tumharay Ghum Nay Seekha Dia Hay Mujhay Har Ak Ghum Say Pyaar Karna
Ghum -e- Jaha Bhi Yaqeen Jano, Mizaaj Dil Per Giraah Nahi Hay

KHUDA Ki Basti Main Har Qadam Per, Koii Hay Garya Kesi Kay Ghum Per
Ye Dard Tu Dard Mushtarik Hay Ye Aankh Pur Nam Kaha Nahi Hay

Matah Umar Azeez Sari, Ganwa Chukay Per Safar Hay Jari
Ajeeb Soda Hay Aashiqi Ka Keh Fikar Soud o Ziyaan Nahi Hay

Meri Khamoshi Pay Hansnay Walon, Ye Bhool Kar Bhi Na Soch Laina
Keh Meray Pehlo Main Dil Nahi Hay Keh Meray Moun Main Zubaan Nahi Hay

Ghazal Kahon Aitabar Sajid Isi Tarapti Hoii Nawa Main
Ye Tarz, Ye Dil Gudaas Lehja, Sama'aton Per Giraah Nahi Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Qurbat (Nazam)


Kitni Aasani Say Us Nay Likh Dia
Jaan -e- Man, Mehsoos Mat Karna, Mager
In Dino Bemaar Bhi Hoon Or Kuch Halaat Bhi Achay Nahi
Raat Din Sochon Main Gum Rehti Hoon Main
Dosray Alfaz Main Ab " Main " Nahi Rehti Hoon
" Tum " Rehti Hoon Main
Ak Guzarish Hay Bura Mat Manna
Meray Khat Or Meri Tasveerain Tamaam
Mujh Ko Wapis Bhej Do
Meri Mangni Honay Wali Hay, Bohat Majboor Hoon,
Us Ki Tasveerain Or Us Kay Khat Tamaam
Main Nay Chun Chun Kar Rawana Kar Diye
Us Nay Phir Likha Keh Sari Zindagi
Apni Tehreeron Ki, Tasveron Ki Soorat Main Sada
Ab Tumhay Dekho Gi Main
Apnay Saanson Kay Bohat Nazdeek Paon Gi Tumhay
Dosron Kay Wastay Main Bhool Jao Gi Tumhay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Zinda Nazam (Nazam)


Saal Gira Ka Card Mila Hay Mujh Ko Us Ki Beti Ka
Khushi Kay Is Mouqay Per Us Nay Ak Raqqa Bhi Likha Hay
" Aap Please Zaroor Aayain Or Achi See Ak Nazam
Meri Beti Ki Khatir Likh Laayain
Nazam Taranum Say Parhiye Ga
Jesay Dard Ki Lay Main Doob Kay Apni Ghazlain Parhtay Hain"
Tab Say Ab Tak Soch Raha Hoon
Nazam Likhon Ya Apni Zinda Nazam Ki Unglee Pakray
Us Taqreeb Main Jaon
Us Say Mil Kar Kahon Lo, Dekho !
Tameel -e- Irshaad Tu Main Nay Kar Di Hay
Lakin Ye Meri Nazam Nahi, Mera Beta Hay !

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Bohat Sajain Thay Aankhon Main Khowab Main Nay Bhi
Sahay Hain Us Kay Liye Ye Aazab Main Nay Bhi

Judaiyon Ki Khalish Us Nay Bhi Na Zahir Ki
Chupaye Apnay Ghum o Iztarab Main Nay Bhi

Diye Bujha Kay Sar Shaam So Gia Tha Wo
Bitaii So Kay Shab -e- Mahtaab Main Nay Bhi

Yahi Nahi Keh Mujhay Us Nay Dard Hijar Dia
Judaiyon Ka Dia Hay Jawab Main Nay Bhi

Kesi Nay Khoon Main Tar Choriyaan Jo Bheji Hain
Likhi Hay Khoon -e- Jigar Say Kitaab Main Nay Bhi

Kheezan Ka War Bohat Kaargar Tha DIL Pay Mager
Bohat Bacha Kay Rakha, Ye Gulaab Main Nay Bhi

