~~ Where there is love there is life ~~ collection from the painful heart of pErIsH_BoY .>>>>>>

[pErIsH_BoY]

Re: Nazmein ( Only in Urdu Font ).........!!!

کہیں وہ ملے تو اسے کہنا کہ لوٹ آؤ
لوٹ آؤ کہ کوئی شدت سے
بڑی مدت سے
بڑی محبت سے
تمہارا انتظار کر رہا ہے

لوٹ آؤ کہ کسی کی باتیں
کسی کی یادیں
کسی کی راتیں
تم بن بہت ادھوری ہیں

لوٹ آؤ کہ کوئی تم بن
پل پل ہر پل
ہر آج اور ہر کل تنہا ہے

لوٹ آؤ کہ دور ہونے سے
کسی کی آنکھوں میں نمی
اور زندگی میں کمی بہت زیادہ ہے
کہیں ملے تو اسے کہنا
لوٹ آؤ
بس
اب لوٹ آؤ

[pErIsH_BoY]

Re: Nazmein ( Only in Urdu Font ).........!!!

ہم اپنے خواب کیوں بیچیں

فقیرانہ روش رکھتے تھے
لیکن اس قدر نادار بھی کب تھے
کہ اپنے خواب بیچیں
ہم اپنے زخم آنکھوں میں لئے پھرتے تھے
لیکن روکشِ بازار کب تھے
ہمارے ہاتھ خالی تھے
مگر ایسا نہیں پھر بھی
کہ ہم اپنی دریدہ دامنی
الفاظ کے جگنو
لئے گلیوں میں آوازہ لگاتے
"خواب لے لو خواب"
لوگو
اتنے کم پندار ہم کب تھے
ہم اپنے خواب کیوں بیچیں
کہ جن کو دیکھنے کی آرزو میں
ہم نے آنکھیں تک گنوا دی تھیں
کہ جن کی عاشقی میں
اور ہوا خواہی میں
ہر ترغیب کی شمعیں بجھا دی تھیں
چلو ہم بے*نوا
محرومِ سقف و بام و در ٹھہرے
پر اپنے آسماں کی داستانیں
اور زمیں کے انجم و مہتاب کیوں بیچیں
خریدارو!
تم اپنے کاغذی انبار لائے ہو
ہوس کی منڈیوں سے درہم و دینار لائے ہو
تم ایسے دام تو ہر بار لائے ہو
مگر تم پر ہم اپنے حرف کے طاؤس
اپنے خون کے سرخاب کیوں بیچیں
ہمارے خواب بے *وقعت سہی
تعبیر سے عاری سہی
پر دل *زدوں کے خواب ہی تو ہیں
نہ یہ خوابِ زلیخا ہیں
کہ اپنی خواہشوں کے یوسفوں پر تہمتیں دھرتے
نہ یہ خوابِ عزیزِ مصر ہیں
تعبیر جن کی اس کے زندانی بیان کرتے
نہ یہ ان آمروں کے خواب
جو بے *آسرا خلقِ خدا کو دار پر لائیں
نہ یہ غارت* گروں کے خواب
جو اوروں کے خوابوں کو تہہِ شمشیر کر جائیں
ہمارے خواب تو اہلِ صفا کے خواب ہیں
حرف و نوا کے خواب ہیں
مہجور دروازوں کے خواب
محصور آوازوں کے خواب
اور ہم یہ دولتِ نایاب کیوں بیچیں
ہم اپنے خواب کیوں بیچیں؟

[pErIsH_BoY]

Re: Nazmein ( Only in Urdu Font ).........!!!

کیا بہت ضروری ہے؟

خواب پوش آنکھوں میں
آنسوؤں کا بھر جانا
حسرتوں*کے ساحل پر
تِتلیوں* کا مر جانا
حبس کی ہواؤں* میں
خوشبوؤں* کا ڈر جانا
دل کے گرم صحرا میں
حشر ہی بپا ہونا
درد لا دوا ہونا
کیا بہت ضروری ہے؟
اب تیرا جدا ہونا

[pErIsH_BoY]

Re: Nazmein ( Only in Urdu Font ).........!!!

“اب کے خواب ٹوٹا ہے
“

کئی بے قرار آنسو
آنکھوں سے بہہ نکلے تھے
آج کیا ہوا مجھ کو؟
اس طرح سے پہلے تو میں کبھی ٹوٹا نہ تھا

اس سفر زندگی میں کئی موڑ دیکھے تھے
کئی درد کے لمحے، کئی سوگ کی راتیں
کئی روگ کی باتیں
ہنس کے ہم نے سہہ لی تھیں

آنکھیں تب بھی چپ تھیں
دل گرچہ ٹوٹا تھا

پھر!!!

آج کیا ہوا مجھ کو؟
اس طرح سے پہلے تو میں کبھی نہ ٹوٹا تھا

پر تب کی بات اور تھی شاید

“اب کے خواب ٹوٹا ہے“

مدتوں جسے میں نے آنکھوں میں بسایا تھا
ہاں میرا وہی سپنا
مجھ سے آج چھوٹا ہے

تب کی بات اور تھی شاید

“اب کے خواب ٹوٹا ہے

[pErIsH_BoY]

Re: Nazmein ( Only in Urdu Font ).........!!!

