~~Bait Baazi~~

[MuQadas]

Re: ~~Bait Baazi~~

yeh raaz kise ko nahi maloom k momin
qaree nazar aata hai haqeqat main hai quraan

[Masood]

Re: ~~Bait Baazi~~

nazar nazar mein maujzan tajaliyon key qaafley
woh jazbah hayaat nau bashar bashar ubhar do
shaoor key libas mein sadaqatein hain muntazir
kaloos-o-aetbar key jahan ko nikhaar do
[Saaghir]

[MuQadas]

Re: ~~Bait Baazi~~

Woh DIL mein tabassum ki kiran ghoalnay wala
Roothay to rutto'n ko bhi sanwarnay nahi deta

[Masood]

Re: ~~Bait Baazi~~

is shart peh khailoon gi piya pyar ki baazi
jeetoon to tujhey paoun, haroon to piya teri

[MuQadas]

Re: ~~Bait Baazi~~

YadeiN, udaas aankheiN aur aek dil bujha bujha
jaatey huwey wo kitney inamaat dey gaya

[Masood]

Re: ~~Bait Baazi~~

urrney lagey wajood key rezey hawa key saath
main is qadar khaloos sey bikhraa kabhi na tha

[MuQadas]

Re: ~~Bait Baazi~~

Awaaz mein thehrao tha ankhon mein namii thi
aur keh raha tha main ne to sab kuch bhula dia

[Masood]

Re: ~~Bait Baazi~~

Ab key rut badli to khushboo ka safar dekhey ga kaun
zakhm phoolon ki tarha mehkein gey per dekhey ga kaun

[MuQadas]

Re: ~~Bait Baazi~~

Na sawaal-e-wasl na arz-e-ghum na hakayatein na shikayatein
terey ahd mein dil-e- zaar kay sabhi ikhteyaar chaley gaey

[aquari]

Re: ~~Bait Baazi~~

yu na thaa main ney faqt chahaa tha yu hojaye
or bhi dukh hai zamaney main mohabbat k siwa

[Gul]

Re: ~~Bait Baazi~~

ehsass na mit jaey tu insan k liyay
kafi hay aik raah ki thokar lagi howi

[~Khamosh~]

Re: ~~Bait Baazi~~

Yeh dhoop kinaray shaam dhalay
Miltey hein donon waqt jahan
Jo raat na din ,jo aaj na kal
Pal bhar ko amar , pal bhar ko dhuaan

waahhh!! bohat khuuub MUQADDAS. bohat maza aaya is qata ka. super ....



"HAY" say likhta hoon...aik bohat hi favourite ghazal say hai...

-!!~ ~ ~ !!-

har ek jaam mein ubhri hai yaad maazi kee
yeh kaisee aag hai paani jisay bujhaa na sakay
sukoo'n diya zamaanay ko Meray naghmo'n nay
ajeeb baat hai Khud hi ko hum hunsa naa sakay

-!! ~ ~ ~ !!-

khush raheay....:rose

[MuQadas]

Re: ~~Bait Baazi~~

shukria magar appko shair hay say nahi ye say likhna tha gul k shair ka last word yeh pay khatam howa hai

[MuQadas]

Re: ~~Bait Baazi~~

Yun arz o talab se kab ae dil, patthar dil paani hotey hain?
Tum laakh razaa ki kheh daalo, kab khoo e sitamgar jaati hai?

Bedard garon ki basti hai, yaan daad kahaan? Khairaat kahaan?
Sar phorti phirti hai naadaan, faryaad jo dar dar jaati hai!"

[Masood]

Re: ~~Bait Baazi~~

yeh jugnooun ki chamak sey bhi ab sambhal letey hain apna khirman
mujhey yaqin hai keh dar gaey hain shab-e-chiraghaan sey log saaqi