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Band Dareechay, Sooni Galiyaan, Un Dekhay Anjanay Log
Kis Nagri Main Aa Niklay Hain Sajid Hum Dewanay Log

Ak Hum Hi Nawaqif Thehray Roop Nagar Ki Galiyon Say
Bhes Bdal Kar Milnay Walay Sab Janay Pehchanay Log

Din Ko Raat Kahain So BarHaq, Subh Ko Shaam Kahain So Khoob
Aap Ki Baat Ka Kehna Hi Kia Aap Howay Farzanay Log

Shikwa Kia Or Kesi Shikayat, Aakhir Kuch Bunyaad Tu Ho
Tum Per Mera Haq Hi Kia Hay Tum Thehray Beganay Log

Shehar Kaha Khali Rehta Hay, Ye Darya Har Dum Behta Hay
Or Bohat Say Mil Jayain Gay Hum Aisay Dewanay Log

Suna Hay Us Kay Ahad -e- Wafa Main Hawa Bhi Muft Nahi Milti
In Galiyon Main Har Har Saans Pay Bhartay Hain Jurmanay Log

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Bil Aakhir Ye Haseen Manzar Mita Dena Hi Parta Hay
Kesi Kay Sar Ko Shanay Say Hata Dena Hi Parta Hay

Kesi Dair Aashna Ko Jhotay Sachay Kuch Hawalon Say
Taaruf Kay Liye Sab Say Mila Dena Hi Parta Hay

Jo Saanson Main Mehaktay Hain Jo Aankhon Main Damaktay Hain
Achanak Ak Din Un Ko Bhula Dena Hi Parta Hay

Diye Jo Hum Jalatay Hain Nihayat Shouq Say Har Shab
Unhain Khud Apni Phoonkon Say Bujha Dena Hi Parta Hay

Koii Jab Puchta Hay Hum Say Kesa Haal Say Sajid
Humain Mohtaat Ho Kar Muskura Dena Hi Parta Hay

Chamak Uthatay Hain Sajid Jab Sitaray Us Ki Palkon Per
Usay DIL Say Laga Kar Hosla Dena Hi Parta Hay

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Mohabbat Main Mohabbat Ki Safaii Day Rahay Hain Hum
Ajab Aashiq Hain Azar Aashnaii Day Rahay Hain Hum

Humaray Haal Pay Jana Bohat Khush Feham Mat Hona
Dekhanay Kay Liye Aisay Dekhaii Day Rahay Hain Hum

Koii Tohfa Tumhay Dena Tu Tha Apni Mohabbat Ka
Tumhay Lo ! Zakham -e- Aashnaii Day Rahay Hain Hum

Humaray Rat Jagon Ka Tum Ko Kuch Ahsaas Tu Ho Ga
Dam -e- Rukhsat, Tumhay Shaam -e- Judaii Day Rahay Hum

Jinhain Khoon -e- Jigar Say Pesh Ro Tehreer Kartay Thay
Ab Un Lafzon Ko Dil Ki Roshnaii Day Rahay Hain Hum

Hum Itnay Shor Main Sab Say Mukhatib Bhi Nahi Sajid
Jo Sun Saktay Hain Bas Un Ko Sunaii Day Rahay Hain Hum

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Tujhay Itafaq Say Ird Gird Kay Log Achay Milay Nahi
Mager Is Dayaar -e- Umeed Kay Ye Makeen Tu Itnay Buray Nahi

Meray Lawn Main Jo Chamak Uthay Kaii Rang Dhoop Ki Shaal Per
Tu Main Dar Gia Keh Bahaar Main Kabhi Phool Itnay Khilay Nahi

Hum Ajab Musafir Dasht Thay Keh Chalay Tu Chaltay Chalay Gaye
Kesi Aab Jo Ki Sada Pay Bhi Kahi Rastay Main Rukay Nahi

Hay Gali Kay Khambon Pay Muntazir Ye Qataar Churyon Ki Dair Say
Abhhi Parda Posh Hain Khirkiyaan, Abhi Log So Kay Uthay Nahi

Humay Khud Jalaye Gi Ye Hawa, Ye Jo Edhar Say Guzri Hay Taiz Pa
Teri Anjuman Kay Charag Hain Keh Dhowa Howay Hain Bujhay Nahi

