Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

[I Am In Love]

Tumhay Jab Kabhi Milay Fursatain, Meray Dil Say Bojh Utaar Do
Main Bohat Dino Say Udaas Hoon, Mujhay Koii Shaam Udhaar Do


Mujhay Apnay Roop Ki Dhoop Do Keh Chamak Sakain Meray Khaal o Khad
Mujhay Apnay Rang Main Rang Do, Meray Saray Zang Utaar Do


Kesi Or Ko Meray Haal Say Na Garz Hay Koii Na Wasta
Main Bikhar Gia Hoon Samait Lo, Main Bighar Gia Hoon Sanwaar Do


Meri Wehshaton Ko Barha Dia Hay Judaiyon Kay Aazab Nay
Meray Dil Pay Haath Rakho Zara, Meri Dharkano Ko Qaraar Do


Tumhay Subha Kesi Lagi, Kaho Meri Khowaishon Kay Dayaar Ki
Jo Bhali Lagi Tu Yahi Raho, Usay Chahaton Say Nikhaar Do


Waha Ghar Main Koun Hay Muntazir Keh Ho Fikar Dair Sawair Ki
Bari Mukhtasir See Ye Raat Hay Isi Chaandni Main Guzaar Do


Koii Baat Karni Hay Chaand Say Kesi Shakhsaar Ki Out Main
Mujhay Rastay Main Yahi Kahin Kesi Kanj Gul Main Utaar Do

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Jo Khayal Thay Na Qayaas Thay, Wahi Log Mujh Say Bichar Gaye
Jo Mohabbaton Ki Asaas Thay, Wahi Log Mujh Say Bichar Gaye

Jinhain Manta Hi Nahi Yeh Dil, Wahi Log Hain Meray Hum Safar
Mujhay Har Tarah Say Jo Raas Thay, Wahi Log Mujh Say Bichar Gaye

Mujhay Lamha Bhar Ki Rafaqaton Kay Yeh Saraab Or Sata'yain Gaye
Meri Umar Bhar Ki Jo Pyaas Thay Wahi Log Mujh Say Bichar Gaye

Yeh Khayal Saray Hain Aarzi Yeh Gulaab Saray Hain Kagazi
Gul -e- Aarzoo Ki Jo Baas Thay Wahi Log Mujh Say Bichar Gaye

Jinhain Kar Saka Na Qabool Main, Wo Shareek Rah -e- Safar Howay
Jo Meri Talab, Meri Aas Thay, Wahi Log Mujh Say Bichar Gaye

Meri Dharkano Kay Qareeb Thay Meri Chah Thay, Meray Khowab Thay
Wo Jo Roz o Shab Meray Paas Thay Wahi Log Mujh Say Bichar Gaye

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Teray Jesa Mera Bhi Haal Tha, Na Sakoon Tha, Na Qaraar Tha
Yahi Umar Thi Meray Hum Nasheen Keh Kesi Say Mujh Ko Pyaar Tha

Main Samaj Raha Hoon Teri Kasak, Tera Mera Dard Hay Mushtarik
Isi Ghum Ka Tu Bhi Hay Aseer, Isi Dukh Ka Main Shikaar Tha

Faqat Ak Dhun Thi Keh Raat Din Isi Khowab Zaar Main Gum Rahay
Wo Saroor Aisa Saroor Tha, Wo Khumaar Aisa Khumaar Tha

Kabhi Lamha Bhar Ki Bhi Guftago, Meri Us Kay Saath Na Ho Saki
Mujhay Fursatain Nahi Mil Sakain, Wo Hawa Kay Ruth Per Sawaar Tha

Hum Ajeeb Tarz Kay Log Thay, Keh Humaray Or Hi Rog Thay
Main Khezaan Main Us Ka Tha Muntazir, Usay Intazar Bahaar Tha

Usay Parh Kay Tum Na Samaj Sakay Keh Meri Kitaab Kay Roop Main
Koii Qarz Tha Kaii Saal Ka, Kaii Rat Jagon Ka Udhaar Tha

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kesay Kahain Keh Jaan Say Pyara Nahi Raha
Ye Or Baat Ab Wo Humara Nahi Rah

Aansoo Teray Bhi KhushK Howay Or Meray Bhi
Nam Ab Kesi Nadi Ka Kinara Nahi Raha

Kuch Din Tumharay Lout Aanay Ki Aas Thi
Ab Is Umeed Ka Bhi Sahara Nahi Raha

Rastay Mah o Najoom Kay Tabdeel Ho Gaye
In Khirkiyon Main Ak Bhi Taara Nahi Raha

Samjhay Thay Dosron Say Bohat Mukhtalif Tujhay
Kia Maan Lain Keh Tu Bhi Humara Nahi Raha

