sarfraz chouhdary,s most wanted

[sarfraz_qamar]

Re: sarfraz chouhdary,s most wanted

ye husn teraa ye ishq meraa
rangiin to hai bad_naam sahii
mujh par to ka_ii ilzaam lage
tujh par bhii ko_ii ilzaam sahii

is raat kii nikharii rangat ko
kuchh aur nikhar jaane de zaraa
nazaro.n ko bahak jaane de zaraa
zulfo.n ko bikhar jaane de zaraa
kuchh der kii hii taskiin sahii
kuchh der kaa hii aaraam sahii

jazbaat kii kaliyaa.N chunanaa hai
aur pyaar kaa tohfaa denaa hai
logo.n kii nigaahe.n kuchh bhii kahe.n
logo.n se hame.n kyaa lenaa hai
ye Khaas ta'alluq aapas kaa
duniyaa kii nazar me.n aam sahii

[sarfraz_qamar]

Re: sarfraz chouhdary,s most wanted

inhii.n Khush_gumaaniyo.n me.n kahii.n jaa.N se bhii na jaao
vo jo chaaraagar nahii.n hai use zaKhm kyuu.N dhikhaao

ye udaasiyo.n ke mausam kahii.n raayegaa.N na jaaye.N
kisii zaKhm ko kuredo kisii dard ko jagaao

vo kahaaniyaa.N adhuurii jo na ho sake.ngii puurii
unhe.n mai.n bhii kyuu.N sunaa_uu.N unhe.n tum bhii kyuu.N sunaao

mere ham_safar puraane mere ab bhii muntazir hai.n
tumhe.n saath chho.Danaa hai to abhii se chho.D jaao

ye judaa_iyo.n ke raste ba.Dii duur tak gaye hai.n
jo gayaa vo phir na lauTaa merii baat maan jaao

kisii bevafaa kii Khaatir ye junuu.N 'Faraz' kab tak
jo tumhe.n bhulaa chukaa hai use tum bhii bhuul jaao

[sarfraz_qamar]

Re: sarfraz chouhdary,s most wanted

zaraa chehare se kamalii ko haTaa do yaa rasuulallaah
hame.n bhii apanaa diivaanaa banaa do yaa rasuulallaah

muhabbat Gair se merii chhu.Daa do yaa rasuulallaah
merii so_ii hu_ii qismat jagaa do yaa rasuulallaah

ba.Dii qismat hamaarii hai ki ummat me.n tumhaarii hai.n
bharosaa diin duniyaa me.n tumhaaraa yaa rasuulallaah

andherii qabr me.n mujh ko akelaa chho.D jaaye.nge
vahaa.N ho fazl se tere ujaalaa yaa rasuulallaah

Khudaa mujh ko madiine me.n jo pahu.Nchaaye to bahatar hai
ki rauze par hii de duu.Ngaa jaa.N tak yaa rasuulallaah

[sarfraz_qamar]

Re: sarfraz chouhdary,s most wanted

kuchh ishq thaa kuchh majabuurii thii so mai.n ne jiivan vaar diyaa
mai.n kaisaa zindaa aadamii thaa ik shaKhs ne mujh ko maar diyaa

ye sajaa sajaayaa ghar saaqii merii zaat nahii.n meraa haal nahii.n
ai kaash kabhii tum jaan sako jo us sukh ne aazaar diyaa

mai.n Khulii hu_ii ik sachchaa_ii mujhe jaanane vaale jaanate hai.n
mai.nne kin logo.n se nafrat kii aur kin logo.n se pyaar kiyaa

vo ishq bahut mushkil thaa magar aasaan na thaa yuu.N jiinaa bhii
us ishq ne zindaa rahane ka mujhe zarf diyaa pindaar diyaa

[sarfraz_qamar]

Re: sarfraz chouhdary,s most wanted

dekh kar us hasiin paikar ko
nashaa-saa aa gayaa samandar ko

Dolatii Dag_magaatii-sii naav
pii ga_ii aa ke saare saagar ko

Khushk pe.Do.n me.n jaan pa.Dane lagii
dekh kar ruup ke samandar ko

bahar pyaase kii justajuu me.n hai
hai sadaf kii talaash gauhar ko

[sarfraz_qamar]

Re: sarfraz chouhdary,s most wanted

aataa hai kis andaaz se tuk naaz to dekho
kis dhaj se qadam pa.Dataa hai andaaz to dekho

karataa huu.N mai.n duz_diidaa nazar gar kabhii us par
nazaro.n me.n paraKh le hai nazar_baaz to dekho

mai.n kanguraa-e-arsh se par maar ke guzaraa
allaah re rasaa_ii merii paravaaz to dekho

ab_tar hai ye diivaa.N to miyaa.N 'Mussahfi' saaraa
anjaam ko kyaa kahate ho aaGaaz to dekho

[sarfraz_qamar]

Re: sarfraz chouhdary,s most wanted

jism apanaa hai ko_ii aur na saayaa apanaa
jaane is ziist me.n hai kaun saa rishtaa apanaa

tuune kis mo.D pe chho.Daa thaa mujhe umr-e-ravaa.N
tak rahaa huu.N ka_ii sadiyo.n se mai.n rastaa apanaa

ham rahe bhii to badalate hue mausam kii tarah
terii aa.Nkho.n me.n ko_ii aks na Thaharaa apanaa

ik teraa Gam thaa ba_har_rang jo shaadaab rahaa
is shajar ne giraayaa ko_ii pattaa apanaa