Kaii Or Ahal -e- Talab Milay Mujhay Rah -e- Shouq Main Hum Qadam
Jinhain Kar Raha Tha Talash Main, Wo Log Mujh Ko Milay Nahi

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Ye Nahi Keh Saray Jahan Main Mujhay HumSafar Hi Nahi Mila
Sab Hi Aitabar Kay Saath Thay, Koii Moutabar Hi Nahi Mila

Meri Nabz Cho Kay Tu Dekhta Keh Shikasta Dil Ki Sada Hay Kia
Mera Laa Elaaj Marz Na Tha , Koii Chara Gar Hi Nahi Mila

Kabhi Shehar Chaan Liye Gaye, Kahi Kheemay Taan Liye Gaye
Jisay Dekhta Tha Main Khowab Main, Mujhay Wo Nagar Hi Nahi Mila

Mujhay Wo Makeen Hi Nahi Milay , Jinhain Meri Zaat Say Pyaar Ho
Jisay Apna Ghar Main Samaj Sakon, Mujhay Aisa Ghar Hi Nahi Mila

Raha Muztarib Mera Shouq Bhi, Mera Sajda Karnay Ka Zouq Bhi
Mujhay Sang Rah Tu Bohat Milay, Tera Sang Dar Hi Nahi Mila

Sabhi Apnay Apnay Garooh Kay, Ghum -e- Aarzoo Ka Shikaar Thay
Kesay Main Dekhata Ye Zakham -e- Dil, Koii Deeda -e- War Hi Nahi Mila

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Meri Roh Main Jo Utar Sakain Wo Mohabbatain Mujhay Chahiyain
Jo Saraab Hon Na Aazab Hon, Wo Rafaqatain Mujhay Chahiyain

Unhi Saa'aton Ki Talash Hay, Jo Calandaron Say Utar Gaii
Jo Samay Kay Saath Guzar Gaii, Wohi Fursatain Mujhay Chahiye

Kahi Mil Sakain Tu Samait Laa, Meray Shab o Roz Ki Kahaniyaan
Jo Gubaar Waqt Main Chup Gaii Wo Hikayatain Mujhay Chahiyain

Jo Meri Shabon Kay Charag Thay Jo Meri Umeed Kay Baagh Thay
Wohi Log Hain Meri Aarzoo, Wahi Soratain Mujhay Chahiyain

Teri Qurbatain Nahi Chahiyain, Meri Shairi Kay Mizaaj Ko
Mujhay Faaslon Say Dawaam Day, Teri Furqatain Mujhay Chahiyain

Mujhay Or Kuch Nahi Chahiye, Ye Dua'een Hain Meri Saibaan
Kari Dhoop Main Kahi Mil Sakain Tu Yahi Chatain Mujhay Chahiyain

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Bas Yon Hi Chup Ho Jata Hoon

(Nazam)


Koii Aisa Gehra Dukh Bhi Nahi
Jisay Dukh Samjhon
Or Tum Say Kahon
Bas Yon Hi Chup Ho Jata Hoon
Kesi Ujray Ghar Ki Mimti Per
Jab Shaam Dhalay
Kesi Cheel Ko Sar-Nehoraye Howay Main Pata Hoon
Kho Jata Hoon
Tum Puchta Ho, Koii Dukh Tu Nahi?
Main Ak Nazar Tum Ko Dekhta Hoon
Or Kehta Hoon
Koii Aisa Gehra Dukh Bhi Nahi
Jisay Dukh Samjhon
Or Tum Say Kahon
Jab Dekhta Hoon Aisa Manzar
Main Mazi Main Kho Jata Hoon
Bas Yon Hi Chup Ho Jata Hoon

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Lagta Hay Kesi Dil Main Mohabbat Nahi Meri
Is Ghar Main Kesi Ko Bhi Zarorat Nahi Meri

Kaaghaz Pay Hay Bas In Dar o Dewaar Say Rishta
Jo Saaya Figan Sar Pay Hay, Wo Chatt Nahi Meri

Har Shaks Ki Nazron Main Meray Daam Alag Hain
Maloom Hay Mujh Ko Koii Qeemat Nahi Meri