Haathon Pay Bujh Gaii Hay Muqadar Ki Kehkashaan
Ya Raakh Ho Gia Hay Wo Sitara Nahi Raha

Tum Aitabar Us Kay Liye Kyun Udaas Ho
Ak Shaks Jo Kabhi Bhi Tumhara Nahi Raha

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Tum Ko Tu Ye Saawan Ki Ghata Kuch Nahi Kehti
Hum Sokhta Logon Ko Ye Kia Kuch Nahi Kehti

Ho Laakh Koii Shor Machata Howa Mousam
Dil Chup Ho Tu Bahar Ki Fiza Kuch Nahi Kehti

Kyun Rait Per Bethay Ho Jhukaye Howay Sar Ko
Kia Tum Ko Samandar Ki Hawa Kuch Nahi Kethi

Pucha Keh Shikayat Tu Nahi Hay Usay Hum Say
Aahista Say Qasid Nay Kaha " Kuch Nahi Kehti"

Pucha Keh Judaii Ka Koii Hal Bhi Nikala
Qasid Nay Dobara Ye Kaha, " Kuch Nahi Kehti "

Tang Aa Kay Ye Pucha, " Dam -e- Rukhsat Koii Jumla "
Qasid Nay Kaha, " Keh Tu Chuka- Kuch Nahi Kehti"

Ay Nukta Waron ! Ye Tu Batao Keh Sar -e- Shab
Kia Shama Ferozan Say Hawa Kuch Nahi Kehti ?

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

(Nazam)



Ak Roz Koii Tu Sochay Ga

Farzano Ki Bisti Main
Ak Shaks Tha Pagal Pagal Sa
Per Baatain Theek Hi Kehta Tha
Barish Ki Tarah Pur Shor Na Tha
Darya Ki Tarah Chup Rehta Tha
Jin Say Usay Pyaar Bala Ka Tha
Taanay Bhi Unhi Kay Sehta Tha


Ak Shaks Tha Pagal Pagal Sa
Per Baatain Theek Hi Kehta Tha


Ak Roz Koii Tu Sochay Ga

Dunya Nay Usay Kuch Bhi Na Dia
Per Jag Ko Us Nay Pyaar Dia
Jaan Rotay Rotay Kho Betha
Dil Hanstay Hanstay Haar Dia
Jo Nazam Likhi Bharpoor Likhi
Jo Sher Dia Shahkaar Dia
Kyun Jeetay Jee Dargor Howa
Kis Cha Pay Tan Man Waar Dia
Tha Dushman Koun Bicharay Ka
Kis Ranj Nay Us Ko Maar Dia
Ak Roz Koii Tu Sochay Ga
Or Pehron Beth Kay Roye Ga

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Aanay Wali Thi Kheezan, Maidaan Khali Kar Dia
Kal Hawa -e- Shab Nay Sara Lawn Khali Kar Dia

Hum Teray Khowabon Ki Jannat Say Nikal Kar Aa Gaye
Dekh, Tera Qsar Aali Shan Khali Kar Dia

Dushmano Nay ShasT Bhandi Kheema -e- Umeed Per
Doston Nay Darrah -e- Imkaan Khali Kar Dia

Bantnay Nikla Hay Wo Phoolon Kay Tohfay Shehar Main
Is Khabar Per Hum Nay Bhi Guldan Khali Kar Dia

Lay Gia Wo Saath Apnay DIL Ki Sari Ronakain
Kis Qdar Ye Shehar Tha Gunjaan Khali Kar Dia

Sari Churyaan Ur Gaii Mujh Ko Akela Chorr Kar
Meray Ghar Ka Sehan Or Dalaan Khali Kar Dia

Dairy Main Saray Achay Sher Chun Kar Likh Liye
Ak Larki Nay Mera Deewan Khali Kar Dia

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

(Nazam)


Dorr Ufaq Ki Tareeqi Main
Bijli Jab Bhi Lehrati Hay
Shama Jalatay Lamhay Akser
Kamray Kay Ghup Andhyaray Main
Pehli Mohabbat Yaad Aati Hay
Autograaf Talab Karnay Jab
Koii Haseena Ghar Aati Hay
Bari Bari Aankhon Say Jab Wo
Dekh Kay Mujh Ko Sharmati Hay
Maazi Main Kho Jata Hoon Main
Chotta Sa Ho Jata Hoon Main
Pehli Mohabbat Yaad Aati Hay
Shaam Kheezan Jab Tanha Tanha
Baagh Main Seir Ko Jata Hoon Main
Kesi Udaas See Larki Ko Jab
Punch Pay Tanha Pata Hoon Main
Janay Kyun Yaad Aa Jata Hay
Ak Kheezan Ki Shaam Ka Manzar
Jab Hum Dono Juda Howay Thay.

