sirf Amjad Islam Amjad Poetry

[life.]

Re: sirf Amjad Islam Amjad Poetry

ab ke safar kuChh aur thaa, aur hii kuChh saarab the
dasht-e-talab meN jaa ba jaa, saNg-e-giraan-e-Khwaab the

hashr k din ka ghulghula shehar ke baam-o-dar meN thaa
nigle hue sawaal the, ugle hue jawaab the

ab ke baras bahaar ki rut bhii thii inetzaar ki
lehjoN meN sail-e-dard thaa, aankhoN meN izteraab the

KhwaaboN ke chaaNd Dhal gaye, taaroN ke dam nikal gaye
phuuloN ke haath jal gaye, kaise yeh aaftaab the

sail ki rehguzar hue, hoNT na phir bhi tar hue
kaisi ajiib piyaas thii, kaise ajiib sahaab the

umr isii tazaad meN, rizq-e-ghubaar ho gayii
jism thaa aur azaab the, aankheN thiiN aur Khwaab the

subah huii to shehar ke shor meN yuuN bikhar gaye
jaise voh aadmii na the, naqsh-o-nigaar-e-aab the

aankhoN meN Khuun bhar gaye rastoN meN hii bikhar gaye
aane se qabl mar gaye, aise bhii inqilaab the

saath voh ek raat ka, chashm-e-zadan ki baat thaa
phir na vo iltefaat thaa, phir na vo ijtinaab the

rabt ki baat aur hai, zabt ki baat aur hai
yeh jo fishaar-e-khaak hai, is meN kabhii gulaab the

abr baras ke khul gaye, jii ke ghubaar dhal gaye
aankh meN ruunuma hue, shahr jo zair-e-aab the

dard ki rehguzar meN, chalte to kis khumaar meN
chashm k be-nigaah thii, hoNT k be-khitaab the

[life.]

Re: sirf Amjad Islam Amjad Poetry

hashr k din ka ghulghula shehar ke baam-o-dar meN thaa
nigle hue sawaal the, ugle hue jawaab the

ab ke baras bahaar ki rut bhii thii inetzaar ki
lehjoN meN sail-e-dard thaa, aankhoN meN izteraab the

KhwaaboN ke chaaNd Dhal gaye, taaroN ke dam nikal gaye
phuuloN ke haath jal gaye, kaise yeh aaftaab the

sail ki rehguzar hue, hoNT na phir bhi tar hue
kaisi ajiib piyaas thii, kaise ajiib sahaab the

umr isii tazaad meN, rizq-e-ghubaar ho gayii
jism thaa aur azaab the, aankheN thiiN aur Khwaab the

subah huii to shehar ke shor meN yuuN bikhar gaye
jaise voh aadmii na the, naqsh-o-nigaar-e-aab the

aankhoN meN Khuun bhar gaye rastoN meN hii bikhar gaye
aane se qabl mar gaye, aise bhii inqilaab the

saath voh ek raat ka, chashm-e-zadan ki baat thaa
phir na vo iltefaat thaa, phir na vo ijtinaab the

rabt ki baat aur hai, zabt ki baat aur hai
yeh jo fishaar-e-khaak hai, is meN kabhii gulaab the

abr baras ke khul gaye, jii ke ghubaar dhal gaye
aankh meN ruunuma hue, shahr jo zair-e-aab the

dard ki rehguzar meN, chalte to kis khumaar meN
chashm k be-nigaah thii, hoNT k be-khitaab the

[life.]

Re: sirf Amjad Islam Amjad Poetry

koii zaNjeer ho,
aahan kii, chaandii kii, rivaayat kii,
muhabbat toR saktii hai!

yeh aisii Dhaal hai jis par
zamaane kii kisii talwaar kaa lohaa nahiiN chaltaa!
yeh aisaa shehar hai jis meiN
kisii aamir, kisii sultaan kaa sikkaa nahiiN chalta!
agar chashm-e-tamaashaa meiN zaraa sii bhii milaavaT ho
yeh aaina nahiiN chaltaa!