Rasmi Sa Hay Is Shehar Kay Logon Say Taluq
Barson Howay Khud Say Bhi Rafaqat Nahi Meri

Main Jin Kay Liye Khaak Basar Dasht Main Bhatka
Tasleem Unhain Bhi Ye Mushaqqat Nahi Meri

Ye Keh Kay Meri Neend, Meray Khowab Bhi Cheenay
Mujh Say Unhain Darkaar Ijazat Nahi Meri

Wo Soorat Zar Maang Rahay Hain Meray Ashaar
Mutlaab Unhain Kaaghazi Shohrat Nahi Meri

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Ye Kia Halat Bana Rakhi Hay ? Ye Aasaar Kesay Hain
Bohat Acha Bhala Chora Tha Ab Bemaar Kesay Hain

Wo Mujh Say Puchnay Aai Hay Kuch Likha Nahi Mujh Per
Main Us Ko Kesay Samjhaon, Meray Aashar Kesay Hain

Meri Sochain Hain Kesi, Koun In Sochon Ka Markaz Hay
Jo Meray Zehan Main Paltay Hain Wo Afkaar Kesay Hain

Meray DIL Ka Aalao Aaj Tak Dekha Nahi Jis Nay
Wo Kia Janay Keh Shoulay Soorat Izhaar Kesay Hain

Ye Mantaq Koun Samjhaye Ga Keh Yakh Kamray Ki Thandak Main
Meray Alfaaz Kay Malboos Shoula Baar Kesay Hain

Zara See Ak Farmaish Bhi Puri Kar Nahi Saktay
Mohabbat Karnay Walay Log Bhi La Chaar Kesay Hain

Judaii Kis Tarah Bartao Hum Logon Say Karti Hay
Mezajan Hum Sakhnoor, Be Dil o Be Zaar Kesay Hain

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Is DIL Nay Teray Baad Mohabbat Bhi Nahi Ki
Hadd Ye Keh Dharaknay Ki Jasarat Bhi Nahi Ki

Tabeer Ka Ahzaaz Howa Hay Usay Hasil
Jis Nay Meray Khowabon Main Sharakat Bhi Nahi Ki

Ulfat Tu Bari Baat Hay Hum Say Tu Sar -e- Shehar
Logon Nay Kabhi Dhang Say Nafrat Bhi Nahi Ki

Aadab -e- Safar Ab Wo Seekhatay Hain Jinho Nay
Do Chaar Qadam Tay Ye Musafat Bhi Nahi Ki

Kia Apni Safaii Main Bayaan Detay Keh Hum Nay
Na Karda Gunahi Ki Wazahat Bhi Nahi Ki

Khamosh Tamashaii Kay Manind Sar -e- Bazam
So Zakham Sahay Dil Pay, Shikayat Bhi Nahi Ki

Us Ghar Kay Sab Hi Log Mujhay Chornay Aaye
Dehleez Talak Us Nay Ye Zehmat Bhi Nahi Ki

Us Nay Bhi Gulamon Ki Safa'on Main Humay Rakha
Is DIL Pay Kabhi Jis Nay Hakomat Bhi Nahi Ki

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Ab Tak Na Samaj Paye Mera Shoor -e- Figah Bhi
Tum Log Tu Parh Laitay Ho Aankhon Ki Zubaan Bhi

Khat Is Liye Shayed Mujhay Ab Tum Nahi Likhtay
Kaaghaz Pay Utar Aatay Hain Saanso Kay Nisaan Bhi

Seenay Ki Ghutan Main Kabhi Rukti Nahi Aahain
Kamray Say Nikalnay Ko Machalta Hay Dhowab Bhi

Shohrat Say Faqat Is Liye Aata Hay Mujhay Khouf
Mashoor Na Ho Jaye Mera Zakham Nihaan Bhi

Is Dard Kay Rishtay Main Tu Yaksa Hain Shab o Roz
Jo Haal Tumhara Hay Wo Aalam Hay Yaha Bhi

Kuch Wo Bhi Dukhi DIL Liye Aaya Tha Meray Pass
Kuch Dard Bhara Tha Mera Andaz -e- Bayaan Bhi