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Wish Card


Tu Nay Wish Card Bejh Kar Mujh Ko
Yaad Kitnay Dila Diye Mousam

Meray Bahar Badal Dia Manzar
Meray Andar Saja Diye Mousam

Faraq Baki Nahi Rakha Tu Nay
Mousamo Main Mila Diye Mousam

Sochta Hoon Keh Apni Furqat Main
Tu Nay Kesay Bana Diye Mousam

Bachon Jesi Teri Ziddain Janaa
Tu Nay Yon Hi Ganwa Diye Mousam

Moum Batti Na Thi Keh Pal Bhar Main
Phoonk Mari Bujha Diye Mousam

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Teri Rehmaton Kay Dayaar Main, Teray Baadalon Ka Pata Nahi
Abhi Aag Sard Nahi Hoii, Abhi Ak Aalao Bujha Nahi

Meri Bazm -e- Dil Tu Ujar Chuki, Mera Farsh -e- Jaan Tu Simat Chuka
Sabhi Ja Chukay Meray Hum Nasheen Mager Ak Shaks Gia Nahi

Dar o Baam Sab Nay Saja Liye, Sabhi Roshni Main Naha Liye
Meri Ungliyaan Bhi Jhulas Gaii Mager Ak Charagh Jala Nahi

Ghum -e- Zindagi Teri Rah Main, Shab -e- Aarzoo ! Teri Chah Main
Jo Ujar Gia Wo Basa Nahi, Jo Bichar Gia Wo Mila Nahi

Jo Dil o Nazar Ka Saroor Tha, Meray Pass Reh Kay Bhi Dorr Tha
Wahi Ak Gulaab Umeed Ka, Meri Shaakh -e- Jaan Pay Khila Nahi

Pas -e- Kaarwaan, Sar -e- Rah Guzar, Main Shikasta Pa Hoon Tu Is Liye
Keh Qadam Tu Sab Say Mila Liye, Mera DIL Kesi Say Mila Nahi

Mera Hum Safar Jo Ajeeb Hay Tu Ajeeb Ter Hoon Main Aap Bhi
Mujhay Manzilon Ki Khabar Nahi, Usay Raaston Ka Pata Nahi

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kesi Ko Hum Say Hain Chand Shikway, Kesi Ko Be Hadd Shikayatain Hain
Humaray Hissay Main Sirf Apni Safaiyaan Hain , Wazahatain Hain

Qdam Qdam Pay Badal Rahay Hain Musafiron Ki Talab Kay Rastay
Hawa'on Jesi Mohabbatain Hain, Sada'on Jesi Rafaqatain Hain

Kesi Ka Maqrooz Main Nahi Per, Meray Gareeban Pay Haath Sab Kay
Koii Meri Chahaton Ka Dushman, Kesi Ko Darkaar Chahatain Hain

Teri Judaii Kay Kitnay Sooraj, Ufaq Pay Doobay, Mager Abhi Tak
Khalash Hay Seenay Main Pehlay Din Si, Lahoo Main Wesi Hi Wehshatain Hain

Meri Mohabbat Kay Razdan Nay Ye Keh Kay Louta Dia Mera Mera Khat
Keh Bheegi Bheegi See Aanso'on Main Tamaam Gan-Jalak Ebaratain Hain

Main Dosro Ki Khushi Ki Khatir Gubaar Ban Kar Bikhar Gia Hoon
Mager Kesi Nay Ye Haq Na Mana Keh Meri Bhi Kuch Zaroratain Hain

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Wo Jo Daway Daar Hay Shehar Main Keh Sabhi Ka Nabz Shanas Hoon
Kabhi Aa Kay Mujh Say Tu Puchta Keh Main Kis Kay Ghum Main Udaas Hoon

Ye Meri Kitaab -e- Hayaat Hay, Isay DIL Ki Aankh Say Parh Zara
Main Warq Warq Teray Samnay, Teray Ro Ba Roo, Teray Pass Hoon

