~~Bait Baazi~~

[amber]

Re: ~~Bait Baazi~~

Nah pooch apni ana ki baghawatein Mohsin
Dare qabool say bach kar dua guzarti hay

[RulzZ]

Re: ~~Bait Baazi~~

Yeh Talkh Talkh sa Lehja, Yeh taiz taiz see baat..
Mizaj-e-Yaar ka aalam sharab jaisa hai ...

[shy]

Re: ~~Bait Baazi~~

yunhi dukh kisi ko dena nahi khoob warna kehta
ke mere adoo ko ya rab mile meri zindagani
tasweer khench gaei he bedad zindagi ki
me aah kar raha hun,wo muskura rahe hen

[RulzZ]

Re: ~~Bait Baazi~~

Na janay kaisay fasooNgar nay seher phoonk dia..
tamam shehr he pat'thar dikhai dayta hai ...

[amber]

Re: ~~Bait Baazi~~

yun to ansoo ki har ek boond zuban hoti hai
Hum ko taufeew samajnay ki kahan hoti hai

[shy]

Re: ~~Bait Baazi~~

ye bhi kia manzil he barhti he na mit'te hen qadam
tak raha hun door se manzil ko me,mujhe manzil

[Eshaa Chaudhry]

Re: ~~Bait Baazi~~

Lamha Lamha nazar aata hai kabhi her ek saal
Kabhi lamhay ki terha saal guzer jata hai
Kabhi narmi, kabhi sakhti, kabhi ujlat ,kabhi der
Waqt aey dost beherhaal guzer jata hai

[RulzZ]

Re: ~~Bait Baazi~~

Yeh Alag baat kay ojhal hooN nazar say warna....
maiN tery paas he rehta hooN, sada day mujh ko.

[Eshaa Chaudhry]

Re: ~~Bait Baazi~~

Wo ek baat bohat talkh kahi thi us nay
Baat yaad nahin magar yaad hai lehja us ka !!!

[Masood]

Re: ~~Bait Baazi~~

Agar chahoon to naqsha khainch kar alfaaz mein rakh doon
magar terey takhayyul sey fazoon'tar hai woh nazara
tujhey aaba sey apney koi nisbat ho nahin sakti
keh tu guftar, woh kirdar, tu sabit woh siyara

Alif next

[Eshaa Chaudhry]

Re: ~~Bait Baazi~~

Insaf-e-zamana ki mujhey ijazat dijiey
main wo hoon k apni bhi himayat nahin kerta
Tum apnay khayalat mujhey sonp ker dekho
Her shakhs amanat mein khiyanat nahin kerta
Next phir se Alif

[Masood]

Re: ~~Bait Baazi~~

ab to ghabra key kehtey hain keh mar jaein gey
mar key bhi chain na paya to kidher jaein gey?

yey

[Eshaa Chaudhry]

Re: ~~Bait Baazi~~

Ye teri talkh niwaeeyan koi aur seh k to dikha dey
Ye jo hum mein tum mein nibaah hai meray hoslay ka kamal hai...

NExt phir Yey:)

[Masood]

Re: ~~Bait Baazi~~

yeh ghazi yeh terey pur'asrar bandey
jinhein tu ney bakhsha hai zoq-e-khudai
do neem inki thoker sey sehra-o-darya
simat ker pahaar inki haibat sey raai

yeh again

[Eshaa Chaudhry]

Re: ~~Bait Baazi~~

Yun to ghalat nahin chehron ka ta'asur magar phir bhi
log wessay nahin ,jesay nazar aatay hain

next noon