[sarfraz_qamar]

Re: sarfraz chouhdary,s most wanted

rokataa hai Gam-e-izhaar se pindaar mujhe
mere ashko.n se chhupaa le mere ruKhsaar mujhe

dekh ai dasht-e-junuu.N bhed na khulane paaye
Dhuu.NDhane aaye hai.n ghar ke dar-o-diivaar mujhe

sii diye ho.nTh usii shaKh kii majabuurii ne
jis kii qurbat ne kiyaa maharam-e-asraar mujhe

merii aa.Nkho.n kii taraf dekh rahe hai.n anjum
jaise pahachaan ga_ii ho shab-e-bedaar mujhe

[sarfraz_qamar]

Re: sarfraz chouhdary,s most wanted

tum se ulfat ke taqaaze na nibaahe jaate
varnaa ham ko bhii tamannaa thii ke chaahe jaate

dil ke maaro kaa na kar Gam ki ye andoh_nasiib
zaKhm bhii dil me.n na hotaa to karaahe jaate

dii na mohalat hame.n hastii ne vafaa kii varnaa
aur kuchh din Gam-e-hastii se nibaahe jaate

[sarfraz_qamar]

Re: sarfraz chouhdary,s most wanted

nazar se justajuu bekaar nikalii
Khud apane aap se do-chaar nikalii

Kirad ko thii ye Khush_fahamii ki dar hai
pas-e-diivaar bhii diivaar nikalii

mujhe hasarat thii jis taab-e-suKhan kii
vahii shai is kii bhii dar_kaar nikalii

chhuTaa aaKhir ko duniyaa se to dekhaa
mohabbat hii gale kaa haar nikalii

nigaahe.n jhuk ga_iii.n jab Khud_pasandii
barahanaa barasar-e-darbaar nikalii

nihaal-e-fiqr kii shaaKhe.n namuudaar
qalam hokar bhii kyaa gul_naar nikalii

[sarfraz_qamar]

Re: sarfraz chouhdary,s most wanted

dil me.n jo kuchh hai abhii us kii paziiraa_ii nahii.n
hamaa Khushbuu huu.N par khilane kii gha.Dii aa_ii nahii.n

ankahii baat ke sau ruup kahii baat kaa ek
kabhii sun vo bhii jo minnat-e-kash-e-goyaa_ii nahii.n

merii nazaro.n me.n hai khilate hue phuulo.n kii tarah
vo namii jo abhii shaaKho.n me.n bhii laharaa_ii nahii.n

kyaa manaazir the ki jo dekhatii aa.Nkho.n ko dekhe
Khvaab bunataa huu.N ki aasuudaa-e-biinaa_ii nahii.n

[sarfraz_qamar]

Re: sarfraz chouhdary,s most wanted

kam nahii.n merii zindagii ke liye
chain mil jaaye do gha.Dii ke liye

ai dil-e-zaar kaun hai teraa
kyo.n ta.Dapataa hai yuu.N kisii ke liye

kitane saamaan kar liye paidaa
itanii chhoTii sii zindagii ke liye

aisaa 'Faiyyaz' Gam ne gheraa hai
lab taras hii gaye ha.Nsii ke liye

[sarfraz_qamar]

Re: sarfraz chouhdary,s most wanted

aa_iinaa hairaan hai aur aasmaa.N rone ko hai
is tamaash_gaah me.n ab aur kyaa hone ko hai

kashtagaan-e-dard ko jaa.N kii amaa.N kaise mile
zindagii kii har duaa apanaa sar khone ko hai

niind ke maare kisii sapane kii Khvaahish kyaa kare.n
har gha.Dii mahasuus hotaa hai sahar hone ko hai

kis ke naqsh-e-paa ko samajhe.n apanii manzil kaa nishaa.N
jhaag u.Daatii mauj aakar har nishaa.N dhone ko hai

kaash ye ko_ii sitaaraa yaa ko_ii juganuu kahe
har andheraa kah rahaa hai roshanii hone ko hai

[sarfraz_qamar]

Re: sarfraz chouhdary,s most wanted

aaj jaane kii zid na karo
yuu.N hii pahaluu me.n baiThe raho
haaye! mar jaaye.ge, ham to luT jaaye.ge
aisii baate.n kiyaa na karo

tum hii socho zaraa kyuu.N na roke tumhe.n
jaan jaatii hai jab uThake jaate ho tum
tum ko apanii kasam jaan-e-jaa.N
baat itanii merii maan lo

vaqt kii qaid me.n zindagii hai magar
chand gha.Diyaa.N yahii hai.n jo aazaad hai
in ko kho kar abhii jaan-e-jaa.N
umr bhar na taraste raho

[sarfraz_qamar]

Re: sarfraz chouhdary,s most wanted

ham hii aaGaaz-e-mohabbat me.n the anjaan bahut
varnaa nikale the tere vasl ke unvaan bahut

dil bhii kyaa chiiz ab paa ke use sochataa huu.N
kyaa isii vaaste chhaane the bayaabaan bahut

ai Gam-e-ishq merii aa.Nkh ko patthar kar de
hai.n mere sar pe tere aur bhii ehasaan bahut

faasale raah-e-ta'alluq ke miTe.nge kyuu.N kar
husn paaband-e-anaa ishq tan aasaan bahut