محبت کچھ نہیں ہوتی

مجھے اکثر یہ کہتی تھی محبت کچھ نہیں ہوتی
ہجر کا خوف بے مطلب، وصل کے خواب بے معنی
کوئی صورت نگاہوں میں کہاں دن رات رہتی ہے
اسے کیوں خامشی کہیے کہ جس میں بات رہتی ہے
یہ آنسو، بے زباں آنسو، بھلا کیا بول سکتے ہیں
کہاں دل میں کسی کی یاد سے طوفان اٹھتے ہیں
کہاں پلکوں کے سائے میں نمی دن رات رہتی ہے
کہاں ہوتی ہیں وہ آنکھیں جہاں برسات رہتی ہے
مجھے اکثر یہ کہتی تھی محبت کچھ نہیں ہوتی!

مگر جب آج برسوں بعد میں نے اُس کو دیکھا ہے
کہ اُس کی جھیل آنکھوں میں ہجر کا خوف رہتا ہے
وصل کے خواب رہتے ہیں وہاں برسات رہتی ہے
یوں لگتا ہے کئی راتوں سے وہ سوئی نہیں شاید
یوں لگتا ہے کسی کی یاد اب دن رات رہتی ہے
اور اس کی نرم پلکوں کے حسیں سائے بھی گیلے ہیں
اور اُس کی خامشی ایسی کہ جس میں بات رہتی ہے
مجھے اب وہ نہیں کہتی محبت کچھ نہیں ہوتی
کہ اب شاید محبت کی وہ سب رمزیں سمجھتی ہے

[pErIsH_BoY]

Re: Nazmein ( Only in Urdu Font ).........!!!

"ہوا کے ہاتھ ایک پیغام"

اُسے کہنا!
ابھی تک دل دھڑکتا ہے
ابھی تک سانس چلتی ہے
ابھی تک یہ مری آنکھیں
سہانے خواب بنتی ہیں
مرے ہونٹوں کی جنبش میں
تمہارا نام رہتا ہے
ابھی بارش کی بوندوں میں
تمہارا پیار باقی ہے
اُسے یہ بھی بتا دینا
ابھی اظہار باقی ہے
ابھی یادوں کے کانٹوں سے
مرا دامن الجھتا ہے
تمہارا پیار سینے میں
کہیں اب بھی دھڑکتا ہے
ہوا اب بھی موافق ہے
ہمارے ساتھ چلتی ہے

اُسے کہنا!
جدائی کا ابھی موسم نہیں آیا
محبت کی کہانی میں
کہیں پر غم نہیں آیا
مگر سب کچھ بدلنے میں
بھلا کیا دیر لگتی ہے
کسی کی یاد ڈھلنے میں
بھلا کیا دیر لگتی ہے
نئی صبح نکلنے میں
بھلا کیا دیر لگتی ہے

اُسے کہنا!
وہ جلدی فیصلہ کر لے!
نئے رستوں پہ چلنے میں
بھلا کیا دیر لگتی ہے

[pErIsH_BoY]

Re: Nazmein ( Only in Urdu Font ).........!!!

بچھڑنے والے!
تجھے خبر ہے؟
کہ تیرے جانے سے میرا جیون
ہزار خانوں میں بٹ گیا ہے
تجھے خبر ہے بچھڑنے والے!
کہ میری خوشیاں ہی کھو گئی ہیں
میں کتنا تنہا سا ہوگیا ہوں
وجود میرا تو اس سفر میں
یہ دیکھ زخموں سے اَٹ گیا ہے
میں سوچتا ہوں!
مگر یہ سوچیں،
کیوں ایک نقطے پہ جم گئی ہیں
کیوں لگ رہا ہے!
کہ جیسے سانسیں ہی تھم گئی ہیں!
مجھے بتا دے بچھڑنے والے!
کہ کیسے خود کو سنبھالنا ہے
ہجر کے رستے پہ چلتے چلتے
یہ میرے پاؤں لہو لہو ہیں
یقین کر لے میں تھک گیا ہوں
بچھڑنے والے! تجھے خبر ہے
میں کب کا خود سے بچھڑ چکا ہوں

[pErIsH_BoY]

Re: Magr main jis traf nikla mere sath tum thy.

shukriya

[pErIsH_BoY]

Re: کوئی تو بات ایسی تھی

shukriya

[pErIsH_BoY]

Re: چنچل نین کٹورے تیرے، گال گُلابی کورے تیرے

shukriya

[pErIsH_BoY]

Re: گواہی ۔۔۔

shukriya

[pErIsH_BoY]

Re: ! حقیقت آشنا میرے ۔ ۔ ۔

shukriya

[pErIsH_BoY]

Re: Mein Bhi Aam See Larki Hon

shukriya

[pErIsH_BoY]

Re: Achhi Larki,

shukriya

[pErIsH_BoY]

Re: lakeer

shukriya