yeh aisii aag hai jis meiN
badan sholoN meiN jalte haiN, to ruuheN muskuraatii haiN
yeh voh sailaab hai jis ko
diloN kii bastiiyaaN aavaaz de kar Khud bulaatii haiN

yeh jab chaahe kisii bhii Khwaab ko taabiir mil jaaye
jo manzar bhuj chuke haiN, un ko bhii tanviir mil jaaye
dua, jo be_Thikaanaa thii, use taasiir mil jaaye
kisii raste meiN rastaa puuChtii taqdiir mil jaaye

muhabbat rok saktii hai samay ke tez dhaare ko!
kisii jalte sharaare ko, fanaa ke istiyaare ko!
muhabbat rok saktii hai kisii girte sitaare ko!
yeh chaknaa chuur aaine ke reze joR saktii hai
jidhar chaahe yeh baageN mausmoN kii moR saktii hai!

koii zaNjiir ho, us ko muhabbat toR saktii hai!!!!

[life.]

Re: sirf Amjad Islam Amjad Poetry

mohabbat ki tabiyat main
ye kaisa bachpana qudarat ne rakha hai

k jitni purani jitni bhi mazbut ho jaye
ise taid-e-taza ki zarurat phir bhi rahti hai
yaqin ki aKhiri had tak dilon main lahlahati ho
nigahon se tapakti ho lahu main jagmagati ho
hazaron tarah se dilkash hasin hale banati ho
use izhar k lafzon ki hajat phir bhi rahti hai

mohabbat mangati hai yun gavahi apane hone ki
k jaise tifl-e-sada sham ko ik bij boye
aur shab main baura uthe
zamin ko khod kar dekhe
k paudha ab kahan tak hai

mohabbat ki tabiyat main ajab takrar ki Khu hai
k ye iqrar k lafzon ko sunane se nahi thakati
bicharne ki ghari ho ya koi milane ki sa'at ho
ise bas ek hi dhun hai
kaho mujh se mohabbat hai
kaho mujh se mohabbat hai

kuch aisi besakuni hai vafa ki sarzaminon main
k jo ahal-e-mohabbat ko sada bechain rakhti hai
k jaise phul main Khsuhbu k jaise hath main tara
k jaise sham ka tara
mohabbat karne valon ki sahar raton main rahti hai
gumanam k shakhchon main ashiyan banata hai ulfat ka
ye ain visal main bhi hijr k khadshon main rahti hai

mohabbat k musafir zindagi jab kat chukte hain
thakan ki karachiyan chunte vafa ki ajarakn pahne
samay ki rahguzar ki aKhiri sarhad pe rukte hain
to koi dubati sanson ki dori tham kr
dhire se kahta hai
k ye sach hai na
hamari zindagi ik dusare k nam likhi thi
dhundhalaka sa jo ankhon k qarib-o-dur phaila hai
isi ka nam chahat hai
tumhen mujh se mohabbat thi
tumhen mujh se mohabbat hai

mohabbat ki tabiyat main
ye kaisa bachpana qudarat ne rakkha hai.

[life.]

Re: sirf Amjad Islam Amjad Poetry

aaNkhoN ka raNg, baat ka lehja badal gayaa
vo shaKhs ek shaam meiN kitnaa badal gayaa

kuch din to mera aks raha aaii’ne pe naqsh
phir yuuN huaa, ke khud miraa chehraa badal gayaa

jab apne apne haal pe hum tum na reh sake
to kyaa huaa jo ham se zamanah badal gayaa

qadmoN talay jo ret bichhi thii vo chal paRii
us ne chhuRaya haath to sehra badal gayaa

koyii bhi chiiz apni jagah par nahiN rahii
jaate hii ek shaKhs ke, kyaa kyaa badal gayaa

ik sarKhushi ki mauj ne kaisa kiyaa kamaal
wo bay-nayaaz saaraa ka saaraa badal gayaa

uTh kar chalaa gayaa koii waqfe ke darmiyaaN
pardaa uThaa to saara tamashaa badal gayaa

hairat se saare lafz use dekhte rahe
baatoN meN apni baat ko kaisaa badal gayaa

kehne ko ek sehn meN diivaar hii bani
i ghar ki fazaa makaan ka naqsha badal gayaa

shaayad vafa kay khel se uktaa gayaa tha vo
manzil kay paas aake jo rasta badal gayaa

qaayem kisii bhi haal pay duniya nahiN rahi
i ta’biir kho gayii kabhi sapnaa badal gayaa

manzar ka rang asl meiN saaya tha rang kaa
jis ne use jidhar say bhi dekhaa, badal gayaa

andar ke mausimoN ki khabar us ko ho gayi
i us nau-bahaar-e-naaz ka chehra badal gayaa

aankhoN meiN jitne ashk the jugnuu se ban gaye
vo muskuraaya aur mirii dunyaa badal gayaa

apni galii meN apna hi ghar dhuuNDhte haiN log
Amjad yeh kaun shehr ka naqsha badal gayaa!