Ye Teri Umeed Ko Kia Howa, Kabhi Tu Nay Gour Nahi Kia ?
Kesi Shaam Tu Nay Kaha Tu Tha, Teri Saans Hoon Teri Aas Hoon

Ye Jo Shehar Fun Main Qayaam Hay, So Teray Tufail Hi Naam Hay
Meray Sher Kyun Na Gudaas Hon Keh Labon Ki Methaas Hoon

Ye Teri Judaii Ka Ghum Nahi Keh Ye Silsalay Tu Hain Roz Kay
Teri Zaat Is Ka Sabab Nahi Kaii Din Say Yon Hi Udaas Hoon

Kesi Or Aankh Say Dekh Kar, Mujhay Aisay Wesay Laqab Na Day
Tera Aitabar Hoon Jaan -e- Man, Na Gumaa Hoon Na Qayaas Hoon

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Dhoondtay Kia Ho In Aankhon Main Kahani Meri
Khud Main Gum Rehna Tu Aadat Hay Purani Meri

Bheer Main Bhi Tumhay Mil Jao Ga Aasani Say
Khoya Khoya Howa Rehna Hay Nishani Meri

Main Nay Ak Baar Kaha Tha Keh Bohat Pyasa Hoon
Tab Say Mashoor Hoii Tishna Dehani Meri

Yahi Dewaar -o- Dar Baam Thay Meray Hum Raz
In Hi Galiyon Main Bhatakti Thi Jawani Meri

Tu Bhi Isi Shehar Ka Basi Hay Tu Dil Say Lag Ja
Tujh Say Wabasta Hay Ak Yaad Purani Meri

Karbala Dasht -e- Mohabbat Ko Bana Rakha Hay
Kia Ghazal Goii Hay, Kia Marsiya Khowani Meri

Dheemay Lehjay Ka Sakhnoor Hoon, Na Sehba Na Josh
Main Kaha, Or Kaha Shoula Bayani Meri

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Kesi Din Tujh Say Milnay Ka Bahana Dhoond Laitay Hain
Chalo, Kuch Saal Pehlay Ka Zamana Dhoond Laitay Hain

Andhera Kitna Hi Gehra Ho, Raatain Kitni Kaali Hon
Parinday Apna Apna Aashiyana Dhoond Laitay Hain

Kaii Dar Bhi Khul Jatay Hain, Jo Ak Dar Band Hota Hay
Hum Aisay Log Apna Aab o Dana Dhoond Laitay Hain

Chahtain Jin Kay Saron Say Cheen Lee Jati Hain Wo Ghar
Kahin Bhi Sar Chupanay Ka Theekana Dhoond Laitay Hain

Galay Hum Say Bhi Aa Lagta Hay Koii Dard Ka Mara
Kesi Dil Sookhta Ka Hum Bhi Shaana Dhoond Laitay Hain

KHUDA Mehfooz Rakhay Un Ki Zadd Pay Hum Na Aa Jayain
Shikari Apnay Matlab Ka Nishana Dhoond Laitay Hain

Ana Ki Jang Main Aakhir Bharam Bhi Qaeem Rakhna Hay
Tu Yon Kartay Hain, Rasta Darmiyana Dhoond Laitay Hain

[I Am In Love]

Re: Mujhay Koii Shaam Udaar Do ...... Aitabaar Sajid .. (Ghazal, Nazam, Aashaar)

Phir Wahi Lambi Dophairain Hain, Phir Wahi Dil Ki Halat Hay
Bahar Kitna Sannata Hay, Andar Kitni Wehshat Hay

Shaam Karay Kesay Us Din Ki, Thandi Soorat Dekhain Kin Ki
Edhar Udhar Tu Dhoowa Urati, Aag Ugalti Khalqat Hay

Jis Ko Hum Nay Chaha Tha Wo Kahi Nahi Is Manzar Main
Jis Nay Hum Ko Pyaar Kia, Wo Samnay Wali Moorat Hay

Phool Babool Kay Achay Hain Lakin Saakit Tasveron Main
Sach Much Ki Sehraon Ki Tu Is DIL Jesi Soorat Hay

Teray Baad Dukano Main Ja Kar Puchta Rehta Hoon
Kia Wo Khushboo Mil Sakti Hay Ab Us Ki Kia Qeemat Hay

Baray Baray Sapnay Nahi Boye, Main Nay Apnay Aangan Main
Nanni Munni Khushyaan Hain Meri Chotti See Ak Jannat Hay