[life.]

Re: sirf Amjad Islam Amjad Poetry

bhiiR meN ik ajnabii kaa saamna achcha lagaa
sab se Chhup kar vo kisii kaa dekhna achcha lagaa

surmai aankhoN ke niiche phuul se khilne lage
kehte kehte kuch kisii kaa sochna achcha lagaa

baat to kuch bhii nahiN thii lekin us kaa ek dam
haath ko hoNto pe rakh kar rokna achcha lagaa

chaaye main chiini milaana us ghaRii bhayaa bahot
zer-e-lab vo muskrataa shukriyaa achcha lagaa

dil meiN kitne ehd baaNdhe the bhulaane ke use
vo milaa to sab iraade toRnaa achcha lagaa

be iraadah lams kii vo sansanii pyarii lagii
kam tavajj’o aankh kaa vo dekhna achcha lagaa

niim shab kii Khamushi meN bhiigti saRkoN pe kal
terii yaadon ke jilau meiN ghuumna achcha lagaa

us udu-e-jaaN ko 'Amjad' maiN buraa kaise kahuN
jab bhii aayaa saamne vo bevafaa achcha lagaa

[life.]

Re: sirf Amjad Islam Amjad Poetry

dil ke dariya ko kisii roz utar jaanaa hai
itnaa be simt na chal, lauT ke ghar jaanaa hai

us tak aatii hai to har chiiz Thhahar jaatii hai
jaise paanaa hii use asl meN mar jaanaa hai

bol ai shaam-e-safar rang-e-rihaa’ii kyaa hai
dil ko ruknaa hai ke taaroN meN Thahar jaanaa hai

kaun ubharte hue mahtaab kaa rastaa roke
us ko har taur su-e-dasht-e-sahar jaanaa hai

maiN khilaa huuN to isii Khaak meN milna hai mujhe
vo to Khushbuu hai, use agle nagar jaanaa hai

vo tire husn kaa jaaduu ho ke meraa gham-e-dil
har musaafir ko isii ghaaT utar jaanaa hai

[life.]

Re: sirf Amjad Islam Amjad Poetry

khud apne liye baiTh ke socheN ge kisii din
yuuN hai ke tujhe bhuul ke dekheN ge kisii din

bhaTke huye phirte haiN kaii lafz jo dil meiN
duniya ne diya waqt to likkheN ge kisii din

hil jaayeN ge ik baar to arshoN ke dar-o-baam
ye khaak nashiiN log jo boleN ge kisii din

aapas ki kisii baat ka miltaa hii nahiiN vaqt
har baar ye kehte haiN keh “baiTheN ge kisii din”!

ai jaan tirii yaad ke be-naam parinde
shaaKhoN pe mire dard kii utreN ge kisii din

jaatii hai kisii jhiil ki gehraii kahaaN tak
aaNkhoN meiN tirii Duub ke dekheN ge kisii din

Khushbu se bharii shaam meiN jugnuu ke qalam se
ik nazm tire vaaste likkheN ge kisii din

soyeN ge tirii aaNkh ki Khalwat meiN kisii din
saaye meiN terii zulf ke jageN ge kisii din

sehra-e-Kharaabii ki isii gard-e-safaa se
phuuloN se bhare raaste nikleN ge kisii din

Khushbuu ki tarah misl-e-sabaa khvaab numaa se
galyoN se tire shahr kii guzreN ge kisii din

Amjad hai yahii ab k kafan baaNdh ke sar par
us shahr-e-sitamgaar meiN jaayeN ge kisii din!

[life.]

Re: sirf Amjad Islam Amjad Poetry

Paer Ko Deemak lag Jay Ya Adamzad Ko Gham
Dono ko hi Amjad hum ne Bachtay Dekha Kam

[life.]

Re: sirf Amjad Islam Amjad Poetry

Hans parta ha bohut zyada ghum main b Insaan
Bohut Khushi sey b tu ho jati hain Ankhain Nam